SINABI ni Mikee Quintos na mas gusto raw nito na may pinagtatalunan sila ng boyfriend na si Paul Salas kesa sa nagkakasundo sila.

Pareho raw kasing competitive sa iba’t ibang bagay ang dalawa at ito ang mas nagpapatibay ng kanilang relasyon.

Kuwento ni Paul, “kasi ‘yung pagiging competitive naman namin, alam naman namin sa isa’t isa na ikaka-grow ng career namin ‘yun sa isa’t isa so support ako sa kanya, proud ako sa mga pinaggagagawa niya.”

Sagot naman ni Mikee, “‘yung mga napapagdaanan naming arguments kung sakali mang may hindi kami ma-agree-han sa set, hindi n’yo maiiwasan ‘yun. Going through those small things, doon nagiging better ‘yung real life relationship namin and the way we work din on set of ‘The Write One’.”

Habang nagtatagal daw ang relasyon nila, mas marami silang nadidiskubre sa isa’t isa lalo pagdating sa trabaho.

“Ito, marami kaming na-realize sa isa’t isa na magkaiba rin talaga kami ng way, ng atake sa work namin. Ako ‘yung medyo introvert side na kailangan mag-solo, siya ‘yung medyo extrovert side na kailangan makausap niya lahat ng tao sa set,” sey ni Paul.

Sey ni Mikee, “dun ako nagkaka-energy so dun pa lang, ‘yung contrast namin sa kung paano kami magtrabaho, dito namin sa show na ito na-realize. Magkaiba man kami ng energy sa set pero we compliment one another sa ibang bagay.”

***

KAPWA nagpapaganda ng katawan ngayong summer ang Sparkle young actors na sina Bruce Roeland at Allen Ansay.

Si Bruce ay nagsimula noong 2020 ng kanyang pag-workout. Kaya three years after, batak na batak na ang katawan nito. Pero kulang pa raw ang resulta kaya patuloy ang pagpapaborta niya.

“Hindi pa ito ‘yung final product. Pero ang masu-suggest ko. Kailangan mo maging consistent, kailangan talaga gustuhin, kailangan maging dedicated. Hindi lang yan sa pagi-gym, kasama din ang diet.

“Ang sinasabi ko lagi- 70% diet at 30% gym. Kailangan talaga sipagan mo yan, ‘yung ginawa ko nung pandemic,” sey ni Bruce na mukhang tatapatan ang bortang katawan si Prince Clemente, ang boyfriend ng kanyang dating ka-loveteam na si Althea Ablan.

Si Allen ay aminadong nagpapalaki ng katawan para sa kanyang ka-loveteam na si Sofia Pablo. Sa pinost niyang video sa Instagram, makikitang magbubuhat ito ng weights at nagpe-flex ng kanyang muscles.

Noong January pa raw sinimulan ni Allen ang mag-workout. Inamin niya noon na kulang sa laman ang kanyang katawan kahit na matangkad siya. Gusto niyang magkaroon ng abs at maging fit lalo na kapag may mga mall shows sila ni Sofia. Para handa raw niyang buhatin si Sofia anytime.

Kakatapos lang pala ng taping nila Allen at Sofia ng digital series nila para sa GMA Public Affairs titled ‘In My Dreams’. Kasama rin ang AlFia loveteam sa upcoming sitcom ni Vic Sotto at Maja Salvador na ‘Open 24/7’.

***

AFTER 18 years ay naghiwalay na ang Hollywood actor na si Kevin Costner at ang kanyang wife na si Christine Baumgartner.

Ayon sa report ng TMZ, nag-file na si Christine ng divorce papers citing “irreconcilable differences.” Hinihiling din ni Christine ang joint custody sa tatlong anak nila ni Kevin na sina Cayden Wyatt (15), Hayes Logan (14), and Grace Avery (12). Hindi na rin ito humingi ng spousal support dahil meron silang prenup ng aktor.

Rumesponde agad ang rep ng 68-year old Oscar winner sa divorce at joint custody case ni Christine.

“It is with great sadness that circumstances beyond his control have transpired which have resulted in Mr. Costner having to participate in a dissolution of marriage action. We ask that his, Christine’s, and their children’s privacy be respected as they navigate this difficult time.”

Noong nakaraang taon pang may usap-usapan na may problema sa 18-year marriage ni Costner. Nangyari ito habang tinatappos niya ang final season ng hit series niya na ‘Yellowstone’. Pero pinabulaanan ito ng aktor at nakapagbakasyon pa silang mag-asawa sa London.

Ito ang second marriage ni Costner. Una siyang kinasal kay Cindy Silva noong 1978 at nag-divorce sila noong 1994.

(RUEL J. MENDOZA)

SA latest Youtube vlog ni Camille Prats kung saan guest si Antoinette Taus ay napag-usapan ang masasabing “urban legend” tungkol sa dating aktres, sa pagkakaroon umano nito noon ng lihim na anak.

Kahit ilang taon nang hindi active sa show business, aminado si Antoinette na nakatatanggap pa rin siya ng mga tanong tungkol sa naturang tsismis kaya tinalikuran niya ang pagiging isang artista.

“Ang dami talagang hindi makaintindi kung bakit ako umalis. Nung time na ‘yun, ang dami nilang iba’t ibang theories and tsismis. Hanggang ngayon may mga tao pa ring nag-iisip na nagkaroon ako ng kids before, which there’s nothing wrong naman with that.”

Sinabi pa ni Antoinette na kung totoo raw na nagkaroon siya ng anak ay magiging proud pa siya at hindi niya ito itatago.

“My only point is kung mayroon ako, I would be proud of my children and I would share it. Oo nga pala, hindi lang daw isa. Kasi, every time na babalik ako sa States, sinasabi nila magkakaroon na naman daw ako.”

Ipinaliwanag ni Antoinette ang tunay na dahilan kung bakit nanatili siya sa ibang bansa kasama ang kanyang pamilya.

“Grabe, pumunta lang naman ako sa States kasi may pangarap din ako. Actually, what happened was, right after we moved, we also found out na nagkasakit na yung mom ko, cancer.

“So, it kind of became something na, buti na lang din we did. Kasi, we were able to be with her throughout her whole treatment at hindi ‘yung parang we had to move during that difficult time.”

Inamin rin ni Antoinette na nakaranas siya noon ng depression habang siya ay nasa U.S.

“We got to spend yung last eight months talaga with her. That’s really when I kind of stopped doing the work that I was doing na after that, kasi hindi ko na-realize that I went into depression…”

Samantala, abala ngayon si Antoinette bilang humanitarian, UNEP Goodwill Ambassador, at Founder ng non-profit organization na CORA Philippines.

***

SI Kapuso and Sparkle actress Angel Guardian ang bibida sa bagong episode ng real life drama anthology na #MPK o Magpakailanman.

Bibigyang-buhay niya ang kuwento ng isang working student na ilang buwang magiging bihag ng rebeldeng grupo sa episode na pinamagatang “The Hostage Girl.”

Gaganap si Angel dito bilang si Judy, isang mag-aaral na nangangarap na makapagtapos.

Para makaipon ng pera na pang-enroll sa susunod na school year, darayo si Judy sa isang malayo at liblib na bayan para magtrabaho. Magsisilbi siya bilang waitress sa isang kainan. Pero mabubulabog ang tahimik na bayan sa pagdating ng isang rebeldeng grupo. Madadakip si Judy bilang isa mga hostage ng grupo at ilang buwan din siyang magiging bihag ng mga ito.

Makakauwi pa ba si Judy para maipagpatuloy ang kanyang pag-aaral?

Abangan ang kakaibang kuwentong ‘yan sa brand new episode na “The Hostage Girl,” May 6, 8:00 p.m. sa #MPK.

Naka-livestream din nang sabay ang episode sa GMANetwork.com, sa YouTube account ng GMA Network at sa Facebook at TikTok accounts ng #MPK.

(ROMMEL L. GONZALES)

HINDI pabor si Gloria Diaz na makasali sa Miss Universe ang mga may asawa, may anak, at transsexual.

Kauna-unahang Pilipinang Miss Universe si Gloria kaya may bigat ang kanyang opinyon o pananaw tungkol dito.

“Di dapat, Universe na lang, huwag nang Miss. Kasi, hindi na Miss yun, di ba,” umpisang sagot sa amin ni Gloria.

“Dapat ‘Universe’! Hindi, I think they even include transvestites. Siyempre, going with the times, ‘no?

“Pero my personal opinion, which is not to be taken in the negative way, dapat may sarili silang contest.

“May Mrs. Universe, may Lesbian Universe, may Tranny Universe.

“There is room for so much. Oo, mga category na ganun, ganyan. Tapos, kasi even sa Mrs. Universe, andaming magaganda diyan na nanganak na. Okay lang yon!”

Pati ang age limit ay binago na rin dahil hanggang twenty-eight years old ay puwede pa ring sumali sa Miss Universe na dati ay eighteen hanggang twenty six years old lamang ang age requirement.

“Kasi actually, ‘pag twenty eight ka na, dapat may career ka na, hindi ba? Dapat mga… like during my time, from seventeen or eighteen hanggang twenty three, ikaw na ang pinakamatanda.

“In fact noon, pag may twenty three years old, sasabihin nila, ‘And the oldest candidate, twenty three years old…’ “Ganyan, no? Bukod-tanging ikaw ang pinakamatanda.

“Pero ngayon, nakaka-twenty eight na yata, puwede pa rin, e. It’s hard. It’s a very new idea na sa akin, not very acceptable.”

Para rin sa marami, nararapat lamang na bukod ang beauty pageant para sa mga may-asawa, nanay, lesbian, bisexual, o transsexual.

“Dapat kanya-kanya! O sige, di at least it gives people more chances, di ba,” reaksyon ni Gloria.

“Kasi, you’re representing this country. E, kung may mas magandang babae, o mas magandang tranny… mas mahirap kalaban ang tranny.

“Kasi I’ve been a judge sa Super Sireyna. Ang gaganda talaga nila! At talagang palaban! Kaya nilang magsirku-sirko diyan, di ba?”

Bida si Gloria bilang si Dalena sa pelikulang ‘Lola Magdalena’; kakaiba ang papel niya dito bilang faith healer sa araw at lolang pokpok o prostitute sa gabi.

Kasama niya sa pelikula sina Perla Bautista, Liza Lorena, Pia Moran, at Sunshine Cruz.

Sa panulat ni Dennis Evangelista at sa direksyon ni Joel Lamangan kasama rin sa cast sina Angel Guardian, Carlo San Juan, Jim Pebanco, Marcus Madrigal, Harlene Bautista, Dorothy Gilmore, at Joonee Gamboa.

Ang executive producer ng Lola Magdalena ay si Amelia OJA Zuniga ng Hiro Hito Film Production.

***

SA ‘Fast Talk With Boy Abunda’ nitong Martes, ikinuwento ni Glaiza de Castro na naging malakas ang Brew Box Baler ng kaniyang mister na si David Rainey nitong nagdaang Semana Santa.

“Minsan makikita ako ng mga tao sa Baler naghuhugas ng plato.

“‘Di pa ako dumadating sa pagbu-brew ng kape pero nagpe-prepare ako ng mga foods,” pagbabahagi ni Glaiza.

“Nung Holy Week po, that was our busiest week and nakita ng tao ‘yung struggle ko din kasi I was also trying to help David,” kuwento ng aktres.

“Ang sarap din sa experience na ma-overcome ko ‘yun na kahit na hindi ako familiar sa ganitong klase ng set-up,” sabi pa ni Glaiza.

Pag-amin ni Glaiza, hindi siya naka-focus noon sa negosyo dahil sa pagiging abala at tutok niya sa kaniyang showbiz career.

Ngayon, nakita na niya na maaari palang gawin kapag wala siyang taping at kapag nasa Baler siya.

May isa pang negosyo sina Glaiza bukod sa coffee shop nila ng kanyang mister, mayroon ding mina-manage si Glaiza sa Baler na Casa Galura, na bed and breakfast business.

Natutuwa naman si Tito Boy sa tagumpay na nararanasan ni Glaiza na tinawag niyang mabuting tao kaya pinagpapala.

At bilang belated wedding gift ay binigyan ni Tito Boy ng painting si Glaiza bilang regalo sa kasal nila ni David noong 2021 sa Ireland, at muli nitong nakaraang Enero sa Zambales.

Mapapanood si Glaiza sa upcoming GMA Afternoon Prime series na “The Seed of Love,” kasama sina Mike Tan, Valerie Concepcion, Boy2 Quizon, at Ashley Rivera, sa May 8 na.

(ROMMEL L. GONZALES)

NAKALULUNGKOT dahil hindi na matutuloy ang pagtatambal nina Bea Alonzo at Alden Richards sa ‘A Special Memory’.

Pinili nga ng aktres na mag-backout na lang sa dapat sana ay una nilang pagtatambal sa pelikula ni Alden Richards dahil punum-puno ang schedule niya this year.

Sa official statement mula sa management ni Bea…

“In the spirit of fairness, we deemed it appropriate to advise the producers of “Special Memory,” a movie adaptation of “A Moment to Remember,” that Ms. Bea Alonzo had to respectfully beg off from this movie project due to her full schedule this year. Ms. Bea Alonzo has contractual obligations with GMA Network to fulfill, and that shall remain as our top priority.

“She is currently taping LOVE BEFORE SUNRISE (“LBS”) with Mr. Dennis Trillo. In addition, she will be participating in GMA 7’s still to be announced new reality show within the same timeframe as the LBS taping. We have also been advised of her next teleserye scheduled to commence in the last quarter of 2023.

“In between those TV projects, we shall be announcing two motion picture projects slated to commence Principal Photography this year. These two movie projects have been disclosed as early as 2021, to both GMA Network and the Special Memory producers from the very start of scheduling discussion in 2021.

“And understandably, due to the pandemic, certain schedules had to be cancelled and postponed. Production team have been made aware that any postponement on agreed upon schedules, would mean they are giving up that reserved window in Bea’s calendar and will have to go to the end of the line because there were other producers waiting for their turn in 2022 and 2023.

“We would like to take this opportunity to express our sincerest gratitude to Ms. Annette Gozon-Valdez, Mr. Tony Tuviera, and Boss Vic del Rosario for always embracing us with their kindest understanding. We encourage everyone to join us in wishing the entire Special Memory Production Team, all the best! Thank you!”

***

INI-REPORT ng “Chika Minute” ng “24 Oras,” ang naiibang karanasan nina Bianca Umali at Ruru Madrid habang nagsu-shoot sila ng ilang eksena sa Paris para sa GMA Primetime series nilang “The Write One.”

Pinanood kasi sila ng mga turista habang nagsu-shoot at marami sa kanila can’t help but express their admiration sa ginawa nilang eksena. Isa nga raw long-time couple from Minnesota, USA, ang nag-comment at pinalakpakan sila after the take, nang malamang ang title ng series ay “The Write One,” nag-comment sila kay Ruru na, “I think you found her.” At sinagot naman sila ni Ruru ng “Yeah, I found her.”

Kahit ang ilang tourists daw ay pumalakpak din after the scenes, kahit hindi nila naiintindihan ang Tagalog dialogue, dahil they felt daw the actors’ emotions.

Ang “The Write One” ay napapanood every night, 9:35 pm sa GMA-7, I Heart Movie at Pinoy Hits. May live streaming din ito sa Viu from Saturdays to Tuesdays.

***

NAGHAHANDA na ang mahusay na writer ng mga award-winning teleseryes sa GMA Network na si Suzette S. Doctolero para sa upcoming project niyang may tentative title na “Pulang Araw.” Kaya nag-post siya sa kanyang Twitter account ng: “Hello. May lolo at lola ba kayo, o kakilala, kaibigan, kaanak, na nakapagtrabaho, manggagawa o artist/performere sa mga Bodavil o Vaudeville noong araw? Message me. Salamat!”

Ang bagong serye na susulatin ni Suzette ay isa pang project na pagtatambalan nina Barbie Forteza at David Licauco para sa GMA Network, habang nagsu-shoot pa sila ng first movie nila together, ang romantic-comedy movie na “That Kind of Love,” na magsu-shoot din sila ng ilang eksena sa ibang bansa.

(NORA V. CALDERON)