DUMALO ang cast at crew ng My Plantito sa fan meet na ginanap noong Setyembre 16, kabilang ang kapana-panabik na tambalan ng mga bida ng serye, sina Kych Minemoto at Michael Ver.

Kasama ang iba pang artista na sina Ghaelo Salva, Devi Descartin, Elora Espano at Derrick Lauchengco.

Nagkaroon nga ng pagkakataon ang mga masugid na tagapanood ng kauna-unahang BL (Boy-Love) na serye ng Puregold Channel, ang My Plantito, na makasama ang mga artista ng palabas at ang mga lumikha nito, sa isang hapon ng saya, kilig, at malalaking sorpresa, sa Puregold QI Central.

Masigabo rin ang pagtanggap ng mga dumalo sa premyadong direktor na si Lemuel Lorca, producer na si Chris Cahilig, at kay Ivy Hayagan-Piedad, Puregold senior marketing manager. Nagsilbing host ng fan meet ang aktor at modelo na si VJ Mendoza.

Natuwa si Ms. Piedad sa rami ng taong dumalo sa fan meet.

“Ang mga fan ng My Plantito–mula BL lovers, plantito at plantita, at iba pa–ay pumunta talaga para ipakita ang kanilang suporta sa serye. Pinapatunayan lamang nito na nasa tamang daan ang Puregold pagdating sa retailtainment,” pagbabahagi niya.

“Magtiwala kayo sa amin na ipagpapatuloy naming kumonekta sa mga suki at tagasubaybay sa pamamagitan ng mga kuwentong aantig sa puso ng mga Pilipino.”

Ibinahagi rin ni “Charming Charlie” ng My Plantito ang kanyang saya sa naging fan meet.

“Damang-dama namin ang ligaya at energy ng mga fan na pumunta sa event. Hindi matatawaran ang nakita naming mga ngiti nila. Masaya ako na kasama ako sa My Plantito, at kakaiba ang pakiramdam ng pagtanggap ng mga fan dito at sa ibang bansa.”

Sabik din ang misteryosong plantito na si Miko.

“Parang mainit na yakap ang fan meet na ito mula sa aming mga tagapanood. Natutuwa kaming makita kung paano nila sinusubaybayan ang pinaghirapan namin, at kung paano sila nakaka-relate sa kuwento. Itong suporta na ito ay nagtutulak sa amin at sa Puregold Channel na pagbutihin pa.”

Sa naganap na fan meet, dalawang swerteng fan ang nagkaroon ng pagkakataon na iuwi ang lahat ng produktong kaya nilang makuha sa One-Minute Puregold Grocery Hakot.

Isa pang inabangan sa fan meet ang pagtatanghal nina Kych at Michael, na talaga namang binuhay ang mga karakter nina Charlie at Miko sa harap ng kanilang mga fan.

Isang kaabang-abang na serye, nakatanggap ng positibong feedback ang My Plantito mula sa mga tagapanood, at bawat episode ay nakakakuha ng higit-milyong view kahit isang linggo pa lamang na nai-post sa Tiktok.

Nagustuhan ng mga fan ang magaang kuwento ng BL, at ang pagpapahalaga sa pamilya, pakikipagkaibigan, pagmamahal, at ligaya, mga bagay na importante sa mga Pilipino.

(ROHN ROMULO)

FEELING blessed ang Sparkle artists na sina Vince Maristela at Cheska Fausto dahil kasama sila sa cast ng ‘Love Before Sunrise’ ng GMA at Viu Philippines.

Sa naganap na yellow carpet event ng naturang teleserye sa SM Megamall Cinema 2, inamin ng dalawang SPARKADA members na sobra silang na-starstruck sa mga bida na sina Dennis Trillo at Bea Alonzo.

Kuwento ni Cheska at Vince na halos lahat ng eksena nila ay kasama ang dalawang big stars. Pareho raw silang kinakabahan pero very supportive daw sina Dennis at Bea at pinapanood daw nila ang mga eksena nila kahit di sila kasama.

Obviously na may relasyon sa totoong buhay sina Vince at Cheska. Kita iyon sa mga social media accounts nila.

Gusto namin sana tanungin si Vince kung ano ang nangyari sa kanila ni Roxie Smith na unang nakarelasyon niya bago si Cheska?

Si Roxie ang naging date niya last year sa GMA Gala at sa Halloween event ng Sparkle. Pero after a year, si Cheska na ang naka-date niya sa GMA Gala at laman ng kanyang socmed. Nawala na mga photos nila ni Roxie.

Sa isang interview ni Cheska, naging close daw sila ni Vince nung magkasama sila sa teleserye na ‘Luv Is: Caught In His Arms’. Malamang na nawalan ng time si Roxie kay Vince nung gawin nito ang teleserye na ‘Hearts On Ice’.

Sa Instagram ni Roxie, puro solo photos lang at panay ang pagbiyahe niya. Mukhang wala pa siyang bagong boyfriend after ni Vince.

***

NI-LAUNCH ni JC Regino ang bagong single niya titled “Tama Na Sa ’Kin Ikaw” under GMA Music. Ang nasabing love song ay tribute sa timeless hits ng April Boys.

Nakipag-collab si JC sa kanyang mga uncle na sina Vingo and Jimmy Regino.

“Ang song po na ‘Tama Na Sa ’Kin Ikaw, ibig sabihin you’re enough for me, ikaw lang sapat na. Pinapakita po doon ang pagmamahal ng isa tao na kahit kalian hindi niya ito ipagpapalit at hindi niya sasaktan ang taong mahal niya.”

Thankful si JC sa GMA Music dahil sa suporta sa collab na ito.

“Ako po ay sobrang nagpapasalamat sa GMA Music dahil napakaluwag po nilang katrabaho. Maalaga po sila and napakagaan po ng samahan namin at parang pamilya po talaga ang turing nila. Naramdaman ko po na hindi lang ako basta talent at puwede akong magbigay ng opinion or contribution sa bawat gagawin naming. Kaya nagpapasalamat po ako sa GMA Music family sa pagmamahal na binibigay nila.”

“Tama Na Sa ’Kin Ikaw,” under GMA Music, now available on digital platforms worldwide.

***

PAGKATAPOS magkaroon ng baby si Al Pacino sa kanyang girlfriend na si Noor Alfallah, naghiwalay na sila at nag-file si Noor ng physical custody para sa anak nilang si Roman.

Ayon sa isang source, hindi na raw madalas makita ng 83-year old veteran Hollywood actor na kasama ang 29-year old girlfriend.

Hindi pa rin daw nakikita ng ibang anak ni Pacino ang bago nilang kapatid.

Sa na-file na legal documents, ni-reveal ni Alfallah na bukod sa physical custody of the baby, hiling din niya ay “reasonable visitation” mula kay Pacino. She also wants to share legal custody with the two-time Oscar winner.

Kasama rin sa ang “voluntary declaration of parentage,” na pipirmahan ni Pacino at ng isang witness na si Pacino ang biological father.

(RUEL J. MENDOZA)