SA 101 episode ng Fast Talk with Boy Abunda noong June 14, sumalang sa isang usapang lalaki si Councilor Alfred Vargas kasama ang kaniyang co-actor sa AraBella na si Luis Hontiveros.

Ibinahagi  nga ng mahusay na aktor na hindi siya natatakot na umiyak sa harap ng mga tao lalo na sa mga malalapit sa kaniya.

Pahayag ni Alfred, “I cry in front of people that I am really close to kasi if I feel secure with your company, puwede kong ibigay talaga ‘yung sarili ko sa’yo.”

Dagdag pa ng aktor, “I also cry in movies, I cry in front of my children also pero madalas akong umiyak kapag kasama ko ‘yung misis ko kapag may frustration, kapag malungkot. I’m not afraid to cry in front of others.”

Agree naman si Luis sa tinuran ni Alfred at sinabing, “For me, it’s not about being weak. I think vulnerability makes me an even stronger human being.”

Natanong din si Kon. Alfred ang pelikulang prinoduce niya, ang ‘Pieta’ na pinagbibidahan ni Superstar Nora Aunor.

Pagbabahagi ng aktor kay Kuya Boy, “alam mo I was a Noranian eversince. After my ‘Pieta’ experience with the one and only Superstar, mas trumiple ang pagiging Noranian ko.

“The movie is the story about mother and son.  Pagbalik niya (mula sa prison) he was looking for his mom, may alzheimer’s na yung mom niya.

“So, it’s that journey.  It is a beautiful movie fitting for the Superstar’s comeback directed by Adolf Alix, Jr.”

Nakatakda itong ipalabas this year at pinag-iisipan nina kung isasali nila ito sa taunang Metro Manila Film Festival.

Samantala, mapapanood naman sina Alfred at Luis sa huling dalawang linggo ng AraBella sa GMA Afternoon Prime.

Para sa kabuuan ng episode, panoorin sa YouTube channel ng GMA Network at patuloy na tutukan ang Fast Talk with Boy Abunda pagkatapos ng The Seed of Love sa GMA Afternoon Prime via television broadcast sa GMA at sa iba pang digital platforms.

(ROHN ROMULO)

NATUWA ang award-winning veteran actor na si Tirso Cruz III na muli silang nagkatrabaho ni Dingdong Dantes pagkaraan ng isang dekada.

Kuwento ni Kuya Pip na tuwing nagkikita sila ni Dong, ang tawag niya rito parati ay Carlos Miguel. Yun kasi ang pangalan ni Dong sa unang teleserye na pinagsamahan nila na ‘Sana Ay Ikaw Na Nga’ in 2002.

“For a long long time, for so many many years, ang tawag ko sa kanya tuwing magkikita kami is Carlos Miguel. And ngayon mapapalitan na ‘yan, iba na ‘yung pangalan niya ngayon.

“But it was always been a very nice experience for me everytime I work with Dingdong. He’s a very kindhearted man, he’s very professional, and I can see he really loves his job.

“He’s not here just for the glory, for the fame, no. He has his heart into the art itself, the craft of acting. Nandito siya for as long as he can deliver and give beautiful stories and characters to our viewers, he will try to give his 100 percent best.”

Sa ‘Royal Blood’, gaganap si Tirso bilang Gustavo Royales, isang business tycoon at ama ni Napoy, na gagampanan naman ni Dingdong. Gaganap pang tatlong anak ni Gustavo sina Mikael Daez, Rhian Ramos at Lianne Valentin.

***

DAHIL Pride Month, malayang-malaya si Klea Pineda na makasama ang kanyang girlfriend na si Katrice Kierulf kahit saan nila gustong pumunta.

Simula noong mag-out si Klea, mas naging masaya ito dahil wala na siyang dapat na itago, lalo na ang pagmamahal niya sa kanyang partner na si Katrice.

Kelan lang ay sabay ang dalawa na namasyal sa La Union. Dahil parehong mahilig sa big bikes sina Klea at Katrice, ito ang ginamit nilang transportation sa pagpuna sa La Union.

“Walang sawang ride w/ you @kleapineda,” post ni Katrice sa kanyang Instagram stories.

Kasama rin ang buong pamilya ni Klea na nagbakasyon din sa La Union. Matagal nang tanggap ng pamilya ni Klea na siya ay miyembro ng LGBTQIA+ community. At tanggap din nila si Katrice bilang partner ni Klea.

Sa isang pinost na photo ni Katrice na photo nila ni Klea sa IG, nilagay niya ang caption na “Together we’re unstoppable.”

Marami man ang mabilis na tinanggap ang relasyon nila, hindi pa rin daw mawawala hanggang ngayon ang mga naghuhusga sa kanilang relasyon.

Heto ang naging sagot ni Katrice sa mga hindi makaintindi sa relasyon nila ni Klea: “Not everyone will understand our love story. But we won’t let it shatter our goals, dreams & the future we want to build together. #LoveAlwaysWins @kleapineda”

***

PROUD ang bisexual Filipino actor na si Alex Diaz na nakarating siya sa screening ng kanyang first international film titled ‘Glitter & Doom’ noong nakaraang June 8 sa Toronto, Canada.

Naging parte ng 2023 Inside Out LGBT Festival ang pelikula ni Alex kunsaan co-stars niya ang British actor na si Alan Cammish at ang ‘Orange is the New Black’ star na si Lea DeLaria. Kasama rin sina Missi Pyle, Tig Notaro at ang Indigo Girls na sina Amy Ray at Emily Saliers. Ang gumanap naman na mother ni Alex sa movie ay si Ming-Na Wen.

Ang kuwento ng ‘Glitter & Doom’ ay tungkol sa isang musician at isang carefree kid na sumama sa isang traveling circus kunsaan na-develop ang feelings nila para sa isa’t isa. Featured sa LGBTQIA+ musical na ito ay ang songs ng award-winning duo na Indigo Girls.

Ipapalabas din ang ‘Glitter & Doom’ sa Fairy Tales Queer Film Festival, Queer North Film Festival, and Frameline Film Festival in San Francisco.

(RUEL J. MENDOZA)

IBINALIK na raw sa Asia’s Limitless Star ang title ni Julie Anne San Jose na ipinang-label ng GMA-7’s “The Voice Generations” kunsaan, isa si Julie sa apat na The Voice Generations Judge.

Kasama rin niyang judges sina SB19 Stell, Billy Crawford, Bamboo at Chito Miranda.

Ilang araw na rin na pinag-aawayan o may diskusyon sa pagitan ng mga fan ni Julie at fans ni Jolina Magdangal. Ang title raw kasi na Pop Icon ay kay Jolina, as well as, being Multimedia Star.

Naglabasan na ng kanya-kanyang resibo. Mga hit records ni Jolina, hit movies at iba pa. Naglabas din ang mga fan ni Julie.

Sinubukan naming tanungin si Jolina ng reaksyon niya, pero hindi nito sinagot ang mismong tanong namin.

Sa isang banda, hindi ba pwedeng pareho silang gumamit ng title? Iba naman ang panahon ni Jolina noon at sa panahon naman ngayon ni Julie Anne, huh!

Anyway, speaking of Julie, ang pelikulang pinagtatambalan nila ni Rayver Cruz, ang “Cheating Game” ay mapapanood na sa mga sinehan simula sa July 26 under GMA Public Affairs and GMA Pictures.

***

MABILIS ang pick-up ni Isko Moreno sa isang episode ng ‘Eat Bulaga’.

Pwedeng sabihin na bongga ang revamped ‘Eat Bulaga’ sa pagkakakuha rito bilang isa sa mga host.

Sa segment na “G sa Gedli” kunsaan, randomly ay namimigay ng cash si Isko kasama si Buboy Villar, nang hingan ng mensahe ni Isko ang driver, ang TVJ pa rin na sina Tito Sotto, Vic Sotto at Joey de Leon ang pinasalamatan nito.

Sey niya, “Maraming-maraming salamat po sa Eat Bulaga lalo na kina Tito, Vic and Joey.”

Maagap na sinabi ni Isko na, “Hayun, Tito, Vic and Joey, ‘yan ang mga kasama natin noong araw at hinding-hindi natin makakalimutan. Pero ngayon, ang bagong Eat Bulaga, lagi mo ba kaming sasamahan?”

Positibo naman itong sinagot ng driver na, “Opo, opo, lagi po kaming nanonood ng pamilya ko.”

Dahil dito, maraming pumuri kay Isko at sinasabing mahusay raw ang pagkakakasalo nito.

Although, hindi maikakaila na hindi halos mapigilan ni Buboy ang tawa sa nangyari. Pero si Yorme, na-maintain ang composure.

‘Yun nga lang, sa pangyayari rin na ito, mas lalong ipinagsisigawan ng mga netizens na obviously daw, ang tao, TVJ talaga ang alam basta Eat…Bulaga!

(ROSE GARCIA)

PARA sa ika-100 episode ng ‘Fast Talk with Boy Abunda’ kahapon, Martes, espesyal ang naging bisita ni King of Talk Boy Abunda.

Ang multi-awarded actress na si Judy Ann Santos nga ang nakasama ni Kuya Boy para sa isang heart-to-heart talk.

Naging emosyonal ang premyadong TV host sa pagpapakilala sa tinaguriang Soap Opera Queen at isa sa most brilliant actor sa industriya.

“She doesn’t to be here. Wala naman ho siyang pino-promote at malayo ang kanyang bahay. Naglakbay po ito para lang makasama natin dahil espesyal para akin ang araw na ito,” pahayag ni Kuya Boy.

Dagdag pa niya, “para sa akin, narito siya ngayong araw, because she isa a friend. At ang nabubuhay po ng aming munting palabas ay mga kaibigan.”

Isang mahigpit na yakap ang binigay ni Juday kay Kuya Boy, sabay sabing, “hindi naman ako ready sa emosyon na ‘yun.”

Nagpapasalamat nga si Kuya Boy na kitang-kita ang kaligayahan, na isang tawag lang ay pumayag agad ang aktres, at say ng aktres, “you’re welcome Tito Boy, you don’t have to say thank you.”

Binalikan nga ni Judy Ann na nagsimula siya sa industriya sa murang edad na walo.

“It all started with commercials. Si Kuya (Jeffrey Santos) naman talaga ‘yung talagang kinukuha, sumasabit lang ako,” nangingiting pahayag niya.

“Siya talaga ang hinahanap ng mga agent. Siya talaga ‘yung kinuha ng Regal Films at ako, mahilig akong sumama sa kanya. And then nakasama na ko sa commercial, sa mga bata, bilang pamparami.”

Inamin ni Juday na wala sa isip niya ang mag-artista at sumikat.

Ang gusto lang niya ay, “I just wanted to buy a Mighty Kid rubber shoes.

“Gusto ko lang bumili ng rubber shoes, at magkaroon ng bank account. Totoo rin naman, na gusto kong makita ang sarili ko sa TV pero hindi nakaplano ever ‘yung maging sikat.

“Hindi ko talaga inisip or naging pinangarap na gusto kong maging sikat na sikat na artista.”

Dagdag pa ng asawa ni Ryan Agoncillo, “pero ang pangarap na natatandaan ko mula noon hanggang ngayon, ay gusto kong makabili ng bahay.

“Gusto kong makabili ng sasakyan, gusto kong makapag-aral. ‘Yun lang ang alam kong gusto ko.

“Pero apart from that, siguro kaya ako nag dire-diretso kasi nag-e-enjoy ako sa nangyayari sa akin, sa experiences ko. Marami akong taong nakikilala. Marami akong kalarong iba’t-ibang bata sa set.

“Normal naman ang childhood ko, but in a different way.”

Masasabi niyang lahat ng pangarap niya ay natupad at nadagdag pa na hindi inaasahan.

“Hindi talaga ako nagpa-plano Tito Boy, ever since, kahit noong bata pa ako,” sambit niya.

“Isa pang plinano ko, gusto kong magkaanak at 26. Yung lang, hindi ako nagplano ng kahit ano. Ang gusto ko lang naman noon, gusto ko may makakasama ako, na alam kong hindi ako iiwan. At nangyari naman yun noong 26 na ako.”

Isa nga naging highlights ng showbiz career ni Juday ay nang magbida siya sa ABS-CBN drama series na “Mara Clara” kung saan nakasama niya ang kaibigan pa rin hanggang ngayon na premyadong aktres din na si Gladys Reyes.

Hindi talaga nila in-expect na maghi-hit ito sa patay na oras, hanggang sa nagsunud-sunod na ang pagdating ng film projects mula sa Regal Films at iba pang film outfits.

“Dumating ako sa point Tito Boy that I was doing three movies in one year, and two shows in one year, all at the same time” pagbabalik-tanaw ng aktres.

“Dumarating ako sa set na kinailangan ko nang tanungin yung team ko. ‘Sino nga ako dito? Sino ang direktor natin?’ Nawawala na ako sa sarili ko, and then slowly, nawawalan na ako gana sa buhay.”

Inamin niya na nalulungkot na siya at nararamdaman daw niya na wala siyang maituring na tunay na kaibigan at parang nandun lang sila dahil siya si ‘Judy Ann Santos’.

Kaya diretsong tanong sa kanya ni Tito Boy, “Nagrebelde ka?”

Na sinagot ni Judy Ann ng, “Yes.”

“Para sa sarili ko, sa pagkakataong ito, pwede kong sabihing yung pagsimula ko nu’ng teenage years ko na umiinom ako, lumalabas ako at naglalasing ako, I think yun yung rebellious point ko, na talagang, pakawala ako.

“At that time lang, walang social media, walang pruweba, walang ebidensya. Pero hindi ako nagwawala sa hindi ko bahay, o hindi pribadong lugar.

“Hangga’t maaari, hindi talaga ko pupunta sa isang inuman na masama ang loob ko na alam ko ang gusto ko gawing ngayong gabi e magwala,” sabi niya.

Dagdag pa niya, “Ina-allow ko yung sarili ko na kailangan kong pakawalan ‘tong galit na ‘to, kailangang pakawalan ‘tong frustration na ‘to.

“Kasi otherwise may maapektuhan na akong tao, may maapektuhan na akong trabaho. And they don’t deserve na maapektuhan kung anuman ang pinagdaraanan ko.”

Sinagot din ni Juday ang sikreto niya na mapanatiling nakatapak ang mga paa niya sa lupa, “Yung gratefulness kasi Tito Boy malaking factor talaga sa akin ‘yun.

“‘Yung gratitude, mag-hi lang ako sa mga tao. Alam kong with a simple ‘Hi’ and a simple smile, naha-happy ako, kailangan ko siyang ibalik.”

“Paano ko name-maintain ‘yung pagiging grounded? Sadyang pinalaki kaming ganito.

“Laging sinasabi ng mommy ko noong nasa Canada pa siya, ‘Anak sa tinatahak mo ngayon, huwag mong kakalimutan na lahat ng taong nakakasama mo, sila rin ‘yung makakasalubong mo pabalik.

“‘So, huwag na huwag mong kalilimutan ‘yung pinanggalingan mo,’” say pa ni Judy Ann.

Para sa kabuuan ng interview, puwedeng balikan sa YouTube channel ng GMA Network.

(ROHN ROMULO)