THIS year pala ang 40th anniversary celebration ni Divine Diva Zsa Zsa Padilla kaya looking forward na siya at pinaghahandaan ang bonggang concert na magaganap sa Resort World Manila.

Isa nga ito sa naibahagi ni Zsa Zsa nang makatsikahan namin noong Hunyo 7, 2023, Miyerkules, sa kanilang vacation home na Casa Esperanza, natatagpuan sa Brgy. Piis, Lucban, Quezon. Na talaga namang na-enjoy namin ng bonggang-bongga, mul

Pag-amin niya, “Medyo mahirap gawin kaya sabi ko, dapat mag-meeting na kami.

“Kasi ang daming materyales. Kailangan, encompassing — the movies, saka yung mga soaps na ginawa ko.”

Hindi nga lang sa larangan ng pagkanta at mga concerts nag-excel si Zsa Zsa, pati sa movies at teleserye, may bonus pa na paglabas niya teatro sa pamamagitan ng Larawan kasama si Celeste Legaspi.

Balita pa niya si John Prats ang napili nilang magdirek ng concert.

“Gusto ko siyang i-try. Di ba, anak-anakan ko siya sa Familia Zaragoza?

“Ganyan pa lang siya kataas noon. Five or seven years old,” muwestra pa ni Zsa Zsa.

Gaano kaya katagal ang anniversary concert niya na may working title ng ’40 Na Zsa’? At sinu-sino ang naiisip niyang maging guests?

“Kailangan two lang yan. Kasi, ang tao, hindi kaya.

“Sa guest, actually madami pero… we will see. Kasi, andami ko na ring na-guest sa mga anniversary concerts,” say pa ni Zsa Zsa.

“Titingnan namin na medyo ibang flavor. Merong young artists siyempre.”

Anyway, kasama si Zsa Zsa sa six-part series na ‘Cattleya Killer’ na pinagbibidahan ni Cong. Arjo Atayde na nangunguna pa rin sa Top 10 in the Philippines ng streaming platform na Prime Video.

Ayaw pang sabihin ng Divine Diva na panggulat na eksena niya, na kung saan palagi rin niyang nakaka-eksena si Jake Cuenca.

Kuwento pa niya ang kumuha sa kanya rito ay si Direk Ruel S. Bayani, dahil alam na babagay sa kanya ang role. Si Direk RSB rin ang kumuha sa kanya noon para gumanap na Red Dragon sa seryeng ‘Wildflower’ at sa international series na ‘Almost Paradise’, na kung saan nag-audition siya.

Kasama rin pala siya sa bagong all-star cast ng seryeng ‘Call My Manager!’ ni Direk Erik Matti.

Aminado naman si Zsa Zsa na kailangan na niyang mamili ng projects.

“Kasi ahhmm nahihirapan na ako nung ano, e. Parang sa edad ko, sabi ko, parang kailangan ba, yung lock-in?

“Although nagawa ko siya sa Love Thy Woman with Kim [Chiu] and Xian [Lim]. Kasi, di ba, biglang nag-pandemic.

“Tapos supposedly, sinasama din ako dapat dun sa Iron Heart. Kaso yung schedule ko, hindi kami nagkasundo.”

Malamang isa sa rason na hindi niya tinanggap ang action series ni Richard Gutierrez ay sa Cebu pa sila nagti-taping. Mahirap nga naman na mag-work sa malayong lugar, kaya happy na siya sa ‘ASAP Natin ‘To’.

Isa pa malapit na palang maging senior citizen si Ms. Zsa Zsa, na hindi naman halata sa hitsura niya, na parang kapatid lang ni Karylle.

“One year na lang! Diyos ko, ‘Day!” natatawang pag-amin pa niya.

Pero kahit hindi pa siya “dual citizenship” ay meron na raw siyang discount card, na nagagamit niya lalo sa pagbili ng mga gamot.

“For PWDs. Scoliosis!” say pa niya, na nakuha lang niya this year dahil hindi niya alam na puwede pala.

Sinabi lang ito ng kanyang cousin na si Amy Perez na meron ding katulad na sakit. Kaya malaki ang natitipid niya sa pagbili ng maintenance medicines.

“Sana, maintain na lang. Huwag magdagdag! Pag nagdadagdag ng gamot, nai-stress ako.”

Naitanong kung ganun pa rin ba kaganda ng boses niya o may pagbabago na?

“Ang hirap din! Kasi siyempre, napapagod. Napapagod. Yung range siyempre bumababa, lalo na sa babae talaga, bumababa,” pag-amin ni Zsa Zsa.

“Actually, nag-start akong bumaba yung range ko in my 50s. Basta nag-menopause ang babae, ganyan. Some. Most.

“Napansin ko, sa nag-o-opera, hindi masyado. Pero pag pop, bumababa.

Dagdag pa niya, “But it’s natural. Kasi, pati yung fans, followings mo, kailangan nagde-develop ka as a person.

“Maiintindihan nila na pati yung style mo, nagbabago. Oo, hmmn, so ganun lang talaga.”

Pero sa true lang, kahit magbago pa ang boses ng Divine Diva, mananatili ang distinct voice na minahal ng mga fans hindi lang dito, pati na sa ibang bansa.

For sure, ngayon pa lang ay pag-iipunan na nila ang kanyang 40th anniversary concert, na siguradong maging matagumpay at pag-uusapan bago matapos ang 2023.

(ROHN ROMULO)

NILINAW ni Bea Alonzo na hindi pa sila engaged ng nobyong si Dominic Roque.

Dahil sa mga kumalat na litrato nila ni Dominic na tila marriage proposal ay may nag-akalang malapit na silang ikasal ni Dominic.

“Picture iyon noong nagpunta kami sa Amanpulo, na akala ng mga tao na-engage kami. Hindi, hindi pa po,” paglilinaw ni Bea.

Last year pa ang bakasyon nina Bea at Dominic sa Amanpulo, at sadyang mahilig mag-post ng throwback photos ang aktor.

Samantala, nakakaloka ang rebelasyon ni Bea sa vlog ni Mariel Rodriguez kung saan ibinulgar  ni Bea na may dati siyang karelasyon na mino-monitor ang kanyang timbang halos araw-araw.

“Mayroon akong naging jowa na pinag-we-weighing scale ako almost every day just to check if I was heavier,” pagbubulgar ni Bea.

Hindi na pinangalanan ni Bea kung sino ang naturang ex-BF niya.

Nakakaloka rin ang ikinuwento ni Bea na mayroon din siyang ex-boyfriend na hiniwalayan niya sa araw ng kanyang kaarawan!

“Hindi ko alam na may surprise pala siya sa akin na malaki, non-showbiz yung guy.

“Hindi ko alam biglang, ‘surprise!’ tapos kaka-break ko lang sa kanya. Inisip ko kasi makikipag-break ako sa birthday ko tapos hindi siya magagalit sa akin kasi birthday ko,” ang natatawang pagbabalik-tanaw ng Kapuso actress.

(ROMMEL L. GONZALES)

WALA pang relasyon sina Yasser Marta at Kate Valdez.

Iyan ang nilinaw mismo ni Yasser sa guesting niya sa episode ng ‘Fast Talk with Boy Abunda’ kamakailan.

Tinanong kasi ni Tito Boy ang hunk Sparkle actor kung sila na ba ni Kate.

“Hindi pa po Tito Boy,” ang sagot ni Yasser, pero inamin niya na nililigawan niya ang magandang aktres na regular na napapanood sa ‘Walang Matigas Na Pulis Sa Matinik Na Misis’ sa GMA.

“Nanliligaw po ako sa kanya, nililigawan ko siya Tito Boy. Pero mas nandoon kami sa ine-enjoy lang namin ‘yung companionship ng bawat isa.

“Tsaka ayaw din naming madaliin, mas maganda yung may nabi-build kayong foundation,” sinabi pa ni Yasser.

Samantala, naikuwento rin ni Yasser na noon pala ay madalas siyang ma-bully dahil sa pagiging balbon!

Pero sa ngayon ay tanggap na niya ang pagiging balbon ay isang katangian.

Sa Fast Talk segment rin kasi ng talk show ay ipinakumpleto kay Yasser ang pangungusap na, “I am Yasser Marta, I am sexy because…”

“I am Yasser Marta, I am sexy because mabalbon ako,” sagot ng Kapuso actor.

“Kasi noong bata ako Tito Boy binu-bully ako dahil sa buhok, e. Unggoy daw, laging sinasabing buhok na tinubuan ng tao,” pagbabahagi pa ni Yasser.

“Pero ngayon po natutunan ko na rin pong i-embrace rin, hindi naman yung imperfections, pero kung ano talaga ako kasi dito sa atin bihira naman yung may ganitong features.

“Pero tinanggap ko na rin at mas naniniwala ako na I am unique,” pahayag niya.

Kaya nga makikita sa mga social media post ni Yasser ang kanyang mabuhok na kaseksihan.

“Nasimulan ko na Tito Boy, nag-underwear na ako so for me, ngayon iyon din ang isa sa mga pinagpo-focus-an ko,” wika niya.

(ROMMEL L. GONZALES)

INAMIN ng magaling na aktor at konsehal ng Kyusi na si Alfred Vargas na sobrang saya niya na nagkaroon ng opportunity to work with the one and only Superstar and National Artist na si Ms. Nora Aunor sa pelikulang ‘Pieta’ na dinirek ni Adolf Alix, Jr. na ipalalabas this year.

Kaya nasabi niya na, “isa sa mga pinakapaborito ko talaga to.
“Meron kaming isang eksena, magkaharap kami ni Ate Guy, very quiet lang. Na-feel ko talaga na siya ang nanay ko.

“To the point na parang nakita ko kay Ate Guy ang nanay ko.”

Papuri pa ni Alfred, “Naramdaman ko rin, na kahit Superstar siya, ‘di na pinaramdam na hindi kami magka-level. Sinuportahan niya ako, nagbibigay siya.

“Super smooth din ang shooting namin, si Ate Guy, puro take one, kaya hindi ka puwedeng hindi makipagsabayan, dahil nakakahiya.”

May isa pang eksena sa ‘Pieta’ na labis na ikinatuwa ng puso ng aktor, na para sa kanya memorable yun at imposible nang maulit pa.

“Para akong nasa Marvel Universe. Yung nagsama-sama ang mga superhero ko sa acting.

“Sa isang eksena nagharap-harap sina Nora Aunor, Gina Alajar at Jaclyn Jose, kasama rin ako. Sino ba naman si Alfred Vargas?”

Matagal na niyang gustong makatrabaho si Direk Adolf Alix, Jr, panahon pa raw ng ‘Donsol’, pero happy si Alfred na magkasunod pa sa isang taon ang ‘AraBela’ at ‘Pieta’.

Bukod kay Ate Guy, dream din niya na makatrabaho sina, “gusto ko naman si Vilma Santos, gusto ko rin makatrabaho si Hilda Koronel.

“Sa lalaki si Richard Gomez kasi idol ko yun, si Albert Martinez. Gusto ko rin makatrabaho ang younger generation.

“Gusto ko rin with my contemporaries, tulad ni Diana Zuburi for the sake of ng mga nagmi-message sa Facebook. Pwede kaming gumawa ng movie kasama Rufa Mae Quinto, comedy siguro yun. Tingnan natin, one at the time.”

Ngayong Konsehal siya, mas relax ang trabaho niya kumpara noong Congressman pa. Kaya mas marami siyang time sa kanyang family at sa gusto niyang gawin.

Pag nai-stress naman siya sa trabaho, “ang hilig ko sa bahay lang. Parang nagbabakasyon ako sa bahay. Minsan pupunta sa The Farm at San Benito o sa farm namin sa San Jose, Bulacan.”

Dagdag pa niya, “dapat ini-schedule ang time mo, kaya may date ako with Yasmine and time with kids every weekends.

“Pinaka-bonding ko with kids, nagpupunta kami sa farm, naglalaro sila. Nanonood kami ng netflix.

“Tapos sinasamahan ko sila sa kani-kanilang hobby. Yung panganay ko volleyball, yung sumunod, drawing, yung bunso, swimming.

Pag sinasamahan ko sila, habang nagsu-swimming o nagba-volleybal sila, nagtatrabaho din ako.”

Aminado si Kon. Alfred na hirap na hirap din siya sa pag-aaral niya. May isang mid-term exam na akala niya ay bumagsak siya, pero pumasa naman siya.

“One semester pa lang ako, hirap na ako, four years ito, paano na kaya?

“Challenge din sa akin ang hybrid learning. Old school ako, mas gusto ng face to face study, kahit sa presscon, gusto ko face to face. Hirap ako, pero nakaka-adopt na ako.”

“Pero nag-e-enjoy ako kasi mga kaklase ko mga dalubhasa sa iba’t-ibang fields.

“Tapos nagugustuhan ko rin ang pagiging estudyante, dahil tahimik lang. Tapos sa UP pa, yayain ko mga kaklase ko, nagpi-fishball kami, masarap ang kuwentuhan namin. Iba-vlog ko yun kaya abangan nyo,” masayang pagtatapos ng butihing Konsehal.

(ROHN ROMULO)

MASAYANG-MASAYA ang fans ng Kapuso Primetime Queen na si Marian Rivera dahil finally, mapapanood na siyang muli sa primetime ng GMA-7.

After five years din ang pagbabalik ni Marian sa teleserye. At kung sino dapat ang kapareha niya sa naudlot na comeback niya bago mag-pandemic, sa suppsedly “First Lady,” si Gabby Concepcion pa rin ang kapareha niya ngayon sa “Against All Odds” with Max Collins and Gabby Eigenmann.

Si Max parang pinull-out sa “Royal Blood” at dito na siya bilang bida/kontrabida kay Marian.

Parehong busy ang DongYan ngayon. Si Dingdong naman, bukod sa movie, “Amazing Race”, “The Voice Generations”, magsisimula na ang “Royal Blood” sa June 19.

***

ANG daming natuwa na mga Pinoys sa sumalubong sa kanilang 20-foot inflatable robot na si Voltes V sa 125th Philippine Independence Day celebration sa Bergenfield, New Jersey.

Isa lamang ito sa mga nakahandang surprise ng GMA Pinoy TV para sa mga kababayan natin abroad. Kasama rin sa bonggang celebration ang bigating Kapuso artists na sina Xian Lim, Megan Young, Gabby Concepcion, at Ruru Madrid.

Ang susunond namang bibisitahin ni Voltes V ay ang Piyesta Pinoy sa Chicago ngayong June 10.

Samantala, patindi nang patindi na ang mga kaganapan sa hit live-action adaptation na “Voltes V: Legacy”. Kaya hindi dapat ma-miss every 8 p.m. sa GMA Network.

Siyempre mapapanuod din ito sa GMA Pinoy TV!

(ROSE GARCIA)