• October 22, 2025 WordPress timezone: Asia/Manila
    Current date: October 22, 2025
    Current time: October 22, 2025 5:36 PM

  • Ang Diyaryong Pinagkakatiwalaan

Archive for June 17th, 2023

PBBM, kumpiyansa na sapat ang budget para sa Mayon-affected residents

Posted on: June 17th, 2023 by @peoplesbalita No Comments

KUMPIYANSANG sinabi ni Pangulong Ferdinand  Marcos Jr. na may sapat na pondo ang pamahalaan para bigyan ng karagdagang suporta ang mga pamilyang apektado ng kamakailan lamang na aktibidad ng Bulkang Mayon.

 

 

Sa isang ambush interview sa Taguig City, tinanong kasi si Pangulo Marcos kung may sapat na pondo para tulungan ang mga apektadong residente.

 

 

Naunang sinabi ng  Albay government na nangangailangan ito ng P166.7 milyong piso mula sa  national government para tiyakin na magpapatuloy ang pagbibigay ng tulong.

 

 

Sinabi ng Pangulo na inatasan na nito ang mga ahensiya ng pamahalaan na gamitin at ipamahagi ng maayos at naaayon ang pondo.

 

 

“I think in terms of the actual na gastos na ano, palagay ko, alam ko naman may budget tayo diyan, pero ang instruction ko sa kanila, pag-aralan ninyo ng mabuti, hindi ‘yung basta kayo bigay nang bigay ng pera, kailangan tingnan ninyo ano ba ang problema para maayos natin kung ano ang problema nila,” ayon kay Pangulong Marcos.

 

 

Hindi naman idinetalye ni Pangulong Marcos kung saan huhugutin ang pondo.

 

 

Sa situational briefing, ipinaliwanag ni Albay Gov. Edcel Greco Lagman na nangangailangan ang provincial government ng  P196,711,000 para tulungan ang mga bakwit sa loob ng 90 araw.

 

 

Sa nasabing halaga,  P156.71 milyong piso ang mapupunta sa  relief services; P5 milyong piso para sa tubig at sanitation; P10 milyong piso para sa  health emergency services; P10 milyong piso para sa temporary learning spaces; P5 milyong piso para sa  livestock evacuation; P5 milyong piso para sa  logistics; at P10 milyong piso para sa  emergency assistance.

 

 

Winika pa ni Lagman na ang P30 milyong piso mula sa  quick response fund ng lalawigan ay ginagamit na ng  provincial government.  (Daris Jose)

June 28, idineklara ng Malakanyang bilang national holiday

Posted on: June 17th, 2023 by @peoplesbalita No Comments

INANUNSYO ng Malakanyang na national holiday ang Hunyo 28, 2023 sa buong bansa  bilang pagdiriwang ng Eid’l Adha o  Feast of Sacrifice.

 

 

Ang Proclamation No. 258,  may petsang Hunyo 13, 2023 at nilagdaan ni  Executive Secretary Lucas Bersamin, ay nagsasaad na “ang Eid’l Adha  ay isa sa “greatest feasts” ng Islam na ipinagdiriwang ng buong mundo.

 

 

“Following the 1444 Hijrah Islamic Lunar Calendar, the National Commission on Muslim Filipinos has recommended that 28 June 2023, Wednesday, be declared a national holiday, in observance of Eid’l Adha,” ang nakasaad sa proklamasyon.

 

 

Nakasaad sa Republic Act No. 9849  na  “Tenth day of Zhul Hijja, the Twelfth month of the Islamic Calendar, a national holiday for the observance of Eidul Adha (Eid’l Adha), with a movable date.”

 

 

Ang Eid’l Adha  ay ang panghuli sa dalawang kapistahang Islamiko na ipinagdiriwang sa buong mundo bawat taon (ang isa naman ay Eid al-Fitr), at itinuturing bilang nakababanal sa dalawa. (Daris Jose)