2023 June Archive - People's Balita

Archive for June, 2023

Paggamit sa GSIS, SSS funds sa Maharlika pinalagan ng Senado

Posted on: June 8th, 2023 by @peoplesbalita No Comments

PUMALAG ang parehong lider ng mayorya at minorya sa Senado sa naging pahayag ni Finance Secretary Benjamin Diokno na maaari pa ring gamitin ang pension funds ng SSS at GSIS para pondohan ang mga proyekto ng Maharlika Investment Corporation (MIC).

Ayon kay Senate Majority Leader Joel Villanueva, walang puwang ang anumang interpretasyon dahil malinaw namang nakasaad sa probisyon ang mahigpit na pagbabawal sa paggamit ng pondo ng ahensya ng gobyerno at mga GOCCs na nagkakaloob ng social security at public health insurance para sa Maharlika Investment Fund (MIF).

Nakasaad sa probisyon ng MIF Bill na ang mga pension funds sa ilalim ng SSS, GSIS, PhilHealth, PAGIBIG, OWWA at PVAO ay hindi kailanman maaaring gamitin na pampondo sa mga proyekto ng korporasyon, mandatory o voluntary man ito.

Tinukoy ni Villanueva na tatlong beses na binanggit sa inaprubahang MIF Bill ang prohibition sa paggamit ng pondo ng mga nasabing ahensya at tanggapan.

Tanong naman ni Senate Minority Leader Koko Pimentel, bakit ba masyadong interesado ang gobyerno sa paggamit ng pondo ng GSIS at SSS.

Giit ni Pimentel, “hands off” dapat ang pamahalaan sa paggamit sa pondo ng GSIS at SSS dahil ito ay private funds ng kanilang mga myembro.

Sinita pa ng senador ang tila ‘play of words’ ng gobyerno na umiiwas na gamitin ang mga salitang INITIAL CAPITAL, ADDITIONAL CAPITAL, AT BONDS at sa halip “SUBSCRIBE TO PROJECTS” ang gagamitin na sa madaling salita ay popondohan ang mga proyekto ng Maharlika Investment Fund Corporation. (Daris Jose)

Bagong mag-aawit may connect kay Pres. Aguinaldo: LIZZIE, kasama sana sa reunion movie nina VILMA at CHRISTOPHER

Posted on: June 8th, 2023 by @peoplesbalita No Comments

SA true lang, ang bongga ng launching ng first single ng newest singer ng Star Music na si Lizzie Aquinaldo.

May titulo itong “Baka Pwede Na”, na nilikha ng award-winning songwriter at film director din na si Joven Tan. Na siya rin ang nagdirek ng ginastusang music video na hinangaan ng mga dumalong press people.

Sa surname pa lang ni Lizzie, iisipin na may connect ito sa mga Aguinaldo na kung saan nakatira sila sa Imus, Cavite. True enough, ang kanyang ama ay apo sa tuhod ng unang pangulo ng ating bansa, si Emilio Aguinaldo.

Ang parents ng beautiful 15-year old lass ay pawang nasa real estate business. At sa flyers na pinamigay, si Lizze na rin ang ginawa nilang endorser, since nasa entertainment industry na siya at may ‘K’ naman siya.

Ang launch ng first single ni Lizzie na “Baka Pwede Na” ay ginanap sa isa sa bonggang ballroom ng Luxent Hotel at may dalawang big buffet tables. Bukod sa mga give away ay nagpa-raffle pa ng cash prizes, na ikinatuwa ng mga nanalo.

Anyway, si Lizzie na pangatlo sa limang magkakapatid, na kasalukuyang Grade 9 sa British International School, ang first sa family na nagka-interes na pasukin ang showbusiness.

Kaya naman reaksyon ng pamilya niya, “they were shocked, kasi ako pa lang sa family namin ang first na nag-showbiz.

“But they understand naman na dream ko talaga ito, to be a singer and now, they’re very supportive.”

All-out nga ang suporta sa kanyang pangarap na maging sikat na mang-aawit, kaya naman pinagawan siya ng billboard na kung saan binabati nila si Lizzie sa paglabas ng kanyang debut song, na napapakinggan na sa mga FM stations, nationwide.

Kaya ang naging reaksyon niya, “nagulat nga po ako. Kasi yung billboard kasing laki ng bahay namin. Nakatutuwa.”

Ini-idolo ni Lizzie sa larangan ng pagkanta sina Lani Misalucha, Regine Velasquez, Celine Dion, Alicia Keys at si Whitney Houston, na pawang mahuhusay na singer.

Bukod sa pagkanta, type din niyang masubukan ang pag-arte, sa pelikula man o telebisyon.

At sa koneksyon ni Direk Joven na mabilis ngang nakapag-compose ng kanya para sa kanya at malaki ang posibilidad na makagawa agad siya ng pelikula.

Sa katunayang ay nag-audition siya bilang batang Darna sa ‘Darna’ na pinagbidahan ni Jane de Leon, pero hindi siya pinalad kahit alam niyang binigay ang best niya.

Pero ang nakahihinayang ay hindi siya natuloy na maging part ng reunion movie nina Vilma Santos at Christopher de Leon na ‘When I Met You In Tokyo’.

Kuwento ni Lizzie, “I auditioned sa Vilma Santos-Christopher de Leon movie and they’re willing to get me as friend ni Cassy Legaspi, but then, hindi nag-fit yung shooting sa schedule ng classes ko, so hindi natuloy.”

Isang love song ang “Baka Pwede Na”, pero nabigyan buhay naman ni Lizzie kahit hindi pa siya nagkaka-boyfriend.

Kaya natanong siya kung ano ang hinahanap niya sa guy na magpapatibok ng kanyang puso, “definitely, he has to be family oriented, kasi sobrang laki ng family namin. And also, dapat, God-fearing siya.”

Ang first single ni Lizzie na “Baka Pwede Na” ay available na rin para ma-download at napakikinggan sa iba’t ibang online music app.

Suportahan natin si Lizzie Aguinaldo na matupad ang kanyang pangarap na maging sikat na singer at aktres.

(ROHN ROMULO)

DSWD enhances PBBM admin’s food stamp program to promote self-sufficiency and contribute to nation-building

Posted on: June 8th, 2023 by @peoplesbalita No Comments

THE DEPARTMENT of Social Welfare and Development (DSWD) is making adjustments to the food stamp program initiated by President Ferdinand R. Marcos Jr.’s administration, aiming to empower beneficiaries and encourage their active participation in nation-building.

DSWD Undersecretary Edu Punay said they are now working on the design of the food program to lessen the dependence of the beneficiaries on government assistance.

“Isang very novel aspect that we’re introducing, or component, is iyong conditionality. Ang gusto natin (mabawasan) iyong dependency ng ating mga beneficiary sa government assistance na nakikita natin, for example sa 4Ps (Pantawid Pamilyang Pilipino Program), (dahil) talagang masyadong dependent na,” Punay told a news forum in Quezon City on Saturday.

“Admittedly, ang ating mga ilang beneficiaries diyan, ayaw nang umalis sa 4Ps kahit na due for graduation na sila. Ito iyong gusto nating iwasan sa mga bagong programs nating gagawin. That’s why we have the conditionalities now for the food stamp program,” Punay added.

Punay said they are drafting a design for the food stamp program that will require the beneficiary families to be involved in labor-capacity building.

“We want them to enroll in training programs of DOLE (Department of Labor and Employment) and TESDA (Technical Education and Skills Development Authority) so that we can capacitate them to stand on their own,” he said.

“While we’re helping them with their food requirements, siguro iyong maitutulong natin na pagkain sa kanila, pambili ng pagkain – gamitin na lang po nilang pamasahe papunta sa TESDA, papunta sa DOLE, paghahanap ng trabaho – iyon po ang target nitong programa na ito so that when they graduate after three or four years mayroon na silang trabaho. They can sustain their livelihood. They can sustain their food requirements. So, iyon po ang ilan sa mga conditionalities po natin sa programang ito,” Punay added.

He said that another key feature of the food stamp program is the exit mechanism for the beneficiaries.

“Of course, walang forever po ‘di ba kasi ayaw nating nale-left sa forever sa ayuda. Limited resources po ang gobyerno kaya kailangan, we maximize, we make use of our resources to help our poor get out of that poverty line. Kaya po ang target nating exit program dito is they graduate after three to four years once they get out of the poverty line,” Punay said.

“The most important, we believe, of these features ng food stamp program is the digital aspect or the component. Sa ibang bansa po, na-implement na po itong food stamp program, mayroon na sa United States iyan – ang kanilang SNAP Program. Mayroon din po sa mga kapitbahay natin sa Indonesia, may ginawa na rin sa Mongolia, sa Brazil,” he added.

Earlier, DSWD Secretary Rex Gatchalian announced they are set to pilot-test its food stamp program in the second half of the year.

Gatchalian said they are now in the design stage of the program to properly fill in the gaps that may be overlooked during its implementation.

“Mayroon na tayong first draft ng design and we will spend the remaining months of May and June in the design stage. We all know that the devil will be in the details and we have hired multiple consultants in the department to take a second look at what’s being designed para may check and balance,” the DSWD chief said.

“We are working with PSA’s [Philippine Statistics Authority] in-house poverty expert who is their Usec – Usec. Dennis Mapa. He is helping us craft the concept there. So, the remaining days of May and June, we will work on designing it. Now, July to December will be the pilot run to vet the (program) properly,” Gatchalian added.

Throughout the program, the DSWD will continuously monitor and measure the beneficiaries in the regions that it has identified.

The DSWD has identified five pilot sites coming from different geopolitical characteristics – one in the Bangsamoro Autonomous Region in Muslim Mindanao (BARMM), what used to be a former conflict area; one in geographically isolated regions or provinces; one in urban poor settings; one will be calamity-stricken areas; and one will be a rural poor area.

“We have to make sure that iyong konteksto ng programa will be designed na naaangkop sa bawat lugar,” Gatchalian said.

The food stamp program or the “Walang Gutom 2027” aims to provide electronic benefit transfers that will be loaded with food credits amounting to P3,000 to purchase a select list of food commodities from DSWD accredited local retailers.

It intends to target the bottom one million households from Listahanan 3 who belong to the food poor criteria as defined by the PSA.

“We believe that this program will properly address the gaps and assist its beneficiaries in attaining the recommended food and energy consumption needed for each member to perform their daily tasks and routines that have direct and indirect contribution to human capitalization and a direct positive impact towards nation-building. In other words, by meeting the daily food requirements of its target beneficiaries, the said program will sufficiently mitigate hunger caused by extreme poverty,” Gatchalian said.

The identified beneficiaries are families that do not earn beyond P8,000 monthly based on a PSA gauge, Gatchalian pointed out.

The Asian Development Bank will be providing close to U$3 million for the six-month pilot run of the food stamp program. | PND

CHED, gustong i-digitalized ang scholarships, ibang serbisyo

Posted on: June 8th, 2023 by @peoplesbalita No Comments

Waving colorful national Philippine flag

PALALAWAKIN ng Commission on Higher Education (CHED) ang digitalization efforts ng administrasyon para ma-cover ang mas marami pang serbisyo kabilang na ang scholarship.

Ang pahayag na ito ni CHED chairperson Prospero de Vera III ay matapos tintahan ng CHED at Department of Information and Communications Technology (DICT) ang memorandum of understanding (MOU) para sa e-governance para pagsamahin ang information and communication technologies (ICT) sa higher education sector.

Layon ng memorandum na i-promote ang “relevant and quality” higher education sa pamamagitan ng integrasyon ng ICT sa sektor ng edukasyon.

“Ang balak ng CHED ay makipagtulungan sa DICT para iyong mga kailangang dokumento ng mga estudyante at iyong mga serbisyo na ibinibigay natin sa mga estudyante ay puwede nang kunin online,” ayon kay De Vera.

Sa ilalim ng scholarship digitalization plan, tinitingnan ng CHED na makapag-secure ng ilang “landing page” kung saan ang mga estudyante ay madaling magkaka-access sa application information.

“Nandoon lahat ng scholarship ng CHED para mabasa nila iyong impormasyon, ano iyong requirements, ano iyong mga deadline tapos unti-unti gagawin natin iyong application ay online,” aniya pa rin.

Maliban sa scholarship services, idi- digitalize ng CHED ang proseso ng sertipikasyon at pagkuha ng kinakailangang mga records ng bagong graduates para sa pagtatrabaho.

“Kaya’t doon sa mga handa ng mga pamantasan na sumama sa platform gagawa tayo ng signing ceremony din with DICT para sila ay sumama na sa platform at puwede nang aplayan iyong mga transcript at diploma doon,” ayon pa rin kay De Vera.

Samantala, nakiisa naman ang CHED sa opisyal na paglulunsad ng electronic governance Philippines (eGov PH) Super App ng gobyerno noong Hunyo 2. (Daris Jose)

Kinumpirma ng may-ari ng TV5: TVJ at Dabarkads, opisyal na ang paglipat sa Kapatid Network

Posted on: June 8th, 2023 by @peoplesbalita No Comments

OPISYAL na nga ang paglipat nina Tito Sotto, Vic Sotto at Joey de Leon at ng iba pang original hosts ng “Eat Bulaga” sa bago nila tahanan, ang TV5.

Kinumpirma ito ng MediaQuest President and CEO na si Jane Basas kahapon, Miyerkules, June 7 sa pamamagitan ng isang official statement.

Kaya naman nagbunyi at tuwang-tuwa ang mga naghihintay na Dabarkads sa buong mundo sa latest update tungkol sa TVJ. Done deal na nga at nagkapirmahan na magkabilang grupo kaya tuloy na tuloy ang paggawa nila ng content para sa TV sa platforms ng MediaQuest.

Ayon sa naging pahayag ni Ms. Jane Basas, “I’m happy that Tito, Vic, and Joey will now call TV5 their home.

“I’m honored that these pillars of the Philippine entertainment industry have agreed to work with us.

“Our partnership strengthens our ability to continue to deliver the best for Filipino viewers here at home and all over the world.”

Naglabas din mensahe si Tito Sen tungkol sa paglipat ng grupo sa TV5 upang ipagpatuloy ang nasimulan na isang libo’t-isang tuwa para sa sambayanang Pilipino.

“We are thankful to our friends at Mediaquest for this fresh start.

“Dahil sa ating mga Dabarkads na naging Kapatid, tuloy pa rin ang tuwa’t saya na aming dala,” pahayag ni Tito Sen.

Bali-balitang inaayos na ang TV5 studio sa Mandaluyong para sa bagong noontime show ng TVJ na wala pang binibigay na title. Patuloy kasi ipaglalaban nila na magamit pa rin ang titulong “Eat Bulaga.”

Sa ngayon, isa sa pinagpipilian na maging titulo bagong noontime show ang “Dabarkads” dahil nananatiling pag-aari ng TAPE Incorporated ang “Eat Bulaga”.

Hinangaan din ng mga netizen ang ginawang logo sa paglipat ng TVJ at TV5. At ang witty ng post ni Joey sa kanyang twitter account na “Dolly Parton – 9 To 5” kasama ang official video ng song na naka-post sa YouTube.

Usap-usapan din na magtatapos na sa June 30 ang kontrata ng ‘It’s Showtime’ sa TV5, kaya posibleng hindi na sila ma-renew sa same timeslot na hawak nila ngayon dahil uukupahin na ito sa pagpasok ng TVJ.

May tsika rin na puwede namang ilipat ng timeslot ang ‘It’s Showtime’, na pwedeng pre-programming ng ‘Frontline’. Magkaroon din ng pagbabago ang noontime series na iniere ng TV5.

Samantala, narito ang ilan komento ng mga marites:

“Hinintay na namin kayo Dabarkads.”

“Galing ng logo.”

“Buti ang Mediaquest ni MVP ang magpo-produce para tuluy tuloy sa success ng TV5.”

“Can’t wait to see them again on TV! They complete my day!”

“Good for them,kahit papano may established na ring viewers na ang tv5 plus tvj is tvj..so Tuloy ang isang libo’t isang tuwa.”

“Feeling ko cinonsider nila sa decision nila na maganda sa teaser yung tvj/tv5.”

“So excited for TVJ & dabarkads! More power to you guys!”

“May nabasa ako baka daw hindi na irenew ang showtime dahil asa tv5 na ang tvj. Naku. How true kaya?”

“See may plano talaga sila mag-resign that day. two days before may staff na nag file ng early retirement malamang kasama nila jan. Ang bilis naplantsa ng deal ah.”

“Either iligwak ang Face to Face ni K na mas mauna ka pa mainis sa host kaysa guest and ilagay sa pre-noontime ang Showtime para mag back2back with TVJ or yung 4 to 6 pm timeslot ng TV5 ilagay ang Showtime. Apektado siguro dito yung panghapon na series ng ABS and TV5 collab.”

“Sana soon na. Para hindi na stress parents ko. hahaha.”

“As a loyal Kapuso, this just makes me sad.”

“Oh ayan nagsama na ang IS at EB. diba everything talaga is possible!”

“Iba pa din ang reach ng GMA. MAS MALINAW.”

(ROHN ROMULO)

Gibo Teodoro at Dr. Ted Herbosa, nanumpa kay PBBM bilang mga bagong miyembro ng gabinete

Posted on: June 8th, 2023 by @peoplesbalita No Comments

NANUMPA na sa kani- kanilang tungkulin sa harap ni Pangulong Ferdinand R Marcos Jr ngayong umaga sina Gilbert ” Gibo ” Teodoro at Dr Ted Herbosa.

Si Teodoro ay manunungkulan bilang Defense Secretary habang si Herbosa ay magsisilbing Kalihim ng Kagawaran ng Kalusugan.

Kasamang nanumpa ni Teodoro Ang kanyang kabiyak na si Monica Prieto – Teodoro habang sinamahan din ng kanyang asawa at anak ang bagong Health Secretary na si Dr Ted Herbosa sa kanyang ginawang panunumpa.

Si Teodoro ay naging kinatawan sa loob ng tatlong termino sa First District ng Tarlac at dati na ring naging Secretary of Defense sa ilalim ng administrasyon ni dating Pangulong Gloria Macapagal-Arroyo noong siya’y 43 taong gulang pa lamang.

Habang si Herbosa naman ay naging Undersecretary na rin ng DOH mula 2010 hanggang 2015 at nagsilbi bilang Special Adviser ng National Task Force Against Covid-19 o IATF. (Daris Jose)

FINAL TRAILER FOR INSIDIOUS: THE RED DOOR GETS UNLOCKED

Posted on: June 8th, 2023 by @peoplesbalita No Comments

THE original cast returns for Insidious: The Red Door, the final chapter of the blockbuster horror franchise, exclusively in cinemas July 5.

Youtube: https://youtu.be/3NOce4Ky6PQ

About Insidious: The Red Door

In Insidious: The Red Door, the horror franchise’s original cast returns for the final chapter of the Lambert family’s terrifying saga. To put their demons to rest once and for all, Josh (Patrick Wilson) and a college-aged Dalton (Ty Simpkins) must go deeper into The Further than ever before, facing their family’s dark past and a host of new and more horrifying terrors that lurk behind the red door.

The original cast from Insidious is back with Patrick Wilson (also making his directorial debut), Ty Simpkins, Rose Byrne and Andrew Astor. Also starring Sinclair Daniel and Hiam Abbass. Produced by Jason Blum, Oren Peli, James Wan and Leigh Whannell. The screenplay is written by Scott Teems from a story by Leigh Whannell, based on characters created by Leigh Whannell.

Opening in Philippine cinemas July 5, Insidious: The Red Door is distributed by Columbia Pictures, local office of Sony Pictures Releasing International.

Connect with the hashtag #InsidiousMovie

(ROHN ROMULO)

DepEd, planong ipapatupad ang K-10 curriculum sa 2024

Posted on: June 8th, 2023 by @peoplesbalita No Comments

TARGET ng DepEd na ilunsad ang bagong curriculum para sa Kinder hanggang Grade 10 (K to 10) sa school year 2024-2025.

Sinabi ng tagapagsalita ng DepEd na si Michael Poa na ang ahensya ay nagtitipon ng feedback ng publiko sa draft ng K to 10 curriculum.

Aniya, nais ng nasabing departamento na makuha ang komento ng publiko ukol sa nasabing usapin upang malaman nila at pag-aralan kung ano pa ang mga kinakailangan sa pagpapatupad nito.

Kaugnay niyan, ang pagsusuri ng curriculum ng Senior High School ay nasa yugto na ng konsultasyon.

Sinabi ni Poa na susundan ito ng review proper, revision, at paglalabas ng draft curriculum “for transparency.”

Isinasapinal na rin ng DepEd ang school calendar para sa susunod na SY 2023-2024.

Gobyerno, isasapribado ang P2.5-B halaga ng assets ngayong taon

Posted on: June 8th, 2023 by @peoplesbalita No Comments

TARGET ng Privatization and Management Office (PMO) ng Department of Finance (DoF) na ibenta ang 143 property na nagkakahalaga ng P2.5 billion para sa natitirang bahagi ng taon.

“The aggressive disposition of nonperforming assets will provide much-needed revenues for priority projects. It will also clear the National Government’s books of stagnant assets,” ayon kay Finance Secretary Benjamin E. Diokno.

Noong nakaraang linggo, inaprubahan ng pamahalaan ang pagbebenta ng anim na property na nagkakahalaga ng P152.8 million, na ibi-bid out ng PMO. Kabilang na rito ang P25 milyong halaga ng property na pag-aari ng Al-Amanah Islamic Investment Bank of the Philippines sa Davao City at dalawang lote na nagkakahalaga rin ng P25.34 bilyong piso sa Davao City na pag-aari rin ng bangko.

Kasama rin ang P1.92-million property na pag-aari ng Central Bank Board of Liquidators sa Pasay City; at dalawang lote sa Visayas na pag-aari ng Technology Resource Center na nagkakahalaga ng P50.4 million at P50.2 million.

Sa first quarter, inaprubahan ng PMO ang disposisyon ng 31 property na nagkakahalaga ng P912.17 million “via public auction.” Plano nito na ibenta ang 19 property na nagkakahalaga ng P799.05 million sa second quarter.

“The government is also targeting to sell 36 properties worth P397.73 million by the third quarter and 57 properties worth P431.4 million in the fourth quarter,” ayon kay Diokno.

“The PMO is also targeting to dispose of the government’s 3.46% stake in NLEX Corp. by the third quarter, although this is still subject to third-party valuation. This plan is expected to be endorsed to the Privatization Council within the month,” ayon pa rin kay Diokno.

Samantala, winika ni Diokno na inaprubahan ng gobyerno ang “final sale” ng P800 milyong halaga ng assets sa second half ng 2022.

“I’d like to share that within the first six months of the administration, the Privatization Council approved the final sale of P800 million from the approved P1.9 billion worth of assets for disposition,” aniya pa rin. (Daris Jose)

Isinuko na ang lahat sa Diyos: GARDO, inakalang lilisanin na ang mundo nang ma-stroke

Posted on: June 7th, 2023 by @peoplesbalita No Comments

SINABI ni Gardo Versoza na inakala niyang lilisanin na niya ang mundo nang atakihin siya sa puso noong Marso.

Binalikan ng aktor ang naturang karanasan kung saan nalaman ng mga duktor na barado ang kaniyang dalawang ugat na konektado sa puso.

“Umabot ako dun sa point na parang about to leave this world,” sabi ni Gardo tungkol sa naranasang pagsailalim niya sa angioplasty para alisin ang bara sa mga ugat.

Ayon kay Gardo, nang mga sandaling iyon, isinuko na raw niya ang lahat sa Diyos.

“Ganun pala ‘yung feeling na parang akala ko before nakakanerbyos,” saad niya. “Pero come to think of it, parang bibigay mo na lahat kay Lord eh.

“‘Yung nga ‘yung pinagdasal ko na, ‘If ever man na this is my time, Kayo na pong bahala dun sa mag-ina,” patungkol ng aktor sa asawa niyang si Ivy Vicencio at anak kanilang nag-iisang anak.

Ayon kay Gardo, hindi niya alam na mayroon siyang problema sa puso dahil active ang kaniyang lifestyle at maingat din sa kaniyang mga kinakain.

Gayunman, hindi raw siya regular na sumasailalim sa medical checkup na isa sa mga aral na natutunan niya.

“Feeling ko parang in a way baka rin ginamit akong instrumento ng Panginoon na kumbaga mai-share sa iba na ‘wag n’yong balewalain kasi hindi biro ‘yun,” ayon kay Gardo.

***

PINILAHAN ng kanilang fans ang lead cast ng bagong kilig series ng GMA na ‘Love At First Read’ sa ginanap na Philippine Book Festival nitong Sabado, June 3.

Ang Sparkle sweethearts at lead stars ng nasabing series na sina Mavy Legaspi at Kyline Alcantara ang nanguna sa pagpapasaya ng kanilang fans at book enthusiasts sa nasabing event.

Kasama ng MavLine ang kapwa Sparkle stars na sina Therese Malvar, Mariel Pamintuan, Bruce Roeland, Larkin Castor, Josh Ford, at Gueco twins na sina Gabby at Kiel Gueco.

Ang ‘Love At First Read’ ay ang second installment ng Luv Is series, na TV adaptation ng hit Wattpad novel na may parehong titulo. Ito rin ay ang collaboration project ng GMA Network at ng Wattpad Webtoon Studios.

Sinagot din ng cast ang ilang katanungan ng kanilang fans tungkol sa kanilang mga karakter sa nasabing series.

Maraming fans ang pumila upang makakuha ng autograph mula sa kanilang mga iniidolong Sparkle stars.

Sa nasabing event, ipinalabas ang ilan sa mga teasers ng Love At First Read. Abangan ang world premiere ng Love At First Read ngayong darating na June 12 sa GMA.

***

MAGPE-PERFORM sa San Diego Pride Festival si Jake Zyrus kasama ang American Idol season 7 runner-up na si David Archuleta.

Magaganap ang two-day pride event on July 15 and 16 sa Balboa Park at kasama rin ang mga musical artists na sina Princess Nokia, Saucy Santana, Pussy Riot, Moore Kismet, Whatever Mike, The Illustrious Blacks, Jimbo, Darienne Lake, Naysha Lopez, and many more.

Nag-out si Jake (formerly Charice Pempengco) noong 2017 at simula noon ay ginamit na niya ang kanyang platform para sa mental health awareness sa LGBTQIA+ community.

Nag-out naman si David noong 2021 at naging advocacy na niya ang magkaroon ng respect at safe space para LGBTQIA+ community kunsaan puwede nilang i-share ang kanilang mga kuwento na walang maranasan na abuse at injustice.

(RUEL J. MENDOZA)