2023 May Archive - People's Balita

Archive for May, 2023

Abalos, ipinag-utos sa LGUs na maghanda para sa posibleng epekto ng El Niño

Posted on: May 4th, 2023 by @peoplesbalita No Comments

IPINAG-UTOS ni Department of the Interior and Local Government (DILG) Secretary Benhur Abalos na maghanda para sa at pagaanin ang posibleng epekto ng El Niño sa kanilang lugar.

Ang kautusan ni Abalos ay matapos na magpalabas ng El Niño alert ang state weather bureau na Philippine Atmospheric, Geophysical and Astronomical Services Administration (PAGASA) na nagpapakita na maaaring lumutang at maramdaman ang phenomenon sa susunod na tatlong buwan na maaaring pumalo sa 80% at puwedeng magtagal sa unang quarter ng susunod na taon.

Ayon sa DILG, dapat na ikonsidera ng local government units (LGUs) ang mga mitigation efforts gaya ng “Urgent enactment of ordinances curbing illegal connections and encouraging prudent water usage, Allowing water concessionaires and water utilities to conduct emergency leak repairs, Lifting of number coding schemes for water tankers used by concessionaires, Implementing and updating existing contingency plans related to El Niño, Stockpiling of relief goods (food and non-food items) for immediate relief assistance at Information, education, and communication campaigns on water leaks, rainwater harvesting and storage, water conservation, and air-conditioning.”

Sinabi ni Abalos na ang mga hakbang na ito ay maaaring magpagaan sa epekto ng El Niño sa agrikultura, water resources, marine resources, human health, at kapaligiran.

“Conserving water is one of the key actions needed to be taken to mitigate effects of El Niño and as public servants, we must set an example. These precautionary steps, albeit small, can make a big difference that can affect our communities,” ang paliwanag ni Abalos.

Hiniling naman ng Kalihim sa mga Alkalde na makipagtulungan sa regional offices ng Department of Agriculture para sa “cloud seeding, irrigation, water-saving technology, paggamit ng drought-resistant at early-maturing seed varieties, cropping calendar changes.”

Samantala, pinayuhan naman ni Abalos ang Bureau of Fire Protection (BFP) na iwasan ang hindi kinakailangang pagkuha ng tubig mula sa fire hydrants at i-limit lamang ito sa pag-apula sa sunog.

Ang El Niño phenomenon ay mailalarawan bilang ” abnormal warming of sea surface temperatures in the central and eastern equatorial Pacific Ocean and below-normal rainfall.”

“Recent conditions and model forecasts indicate that El Niño may emerge in the coming season (June-July-August) at 80% probability and may persist until the first quarter of 2024. With this development, the PAGASA El Niño Southern Oscillation (ENSO) Alert and Warning System is now raised to EL NIÑO ALERT,” ayon sa kalatas ng PAGASA.

“When conditions are favorable for the development of El Niño within the next two months at a probability of 70% or more, an El Niño ALERT is issued,” ang paliwanag ng PAGASA.

PBBM ADMIN NAGLAAN NG P2.39 BILYON PARA PONDOHAN ANG MALAWAKANG FOREST REHABILITATION PROGRAM

Posted on: May 4th, 2023 by @peoplesbalita No Comments

Para makamit ang sustainable, green, at climate-resilient economy, naglaan ang administrasyon ni Pangulong Ferdinand R. Marcos Jr. ng P2.39 bilyon para sa National Greening Program sa ilalim ng 2023 General Appropriations Act (GAA).

“Bilang mandato po ni Pangulong Ferdinand R. Marcos Jr., mananatili kaming nakatuon sa pagkamit ng inclusive at sustainable transformation patungo sa tinatawag na greener economy. Ngunit hindi po natin matatamasa ang layuning ito kung pababayaan natin ang ating kalikasan. Kaya sa pagbuo natin ng ating national budget, binigyang prayoridad po natin ang mga pondo sa pangangalaga sa kalikasan. Kaya naman ngayong taon, mas tinaasan pa natin ang budget para sa climate change programs and activities,” ayon kay Department of Budget and Management (DBM) Secretary Amenah F. Pangandaman.

Isa sa mga pangunahing proyekto ng Department of Environment and Natural Resources (DENR), ang programa ay isang malawakang rehabilitasyon ng mga kagubatan na layong itaguyod ang sustainable development para mabawasan ang kahirapan, magkaroon ng sapat na pagkain, biodiversity conservation, matatag na kapaligiran, at tugunan ang climate change o pagbabago ng klima.

Sakop ng programa ang lawak ng kalupaan na nasa 13,565 ektarya; 7,249,642 na binhing itatanim; at 158,843 ektaryang lupa na pananatilihing alagaan.

“Kita naman po natin ngayon pa lamang, ramdam nating lahat ang epekto ng climate change, lalo na ang pagpasok ng El Niño. Kaya paulit-ulit din pong panawagan ng DBM sa bawat ahensya na maglaan sa kanilang budget proposal ng mga provision para sa pagtugon sa climate change,” dagdag pa ni Secretary Pangandaman.

Matatandaang para sa 2023, naglaan ang PBBM administration ng P464.5 bilyon para tugunan ang climate change. Higit na mas mataas ang naturang budget ng 60.1 porsyento kumpara sa 2022 budget nito na nasa P289.7 bilyon.

(Daris Jose)

US firms, magha-hire ng 75K pinoy seafarers

Posted on: May 4th, 2023 by @peoplesbalita No Comments

NAKATAKDANG mag-hire ang isang US firms ng 75,000 Filipino seafarers sa susunod na tatlo hanggang apat na taon.

Sa isang pulong kasama si Pangulong Ferdinand R. Marcos Jr. sa Washington, sinabi ni John Padget, presidente at CEO ng Carnival Corp. na ang kanyang “group of companies” ay nakatakdang mag-hire ng mga Filipino seafarers.

Si Padget, kumakatawan din sa Carnival Cruise Line, Holland American Airlines and Seaborn, pinuri ang mga manggagawang filipino para sa kanilang “hospitality at competitiveness” sa global workforce.

“It doesn’t matter whether it’s the marine, deck, hospitality, restaurant…everything is based on the happiness, the smile, and the greatness of the Filipino employees,” ani Padget.

Sa nasabi pa ring pulong, inilatag naman ni Department of Migrant Workers (DMW) Secretary Susan Ople sa US firms “the interest of 200,000 Filipinos” na “adhere to fair and ethical standards and principles.”

Pinasalamatan naman ni Pangulong Marcos ang US employers para sa kanilang patuloy na kumpiyansa sa mga Filipino professionals at skilled workers.

“When you say that the — the ladies and gentlemen that we have here today represent 200,000, you do not represent 200,000 employees, you represent 200,000 families and you represent 200,000 communities in the Philippines,” ang sinabi ni Pangulong Marcos sa mga employers.

Sa ulat, tinatayang mahigit na apat na milyong Filipino immigrants (temporary at permanent) ang nasa Estados Unidos, kumakatawan sa 4th largest immigrant group matapos ang Mexicans, Indians at Chinese.

Sa pamamagitan ng kanilang remittances, ang mga Filipino workers ay nakapag-ambag sa economic development, kapuwa sa Estados Unidos at Pilipinas, gamit ang kanilang “kasanayan, talento at kadalubhasaan.”

Samantala, sa nasabi pa ring miting kasama ang mga employers, kasama ng Pangulo sina Ople, Speaker Ferdinand Martin Romualdez, Trade Secretary Alfredo Pascual, Philippine Ambassador to the US Jose Manuel G. Romualdez, at Department of National Defense Officer-in-Charge, Senior Undersecretary Carlito Galvez, Jr.

(Daris Jose)

QUEZON CITY AT MWSS LUMAGDA SA 3 MOA

Posted on: May 4th, 2023 by @peoplesbalita No Comments

LUMAGDA sa tatlong Memorandum of Agreement o MOA ang pamahalaang lungsod ng Quezon City sa katauhan ni Mayor Joy Belmonte at Metropolitan Waterworks and Sewerage System o MWSS na kinatwan naman ni Administrator Leonor Cleofas kahapon sa punong tanggapan ng MWSS sa Katipunan, Quezon City.

Kabilang sa mga napagkasunduan ng QC at MWSS ang pag renew ng Usufruct Agreement sa paggamit ng mahigit 10,000 square meter na property ng MWSS na kasalukuyang ginagamit ng Balara Elementary School at Balara High School, pagtatayo ng multi-purpose gymnasium sa Brgy. Pansol, at pagbigay ng right of way access sa Bistekville 5.

Nakipagpulong din si Mayor Joy sa pamunuan ng MWSS, Mr. J. V. Emmanuel De Dios ng Manila Water, Mr. Ramoncito Fernandez ng Maynilad, Rep. Franz Pumaren ng District 3, at mga kinatawan ng QC Government sa pangunguna ni City Administrator Michael Alimurung upang talakayin ang iba’t ibang proyekto para sa pagpapaunlad ng La Mesa Eco Park at conservation efforts para sa La Mesa Watershed.

Makakaasa ang mga mamamayan ng Quezon City na walang patid ang pakikipag-ugnayan ng QC, MWSS, at mga water concessionaires para makapagbigay ng sapat at ligtas na inuming tubig, mahusay at maayos na serbisyo para sa mga mamamayan. (Paul John Reyes)

Walang sektor ang hindi napag-usapan sa PH-US partnership-PBBM

Posted on: May 4th, 2023 by @peoplesbalita No Comments

WALANG SEKTOR ang hindi nabanggit sa “partnership” sa pagitan ng Pilipinas at Estados Unidos.

Sa katunayan ayon kay Pangulong Ferdinand Marcos Jr., sa pulong kasama ang United States-Philippines Society (USPS), ikinatuwa niya ang makabuluhang progreso na nagawa kapuwa ng Maynila at Washington para mas palakasin ang security alliance.

“Yes now, prominent are the security defense issues, but if you look at what do we do in partnership, in coordination with the United States, and there’s no part of—there’s no sector that isn’t touched by that partnership,” ayon sa Pangulo.

Winika pa ng Punong Ehekutibo na ang pagpapalakas at pagpapalalim sa relasyon ng dalawang bansa ay “a big step forward with all the developments that have been happening.”

“It has been terribly useful for us to talk about redefining our Mutual Defense Treaty and this, I think, has given us the opportunity to layout as you say that roadmap for the economy and for another big issue in the Philippines – climate change and all the other big issues,” aniya pa rin.

Sa kabilang dako, nangako naman ang USPS para sa “greater cooperation and partnership in the development and economy of the Philippines.”

Ito’y non-profit, bi-national organization ng prominenteng civic at business leaders ng Estados Unidos at Pilipinas.

Samantala, binigyang diin naman ni Pangulong Marcos ang papel ng pribadong sektor sa economic development kung saan umaasa siya na “to see more engagements involving both the government and the private sector, especially in mobilizing financial resources for investments in key areas.”

Sinabi naman ni Top IBM executive Michael DiPaula Coyle na sila ay “very, very bullish” sa Philippine economy at “looking forward” na makatrabaho ang gobyerno para mamuhunan sa digitalization.

“We’re also very heavily invested in helping grow your talent pool through skills development programs, we’ve had a number of partnerships with the US government with your government to improve skills development particularly in areas like… AI and cybersecurity where I think the Philippines has an enormous opportunity to position yourselves as very competitive economy particularly in the IT services sector,” ani Coyle.

PBBM, BIDEN pinalawak ang security, environment protection, trade ties; pinagtibay ang commitment sa international law

Posted on: May 4th, 2023 by @peoplesbalita No Comments

PINAGTIBAY nina Pangulong Ferdinand R. Marcos Jr. at US President Joseph Biden ang serye ng “partnerships” na naglalayon na palakasin ang alyansa ng Maynila at Washington.

Sa isang joint statement, kapuwa pinuri nina Pangulong Marcos at Biden ang “remarkable ties of friendship, community, and shared sacrifice that serve as the foundation of the U.S.-Philippines alliance.”

“In efforts to promote inclusive and broad-based prosperity, invest in the clean energy transition and the fight against climate change, uphold international peace and stability, and ensure respect for human rights and the rule of law, the United States and the Philippines will remain the closest of allies, working together to deliver a better future for our citizens and tackle the emerging challenges of the twenty-first century,” ang nakasaad sa joint statement.

Sa kabilang dako, kapuwa naman winelcome nina Pangulong Marcos at Biden ang identification o pagkakakilanlan sa mga bagong sites sa ilalim ng US-Philippines Enhanced Defense Cooperation Agreement (EDCA).

Sa joint statement, kapuwa sinabi ng dalawang lider na “this will strengthen Philippine security and support the Armed Forces of the Philippines’ modernization goals, while driving US investment to local communities across the Philippines and improving our shared ability to rapidly deliver humanitarian assistance and disaster relief.”

Kapuwa binigyang diin ng dalawang lider ang kanilang “unwavering commitment” sa freedom of navigation at overflight sa South China Sea, at maging ang kahalagahan ng paggalang sa sovereign rights ng estado sa loob ng exclusive economic zones (EEZ) nito alinsunod sa international law.

“The leaders support the right and ability of Filipino fisherfolk to pursue their traditional livelihoods. The leaders note the ruling of the 2016 arbitral tribunal, constituted pursuant to the United Nations Convention on the Law of the Sea (UNCLOS),” ayon sa kalatas.

Pinagtibay din ng mga ito ang kahalagahan na panatilihin ang kapayapaan at katatagan sa kabilang panig ngTaiwan Strait, kung saan inilarawan ito bilang “indispensable element of global security and prosperity.”

Kapuwa naman ipinaabot nina Biden at Pangulong Marcos ang kanilang suporta para sa Ukraine sa laban nito sa Russia para sa sobereniya, independence, at territorial integrity sa loob ng “internationally recognized borders, “noting that the conflict (with Russia) has adversely affected food and energy security in the Indo-Pacific.”

Sa kabilang dako, kapuwa naman nilutas nina Pangulong Marcos at Biden ang “expand cooperation on environmental protections, kabilang na ang pinalakas na domain awareness, marine conservation, at pagprotekta sa coastal areas mula sa environmental degradation.

Kapuwa naman nangako sina Pangulong Marcos at Biden na “to promote increased cooperation and knowledge sharing between the United States and the Philippines through the Science and Technology Agreement (STA). They also welcomed US plans to establish an Open-RAN Interoperability Lab in Manila.”

Pareho namang binigyang diin nina Pangulong Marcos at Biden ang pangangailangan na palakasin ang “democratic institutions, rule of law, at paggalang sa human rights, kabilang na ang freedom of expression, press, at association.”

Binigyang diin din ng dalawang lider ang pangangailangan na kontrahin o tutulan ang anumang uri ng karahasan gaya ng laban sa sambayanan, kababaihan, kabataan at marginalized groups.

Samantala, winelcome naman ng mga lider ang paglikha sa bilateral Labor Working Group bilang bahagi ng US-Philippines TIFA, nakikitang makapagbibigay ng mahalagang oportunidad para sa Estados Unidos at Pilipinas para “work together on implementation of internationally recognized labor rights,” at pabilisin ang pagpapalitan at dayalogo sa hanay ng US at Philippine governments at labor unions, at maging ang employer organizations.

(Daris Jose)

Ibinida rin ang first piano recital ni Zia: DINGDONG, pinasalamatan si MARIAN at tinawag na ‘incredible woman’

Posted on: May 4th, 2023 by @peoplesbalita No Comments

KAPURI-PURI talaga ang mga ginagawa ni Marian Rivera, lalo na pagdating sa kanilang pamilya, kaya naman tinawag ni Dingdong Dantes ang kanyang misis na isang ‘incredible woman’.

Sa Instagram post ng Kapuso Primetime King noong May 1, ibinahagi niya ang mga larawan ng asawa na kung saan nagpa-pack ito ng mga goodies para sa kanilang company party..

“Good morning to this incredible woman who runs our household,” panimula ni Dong.

“Despite it being a holiday today, I woke up a little later than usual and saw her downstairs, busy with something.

“As I made my way to the living room, I saw her packing goodie bags for our company party tonight!”

“Let’s give a shoutout to all the amazing homemakers out there who work tirelessly to make their homes a comfortable and loving place,” dagdag pa niya.

Binati rin niya ang mga manggagawa sa pagdiriwang ng Labor Day,
“And happy Labor Day to all the hardworking individuals, regardless of what kind of work you do—who strive to make a difference every day!”

Ang gaganda naman ng naging comments ng netizens at followers at ilang dito…

“Tunay na asawa at ina. Ndi puro paganda at pagpapasusyal lang. Alam ang tunay na definition ng “maybahay”. #queen”

“Pwede nya ipagawa sa iba pero mas minabuti nya sya na mismo gumawa. Sa mga ganyan bagay pa lng may idea ka na agad kung ano pagkatao ng isang tao.”

“Napaka-good husband at family man nitong si Dong. Maganda paghubog ng magulang. Bihira na lang ganyan sa showbiz.”

“I’m not a fan but an admirer. your wife is an epitome of the word itself. i’m just hoping all women who dream of being a wife in the future know that being one is not an easy task nor a title. it’s hard work based on love…”

“It’s also nice na you see her efforts.. some men just ignore those eh. You both are truly one of a kind, love dongyan”

“Lucky Man who have a wife like Marian….”

“Ang ganda ni @marianrivera kahit walang make up… Tapos magaling na home maker, mommy at asawa… @dongdantes”

“Ur sooo blessed Sir Dingdong Dantes for having a wife like her. Hands on to ur family & household chores. U shld treasure her. She balance to handle her family & herself, still pretty, nothing change but she learn & manage to set everything’s fine. God continue to open the windows & doors in heaven to flow His blessings to urs. I prayed for ur life, health & protection for Rivera-Dantes family.”

Samantala, isang araw baka naturang post, ibinahagi din ni Daddy Dong ang photos and video ng first piano recital ng anak na si Zia Dantes, na kung saan proud na proud siya.

Sa kabila ito ng pag-amin na may pinagdaraanan ang kanilang pamilya.

Verified
Ayon sa caption ni Dingdong, “We’ve been experiencing setbacks and curveballs in the past few weeks, which is normal in life.

“But amidst the chaos, there are moments like this – watching my daughter play the piano with grace in her first recital.

“Suddenly, I snap out of the worry and all I see is beauty.”

Patuloy pa ng bida ng GMA primetime series na ‘Royal Blood’, “It reminds me to hold onto hope and find comfort in life’s little moments, and that everything’s gonna be alright.

“Everything’s gonna be alright. 👍🏻 #MariaLetizia.”

Pinusuan ng mga netizens ang naturang post at isa sa mga nag-agree na maaayos din ang lahat ay si Carla Abellana. Wish nang nagwo-worry na DongYan fans na agad na malampasan ng mag-asawa ang kanilang pinagdadaanan ngayon.

(ROHN ROMULO)

Ads May 4, 2023

Posted on: May 4th, 2023 by @peoplesbalita No Comments

WHOSE SIDE ARE YOU ON? MEET ALL THE TRANSFORMERS IN “RISE OF THE BEASTS”

Posted on: May 4th, 2023 by @peoplesbalita No Comments

Autobots, Maximals, Terrorcons. Are you ready for the big battle for Earth in Transformers: Rise of the Beasts? Directed by Steven Caple Jr. and starring Anthony Ramos and Dominique Fishback, the epic action adventure from Paramount Pictures arrives in Philippine cinemas June 7.

(Watch the trailer: https://youtu.be/Q36-envs5OU)

About Transformers: Rise of the Beasts

Returning to the action and spectacle that have captured moviegoers around the world, Transformers: Rise of the Beasts will take audiences on a ’90s globetrotting adventure with the Autobots and introduce a whole new faction of Transformers – the Maximals – to join them as allies in the existing battle for earth. Directed by Steven Caple Jr. and starring Anthony Ramos and Dominique Fishback, the film arrives in theaters June 7.

The screenplay is by Joby Harold and Darnell Metayer & Josh Peters and Erich Hoeber & Jon Hoeber, story by Joby Harold, based on Hasbro’s Transformers™ Action Figures.

Produced by Lorenzo di Bonaventura, Tom DeSanto & Don Murphy, Michael Bay, Mark Vahradian, Duncan Henderson.

The film stars Anthony Ramos, Dominique Fishback, Tobe Nwigwe, Peter Cullen, Ron Perlman, Peter Dinklage, Michelle Yeoh, Liza Koshy, John DiMaggio, David Sobolov, Michaela Jae Rodriguez, Pete Davidson, Cristo Fernández.

Transformers: Rise of the Beasts is distributed in the Philippines by Paramount Pictures through Columbia Pictures.

Connect with #Transformers #RiseOfTheBeasts and tag @paramountpicsph

(ROHN ROMULO)

OIL SPILL, PINAGHAHANDAAN NA NG PCG

Posted on: May 3rd, 2023 by @peoplesbalita No Comments

PINAGHAHANDAAN na ng Philippine Coast Guard (PCG) para sa contingency measures matapos makakita ang Coast Guard Sub-Station Tubbataha ng oil sheen malapit sa baybayin kung saan lumubog ang dive yacht noong Linggo ng umaga, Abril 30.

Sinabi ni PCG spokesperson Rear Admiral Armand Balilo na patuloy ang monitoring sa sitwasyon sa lugar kung saan lumubog ang M/Y Dream Keeper upang agad na matugunan.

Aniya nasa lugar na ang oil spill response team at nagsimula nang maghanda sakaling magkaroon ng pagtagas ng langis upang agad itong mapigilan.

Angpil sheen ay naisapatab umano apat na milyaula sa Tubbataha Reefs na kilala sa malinis na coral reef na may perpendicular wall, malawak na lagoon at dalawang coral islands.

April 27 nang umalis ang yate sa San Remigio ,Cebu City at dumating sa Tubbataha Reef alas 10 ng gabi noong April 29.

Sakay nito ang 32 katao , at 28 sa mga ito ang narescue habang apat pang iba pa ang nanatiling missing at pinaghahanap.

Sa inisyal na imbestigasyon, sinabi ni Balilo na tinitignan dahilan ng paglubog ng yate ang na-encounter nito na tinatawag na localized thunderstorm .

Sa ngayon may mga divers mula sa 10 yate ang tumutulong sa search and rescue .

Samantala, sinabi ni Balilo na itinigil na nila ang search and rescue sa dalawang nawawalang crew ng isang dredger at isang oil tanker na nagbanggaan sa karagatan ng Corregidor Island.

Hindi bababa sa tatlong tao ang kumpirmadong namatay sa nangyaring Maritime incident .

Itinigil na aniya ang search and rescue matapos na hindi mahanap ng kanilang mga diver ang dalawang nawawalang crew sa kabila ng masinsinang paghahanap. GENE ADSUARA