2023 May Archive - People's Balita

Archive for May, 2023

Happy na si Awra ang napiling co-host sa ‘Emojination’: MAJA, thankful and grateful sa APT sa pagtitiwala na maging game show host

Posted on: May 12th, 2023 by @peoplesbalita No Comments

HUMANDA nang paganahin ang inyong imahinasyon dahil mapapanood na ang bagong game show na tiyak kagigiliwan ng lahat, ang Emojination ng TV5!

Kasama ang APT Productions, hatid ng Kapatid Network ang fun and entertaining game show na ito gamit ang mga emojis na magsisimula na ngayong Mayo 14, 5:00 pm sa TV5 at mapapanood din sa Cignal TV at BuKo Channel.

Pinangungunahan nina “Emojesty” Maja Salvador at “Fezfriend” Awra Briguela, first game show of its kind ang Emojination dahil icha-challenge nito ang talas at galing ng invited celebrity contestants sa pag-solve ng emoji puzzles na magbibigay sa kanila ng chance na manalo ng big prizes.

Sa Emojination, may dalawang teams na maglalaban sa loob ng tatlong rounds. Sa firstround na Pic-Per-Word’ magpapakita ng four emojis na nagde-describe ng isang mystery word at kailangan mahulaan ng mga players kung ano ang salitang ito.

Ang second round ay tinatawag na “Sabi Swabe”. Kailangan ma-identify ng mga contestants ang mga sikat na lines or phrases, na ipapakita sa pamamagitan ng mga emojis, para makapunta sa susunod na round.

Nasubukan ng invited press ang dalawang rounds, na tunay na nakakakaba at nakaaaliw na sagutin ang mga tanong na gamit ang iba’t-ibang emojis.

Ang third round naman ay ang “A Pair to Remember”, kung saan ang bawat team ay pakikitaan ng flip board na mayroong 20 emoji blocks at kailangan nilang tumakbo sa obstacle course hanggang ma-match nila ang nakakubling emoji pairs.

Ang team na makakukuha ng pinakamaraming “emoticoins” ang makararating sa jackpot round para sa tsansang manalo ng mas malaking premyo.

Ang Team na may maraming “Emoticoins” ay maaaring sumali sa Jackpot round na tinatawag na “Match Magaling” kung saan ang teamwork ng magka-partner ay masusubukan dahil huhulaan nila ang 5 mystery compound words sa loob lamang ng 3 minuto. Kapag nahulaan ay makukumpleto nila ang Jackpot round at maiuuwi ang
premyong na naghahalagang P50,000.

Anyway, kitang-kita agad ang chemistry sa pagho-host nina Maja at Awra, na matagal nang magkakilala at naging malapit sa isa’t-isa dahil pareho silang naging bahagi ng ‘FPJ’s Ang Probinsyano’.

Inamin ni Maja na matagal na niyang alam na meron siyang game show na gagawin sa APT Entertainment, pero hindi niya kung sino ang magiging co-host niya. Last month lang niya nalaman na si Awra ang nakapasa at napili ng APT, kaya nagkagulatan na lang sila at sobra ring na-excite.

Super happy naman si Awra na muling makatrabaho ang kanyang Ate Maja. Na noong bata pa siya ay ala-alaga na siya at hanggang ngayon. Nakatutuwa pang kuwento niya, same ang shoe size nila, kaya ang suot-suot niya sa presscon ay hiniram niya kay Maja.

Nabanggit din ni Maja, na very thankful and grateful siya sa APT dahil this time, pinagkatiwalaan naman siya na mag-host ng isang game show at kasama nga si Awra. Kaya naman pinaghandaan niya at pinag-aral ang pagho-host. Base sa nakita namin, pasadong-pasado naman si Maja at swak na swak nga ang tandem nila ni Awra.

“Emojination is a fun and exciting game show that brings the universal language of emojis to life,” pahayag ni TV5 President at CEO Guido R. Zaballero.

“We are thrilled to offer this innovative new show to our viewers and we look forward to the excitement and laughter it brings to every Filipino home every weekend.”

Sumali na sa kasiyahang hatid ng mga emojis at manalo ng malalaking papremyo sa Emojination simula Mayo 14, 5PM sa TV5.

Para sa mga karagdagang impormasyon, i-follow ang mga official social media pages ng TV5 at bisitahin ang kanilang website sa www.tv5.com.ph.

(ROHN ROMULO)

Para tulungan ang nano trade of vendors, vulcanizers: PBBM, nagpasaklolo sa ASEAN

Posted on: May 12th, 2023 by @peoplesbalita No Comments

NAGPASAKLOLO na si Pangulong Ferdinand Marcos Jr. sa mga member-states ng Association of Southeast Asian Nations (ASEAN) at mga lider ng komersiyo sa rehiyon na suportahan ang mga nano business gaya ng “dispatch riders, repairers, market men and women” at iba pa sa kahalintulad na kalakalan.

Sa naging interbensyon ng Pangulo sa ASEAN Leaders’ Interface kasama ang mga kinatawan ng Association of Southeast Asian Nations-Business Advisory Council (ASEAN-BAC), sinabi ni Pangulong Marcos na ang nano businesses, isang informal at nananatiling hindi pa nakikilalang business category, ay nakaaapekto na sa buhay ng mga tao sa rehiyon subalit binabalewala lamang.

“These nano businesses are also described as ‘solopreneurs’ and they are home-based businesses, among whom are make-up artists, vulcanizers, independent dispatch riders, vendors, repairers, and market women and men in the various open markets,” ayon kay Pangulong Marcos.

“They play a very important but often unrecognized role all across our countries. But by classification, they often do not meet the MSME (micro, small and medium enterprise) micro-business criteria, which is the category for the smallest businesses. They are largely unaccounted for, but these informal business settings constitute a large portion of all our economies,” dagdag na pahayag nito.

Dahil dito, umapela ang ibang member states na huwag kalimutan ang Nano businesses, dahil kaya nitong tumayo at mabuhay gaya ng “micro, small, or midsize businesses.”

Sinabi ng Pangulo na sa pagtulong sa informal business enterprise, makapag-aambag ang mga ito sa overall economic growth at pakitidin ang development gap ng rehiyon.

Sa kabilang dako, suportado naman ni ASEAN Business Advisory Council (ASEAN-BAC) Chair Mohammad Arsjad Rasjid Prabu Mangkuningrat ang panawagan ni Pangulong Marcos na kilalanin at suportahan ang nano businesses. Siya ang Chairman ng Indonesian Chamber of Commerce and Industry (KADIN).

Samantala, sinabi ni Pangulong Marcos na dapat na iprayoridad ng regional body na tiyakin ang food self-sufficiency at seguridad sa rehiyon upang matamo ang overall human security.

Winika ng Pangulo na maaaring siguraduhin ng ASEAN member states ang food security sa pamamagitan ng pag-adopt sa bagong teknolohiya at maging sa pamamagitan ng paggamit ng smart agriculture at food systems.

“As such, the Philippines supports ABAC’s proposal on strengthening food security, promoting sustainable production, enhancing information systems, and identifying nutrition-enhancing agriculture mechanisms for sustainable ASEAN food systems,” ayon kay Pangulong Marcos.

“I would like to reiterate the commitment of the Philippine Government to work with the private sector to advance ASEAN’s goals and objectives,” dagdag na wika nito.

Samantala, isinatinig naman ni Pangulong Marcos ang panawagan ngASEAN-BAC para sa ASEAN na pangunahan ang papel sa paghubog sa regional at global economy sa pamamagitan ng pagpapanatili sa “united, together, and stronger” para madetermina ang economic agenda nito ngayon at sa hinaharap. (Daris Jose)

Kakulangan sa konsulta program providers, tugunan

Posted on: May 11th, 2023 by @peoplesbalita No Comments

UMAPELA si AnaKalusugan Party-list Rep. Ray Reyes sa Philippine Health Insurance Corp. (PhilHealth) na palakasin pa ang pagsusumikap nito na magdagdag ng accredited service providers para sa Konsultasyong Sulit at Tama (Konsulta) Package na magbibigay ng access saprimary health care services sa mga miyembro ng PhilHealth.

Nangangamba ang mambabatas sa mababang bilang ng accredited service providers na nakalista sa programa na hindi sapat para tugunan ang pangangailangan ng mga PhilHealth members na nagnanais kumuha ng package.

“Kulang na kulang pa po ang mga providers para maserbisyuhan ang dami ng ating mga PhilHealth members. Sana po paigtingin pa ng Philhealth ang paghikayat sa mga providers na magpa-accredit at maging bahagi ng Konsulta Package program,” ani Reyes.

Batay aniya sa datos mula sa PhilHealth, hanggang nitong March 31, 2023, tanging 1,931 ang kasama sa Accredited Konsulta Providers na kabilang sa the programa na nangangailangan ng 5,014.

“Napakahalaga po ng proyektong ito ng PhilHealth dahil sa pamamagitan nito mabibigyan natin ng serbisyo ang ating mga kababayan lalo na sa mga lugar na hindi madali ang access sa primary healthcare,” dagdag ng mambabatas.

Sa ilalim ng PhilHealth Circular 2020-0022, sakop ng Konsulta Package ang individual-based health services tulad ng initial at follow-up primary care consultations, health screening and assessment, at access sa ilang diagnostic services at gamot.

Una nang naghain ang kongresista, vice chairman ng House Committee on Health, ng House Bill 430 na nagsusulong sa pagbibigay ng libreng annual medical checkups sa mga Pilipino kabilang na ang blood sugar at cholesterol tests (Ara Romero)

Pagbabagong-bihis sa gabinete ni PBBM, nagbabadya matapos ang appointment ban

Posted on: May 11th, 2023 by @peoplesbalita No Comments

NAGPAHIWATIG na si Pangulong Ferdinand Marcos Jr. na magkakaroon ng bagong-bihis ang kanyang gabinete sa oras na matapos na ang appointment ban sa mga talunang kandidato na tumakbo noong nakaraang eleksyon sa bansa.

Nakatakda kasing magtapos ang appointment ban sa Mayo 9, 2023.

Inamin ng Pangulo na masigasig siyang magtalaga ng ilang indibidwal sa ilang posisyon na hindi na sakop ng prohibisyon.

“Marami. Talagang gagamitin mo ‘yung one year. Asahan niyo ‘yun. By the end of the first year magiging maliwanag in the sense na tapos na yung OJT ng lahat ng tao. We’ve seen who performs well and who is– will be important to what we are doing,” ayon sa Pangulo.

“So, yes, there’s still going to be… I don’t know about ‘reshuffle’ pero reorganization sa gabinete,” dagdag na wika ng Pangulo.

Hindi naman pinangalanan ni Pangulong Marcos at hindi rin ito nagbigay ng anumang pagkakakilanlan sa mga personalidad na nasa kanyang listahan na bibigyan niya ng government post.

Nakasaad sa Section 94 ng Local Government Code na “Appointment of Elective and Appointive Local Officials; Candidates Who Lost in an Election. – (a) No elective or appointive local official shall be eligible for appointment or designation in any capacity to any public office or position during his tenure.”

“Unless otherwise allowed by law or by the primary functions of his position, no elective or appointive local official shall hold any other office or employment in the government or any subdivision, agency or instrumentality thereof, including government-owned or controlled corporations or their subsidiaries,” dagdag nito. (Daris Jose)

Navotas solon kabilang sa “Top 3 Perfroming Representatives”

Posted on: May 11th, 2023 by @peoplesbalita No Comments

KASAMA si Navotas City Congressman Toby Tiangco sa mga “Top Performing Representatives” ng bawat distrito ng bansa sa isinagawang “job performance” survey ng RP-Mission and Development Foundation Inc. (RPMD).

Base sa inilabas na “Boses ng Bayan” nationwide survey, nanguna sina Sandro Marcos (95.8%), Kristine Singson (95.6%), Duke Frasco (95.6%), Pablo John Garcia (95.2%), at Chiquiting Sagarbarria (95.1%) bilang pinakamahusay na gumaganap na mga kinatawan ng distrito sa Pilipinas, kasunod sina Toby Tiangco (92.5%), Camille Villar (92.3%), Oca Malapitan (92.1%) at iba pa.

Nagpasalamat naman si Cong. Tiangco sa kanyang mga kababayang Navoteño sa pagkakasama sa kanya sa “Top 3 House Representatives” sa buong Pilipinas kung saan isa aniya itong karangalan para sa kanya.

“Mga Navoteño, kilalang-kilala n’yo na po ako. “Tapat at buong pusong serbisyo” ang tanging alam kong isukli sa inyong tiwala at ang tuloy-tuloy na pag-angat ng ating minamahal na lungsod at ng buhay ng bawat Navoteño ang ating patuloy na pinagsisikapan”, ani Cong. Toby .

Nagpaabot din siya ng pagbati sa lahat ng mga Top Performing Representatives. “Sana tayong mga napagkatiwalaang mamuno ay patuloy na magsikap sa pagbibigay ng pinakamataas na antas na serbisyo sa ating mga nasasakupan”, dagdag niya. (Richard Mesa)

UK, gusto ang mas maraming Filipino nurse — PBBM

Posted on: May 11th, 2023 by @peoplesbalita No Comments

SINABI ni Pangulong Ferdinand Marcos Jr. na hiniritan siya ng United Kingdom (UK) kung saan ay tinanong siya kung makapagpapadala ang Pilipinas ng mas maraming health workers doon.

Tinukoy ng UK ang mahalagang naging ambag ng mga health workers laban sa Covid-19.

Sa naging panayam kay Pangulong Marcos sa sidelines ng 42nd Association of Southeast Asian Nations (ASEAN) Summit, Martes ng gabi, sinabi ng Pangulo na hindi na bago ang “request” sa kanya ni British Prime Minister Rishi Sunak, dahil ganito rin ang apela ng ibang world leader na kanyang nakapupulong.

“Nagpapasalamat siya sa magandang trabaho ng mga Pilipino’t Pilipina doon sa NHS (National Health Service) noong pandemic at kung puwede ba nating dagdagan. Laging may kasunod na ganyan,” ayon sa Pangulo.

“This is the same thing that comes up every time I meet with leaders,” dagdag na wika nito.

Sa kabilang dako, tinalakay din ng Pangulo ang politika kay PM Sunak.

“I was commenting that, at least, with his election as leader and now Prime Minister, well magkaroon ng kaunting stability in the UK because medyo magulo, eh ,” ayon sa Punong Ehekutibo.

Nabanggit ng Pangulo na minsan ng naging biktima ang Pilipinas ng sarili nitong tagumpay, tinukoy ang pangingibang-bansa ng mga filipino nurses at doctors upang maghanap ng mas maayos na job opportunity sa ibang bansa.

Samantala, sinabi ng Pangulo na baka bumalik siya ng UK para sa isang “proper visit” dahil na rin sa naging maiksi lamang ang pag-uusap sa kanyang kamakailan lamang na pagbisita roon.

Partikular na tinukoy ng Pangulo ang pakikipagpulong nito sa mga opisyal ng Global Infrastructure Partners (GIP), kompanyang nasa likod ng “Gatwick Airport’s exceptional infrastructure, technology, and operations.”

Sinabi ni Pangulong Marcos na iniulat ng kinatawan ng British Trade kay Prime Minister Sunak ang panukala ng GIP, hindi naman isiniwalat ni Pangulong Marcos kung ano ang nasabing panukala.

“Sabi niya (Trade representative), ‘Sana matuloy natin , let’s talk about it. And we won’t be able to do it now because we had maybe seven minutes, six minutes,'” ayon kay Pangulong Marcos.

“‘We can’t do it now, but we’ll do a proper trip for you to come to the UK, and we’ll talk about it soon,’ That’s where we ended,” aniya pa rin.

Bago pa lumipad patungong Indonesia, ang Pangulo ay nasa UK para sa koronasyon ni King Charles III.

Bago pa ito ay nanggaling na ang Pangulo sa kanyang four-day official visit sa Washington, DC. (Daris Jose)

Panukalang pagbibigay ng P1M cash gift sa Pinoy centenarians, oks sa Kamara

Posted on: May 11th, 2023 by @peoplesbalita No Comments

MAGANDANG balita sa mga Filipino centenarians na umabot sa idad na 101 taong gulang dahil mabibiyayaan sila ng cash gifts bilang pagbibigay karangalan at suporta sa kanila.

Sa botong 257, inaprubahan ng kamara ang House Bill 7535 na nagsusulong na mabigyan ng P1 million ang mga Pinoy na umabot sa idad na 101 taon gulang o centenarians, na naninirahan sa Pilipinas o ibang bansa.

Gayundin, kapag naging ganap na batas ang mga Pilipino na umabot sa idad na 80 at 85 anyos (octogenarians) at 90 at 95 (nonagenarians) ay mabibigyan ng P25,000. Tatanggp din sila ng letter of felicitation mula sa President eng Pilipinas.

“With this legislation, the House of Representatives would like to honor our countrymen for their years of service to the country and for their discipline in ensuring that they live a long, healthy and fruitful life,” ani Speaker Ferdinand Martin Romualdez.

Ilan sa pangunahing awtor ng panukala ay sina Reps. Rodolfo Ordanes, Jude Acidre, Sonny Lagon, Daphne Lagon, Brian Yamsuan, PM Vargas, Toby Tiangco, Salvador Pleyto, Roy Loyola, LRay Villafuerte, Loreto Amante, Jam Baronda, Eric Yap, Edvic Yap, Paolo Duterte, Migs Nograles, Lani Mercado-Revilla, Gus Tambunting, at iba pa.

Nakapaloob pa sa panukala na ang National Commission of Senior Citizens ang siyang magpapatupad nito kapag ganap na naging batas.

Aamyendahan ng panukala ang Republic Act No. 10868 o Centenarians Act of 2016 na nagsasaad na ibigyan ng cash gifts ang lahat ng Pilipino na umabot sa 100 taong gulang pataas na P100,000.

Sa ginanap na pagdinig ng komite noong nakalipas na taon, ini-ulat ni dating Department of Social Welfare and Development Sec. Erwin Tulfo na mayroong nasa 662 ang Filipino centenarians sa bansa. (Ara Romero)

ASEAN, dapat na magpakita ng “commitment” sa free trade-PBBM

Posted on: May 11th, 2023 by @peoplesbalita No Comments

DAPAT nang magpakita ng kanilang commitment ang ASEAN member states para sa prinsipyo ng free trade o malayang kalakalan.

Ang malayang kalakalan ay isang patakaran kung saan ang isang pamahalaan ay hindi nangingilala o walang kinikilingan o walang diskriminasyon laban sa mga pag-aangkat ng mga kalakal, o kaya ay hindi nanghihimasok sa mga pagluluwas ng mga kalakal.

Sa isinagawang plenary session ng 42nd ASEAN Summit, binanggit ni Pangulong Marcos ang pagsisikap ng gobyerno ng Pilipinas na ipatupad ang Regional Comprehensive Economic Partnership (RCEP) agreement.

“ASEAN should demonstrate its commitment to the principle of free trade and to the multilateral trading system. I am pleased to announce that the Philippines has deposited its instrument of ratification for the Regional Comprehensive Economic Partnership or RCEP agreement,” ayon kay Pangulong Marcos.

Kumpiyansa ang Pangulo na susuportahan ng RCEP ang pagkakasama ng mga maliliit na negosyo sa international economy.

“We are optimistic that RCEP will serve as an engine of growth that will help build more resilient supply chains to support the integration of micro, medium, and small scale establishments into the global economy,” dagdag na pahayag nito.

Noong nakaraang buwan, inaprubahan ni Pangulong Marcos ang panukalang executive order na naglalayong “operationalizing the country’s tariff commitments under the RCEP. ”

Ayon kay National Economic and Development Authority Secretary Arsenio Balisacan, makatutulong ito na maisulong ang pagsisikap ng administrasyon “toward achieving deep social and economic change leading to a prosperous, inclusive, and resilient Philippines.”

Samantala, sinabi pa ni Pangulong Marcos na layon ng Pilipinas na palakasin ang food security sa kabila ng global challenges.

“We must ensure that our food and energy systems are resilient in the face of supply and price fluctuations triggered by geopolitical instability and conflict, pandemics, climate change, logistic chain disruptions, and fuel shortages,” ayon sa Chief Executive.

“The Philippines aims to strengthen food security and production efficiency [through] the use of new agricultural technologies, upgrading technical and vocational education and training, and adapting climate- and disaster-resilient technologies,” dagdag na wika nito.

Binigyang diin ng Pangulo ang pangangailangan para sa ASEAN na palakasin ang cross-border connectivity at interoperability ng digital framework nito.

“We must forge a vibrant digital economy and ensure that our people are equipped with the digital scales [of] the future so that no one is left behind in the midst of our world’s digital transformation,” aniya pa rin. (Daris Jose)

WARNER BROS. PICTURES TO RELEASE “THE WANDERING EARTH II” EXCLUSIVELY IN PH CINEMAS

Posted on: May 11th, 2023 by @peoplesbalita No Comments

FOUR years after the worldwide box-office success of the 2019 futuristic blockbuster “The Wandering Earth” comes the prequel “The Wandering Earth II,” to be released by Warner Bros. Pictures exclusively in cinemas in the Philippines on May 31.

Watch the prequel’s trailer here: https://youtu.be/ZCuE5HntgeM

“The Wandering Earth II,” released in China and the U.S. in January in time for the Chinese New Year, has earned USD 604 million, making it so far the third highest-grossing movie of the year in terms of box-office numbers.

In the prequel, after learning that the sun is rapidly burning out and will obliterate Earth in the process, humans build enormous engines to propel the planet to a new solar system, far out of reach of the sun’s fiery flares. However, the journey out into the universe is perilous, and humankind’s last shot at survival will depend on a group of young people brave enough to step up and execute a dangerous, life-or-death operation to save the earth. The film is directed by Frant Gwo and stars Andy Lau and Wu Jing.

“The Wandering Earth,” released in 2019, holds the #5 spot as highest-grossing non-English film of all time.

About “The Wandering Earth II”

Directed by Frant Gwo, with a screenplay by Frant Gwo and Gong Ge’er, “The Wandering Earth II” (a prequel to the 2019 futuristic blockbuster “The Wandering Earth”) is based on the book by Liu Cixin.

The film stars Andy Lau, Wu Jing, Li Xuejian, Sha Yi, Ning Li, Wang Zhi and Zhu Yanmanzi.

In cinemas May 31, “The Wandering Earth II” is distributed in the Philippines by Warner Bros. Pictures, a Warner Bros. Discovery company.

(ROHN ROMULO)

Red alert sa suplay ng kuryente, nagbabadya

Posted on: May 11th, 2023 by @peoplesbalita No Comments

INAASAHAN ng Department of Energy (DOE) na mailalagay ang Luzon Grid sa ‘Yellow Alert Status’ ng 15 beses habang nagbabadya rin ang pagdedeklara ng ‘red alert’ ngayong taon.

Ayon sa DOE, inaasahan ang yellow alerts ngayong buwan ng Mayo, ilang linggo sa Hunyo, Agosto, Setyembre, Oktubre at sa Nobyembre.

Nangangahulugan ang yellow alert na mayroon na lamang manipis na reserba ang power grids.

Sinabi ni Energy Undersecretary Rowena Cristina Guevarra, na ang pinakahuling projection nila ay base sa ‘worst-case scenario’ at kasalukuyang problema sa transmisyon.

“The delays, unfortunate ano, sana ‘yung delay hanggang before summer sana, but then it extended all after summer pa matatapos, that’s why we have this situation,” saad ni Guevarra.

Posible namang magkaroon ng red alert kung mauulit ang power tripping tulad ng naganap nitong nakaraang Lunes.

Nangangahulugan naman ang ‘red alert status’ na may ‘zero ancillary service’ at matinding kakulangan sa ‘power generation’. Nagdulot ito ng ‘rotational brownouts’ sa Metro Manila nitong nakaraang Lunes.

Ito ay dahil sa limang planta ng enerhiya ang nagpatupad ng puwersahang ‘outages’ habang tatlo pa ang mababa ang kapasidad dahil sa ‘tripping’ na naganap sa Bolo-Masinloc transmission line.

Naghihintay pa ang DOE ng opisyal na paliwanag, pero sa inisyal na impormasyon, naganap ang tripping dahil sa mabigat na ulan at kidlat na tumama sa transmission line.