2023 May Archive - People's Balita

Archive for May, 2023

Mukhang naka-move on na sa ex-bf na si Joe Alwyn: TAYLOR SWIFT, balitang nakikipag-date na kay MATTY HEALY

Posted on: May 9th, 2023 by @peoplesbalita No Comments

NAKA-MOVE on na raw si Taylor Swift sa pakikipaghiwalay niya sa ex-boyfriend na si Joe Alwyn.

Balita kasing nakikipag-date na ito kay Matty Healy, ang frontman ng bandang The 1975. Una pala silang nag-date noong 2013 pero wala raw namuong serious na relasyon sa kanila.

Ayon sa The Sun: “She and Matty are madly in love. It’s super-early days, but it feels right… Taylor and Joe actually split up back in February, so there was absolutely no crossover. They first dated, very briefly, almost 10 years ago, but timing just didn’t work out.”

Lumitaw ang photo ni Taylor with Matty kasama si Nick Grimshaw sa Universal Music Brits Party in London in 2015. Back in January, naging surprise guest si Taylor sa first night of The 1975’s At Their Very Best tour.

“Both Matty and Taylor have been touring over the past few weeks, so it’s been a lot of FaceTiming and texting, but she cannot wait to see him again. They are incredibly supportive of their respective careers and that Matty plans to join her in Nashville this weekend to support her on tour.

“They are both massively proud and excited about this relationship and, unlike Taylor’s last one — which was very much kept out of the spotlight, deliberately — she wants to ‘own’ this romance, and not hide it away. Taylor just wants to live her life, and be happy. She’s told pals Matty is flying to Nashville over the weekend to support her on the next leg of her tour,” ayon pa sa The Sun.

(RUEL J. MENDOZA)

US companies, tinitingan ang trade, investment mission sa Pinas

Posted on: May 9th, 2023 by @peoplesbalita No Comments

UMAASA si Philippine Ambassador Jose Manuel Romualdez na makapagdadala ang mga awtoridad sa Pilipinas ng 100 top American companies para tingnan ang investment opportunities sa bansa sa panahon ng “planned trade and investment mission” ng Washington.

“Hopefully we’ll have at least 100 of them coming to the Philippines to look at opportunities,” ayon kay Romualdez sa isang panayam.

Sa isang kalatas, may petsang Mayo 2, sinabi ng White House na plano ni US President Joe Biden na maglunsad ng Presidential Trade and Investment Mission sa Maynila para mas lalo pang palalimin ang investment ng mga American firms sa “local economy, covering energy transition, critical minerals sector, at food security.”

Tampok dito ayon sa Estados Unidos ang “the highest caliber of” ng mga business leaders nito.

Tinuran ni Romualdez na ito’y magiging “big plus” para sa Pilipinas , lalo na ngayon na kinokonsidera ito bilang “fastest growing economy” sa Asya na may growth outlook na 6% ngayong taon base sa pinakabagong projections mula sa International Monetary Fund.

“It’s an attractive place to invest now and I think this kind of interest is now even much stronger because of this revitalized relationship we have with the United States,” ayon kay Romualdez.

Maliban sa commitments mula sa mga opisyal ng Amerika, winika ng Pangulo na ang kanyang five-day official US visit ay nagtapos na may $1.3 billion, o mahigit sa ₱72 bilyong halaga ng investment pledges na mayroong potensiyal na lumikha ng 6,700 bagong hanapbuhay para sa mga Filipino.

Bago pa ang nasabing anunsyo, ipinabatid naman ng US-based pharmaceutical company Moderna kay Pangulong Marcos ang plano nito na gagawin nilang Asian hub ang Pilipinas.

Inaasahan ayon kay Romualdez na darating sa Pilipinas si Moderna General Manager Patrick Bergstedt sa susunod na dalawang linggo para agad na masimulan ang proseso.

“The first part of their investment will be sort of like a commercial entity that they’ll set up in the Philippines to look at the distribution for the Asian region, bumping it up later on to doing research together with our new virology institute and at the same time manufacturing vaccines not only for potential pandemic, but mRNA technology is also going to be used a lot for cancer,” ang pahayag ni Romualdez.

Maliban dito, nabanggit din ng Malakanyang na seryosong kinokonsidera ng US-based firm Ultra Safe Nuclear Corporation ang pagtatayo ng kanilang kauna-unahang nuclear energy facility sa Southeast Asia sa Pilipinas.

“If this pushes through, the nuclear power plant is seen to help the local energy sector,” ayon kay Romualdez.

Nagresulta rin aniya ang opisyal na pagbisita ng Pangulo sa US ng “adoption of the two long-time allies’ new bilateral defense guidelines.”

Ani Romualdez, “this helped make the Mutual Defense Treaty “crystal clear” as the guidelines set the parameters on how the parties will proceed in terms of implementing the agreement.”

Bagama’t hindi na nakapulong pa ni Pangulong Marcos ang iba pang business leaders sa Estados Unidos dahil sa kakapusan na ng panahon, kinokonsidera naman ni Romualdez na ang official visit ng Chief Executive ay “near perfect” lalo pa’t karamihan sa kanilang mga plano ay napansin. (Daris Jose)

Pinas, US, hindi pinag-usapan ang mga bagong EDCA sites- Romualdez

Posted on: May 9th, 2023 by @peoplesbalita No Comments

ITINIGIL ng Pilipinas at Estados Unidos ang pag-uusap hinggil sa pag-identify ng mga bagong Enhanced Defense Cooperation Agreement (EDCA) sites.

Pinag-uusapan ngayon ng dalawang bansa kung paano gagamitin ang 9 na umiiral na sites sa bansa.

Sinabi ni Philippine Ambassador to the US Jose Manuel “Babe” Romualdez na nagsimulang pagtuunan ng pansin ng Maynila at Washington ang paghahanda para sa eventualities o mga pangyayari kung saan ito ang dahilan kung bakit kapit-bisig ang dalawang bansa na palakasin ang kanilang military alliance.

“A lot of these sites have been chosen because of disaster preparedness, which is very important…that’s one point,” ayon kay Romualdez sa isang panayam.

“They [The US] are putting a lot of their assets in those identified sites for us to be prepared, or when we can use these sites for deployment of all of these things for any disaster that might happen,” dagdag na pahayag nito.

Taliwas sa sinabi ng China, ang Pilipinas at ang Estados Unidos ay “are not putting these sites directed against any country.”

“These are for us for our defense strategy,” ayon pa rin kay Romualdez.

Buwan ng Abril, pinayagan ni Pangulong Ferdinand Marcos Jr. na magkaroon ng access ang US troops sa apat na karagdagang Philippine sites.

Ang apat na bagong sites ay ang Naval Base Camilo Osias sa Santa Ana, Cagayan; Camp Melchor Dela Cruz sa Gamu, Isabela; Balabac Island sa Palawan; at Lal-lo Airport sa Cagayan.

Makakasama ang mga ito sa limang umiiral na EDCA na “accessible” para sa joint operations sa pagitan ng tropa ng Pilipinas at American troops. Ang mga ito ay Fort Magsaysay sa Nueva Ecija; Basa Air Base sa Pampanga; Antonio Bautista Air Base sa Palawan; Mactan-Benito Ebuen Air Base sa Cebu; at Lumbia Air Base sa Cagayan De Oro.

Ayon sa Pentagon, ang bagong mga lokasyon ay makapagpapalakas sa “interoperability” ng US at Philippine Armed Forces at payagan ang mga ito na “to respond more seamlessly together to address a range of shared challenges in the Indo-Pacific region, including natural and humanitarian disasters.” (Daris Jose)

Pinas, isusulong ang negosasyon sa China ukol sa Malampaya gas fields—PBBM

Posted on: May 8th, 2023 by @peoplesbalita No Comments

IPAGPAPATULOY ng Pilipinas ang pakikipag-usap sa China kaugnay sa inaangkin na Malampaya natural gas fields.

Sinabi ni Pangulong Ferdinand Marcos Jr. ang bagay na ito sa pagtatapos ng kanyang five-day visit sa Washington, araw ng Biyernes, (Manila time).

Aniya pa, ang dalawaang bansa ay “slowly inching towards a resolution” hinggil sa pag-angkin sa Malampaya natural gas fields.

Binigyang diin nito na ang tanging paraan para lutasin ang ang usaping ito ay buksan ang communication lines.

“The only way to resolve the issues that are outstanding is to once again keep talking and to come to a consensus, to come to an agreement and to continue to negotiate,” ayon kay Pangulong Marcos sa isang forum sa Center for Strategic and International Studies (CSIS).

“It is not an easy process but the Malampaya fields, natural gas fields that lie in our, within our baselines and within our exclusive economic zone and that again is being questioned in certain cases, in certain areas by China and we continue to negotiate with them,” dagdag na pahayag ni Pangulong Marcos.

“The President further said “we continue to find a way,’ and that the essential roadblock to that whole process has been very simple,” aniya pa rin.

Sinabi nito na inaangkin ng gobyerno ng Tsina ang partikular na lugar kung saan matatagpuan ang Malampaya fields subalit ang nasabing lugar ay bahagi ng exclusive economic zone (EEZ) ng Pilipinas gaya na ginawang pagdetermina ng Permanent Court of Arbitration sa July 2016 ruling nito.

“The nine dash line covers just about the entire West Philippine Sea. We, on the other hand, have established our baselines which have been recognized and accredited by UNCLOS and therefore there is that conflict and so what happens now especially when it comes to exploration in — for energy — for our energy needs are which law will apply because we say this is part of Philippine territory and therefore Philippine law should apply,” ayon sa Pangulo.

“It may have to come down to a compromise that will just limit that application, the application of laws maybe to the vessels that are involved in this exploration and exploitation of whatever natural gas fields we can access,” aniya pa rin.

Aniya pa, ang resolusyon sa naturang usapin ay hindi magagawa ng “overnight” lang subalit nilinaw nito na isa lamang ito sa mga suhestiyon ng magkabilang partido na tinitingnan para lutasin ang nasabing usapin.

“There is no silver bullet where you say, we’ll do this and it’s done. As I said, we are inching slowly towards the resolution and that’s why we must be constant, we must be transparent and we must be accountable for all that we do. And I cannot see any other way to handle the problem other than that,” aniya pa rin.

Ang Malampaya gas field ay isang deepwater gas-condensate reservoir, matatagpuan sa 65 kilometrong hilagang kanluran ng isla ng Palawan. (Daris Jose)

PBBM, bitbit ang $1.3-B investment pledges matapos ang mabungang US official visit

Posted on: May 8th, 2023 by @peoplesbalita No Comments

BITBIT ni Pangulong Ferdinand R. Marcos Jr. pag-uwi sa Pilipinas ang USD1.3 bilyong halaga ng investment pledges matapos ang five-day official visit sa Estados Unidos.

Sa kanyang post-visit report, sinabi ng Pangulo na sa kanyang mga engagements kasama ang maraming American business groups, sinabi niya na nagawa niyang akitin ang maraming negosyante na palawakin ang kanilang operasyon o lumikha ng bagong pakikipagsapalaran sa Pilipinas.

“They are all committed to be part of this development journey that we have embarked upon. We will return to the Philippines with over USD 1.3 billion in investment pledges

that have the potential to create around 6,700 new jobs for Filipinos within the country,” ayon sa Punong Ehekutibo.

“When realized, these investments will support our country’s economic recovery efforts and further strengthen the foundations of our economic environment. We expect even more investment that will materialize once these companies firm up their plans,” aniya pa rin.

Sinabi pa ng Pangulo na ang mga pledges mula sa American investors ay senyales na tiwala at kumpiyansa sa pagtatayo ng negosyo sa bansa, marami sa mga negosyante ang nagpahayag na nakikita nila ang bansa bilang investment destination.

“Together, we will be working on addressing some of our key economic challenges, particularly food, energy, and health security, digital connectivity, and the cross-cutting issues of climate change and pandemic preparedness,” ang wika ng Pangulo.

“The discussions that we had with the U.S. business community also affirm the optimism [with] which international investors view the Philippines today. It was a great pride that I received their praises for the talent, ingenuity, [and] work ethic of Filipinos, this has become the main driving force for bringing their investments to our country,” lahad nito. (Daris Jose)

Pangdagdag sa angioplasty procedure: GARDO, ibinebenta na ang kanyang gym equipment

Posted on: May 8th, 2023 by @peoplesbalita No Comments

NAGHAHANDA na ang aktor na si Gardo Versoza sa ikalawang angioplasty procedure na kailangang gawin sa kanya.

Noong nakaraang Marso, dinala sa ospital ang aktor matapos atakihin sa puso.

Sa Instagram, nag-post ng video si Gardo na nagsasayaw at makikita sa likod ang kanyang gym equipment na kanyang ibinebenta.

Sa caption ng post, ipinaliwanag ng aktor na ang dahilan ng pagbebenta niya ng gym equipment ay para makalikom ng pondo para sa kanyang ikalawang angioplasty procedure.

“For sale all-in-one gym equipment compact ideal for condo RFS need to raise funds for 2nd angioplasty procedure… Thank you, LORD. I miss dancing,” saad niya.

Matatandaan na ilang araw makaraang makalabas ng ospital si Gardo, sinabi ni Ivy, asawa ni Gardo, na muling sasailalim sa isa pang angioplasty procedure ang aktor pagkaraan ng dalawang buwan.

Sinabi ni Ivy na hindi ginawa nang sabay ang procedure dahil may heart attack na nangyayari kay Gardo.

Naging maayos naman ang unang procedure kay Gardo na ibinahagi pa niya ang kanyang recovery sa pamamagitan ng pagsayaw.

May nakakaaliw pang komento si Gardo sa sexy photos ni Sue Ramirez na naka-post sa social media na nagpasaya sa netizens.

“Bumilis tibok ng puso ko cupcake,” saad ng aktor sa comment section na may kasamang fire, heart at cupcake emojis.

Magkasama sina Gardo, Sue, Jake Cuenca at Ara Mina at marami pang iba sa ‘Jack and Jill’ sa Diamond Hills na mapapanood sa TV5 simula sa May 14, alas sais ng gabi, sa direksyon ni John “Sweet” Lapus.

***

INIHAYAG ni Martin del Rosario na mas pipiliin niya muna ngayon ang career, dahil nawawala siya sa focus kapag siya ay umiibig.

“Career. Tito Boy ang tagal ko nang single, mga five years na. And isa sa mga reason sa akin… Kasi kapag ako kapag nagmahal, lagi akong, parang nawawala ‘yung focus ko sa life eh.

“Very passionate akong tao so kapag nag-love ako, may time na puro doon na lang ako nakatingin,” sabi ni Martin sa “Fast Talk with Boy Abunda” nitong Biyernes.

Ayon kay Martin, may karanasan siya na nawala na siya noon sa focus dahil sa away pag-ibig, kaya nakaapekto ito sa kanyang trabaho.

“Nangyari na in the past, so alam ko baka mangyari ulit. Maraming times nangyayari ‘yung nawawalan ka ng time, or kapag bad mood ako, may away, nadadala ko ‘yung mood sa work and maraming naaapektuhan,” saad ng ‘Voltes V: Legacy’ actor.

Mas pipiliin din ni Martin na magsolo muna kapag nakararanas ng heartbreak.

“Nagka-cry ako pero mag-isa. Ayoko lang nakikita ng iba. ‘Yung parang ang daming sinasabi na… Ako lang kasi, alam kong ako lang magde-decide for myself,” sabi ni Martin.

(ROMMEL L. GONZALES)

‘Di ikinasama ng loob ang sinabi ng direktor: EUGENE, never na-consider na magpa-noselift

Posted on: May 8th, 2023 by @peoplesbalita No Comments

HINDI inakala ng Sparkle artist na si Kim Perez na magte-trending siya noong magkaroon na ng love triangle sa GMA primetime teleserye na ‘Hearts On Ice’.

Ginagampanan ni Kim ang role na Bogs, ang best friend ni Enzo (played by Xian Lim) na naging secret admirer ni Ponggay (played by Ashley Ortega).

Natuwa’t nagulat si Kim sa turnout ng istorya ng kanilang teleserye. Unexpected daw na biglang naging bet siya ng netizens para kay Ponggay.

Bigla tuloy nagkaroon ng Team Bogs dahil marami ang kinilig sa kanila ni Ashley. Pero siyempre nandiyan pa rin ang Team Enzo dahil may magandang chemistry sina Xian at Ashley. Nahati tuloy ang netizens kung kanino nila gustong mapunta si Ponggay. Kung sa moreno hunk na si Bogs o sa Tisoy debonaire na si Enzo.

“Maraming salamat sa Team Bogs dahil sa suporta nila sa pagmamahal ko kay Ponggay sa istorya. May the best man win sa amin ni Enzo,” sey ni Kim na malaki ang paghanga kay Xian bilang isang aktor at direktor.

***

KAHIT na sinabihan noon si Eugene Domingo na magretoke siya ng ilong, hindi niya ito ginawa dahil alam niyang mas makikilala siya sa kanyang talent sa pag-arte at hindi dahil sa pagtangos ng ilong niya.

Kinuwento ni Uge na ang nakapansin ng kanyang kakulangan sa ilong ay ang direktor na si Tony Mabesa. Napanood kasi ni Mabesa si Uge sa pelikulang ‘Emma Salazar Case’ in 1991.

“We watched in the movie house. When we saw each other, sabi niya sa akin, ‘Ayaw mo bang magpa-nose lift?’ Napanood kita sa sine. Kailangan may ilong ka nang kaunti,’” pagbalik-tanaw ni Uge.

Hindi naman daw ikinasama ng loob ni Uge ang naging obserbasyon ni Mabesa sa kanyang ilong. Alam niyang maganda ang intensyon nito sa binigay na suggestion.

“Never ko siyang na-consider… He wanted me to be improving in that aspect, baka may iba siyang gusto for me. But later on, he realized this face is the face that showbiz needs,” sey ni Uge na nanalo ng maraming best actress awards na hindi niya kailangan magpa-noselift.

(RUEL J. MENDOZA)

Sa pagtatapos ng sitcom nila ni Bossing Vic: MAINE, may tsikang makakasama ni ATOM sa ‘Extra Challenge (Reloaded)’

Posted on: May 8th, 2023 by @peoplesbalita No Comments

KUNG napanood na muli si Maine Mendoza sa “Eat Bulaga” last Saturday, May 6, nagpaalam naman siya kinagabihan sa finale episode ng comedy show nilang “Daddy’s Gurl” sa GMA-7, na nagtatampok sa kanilang mag-ama, si Itang Barak Otogan (Vic Sotto) at siya naman ang anak na si Visitacion or Stacy Otogan.

Maine penned a short but sweet farewell letter for the show: “The Otogans are signing off. Thank you Bossing, thank you “Daddy”s Gurl” family. Grateful for many things. Maraming salamat sa apat na taon, mga Kapuso.”

Maine ended her post by signing as Stacy O. for the last time.

Nag-promote pa siya ng susunod na show: “Watch out for “Open 24/7” coming real soon.”

Pero may magandang balita para sa mga fans ni Maine.

Posted sa Facebook ng GMA Network: “Extra Challenge (Reloaded)” Atom Araullo and Maine Mendoza tandem will definitely bring so much fun and excitement on this show. Out of all the suggestions in this thread, this will be the most viable since it is a network original.

Kung sa ngayon ay inihahanda na nga ang show ng GMA, hindi kami magtataka kung tatanggapin ito ni Maine, dahil may pagka-adventurous siya, at ang alam namin ang mga ganitong shows, na hindi siya magda-drama, ang gusto niyang gawin.

Tulad ng ginawa niyang three seasons ng #MaineGoals na sa kasalukuyan ay napapanood every Saturday, 8;00 to 9:00 AM sa TV 5, at Mondays to Fridays, 8:00 PM sa Buko Channel via Cignal TV and SatLite Ch.2.

***

NANIBAGO si Kapuso Ultimate Actor Ken Chan sa bagong role na ginagampanan niya ngayon as special guest sa top-rating GMA Afternoon Prime drama series na “Abot-Kamay na Pangarap” nina Carmina Villarroel at Jillian Ward.

Gumaganap si Ken bilang si Dr. Lyndon Javier, isang mahusay pero masungit na neuro-surgeon.

“First time kong gaganap sa ganitong role, malayung-malayo sa mga naunang characters kong nagampanan, kaya talagang pinag-aralan kong mabuti ang mga dialogues,” nakangiting kuwento ni Ken.

“It’s good na ang director namin si Direk LA Madridejos, kilala na niya ako dahil two times na siyang naging director ko, una doon sa “Special Tatay” at sumunod sa “Meant To Be.”

“Pero ibang-iba nga ang mga characters ko roon, dito napaka-seryoso ko at kailangan kong pag-aralan ang mga medical terms. Hangang-hanga ako kay Jillian, sa mga dialogues niya”

Natuwa naman ang mga netizens na sumusubaybay sa serye at tanong nila magkaroon na raw kaya ng lovelife si Dra. Analyn Santos sa katauhan ni Dr. Lyndon Javier? Masungit nga ang dating ni Dr, Lyndon, hindi raw kaya isa rin siya sa magpapahirap o magiging mabait kaya siya kay Dr. Analyn?

Marami na ring naiinip sa pagbabalik ni Dr. Roberto Tanyag (Richard Yap), ang tatay ni Analyn, na naka-confine pa sa New York hospital pagkatapos ng aksidenteng muntik niyang ikamatay sa kamay ng asawang si Moira (Pinky Amador).

Ang “Abot-Kamay na Pangarap” ay napapanood Mondays to Saturdays, 2:30 PM after “Eat Bulaga.”

(NORA V. CALDERON)

PBBM, mas gustong mag-produce ang Pinas ng sarili nitong farm machineries

Posted on: May 8th, 2023 by @peoplesbalita No Comments

NAIS ni Pangulong Ferdinand Marcos Jr. na gumawa ang Pilipinas ng sarili nitong farm machineries.

Napansin kasi ng Pangulo na masyado ng umaasa ang PIlipinas sa pag-angkat o importasyon.

Ayon sa Chief Executive, kailangan na i-develop ng bansa ang kakayahan nito na mag-produce ng sarili nitong farm machineries.

Tinukoy naman ng Pangulo ang mga nagawang trabaho ng Philippine Center for Postharvest Development and Mechanization (PhilMech) sa pakikipagtulungan sa mga foreign partners.

Ang PhilMech aniya ay mayroong locally manufactured machineries para sa “planting, cultivation, harvesting, at maging iyong nakalaan para sa post-production.”

Karagdagan aniya ito sa ibang serbisyo gaya ng loans at transport services sa mga magsasaka at consumers.

“[Mag-] manufacture tayo ng sarili natin nang sa ganun ay hindi na kailangan tayo umasa sa importation,” ayon sa Pangulo sa isinagawang pamamahagi ng tulong sa Nueva Ecija, araw ng Lunes, Abril 24.

Sinabi ng Pangulo na “the country’s reliance to imports was felt during the pandemic lockdowns, stressing that with locally-manufactured equipment, the country is prepared to address food supply related problems in similar situation as the pandemic.”

“Ang lahat ay kailangan nating tingnan at pag-aralan para makahanda tayo. Na kung sakali ito’y mauulit ay tayo naman ay may gagawin. Mayroon tayong nakahanda at masasabi natin kahit hindi na tayo mag-import ay mayroon tayong sapat na supply na pagkain para sa ating mga mamamayan. ‘Yan po ang ating hangarin,” ayon pa rin kay Pangulong Marcos.

“Developing the Philippine agriculture sector to boost the economy and ensure food security is the overall goal not only of the Department of Agriculture, but the entire government,” dagdag na wika nito.

Sinabi pa ng Pangulo na patuloy na lumilikha ang pamahalaan ng mga plano para matiyak ang sapat na suplay ng tubig gaya ng “redesigning dam construction at solar power use.”

“The government is also looking at improving research and development to increase agricultural productivity depending on the season,” ayon sa Punong Ehekutibo.

“Chikiting Ligtas sa Dagdag Bakuna Kontra Polio, Rubella, at Tigdas!” Inilunsad sa Valenzuela

Posted on: May 8th, 2023 by @peoplesbalita No Comments

“Chikiting Ligtas sa Dagdag Bakuna Kontra Polio, Rubella, at Tigdas!” Inilunsad sa Valenzuela

BILANG bahagi ng misyon ng Pamahalaang Lungsod ng Valenzuela na magbigay ng malusog na pangangatawan at pamumuhay ang mga Pamilyang Valenzuelano, inilunsad nito sa pangunguna ni Mayor WES Gatchalian, ng City Health Office, at ng Barangay Canumay West ang kampanyang “Chikiting Ligtas sa Dagdag Bakuna Kontra Polio, Rubella, at Tigdas”.

Noong nakaraang Abril 27, bilang bahagi ng World Immunization Week ay inilunsad ng Department of Health (DOH), United Nations Children’s Fund (UNICEF), at ng World Health Organization (WHO) ang “Chikiting Ligtas 2023: Join the Big Catch Up, Magpabakuna para sa Healthy Pilipinas!”, isang kampanya para sa libreng supplemental immunization na naglalayong bakunahan ang mga batang hindi hihigit sa limang taong gulang kontra Measles o Tigdas, Rubella, at Polio. Ito ay magsisilbi ring dagdag na proteksyon para sa mga bata kahit na sila ay nabakunahan na.

Ayon sa DOH, higit siyam na milyong bata na nasa edad siyam na buwan hanggang limampu’t-siyam na buwan (mas bata sa limang taong gulang) ay kwalipikado nang makatanggap ng bakuna kontra Tigdas at Rubella, samantalang higit labing-isang milyong batang nasa edad zero hanggang limampu’t-siyam na buwan (mas bata sa limang taong gulang) ay kwalipikado nang makatanggap ng oral na bakuna kontra Polio.

Dahil sa mataas na alinlangan at pangamba sa kaligtasan at epekto ng bakuna, bumaba ang vaccination rate ng mga bata sa bansa mula 87% noong 2014 sa 68% noong 2019 na siyang naging dahilan upang ang Pilipinas ang isa sa may mga pinakamataas na bilang ng mga batang hindi bakunado sa buong mundo noong 2021.

Sa kanyang mensahe, ibinahagi ni City Health Officer Dr. Marthony Basco ang kahalagahan ng bakuna, “Ang mga babae po, kapag nagkaroon ng Rubella o German Measles, hindi po kayo magkakasakit pero ang inyong ipinagbubuntis, bulag, maliit ang ulo, o kaya naman ay butas ang puso. Ang gusto po natin ang mga anak natin ay matalino, nakakakita at aktibo, makukuha po natin ang proteksyon sa pamamagitan ng bakuna. Ang mga babaeng mas bata sa limang taon na ating babakunahan ngayon ay habambuhay na protektado sa Rubella at ang kanyang ipagbubuntis sa hinaharap ay hindi magkakaroon ng komplikasyon ng Rubella. Ang ginagawa po natin ngayon ay para sa kinabukasan ng buong Valenzuela, kaya naman pinasasalamatan natin si Mayor WES Gatchalian at ang DOH para sa mga dala nilang bakuna. Dahil dito sa Valenzuela, hindi lang Tuloy ang Progreso, Pamilyang Valenzuelano ang ating inaalagaan.”

Ang kampanyang ito ay tatakbo mula Mayo 2 hanggang Mayo 31, at bukas ang mga Barangay Health Station para sa mga walk-in na pasyente habang magsasagawa din ng house-to-house vaccination drive para mas maraming bata ang mabakunahan. Pinapayuhan ang mga magulang na dalhin ang mga vaccination cards ng kanilang mga anak kapag pupunta sa mga health station, pero sila ay bibigyan din nito kung kinakailangan. (Richard Mesa)