2023 September 12 Archive - People's Balita

Archive for September 12th, 2023

Confidential Funds sa OVP, DepEd boluntaryong iatras

Posted on: September 12th, 2023 by @peoplesbalita No Comments

IGINIIT ni dating Congressman Atty. Barry Gutierrez kay Vice President Sara Duterte na boluntaryong bawiin ang request na Confidential Funds para sa Office of the Vice President (OVP) at sa Department of Education (DepEd) para sa fiscal year 2024.

Sinabi ni Atty. Gutierez na mas mainam kung ang naturang pondo ay ilaan na lamang sa mas higit na pangangailangan ng mamamayan.

“Dito sa Confidential fund hindi mo na kailangan hintayin na kongreso mismo ang kumilos. Mismong si VP Sara, nakikita naman niya na may mga kwestyon dito, nakikita naman niya na may mga pangangailangan ‘yung iba, pwedeng ‘yung OVP mismo ang mag-request na wini-withdraw nila ang kanilang paghingi at Congress na lang ang maglilipat,” sabi ni Gutierrez.

Ang pahayag ay ginawa ni Gutierez bilang reaksyon sa mga katanungan kung maaaring maisagawa ang “re-alignment” sa kasalukuyang budget ng gobyerno.

“Pwede kasi on going pa ang budget process. Isa sa mga function ng kongreso natin habang pinag-uusapan ang General Appropriations Act ay titignan kung ano ba ‘yung mga proposed budget items dito na hindi naman talaga kailangaan,” dagdag ni Gutierez.

Suportado rin si Gutierez para sa reallocating ng pondo para sa ibang sektor tulad sa agrikultura upang makatulong ang pondo na maibsan ang epekto ng price ceilings sa mga retailers.

Aniya, mas mainam na mismong si VP Sara na ang magsagawa ng inisyatibo na bawiin ang kanyang request para sa Confidential Funds habang patuloy na tinatalakay ng Kongreso ang usapin hinggil dito.

DOH, isiniwalat ang komprehensibong aksyon upang matugunan ang mga problema sa nutrisyon sa PH

Posted on: September 12th, 2023 by @peoplesbalita No Comments

TINUTUGUNAN ng DOH ang isang komprehensibong diskarte na sumasaklaw hindi lamang sa mga umiiral na isyu laban sa undernutrition ngunit kabilang din ang mga alalahanin na may kaugnayan sa over nutrition, micronutrient malnutrition, at food security.

Ito ang isiniwalat ni Department of Health (DOH) Undersecretary Dr. Enrique Tayag bilang kasama sa mga “multi-faceted challenges” na tutugunan ng Philippine Plan of Action for Nutrition (PPAN) sa darating na taon.

Ibinahagi rin ni Tayag ang ilang pananaw sa mga “short-term plans” at mga target ng Philippine Plan of Action for Nutrition, na umani rin ng atensyon, hindi lamang mula sa DOH, kundi maging sa iba’t ibang sektor.

Aniya, ito ay sumasalamin sa isang kolektibong pangako upang matugunan ang mga hamon sa nutrisyon sa hinaharap.

Ayon kay Tayag sinimulan na ng DOH ang pakikipagtulungan sa iba pang sangay at ahensya ng gobyerno para matugunan ang mga sari-saring hamon na ito sa bansa.

Para sa food security, mahigpit na nakikipagtulungan ang DOH sa Department of Agriculture (DA) para mabawasan ang bilang ng mga Pilipinong kasama sa hunger surveys.

Sylvester Stallone Made $51 Million For ‘The Expendables’ Movies

Posted on: September 12th, 2023 by @peoplesbalita No Comments

SYLVESTER Stallone, the mastermind behind The Expendables franchise, and it may surprise fans to know how much he was paid for producing the four films as well as starring in them as mercenary Barney Ross.

Stallone reignited interest in the action movie stars of the ’80s and ’90s by getting actors like Arnold Schwarzenegger, Dolph Lundgren, and others together to collaborate as an elite special forces team. Filled with over-the-top action sequences, hilarious one-liners, and inside jokes about all the real people who inspire The Expendables characters as well as the actors themselves who have each headlined franchises in their heydays.

The Expendables 4 (Expend4bles) will be Stallone’s final film in the franchise, after which it will be led by Jason Statham as Lee Christmas. It’s possible that Sly will remain attached to the franchise as a producer, which can only add to his net worth if future films prove to be as successful.

There’s no denying however that the inclusion of Stallone in the mix with the rest of the larger-than-life personalities, often as the straight person for the more comical of The Expendables characters, has been one of the reasons that the movies have been so successful.

Stallone co-wrote, produced, and starred in the first three Expendables films, and received about $16 million a piece for them, according to Parade.com totaling about $48 million, while for The Expendables 4 he had a much smaller role and took a salary of $3 million. Each film had production costs of roughly $80-$100 million a piece and earned $214 million – $314 million at the box office.

Pals like Arnold Schwarzenegger, who appeared in The Expendables for about $10 million, and Harrison Ford in The Expendables 3 for about $7 million, contributed to the who’s who feeling of childhood heroes sharing in the same adventure.

Had Stallone made the films at the stars’ height of popularity back in the ’80s and ’90s, they would have easily cost $200 million in actor fees alone. Given that Stallone at one time commanded $20 – $30 million dollars for films like Rocky IV and Rambo II: First Blood Part II, which was on par with actors like Willis who commanded salaries of $25 million for Die Hard, the cost of getting the leaders of Hollywood action films together prevented this sort of movie from happening.

Stallone’s current net worth is somewhere around $400 million (via Celebrity Net Worth). In addition to everything he’s contributed to The Expendables movies, he co-wrote and directed four Rocky films, and currently stars in two popular television series, Tulsa King and The Family Stallone. Considering he was only paid $35,000 for the first Rocky movie and between $3.5 and $7 million for the first Rambo, Sly is making a respectable amount of money for an actor working in his ’70s given that his biggest films like Rocky IV and Rambo: First Blood Part II grossed $300 million, whose movies have grossed $4.5 billion worldwide.

From the Producer of “John Wick”, “Angel Has Fallen” and more, comes the 4th installment of this legendary franchise!

Gunning this September 20 in Philippine Cinemas, distributed nationwide by Viva Films International.

(ROHN ROMULO)

Kahit may namba-bash at nauumay na: MARIAN, tuloy lang sa paggawa ng dance videos na may million views

Posted on: September 12th, 2023 by @peoplesbalita No Comments

DAHIL sa bonggang-bongga na reaksyon ng netizens, tinuloy-tuloy na ni Kapuso Primetime Queen Marian ang paggawa ng dance videos sa TikTok.

Ang una niyang dance video na kung saan sinayaw niyang 2011 hit song ni Jessie J. na “Price Tag” ay nakakuha ng milyung-milyong views. Nasundan pa ito ng tatlong dance videos, kaya umabot na ng billions views,

Dahil dito, may latest upload si Marian para sa bagong dance challenge na kung saan ilang oras pa lang dahil nakukuha na agad ng million views. This time, naka-bonggang OOTD na ang aktres, at hindi naka-shirt at naka-cap, na kung saan umani ng iba’t-ibang reaction mula sa netizens…

“Nag million views lang ang mga dance saga hindi na inampatan gulatin mo na lang ulit kami sa 2024!”
“Yung first dance vid ok pa, after that cringey na.”
“Sayang naman ang outfit at make up, sayaw muna.”
“Maganda sya…pero umay na sa TikTok kineme nya
“Yes Hindi nakaka entertain.”
“Nakakasayaw lang pero kailangan pang pakuluan more para lumambot :)”
“Last mo na yan ha.”
“Yung galaw ng katawan nya pare-pareho lang kaya nakakaumay.”
“She needs a choreographer. Pare-pareho na lang ang itsura ng dance steps.”
“Pare pareho lang. wala sa timing pati expression ng mukha sablay. just dance marimar for sure sakto na yan.”
“Marian is so beautiful but this just straight up cringeeeeee.”
“Maganda ang styling nya dito pero this dance is waley.”
Say naman ng mga tagapagtanggol ni Marian, na natutuwa pa rin…
“Galeng. Kung ganyan naman talaga kaganda at ka-sexy hindi mapipigilan mo panoorin.”
“Sige lang Marian, kung Saan ka masaya at kumikita.”
“Pwede naman hindi nyo panoorin kung masyado ng cringey sa inyo. Di naman kayo ang target nyang audience. Dami nyong hanash!
“Sana next yung trending dance na Gento or yung Fantasize by Ariana.”
“Porke ba di na swak sa panlasa nyo titigil na sya? So kayo lang ba dapat ang ipi please nya?”
“Billion na views nya kasi e why stop now.”
“1st post, masaya pa mga tao sa yo. 2nd post, mahina na palakpak. 3rd post onwards lalabas na insecurities nila. Lalaitin ka na nila. Yan ang ginawa ng social media sa mga tao ngayon.”
“Same people na pumuri sa yo sa 1st post, same peeps na lalait sa yo sa next posts mo. Toxic Pinoys!”
“Calm Down naman ang next na sayawin mo Marian. Pang-inis lang sa mga taong naiinis na sa mga pagsayaw sayaw mo. LOL!”
“Sige lang Marian sayaw pa, as long na enjoy mo, para ang mga basher maumay at maumay sa kaka-bash sa iyo.”
“Daming nagre-request ehh, ano ba kayo, ingit lang ? kaya sayaw sa TikTok viral at millions views, tawa din kayo ahhh, good vibes lang tayo.”
“I love these kinds of Tik Thot dances. Very entertaining.”

Samantala, malapit nang mapanood si Marian sa kanyang primetime comeback sa newest series ng GMA-7, na may working title na ‘Against All Odds’ na kung saan matutuloy na ang naunsyaming pagtatambal nila ni Gabby Concepcion.

Tuloy-tuloy din ang pagdating ng endorsements ng mommy nina Zia at Sixto. At ngayong Sabado, September 16, 2023, abangan si Marian sa launch ng Solmux Advance Suspension, na “Jam: Ubo Free Ganap Ready!”, 4:00 pm sa SM North Edsa’s The Block Activity Center ng SM North Edsa.

Makakasama ng Solmux Advance’s brand ambassador sina Mikey Bustos at Dr. Kilimanguru.
Kitakits!

(ROHN ROMULO)

Ads September 12, 2023

Posted on: September 12th, 2023 by @peoplesbalita No Comments

Kelot kulong sa shabu at pandadakma ng puwit ng dalagita

Posted on: September 12th, 2023 by @peoplesbalita No Comments

KALABOSO ang 27-anyos na lalaki nang makuhanan ng shabu at panggigilang dakmain ang puwitan ng 16-anyos na dalagitang estudyante sa Valenzuela City.

Nahaharap sa kasong paglabag sa R.A. 11313 o ang Anti-Bastos Law at paglabag sa RA 9165 o Comprehensive Dangerous Drug Act ang suspek na si Jethro Dionson, ng16 Lemon St. Brgy. CAA BF. Homes, Las Piñas City.

Sa tinanggap na ulat ni Northern Police District (NPD) Director P/BGen. Rizalito Gapas mula kay P/Capt. Richie Garcia, Commander ng Valenzuela Police Sub-Station 9, nagtungo ang biktima, kasama ang mga kaibigan sa isang convenience Store sa Maysan Road, Brgy. Maysan upang bumili ng ice cream dakong alas-8:30 ng gabi.

Habang nakatayo ang biktima malapit sa pintuan ng establisimiento, nang biglang lumapit si Dionson at dinakma ang puwitan ng dalagita na napasigaw dahil sa pagbigla, sabay itinulak ang suspek.

Tumakbo ang suspek palabas at nagtago sa kalapit na terminal ng sasakyan habang isang rider naman na nakasaksi sa pangyayari ang humingi ng tulong sa nagpapatrulyang mga tauhan ng SS-9 na nagresulta sa pagkakadakip sa suspek.

Dinala ang suspek sa presinto at nang atasan siya na ilabas ang laman ng kanyang bulsa ay natuklasan ang isang plastic sachet na naglalaman ng .05 gramo ng shabu na nagkakahalaga ng P340.00. (Richard Mesa)

Kalihim Abalos ng DILG, idiniin ang kahalagahan ng agarang pagresolba sa problema sa droga sa Pilipinas

Posted on: September 12th, 2023 by @peoplesbalita No Comments

LUNGSOD NG MALOLOS – Binigyang diin ni Kalihim Benjamin “Benhur” C. Abalos, Jr. ng Department of the Interior and Local Government ang kahalagahan ng agarang pagtukoy at pagresolba sa pangunahing isyu ng bansa hinggil sa adiksyon sa droga.

Inihayag niya ito sa ginanap na paglulunsad ng BIDA B.I.K.E.R.S. (Bawal na gamot ay Iwasan, Magandang Kalusugan, Ehersisyo ay ReSponsibilidad Ko) Team Up with Kapitolyo For Life na nagsimula at nagtapos sa Bulacan Sports Complex, Brgy. Bagong Bayan dito matapos ang pagsikad sa 20 kilometro na ruta kahapon ng umaga.

Aniya, karamihan sa mga kriminal na kaso sa bansa ay nagmumula sa mga kaso na may kaugnayan sa droga.

“Sa lahat ng mga kasong dinala sa harap ng korte, 60-70% ay may kaugnayan sa droga. Ang droga ay parang puno, kahit putulin mo ang sanga, posible pa rin itong magkaruon ng bagong sanga. Tayo ay tumulong sa pulis, sa PDEA, at sa NBI. Habang hinuhuli nila ang mga sangkot, bago pa ito mapalitan ng iba, tayo ay magtuon na agad sa problema at alamin ang pinagmumulan,” ani Abalos.

Bukod sa laban sa iligal na droga, sinabi ni Gob. Daniel R. Fernando na isa rin sa pangunahing layunin ng programa ay ang promosyon sa pagkakaroon ng malusog na pamumuhay sa lalawigan at himukin ang mga Bulakenyo na bigyang prayoridad din ang kanilang kalusugan.

“Ang pagpapalaganap ng malusog na pamumuhay ay hindi lamang responsibilidad ng bawat isa, kundi isang layunin ng buong lalawigan. Sa tulong ng BIDA, hinihikayat natin ang ating mga kababayan na maging bahagi ng solusyon sa mga problemang panlipunan gaya ng bawal na gamot at iba pang panganib sa kalusugan,” ani Fernando.

May kabuuang 2,775 siklista mula sa iba’t ibang lungsod at bayan sa Bulacan ang pumadyak at binagtas ang ruta sa mga barangay ng Sta. Cruz at Sta. Rita, Guiguinto; Poblacion, Plaridel; at Mojon, Lungsod ng Malolos upang makilahok sa kampanya laban sa iligal na droga at para sa malusog na pamumuhay.

Dumalo rin sa BIDA Bikers Program sina Bise Gob. Alexis C. Castro, Panlalawigang Tagapangasiwa Antonette V. Constantino, mga Bokal Romina Fermin, Allan Andan, at Cezar Mendoza, DILG Undersecretary Abgd. Margarita Gutierrez, Undersecretary Abgd. Odilon Pasaraba, mga Kongresistang Salvador Pleyto at Danny Domingo, Punong Lungsod Christian Natividad ng Lungsod ng Malolos, Undersecretary for Plans, Public Affairs and Communication Margarita Gutierrez, Police Regional Office 3 Director BGen. Jose Hidalgo, Jr., Bulacan Police Provincial Office Director Col. Relly Arnedo, Bulacan BFP Provincial Fire Marshal Supt. Janeth Jusayan, at mga pinuno ng tanggapan at kawani ng Pamahalaang Panlalawigan.

Maliban sa pagiging bahagi ng Singkaban Festival 2023, inilunsad ang BIDA Bikers Program bilang suporta sa Republic Act 6975 o DILG Act of 1990 na layuning gawing operasyonal at masimulan ang panawagan para sa makabuluhang reporma sa mga pampublikong serbisyong pangkaligtasan ng bansa, lalo na para sa mga unipormadong ahensiya sa ilalim ng DILG.

Pansamantalang rice tariff cut na 0-10%, no toll hikes para sa agri-trucks, ipinanukala ng DoF

Posted on: September 12th, 2023 by @peoplesbalita No Comments

NAGPANUKALA ang Department of Finance (DOF) ng ilang hakbang sa gitna ng pagpapatatag sa presyo ng bigas.

Isa itong sitwasyon para mapilitan ang pamahalaan na magpatupad ng “unprecedented price control” sa nasabing produkto.

Sinabi ni Finance Secretary Benjamin Diokno, kailangan na i-adopt ng gobyerno ang isang comprehensive approach para makatulong na masiguro na ang suplay ng bigas ay mananatiling sapat sa tinapyasang halaga.

Dahil dito, ipinanukala ng DOF ang “the reduction of the 35% rice import tariff rates, both ASEAN and MFN [most favored nation] rates, temporarily to 0% or maximum of 10% to arrest the surge in rice prices.”

Winika ng Kalihim na ang bigas ang pinakamalaking contributor sa inflation, binigyang diin ang pangangailangan na ipanukala ang tariff reduction para sa rice imports.

“Inflation, or the rate of increase in the prices of consumer goods and services, accelerated to 5.3% in August, faster than the 4.7% rate seen in July,” ayon kay Diokno.

“Usually ang reduction is one year and puwede naman i-extend,” dagdag na pahayag nito sabay sabing duration o tagal ng pansamantalang pagtapyas sa rice tariffs ay magiging “subject” pa rin sa serye ng pagdinig.

Ang tariff cut aniya ay maaaring ipatupad nang paunti-unti, subalit may posibilidad na puwede itong isang “outright full rate reduction.”

“May proposal na it should be gradual… e kung drastic ‘yung price increase, then pwede drastic yung [tariff cut]… d’i naman necessarily bad ang drastic,” aniya pa rin.

Ukol naman sa magiging epekto ng panukalang tariff cut sa local rice farmers, sinabi ni Diokno na “In government, you think of the greatest good for the greatest number. Sino ba mas madami? Madami ‘yung consumers kesa sa farmers.”

Hindi na aniya kailangan ang batas para sa temporarily cut tariffs.

“Puwede mo lang i-adjust pagka Congress is not in session. That’s the Constitutional provision,” ani Diokno.

“We have to wait for the recess…Magre-recess na sila sa October,” lahad nito.

Sa kabilang dako, nakikipagtulungan naman ang DoF sa tollway concessionaires at operators “for the temporary exemption of trucks that cater to agricultural goods from the increase in toll fees.”

Ayon kay Finance Undersecretary Zeno Abenoja na pumayag na ang tollway operators sa nabanggit na panukala.

“The private concessionaires, they agreed with the proposal. They’re just trying to define the guidelines on how to identify these delivery trucks,” ani Abenoja.

Nilinaw ni Diokno na ang exempted lamang ay ang toll increase, ibig sabihin, ang mga trucks na ginagamit ng agriculture sector ay magbabayad pa rin ng toll fee sa umiiral sa rates bago ang kamakailan lamang na adjustments.

“’Di ito mandatory, makikiusap kami. That’s the idea,” ayon kay Diokno.

Tinuran ni Abenoja na nagpasaklolo na ang DoF sa Department of Transportation, Toll Regulatory Board, at Land Transportation Franchising and Regulatory Board para pag-usapan ang nasabing panukala kasama ang tollway concessionaires.

“The discussions are ongoing,” ayon kay Abenoja.

Samantala, hinikayat naman ng DOF ang pribadong sektor para sa napapanahong importasyon o pag-angkat ng bigas para makatulong na matugunan ang tumataas na presyo ng bigas.

Ang panukala ng departamento ay “full implementation of the Super Green Lane that authorizes the use of Electronic Data Interchange that will allow for the advance processing and clearance of the shipments of the country’s topmost qualified importers.”

“There is also a need to curb non-competitive behavior in the rice industry by aggressively pursuing cases of hoarding, smuggling, and economic sabotage; strictly monitoring the prices of imported rice in the logistics chain; and encouraging the public, including retailers, to report individuals violating price caps on rice,” ayon kay Diokno.

“At the same time, we have to pursue programs to protect vulnerable sectors by safeguarding our farmers from the effect of the price ceiling; provide targeted subsidies to small traders and retailers of rice; and provide support to low-income households to address the impact of the surge in rice prices,” dagdag na pahayag nito. (Daris Jose)

Presyo ng mga bigas, magiging stable -DA

Posted on: September 12th, 2023 by @peoplesbalita No Comments

KUMPIYANSANG sinabi ng Department of Agriculture (DA) na magiging stable na ang presyo ng bigas at palay dahil magsisimula na ang pag-ani ng mga nasabing pangunahing tanim ngayong Setyembre at Oktubre.

Target ang initial harvest na 5 milyong metriko tonelada.

Base sa Philippine Rice Information System (PRiSM), tinatayang “as of August 14”, ang inisyal na naani na palay ay umabot sa 2 MMT sa pagtatapos ng Setyembre at 3 MMT sa buwan ng Oktubre, may kabuuang 5 MMT.

“In all, for the second semester, or July to December, we estimate to produce more than 11 million metric tons, and barring strong typhoons in the remaining months of the year, we hope to hit the 20-million MT level for 2023 national palay output,” ang sinabi ni DA Undersecretary for Rice Industry Development Leo Sebastian sa kanyang report kay Pangulong Ferdinand Marcos Jr.

Nauna rito, inaprubahan naman ng Pangulo ang rekomendasyon ng DA at Department of Trade and Industry (DTI) na magtakda ng price ceilings sa bigas sa bansa sa gitna ng pagtaas ng retail price sa bigas sa lokal na pamilihan.

“This set the mandated price ceiling for regular milled rice at P41 per kilo and P45 per kilo for well-milled rice,” ang nakasaad sa Executive Order No. 39.

Para sa buwan ng Setyembre, sinabi ni Sebastian na iniulat ng Philippine Rice Industry Stakeholders Movement (PRISM) na ang bulto ng 2.3 MMT na ani ay manggagaling mula sa:

Isabela (419,000+ MT), Cagayan (172,000+ MT), Iloilo (148,000+ MT), Nueva Ecija (137,000+ MT), North Cotabato (95,000+ MT), Leyte (91,000+ MT), Oriental Mindoro (77,000+ MT), Camarines Sur (76,000+ MT), Palawan (73,000+ MT), Bukidnon (61,000+ MT), Zamboanga del Sur (55,000+ MT), at Davao del Norte (52,000+ MT)

Tinatantya na 2.9-MMT na palay ang maaani, habang inaasahan naman na magmumula ito sa mga lalawigan gaya ng:

Nueva Ecija (440,000+ MT), Pangasinan (258,000+ MT), Tarlac (172,000+ MT), Isabela (163,000+ MT), Occidental Mindoro (153,000+ MT), Cagayan (151,000+ MT), Oriental Mindoro (110,000+ MT), Palawan (90,000+ MT), Bulacan (74,000+ MT), Iloilo (74,000+ MT), Bukidnon (69,000+ MT), Agusan del Sur (61,000+ MT), Ilocos Sur (59,000+ MT), Leyte (55,000+ MT), at Camarines Sur (53,000+ MT) sa pagtatapos ng buwan ng Oktubre.

Sa panahon ng 2023-2024 dry season, winika ni Sebastian na ang DA, sa ilalim ng Masagana Rice Industry Development Program ni Pangulong Marcos, ay patuloy na magbibigay sa mga clustered rice farmers ng kinakailangan ng mga ito na “high-yielding seeds, fertilizers, biofertilizers, soil ameliorants, farm machinery, and extension, financial, at marketing support.

“Initially, we will focus on fully irrigated clustered farms to optimize palay yield, where farmers would plant high-yielding hybrid rice varieties, to at least one million hectares (ha), and we expect them to produce an average of six to eight MT per hectare, for a total of 6 to 8 MMT,” dagdag na pahayag nito. (Daris Jose)

‘Sign of love’ sa kapatid na pumanaw: ELIJAH, nagpa-tattoo para ‘di nila makalimutan si JM

Posted on: September 12th, 2023 by @peoplesbalita No Comments

PARA hindi makalimutan ni Elijah Canlas ang kanyang pumanaw na kapatid na si JM Canlas, nagpalagay ito ng tattoo na ang design ay ang trademark thumbs up pose ni JM.

Pati raw ang isa nilang kapatid na si Jerom ay nagpalagay din ng tattoo.

Sign of love daw nila ito para kay JM na sa edad na 17 ay nagpaalam na sa kanila.

Ayon kay Elijah, noon pa raw gusto ni JM na magkaroon ng maraming tattoo sa kanyang braso, kaso lang ay hindi siya pinapayagan ng kanilang ina.

Ngayon daw ay may blessing na mula sa kanilang ina na magpalagay sila ng tattoo para raw parati nilang maramdaman ang presence ni JM.

Pinost ni Elijah ang specially-designed tattoo niya sa braso via Instagram.

“Remember when you’d always joke about wanting to get a full sleeve of tattoos, JM? Tapos sasakyan ko yung pagbibiro mo kay mom until she gets pissed and tells us to not go home if we do push through with it.

“Guess what? Kuya Jerom and I just got tattooed today. We even brought Iya with us. Mom’s fine with it now. She actually wants to get one herself. Even Dad wants to get tatted now.

“Pero siyempre tungkol sa’yo ang design. Your favorite thumbs up pose with your name enlaced on it designed by ate Zia. Our cousins also got the same design marked on them. Matching kami lahat.

“I want you with me forever and always. We all do. I can’t believe it hasn’t even been a month. Thank you for being my strength. I miss you so much it hurts. Pero kaya ito ni kuya. Kaya namin ito. We love you more than anything, JM! Habang buhay. Habambuhay.”

August 3, 2023 noong pumunaw si JM na nag-struggle dahil sa mental health issues nito.

***

MASAYA ang R&B singer na si Jay-R dahil sa collab nila ni Asia’s Songbird Regine Velasquez.

On Instagram, pinost ni Jay-R ang isang video clip ng recording session nila ni Regine.

“I’m blessed with this brand new collab we’re working on. Thank you @reginevalcasid,” caption pa niya.

Kelan lang ay naging success ang reunion concert nila ni Kyla at nakapag-release pa si Jay-R ng dalawang bagong singles na ‘New Day’ at ‘Blessed’.

Sa November ay tuloy na ang US tour ni Jay-R para sa kanyang 20th anniversary na may titulo na ’20 Up Tour’ na magki-kick off sa Orange County, California.

Post niya sa IG, “Join me on November 18, 2023, at the Garden Grove Amphitheater in Orange County as we kick off my 20 Up Tour! I’m ecstatic to celebrate two decades in the entertainment world, proudly wearing my crown as the King of R&B. Don’t let this historic event slip away – grab your tickets ASAP and let’s make unforgettable memories together! Link for tickets in my bio. #20UpTour #KingOfRnB #OrangeCountyCelebration”

Si Regine naman ay may upcoming concert din November 25 titled ‘Regine Rocks’ sa MOA Arena.

***

OFFICIALY off the bachelor’s market na ang Marvel actor na si Chris Evans dahil kasal na ito sa kanyang girlfriend na si Alba Baptista.

According to People Magazine, the couple tied the knot in a ceremony at a private estate in Cape Cod, Mass., on Saturday, September 9.

Report naman ng Page Six: “The nuptials were locked down tight, as guests signed NDAs and phones were forfeited.”

Kasama sa exclusive guest list ay mga colleagues ni Chris sa Marvel Cinematic Universe (MCU) na sina Robert Downey Jr., Chris Hemsworth, Jeremy Renner, plus Emily Blunt and husband John Krakinski.

Noong November 2022 nagsimula ang romance nila Chris at Alba. Naging official sila via Instagram noong January 2023.

The 42-year old Captain America star was named Sexiest Man Alive last 2022 and in an interview, he said marriage was “absolutely something I want.”

(RUEL J. MENDOZA)