HAHANAPING muli ni Rabiya Mateo ang kanyang ama sa Amerika.

Balak ng beauty queen/actress na lumipad patungong Amerika sa kaarawan niya sa Nobyembre para hanapin ang kanyang ama na lumisan noong limang taon pa lamang si Rabiya.

“I tried to look for him, even yung mga kasing-last name niya na taga-Chicago mine-message ko pero sad ending talaga palagi. Like they don’t know my dad.
“Ang alam ko nasa US po siya, last state niya was Chicago.”

Noong nasa Amerika si Rabiya para sa Miss Universe 2020 na ginanap sa Hollywood, Florida na ginanap noong May 16, 2021 sinubukan na ni Rabiya na hanapin ang kanyang ama.

“Pero during that time, iba yung priority, like meet and greet, compete, yung mindset nasa competition dapat, I have to win.”

“And nung kailangan ko ng umuwi wala namang tsansa na kasi wala ng oras.

“So siguro ngayon na I have the resources na gusto kong maglaan po sana ng at least one month to be there and to look for him.

“Kung papayagan ng schedule, I was… pinag-usapan namin ni Jeric [Gonzales, boyfriend ni Rabiya], probably mga, during my birthday, November, kung papayagan ng management, gusto kong pumunta sa USA.”

Hindi raw siya nawawalan ng pag-asa na muling makita at makausap ang kanyang ama.

“Kasi in my heart I can feel na I’m gonna see him.”

Ang biological father ni Rabiya ay isang Indian-American national na nagngangalang Mohammed Abdullah Syed Moqueet Hashmi.

Samantala, gaganap si Rabiya bilang si Tasha sa ‘Royal Blood’ ng GMA.

Sa direksyon ni Dominic Zapata, ang Royal Blood ay pinagbibidahan ni Dingdong Dantes bilang si Napoy kasama sina Megan Young (bilang Diana), Mikael Daez (bilang Kristoff), Dion Ignacio (bilang Andrew), Lianne Valentin (bilang Beatrice), at si Rhian Ramos (bilang Margaret); may mahalagang papel naman sa serye si Tirso Cruz III bilang si Gustavo Royales.

Nasa cast rin ng Royal Blood sina Ces Quesada (bilang Aling Cleofe), Benjie Paras (bilang Otep), Carmen Soriano (bilang Camilla), at Arthur Solinap (bilang Emil).

Kasama rin sa serye ang Sparkle Teens na sina James Graham (bilang Louie), Aidan Veneracion (bilang Archie), Princess Aliyah (bilang Anne) at ang child actress na si Sienna Stevens (bilang Lizzie).

Mapapanood ang Royal Blood simula June 19 weeknights 8:50 p.m. sa GMA at 11:30 p.m. mula Lunes hanggang Huwebes at 11 p.m. tuwing Biyernes sa GTV.

***

AMINADO ang Nailandia owner na si Noreen Divina na nakilala nang husto ang kanilang nail salon at foot spa chain mula noong naging endorser nila si Marian Rivera simula noong taong 2014.

“Napakabait ni Marian,” bulalas pa ni Noreen.

Ano ang napansin niya agad sa una nilang pagkikita at pagkakakilala ni Marian?

“Ay napakabait! To think na nandun na siya sa stature na Marian Rivera, di ba? Napakabait.

“Parang, ‘Totoo ba ‘to? Artista ba ‘to? Superstar ba ‘to?

“Parang ganun. Ambait-bait niya, napaka-down-to-earth.

“At napakaganda!

“At nung na-meet ko siya may show siya sa GMA, yung Marian, ay naku, naka-tank top, dyusko gany’an lang yung waist, napakaliit, grabe!”

Host si Marian noong 2014 ng kanyang sariling musical variety show sa GMA na may titulong ‘Marian’.

Masaya si Noreen na tumagal ng siyam na taon ang samahan nila ni Marian, hindi lamang bilang negosyante at endorser, kundi bilang magkaibigan.

“Actually yung relationship namin ni Marian, hindi na more on business.”

Ilang beses na raw niyang napatunayan ang kabaitan at pagiging totoong tao ni Marian, lalo na nitong panahon ng pandemya.

Pinagkukuwento namin si Noreen tungkol dito pero mas minabuti na lang niyang isekreto kung ano ang tinutukoy niya.

“Basta ang masasabi ko, hindi na lang business ang relationship namin ni Marian, friendship na.

“Our business relationship has transcended into a strong and deep friendship,” ang nakangiting wika pa ni Noreen.

Co-owner ni Noreen sa Nailandia ang mister niyang si Juncynth Divina.

(ROMMEL L. GONZALES)

NAGPAKITA ng suporta si Ai-Ai Delas Alas kay Betong Sumaya, na isa sa mga bagong host ng “Eat Bulaga”.

Isa raw kasi ang Kapuso comedian-TV host na mabait at may respeto sa mga katrabahong mas senior sa kanya.

Sa Instragram, nag-post ng mensahe si Ai-Ai tungkol sa kabutihan ng isang tao.

“Kindness is a gift everyone can afford to give,” saad sa naturang quote na may kalakip na caption para kay Betong.

Ayon sa Concert Comedy Queen, tila malungkot si Betong sa Tiktok post nito kaya pinayuhan niya ang kapwa niya komedyante na maging matibay at patuloy na magdasal.

“Mabait kang tao, marespeto sa senior sa ‘yo… isa ka sa mabait na artist na nakilala ko. Dasal lang at tibayan mo ang loob mo. pag nalulungkot ka isipin mo na lang ilang beses ba naten kakantahin ang in New York Rio Tokyo –or any other place you see, you feel that dancing fantasy na hindi tayo nag kakamali sa phrasing,” sey ni Ai-Ai.

Sumagot naman at nagpasalamat si Betong sa mensahe ng suporta mula kay Ai-Ai.

“Sobra naman akong na-touch sa post nyo. Ty po sa encouragement at support nyo. Natawa tuloy ako sa “New York, Rio, Tokyo” natin,” sey ni Betong.

Miss na raw ni Betong ang aktres at hangad niyang makatrabaho itong muli at makanta nila nang maayos at tama ang “New York, Rio, Tokyo.”

***

MASAYANG-MASAYA ang The Clash 2023 grand champion na si Rex Baculfo dahil sa pagpirma niya ng exclusive management contract with Sparkle GMA Artist Center.

Katuparan daw ito ng mga pangarap ni Rex na makapagsimula ulit pagkatapos ng mga naranasan niyang hirap bago siya manalo sa The Clash.

“Elated talaga, sobrang saya, sobrang looking forward for new beginnings po talaga ako. Kasi, first time na may mag-manage sa akin na sobrang laking management ang Sparkle. Kung meron silang ibibigay na project sa akin hindi ko sasayangin talagang gagawin ko ‘yong best ko,” sey ni Rex.

Naikuwento ni Rex na hindi niya natapos ang pag-aaral niya ng dentistry sa Australia dahil sa nangyaring pandemic. Pati raw ang pagtrabaho niya part-time sa isang restaurant doon ay nawala dahil nagsara ito during lockdown. Dahil nauso noon ang livestreaming, bumalik si Rex sa pagkanta na hindi niya pinapaalam sa kanyang mga magulang.

Kaya nang sumali siya sa The Clash, inisip nya na huli na itong pagkakataon na susuwayin nya ang gusto ng kanyang mga magulang.

“Kung walang mangyayari, ito na ‘yung last, The Clash na ‘yung last ko. Susundin ko na ‘yong parents ko after this. Magtatrabaho na ako at babalik ako sa Australia,” sey ni Rex na ngayon ay kakanta ng theme song ng bagong teleserye na pagbibidahan ng BarDa loveteam nila Barbie Forteza at David Licauco.

***

KASAMA si Miss World 2013 Megan Young sa malaking cast ng GMA teleserye na ‘Royal Blood’.

Huling teleserye ni Megan ay ang horror-drama na ‘Hanggang Sa Dulo Ng Buhay Ko’ in 2019. Noong magkaroon ng pandemic, tine-turn down ng actress-beauty queen ang mag-taping lalo na kapag lock-in taping ito na inaabot ng dalawa hanggang tatlong buwan.

Ngayon at okey na ang lahat, tinanggap ni Megan ang mapasama sa ‘Royal Blood’ dahil kasama rin sa cast ay ang kanyang mister na si Mikael Daez.

“Noong unang in-offer ‘yung show sa amin, kaya namin actually tinanggap kasi we knew we were going to be together, and of course we’re going to work with such a grand cast.

“So the first time that they asked we said yes right away and we’re really excited na makaka-work namin ang isa’t isa ulit after ‘The Stepdaughters’ which we did in 2018 and 2023 na ulit magkasama na kami,” sey ni Megan.

Challenging daw ang role ni Megan bilang Diana dahil mysterious ito at hindi mo alam kung kakampi ba siya o kaaway.

“Ang puwede nilang abangan sa akin o sa karakter ko na si Diana ay kung paano niya itu-twist ang buhay ng iba pang makakasama niya rito sa pamilya niya, kay Napoy (Dingdong Dantes), sa buhay ni Napoy. So mabait ba talaga siya o may hidden agenda, hindi natin alam. Kahit ako hindi ko alam so aabangan ko rin.”

(RUEL J. MENDOZA)

TULOY na tuloy na ang first time na pagtatambal nina Megastar Sharon Cuneta at Asia’s Multimedia Star Alden Richards.

Si Sharon ang nag-post sa kanyang Facebook at Instagram ng: “My new movie is under Cineko Productions and Direk @directfromncn with a script by Mel del Rosario – co-starring my new movie son, the one and only @aldenrichards02!!! In photo are all of us and Workshop Facilitator (and girl with awesome pedigree – her mom is Direk Laurice Guillen and her dad is the late Johnny Delgado!) Ina Feleo!  Thank You Lord for a great project! Super excited!”

It seems magiging very busy and schedule ni Alden, dahil first meeting pa lamang nila ay nagkaroon na sila ng workshop at susundan na ito ng looktest at sa June 15 na ang kanilang story conference at doon na malalaman ang exact title ng movie at kung sinu-sino ang mga co-stars nila.

At sa June 20, malamang daw magsimula na silang mag-shooting,  Kaya naman ang mga fans nina Sharon at Alden ay excited nang malaman kung ano ang story ng movie na gaganap silang mag-ina.

From a source naman nalaman naming nakapagsimula nang mag-taping si Alden ng ilang episodes ng talent show na “Battle of the Judges” na siya ang host, with the Judges, Atty. Annette Gozon-Valdes, Boy Abunda, Jose Manalo and Bea Alonzo.

Mapapanood na ang talent show simula sa July 15.  May isa pang drama show na gagawin din very soon si Alden.

                                                            ***

EXCITED na si Kapuso comedienne Pokwang na magsimula na siyang magtrabaho with “Rosalinda” star Fernando Carrillo sa isang upcoming project.

Pokwang announced the news, sa kanyang Instagram, kasama ang photo nilang magkasama ni Fernando.

“Ayun na nga!!! new project with mr. @ferrcarrillo. Waaaa, can’t wait!” kasama ang hashtag #FerPok.

Si Fernando, 57, ay nasa Pilipinas para sa isang reality show, searching for talented individuals to form the “Filipino BTS,”  Pagdating dito ng Venezuelan actor, nag-guest siya agad sa “Fast Talk with Boy Abunda,” na best friend daw niya noon pang una siyang nagpunta dito sa bansa.

Napag-usapan din nila ni Boy and former leading lady niya sa “Rosalinda” na si Thalia, ipinalabas dito sa bansa ang Mexicanovela noong 1999 with Tagalog dubbing.

                                                            ***

SI Carmina Villarroel, mommy ng kambal na sina Mavy at Cassy Legaspi, pala ang naging emotional nang malaman niya ang tungkol sa offer ng TAPE, Inc. na kukunin silang mga host sa “Eat Bulaga.”

Mas sensitive daw si Carmina dahil para siya sa improvement ng mga anak nila.  Inamin niyang ang family daw niya at mga EB hosts (TVJ) ay okey, kaya trabaho lamang talaga ang dahilan.

Madali raw namang nakapag-adjust ang kambal sa mga co-hosts nila, kabilang sina Buboy Aguilar, Paolo Contis, Betong Sumaya at Alexa Miro.  Ayon pa kay Mavy, close na raw sila ni Cassy sa mga co-hosts nila.

“Ginusto namin ito at kahit short time lamang ang preparations namin, we all got our minds and hearts locked-in pagdating sa trabaho – I’m very passionate about that.  I’m always prepared.”

“I’m always blessed, if it’s not even this opportunity to work, kahit ano pa man iyon.  I always take it as a blessing from God,” paliwanag naman ni Cassy.

“I’m always about self-improvement and I can’t wait for more opportunities to improve my craft.”

(NORA V. CALDERON)