MAY bali-balita palang pwede raw bumalik si Willie Revillame sa GMA-7, pero madali namang nilinaw ito ni GMA Senior Vice President Annette Gozon-Valdes na hindi iyon totoo.

“Kasi as of now, wala kaming available timeslot talaga. Kasi, di ba dati nandun siya sa slot before “24 Oras?” But magbabalik na muli ang “Family Feud”, Philippines na nag-season break lamang last June 2023.

“Muli naming binili iyong franchise ng family game show, kaya abangan na lamang natin ang muling pagbabalik ni game master, Kapuso Primetime King Dingdong Dantes. Patapos na rin ang taping ng primetime mystery action series nilang “Royal Blood” na napapanood gabi-gabi sa GMA-7.”

May isa pang nilinaw si Ms. Annette, ang balitang hindi na nila iri-renew ang kontrata ng TAPE, Inc. sa GMA. Matagal pa raw matatapos ang contract nila, sa end pa ng 2024, kaya sa ngayon ay wala pa sila pwedeng isagot.

Sa ngayon daw kasi ay maganda naman ang performance ng “Eat Bulaga!” Lumalaban sila at masaya naman ang show dahil nagri-rate sila.

***

EXCITED na ang BarDa fans nina Barbie Forteza at David Licauco na muling mapanood ang kanilang mga idolo na bibida sa TV adaptation ng 1991 movie na “Maging Sino Ka Man” nina Megastar Sharon Cuneta at Robin Padilla.

Kitang-kita raw kasi ang chemistry ng dalawa sa naiibang roles na ginagampanan nila after ng historical fantasy series nilang “Maria Clara at Ibarra.” May bago raw natutunan si David kay Barbie, yung professionalism and dedication nito to their craft.

“It’s such a joy to work with Barbie,” sabi ni David.

“Napakagaling niyang umarte, at natutunan ko rin ang kanyang work ethics. Kung dati ay lagi akong nali-late sa work, ngayon hindi na, napapagalitan kasi ako ni Barbie. Bale third project na namin ito, kaya comfortable na kami sa isa’t isa. Ang ganda niyang katrabaho, napakagaling niya at naging punctual na ako lagi sa pagdating sa set.

Mapapanood na ang “Maging Sino Ka Man” sa GMA primetime ngayong September sa pagtatapos ng “Voltes V: Legacy.”

***

LAST Sunday, August 20, ang Roosevelt Station ng Light Rail Transit (LRT) Line 1 ay pinangalanan nang Fernando Poe, Jr. (FPJ).

Ang renaming rites ay dinaluhan nina Senator Grace Poe, with former Senate President Tito Sotto at ni Senator Lito Lapid. Isinabay na ito sa unveiling of the new marker sa pagsi-celebrate din ng 84th birthday ni FPJ.

“I hope people remember FPJ whenever they board this train. Public service has always been in FPJ’s heart. Giving commuters a safe and comfortable ride is a way of keeping his legacy alive.” ayon sa statement ng senadora.

Higit sa isang taon matapos lagdaan ni dating Pangulong Rodrigo Duterte ang isang batas na pinapalitan ang pangalan ng Roosevelt Avenue sa Quezon City pagkatapos ng yumaong Filipino screen icon. Matatagpuan ang childhood home ng yumaong National Artist sa kahabaan ng 2.9-kilometrong Roosevelt Avenue na nasa pagitan ng EDSA at Quezon Avenue.

(NORA V. CALDERON)

ASAHAN na doble ang katatawanan, doble ang kalokohan, at doble ang kasiyahang hatid sa grand comeback ng longest-running at multi-awarded prank show ng bansa sa mas pinalakas na “Wow Mali: Doble Tama,” simula Agosto 26 at tuwing Sabado, 6:15PM sa TV5 at 7:00PM sa BuKo Channel.

Nakilala ang ‘Wow Mali’ bilang kauna-unahang prank show ng Pilipinas na kinagiliwan ng mga Pilipino simula nang umere ito noong 1996.

Naging instant hit ang mga kuwelang “candid camera” pranks ng programa, dagdag pa ang witty hosting ng original prank master na si Joey De Leon, kaya naman naging household term na ang “Wow Mali” sa mga Pinoy.

Ngayong Agosto, magbabalik ang legacy show na ito ng TV5 para muling maghatid ng kakulitan, kalokohan at katuwaan sa “Wow Mali: Doble Tama,” sa pangununa ng kilalang comic duo na sina Jose Manalo at Wally Bayola bilang mga bagong prankmasters ng programa.

Inamin naman nina Jose at Wally na wish nilang ma-prank si Henyo Master Joey, at malaking challenge sa kanila kung maisasakatuparan nila ito.

Ikinuwento naman ni Jose na pandemic pa nang i-offer sa kanila ng APT Entertainment ang programa.

“Siyempre, oo agad kami. Kaya lang, sabi namin, kailangan, ‘alam ba ni Tito Joey ‘to?’. ‘Yun agad ang tanong namin bago namin tanggapin ‘to. Pero siyempre, tatanggapin namin, 20 years tumakbo ‘to. Kaya sabi namin, magpapasintabi lang.”

Dagdag pa ni Jose, “Umokey naman si Boss Joey at sinabi niya, ‘kung kayong dalawa ang gagawa, okey ako.’ Salamat, Boss Joey.”

Co-produced ng APT Entertainment at Cignal TV para sa TV5, ang “Wow Mali: Doble Tama” ay magbibigay ng times two na kasiyahan at sorpresa sa hatid nitong new-generation humor, nakakatawang segments, at kaabang-abang na parodies!

Huwag palampasin at “maki-CSL (Can’t Stop Laughing)” sa premiere ng “Wow Mali: Doble Tama,” ngayong Agosto 26, 6:15PM sa TV5 at 7:00PM naman sa BuKo Channel

Para sa mga behind-the-scenes, sneak peeks o nakakatawang clips at interactive content ng “Wow Mali: Doble Tama,” i-follow lamang ang social media pages ng TV5.

(ROHN ROMULO)

PUNUM-PUNO raw ng mga dramatic confrontation scenes ang upcoming series na ‘Love Before Sunrise’ na pagbibidahan nina Kapuso Drama King Dennis Trillo at multi-awarded actress and box office actress Bea Alonzo.

Dahil dito, masaya si Bea na makabalik sa genre ng teleserye na kung saan lubos siyang minahal at hinangaan ng maraming mga manonood.

“Kasi it’s also about betrayal, about heartbreak, about infidelity. I’m happy to be back doing drama,” pahayag ni Bea.

Reunion project naman ito ni Dennis at Bea sa loob ng dalawang dekada.

“Masaya ako na makatrabaho siya ulit. It’s an honor na makita at ma-experience ‘yung professionalism at ‘yung talent niya sa mga eksenang ginagawa namin,” lahad ni Dennis.

“Marami na kaming baon from our past experiences, from our past trainings. Ang sarap ulit siyang makita in this environment. He’s very collaborative as an actor so ang dali namin nagagawa ‘yung mga eksena magkasama,” paglalarawan naman ni Bea sa kanyang leading man.

Makakasama nina Dennis at Bea sa serye sina Sid Lucero at Andrea Torres.

Ang ‘Love Before Sunrise’ ay mula sa GMA Entertainment Group at ito ang pangalawang serye na bunga ng historic collaboration ng GMA Network at leading pan-regional over-the-top (OTT) video streaming service na Viu.

***

NAGHAHANDA na si Limitless Star Julie Anne San Jose para sa kanyang pagiging coach sa first-ever ‘The Voice Generations’ in Asia na mapapanood sa GMA.

“I have to be ready in all aspects because definitely, it’s gonna be a different one.”

Ito ang naging pahayag ni Julie Anne nang tanungin siya ng GMANetwork.com tungkol sa kanyang paghahanda bilang isa sa mga coaches ng naturang show.

Kuwento ni Julie, kailangan niyang maging handa sa lahat ng aspeto dahil batid niyang ibang klaseng trabaho ang maging coach ng mga talent sa isang malaking singing competition.

Aniya, “It’s gonna be a different attack, it’s a different experience.

“Because siyempre kapag nandu’n ka na you’ll be witnessing different people from different generations, and siyempre susubaybayan mo ‘yung journey nila.”

Dagdag pa niya, “Siyempre kikilatisin mo kung ano ‘yung mga strength and weaknesses ng bawat isa and talagang gugustuhin mo sila na mapunta sa team mo kasi nga ‘yun ‘yung feeling mo na kailangan nila kaya talagang ayun it’s gonna be a tough ride but an exciting one.”

Hindi naman itinanggi ni Julie na nakaramdam siya ng pressure sa mga kasama niyang coaches sa ‘The Voice Generations’ na sina Billy Crawford, SB19 member na si Stell, at ang Parokya ni Edgar frontman na si Chito Miranda.

“Na-pressure ako kasi ewan ko ba talagang kapag kasi nakikita ko sila Kuya Chito, sila Billy tapos ‘yan si Stell, parang nakakapanibago kasi nga I really haven’t worked with them as in in one project,” ani Julie.

Kuwento pa niya, “I’ve worked with Stell sa All-Out Sundays, si Kuya Chito, we tried working on a song together but we never really met in person on the process. Si Billy naman, well noong Sugar Pop days parang ‘yun ‘yung pinaka-huling-huling memory ko sa kaniya that was like SOP days pa, which is a long time ago and wala lang kasi nasa-starstruck pa rin ako kasi dati pinapanood ko lang sila sa TV tapos ngayon makakatrabaho ko na sila as a coach.”

Pagdating naman sa game plan niya as a coach sa kanyang bubuuing team, “I really want to focus on each other’s strengths and weaknesses muna bago ako siyempre before jumping into the process or kung ano man ‘yung kailangan pang i-workout siyempre gusto ko rin na ibigay nila ‘yung best nila and talagang mag-shine sila not just individuals but as a group as well.”

Ang The Voice Generations ay ang newest spin-off ng biggest singing competition sa mundo na The Voice mula sa ITV Studios.

Mapapanood ito for the first time hindi lamang sa Pilipinas kung ‘di pati na rin sa buong Asya via GMA Network simula ngayong August 27.

(ROMMEL L. GONZALES)

INAABANGAN na ng mga manonood ang huling anim na gabi ng sikat na Kapamilya teleseryeng “Dirty Linen” kung saan masasaksihan ang walang katapusang ganitihan na mauuwi sa patayan ng dalawang pamilya nina Alexa (Janine Gutierrez) at Aidan (Zanjoe Marudo).

Tutukan ang laban ng mga nais makamit ang hustisya at ng mga sakim sa kapangyarihan ng “Dirty Linen” sa Kapamilya Channel, A2Z, TV5, Kapamilya Online Live, iWantTFC, at TFC.

Malalagay sa alanganin ang buhay ng mga karakter dahil itotodo na ni Carlos (John Arcilla) ang kanyang kahibangan bilang nag-iisang “hari” ng pamilya Fiero matapos niyang malaman na sa kanya lang ipinamana ang milyon-milyong pera at ari-arian ng buong pamilya.

Babawian naman ni Alexa at ng kanyang mga kasabwat na sina Rolando (Joel Torre), Max (Christian Bables), at Lala (Jennica Garcia) ang pamilya Fiero dahil mapipilitan silang gumawa na rin ng karahasan upang mapaamin ang mga ito sa patong-patong nila mga krimen, kabilang na ang matagal nang palaisipan kung sino nga ba ang totoong pumatay kay Olivia (Dolly De Leon), ang kabit ni Carlos at nanay ng half-sisters na sina Alexa at Chiara (Francine Diaz).

Ipinasilip din sa makapigil-hiningang finale teaser ng “Dirty Linen” ang tila pagkamatay ng ilang mga karakter. Magugulantang din si Aidan sa sunod-sunod na matitinding rebelasyon at ang paglitaw ng mga baho ng sarili niyang pamilya.

Makakamit na ba ni Alexa ang hustisya laban sa mga Fiero? Sino-sino ang mananatiling buhay pagkatapos ng lahat ng ito?

Samantala sa naging pahayag ni Janine, “Grabe nalulungkot talaga ako na matatapos na kasi bukod sa inaabangan ko talaga siya at ako mismo kahit kasama ako sa cast eh nilu-look forward ko na mapanood ang eksena nina Adan nina Chiara, nina Tatay Joel, lahat.

“Mami-miss ko rin ‘yung reaction ng mga tao. Grabe sa Twitter, sa Instagram. Kung sino man ang makasalubong namin. May mga meme pa. So, iba talaga ang samahan na nabuo ng ‘Dirty Linen’ sa audience and sa amin na cast”

Inamin naman ni Zanjoe na, “Nakakalungkot at nakaka-sepanx na ito na nga patapos na. Kasi after naming mag-last taping, parang relaxed ka lang kasi alam mo ang haba-haba pa ng show, ang haba pa ng tatakbuhin.

“Pero nung eto na, ito na nga at mag-fi-finale na kami, wala pa kaming proper get-together na parang tapos na ‘yung show, maghihiwalay.

“Kasi naging maganda talaga ‘yung samahan sa show dahil start pa lang napag-usapan na hindi tayo pwedeng magkanya-kanya.

“Nagpa-meeting si Kuya Epy (Quizon), kailangan natin itong pagtrabahuhan lahat, sama-sama. Lahat ng characters mula sa taas hanggang sa pinakabata kailangang magpantay-pantay.

“Kaya ‘yon ang pinakamaganda sa show na ito ‘yung cast talaga at naghanda, nagtulungan sa mga scenes na gagawin at mga characters.”

Huwag palampasin ang pasabog na finale ng “Dirty Linen” sa Agosto 25 (Biyernes) ng 9:30 PM sa Kapamilya Channel, A2Z, TV5, iWantTFC, at Kapamilya Online Live sa YouTube channel at Facebook page ng ABS-CBN Entertainment. I-rescan lang ang anumang digital TV box na ginagamit sa bahay, gaya ng TVplus box, para mapanood sa TV5 at A2Z ang mga bagong episode ng “Dirty Linen.” Mapapanood din ito sa labas ng Pilipinas sa pamamagitan ng iWantTFC at The Filipino Channel (TFC) sa cable at IPTV.

Para sa updates, sundan ang @abscbnpr sa Facebook, Twitter, TikTok, at Instagram o bisitahin ang www.abs-cbn.com/newsroom.

(ROHN ROMULO)