2023 May Archive - People's Balita

Archive for May, 2023

TANSINGCO UMAASA NA MAISASABATAS ANG BAGONG IMMIGRATION LAW

Posted on: May 15th, 2023 by @peoplesbalita No Comments

UMAASA si Bureau of Immigration (BI) Commissioner Norman Tansingco na ang batas para pagbabago ng ahensiya ay tuluyan din maipapasa.

Ginawa ni Tansingco ang pahayag kasunod ng pagsuporta ng ilang mambabatas sa Kongreso na ipapasa nila ang natitirang priority bills.

Tinukoy ng BI ang Legislative Executive Development Advisory Council (LEDAC) ang sinasabing proposed immigration modernization law na priority measure.

Umaasa si Tansingco na maaaprubahan sa ikatlong pagbasa kasunod ng State of the Nation Address ng Pangulo.

Sinasabing ang nasabing batas ang solusyon upang mabago ang 83-year-old na immigration law.

Bukod sa updates sa visa types at penalties, sinisiguro sa bagong batas ang augmentation sa suweldo ng mga empleyado lalo na sa mga mabababa ang suweldo at papayagan ang ahensiya na mag-recruit ng bagong graduate mula sa mga magagandang eskuwelahan na pumasok sa government service. GENE ADSUARA

Bukod sa pagiging aktor at direktor: XIAN, ibinahagi na may talent din sa pagkanta

Posted on: May 15th, 2023 by @peoplesbalita No Comments

BUKOD sa pagiging aktor at direktor, pinakita rin ni Xian Lim ang isa pa niyang talent at ito ay ang pagkanta.

Sa Instagram, nag-share si Xian ng photo at video habang nasa isang recording session siya. Inawit ni Xian ang isang song na makakasama sa soundtrack ng kinabibilangan niyang GMA primetime teleserye na ‘Hearts On Ice’.

“Excited for this! Thank you Hearts On Ice fam for this wonderful opportunity. Watch out for it in the coming episodes of our series,” caption pa ni Xian na ka-love triangle na niya kay Ponggay (Ashley Ortega) ay ang best friend niyang si Bogs (Kim Perez).

Obvious na inspired ngayon si Xian sa takbo ng kanyang career. Bukod kasi sa mataas ang ratings ng kanyang teleserye, nagagawa pa rin niya ang iba pang gusto dahil ito sa maayos na relasyon niya sa girlfriend na si Kim Chiu.

Sa huling post niya sa Instagram kunsaan kasama niya si Kim noong birthday nito last month, nilagay niya ay “Truly, Madly, deeply in love with you and I cherish every single moment I have with you. So many years have gone by and we’re still by each others side.

“Nothing beats silencing all the noise around us. Let the naysayers talk and assume all they want. No one knows more about our relationship than you and I. I love you and I will always be here by your side.”

***

NALABAS na and bagong love song ng Sparkle Artist and AraBella star na si Shayne Sava titled ‘U-Turn.’

Composed by Rina Mercado, tungkol ito sa pakikipaglaban sa pag-ibig at self-love.

“I feel honored to have this as my song kasi this is a dream come true lalo na at bukod po sa acting and dancing, my first love is singing. I am just overall happy and excited.

“The song is about whether to stay or to leave. Whether to stay because of the memories at syempre mahal mo ‘yung tao, or to leave because it’s getting toxic already.

“This song can also be about you, about self-love. Kasi at the end of the song, mas pinili niya ‘yung sarili niya. Mas pinili niyang mag u-turn mula sa taong mahal niya na paulit-ulit siyang sinasaktan. I think naka-relate rin po ako kasi I’m very particular po with self-love, self-care.”

Listen to Shayne Sava’s ‘U-Turn,’ now available on all digital streaming platforms worldwide.

***

PAGKATAPOS ng kanyang third term bilang city councilor ng Puerto Prinsesa, Palawan noong nakaraang taon, handa na ulit na balikan ng dating Viva heartthrob na si Matthew Mendoza ang showbiz.

Hindi raw maipagkakaila ni Matt na marami siyang na-miss sa showbiz noong maging isa siyang public servant for nine years. Pero updated naman daw siya sa mga nangyayaring bago sa showbiz.

Suportado ng kanyang pamilya ang muling pagbalik ni Matt sa showbiz.

“I have a very supportive family. My wife Angie, she’s been with me through thick and thin. Kung ano ang maging desisyon ko sa career ko, she’s always there at alam niya na they will always be my priority. I’ve always been a family man.

“My kids, Bea (23), Kyla (20) and Luke (17), malalaki na sila and they love whatever I’m into. Noong malaman nila na artista pala ako before, they want me to tell them stories about my time in showbiz noong ’90s. They are very interested in what my life was before being a politician.”

Huling napanood si Matthew sa 2018 sa teleserye na Wild Flower ng ABS-CBN. Bago iyon ay lumabas siya sa Destined To Be Yours (2017), Kapag Puso’y Sinugatan (2013), Angelito: Batang Ama (2012), Sinner Or Saint (2011), Alakdana (2011), Imortal (2010), Dyosa (2008) at Daisy Siyete (2008).

Isa sa top leading man ng Viva Films noong ’90s si Matthew sa mga pelikulang Dysebel, Sabado Nights, Nag-iisang Ikaw, Nang Iniwan Mo Ako at Ikaw Naman Ang Iiyak. Nakatrabaho niya ang mga mahuhusay na direktor tulad nila Joel Lamangan, Don Escudero, Jose Javier Reyes, Romy Suzara, Ike Jarlego Jr. and Emmanuel Borlaza.

Gusto naman ni Matt na makatrabaho ang maraming bagong artisa ngayon.

(RUEL J. MENDOZA)

Ads May 15, 2023

Posted on: May 15th, 2023 by @peoplesbalita No Comments

US-based firm, nangako na dadagdagan pa ang pamumuhunan sa Pilipinas

Posted on: May 15th, 2023 by @peoplesbalita No Comments

NANGAKO ang Cerberus Global Investment LLC na nakabase sa US ng dagdag na pamumuhunan at pagpapalawak sa Pilipinas, ayon yan sa Malacanang.

Sa paglitaw mula sa isang pulong sa mga nangungunang executive ng kumpanya, sinabi ni Pangulong Ferdinand Marcos Jr., ang karagdagang pamumuhunan sa paggawa ng barko ay magbibigay-daan sa bansa na mabawi ang posisyon nito sa pandaigdigang industriya ng paggawa ng barko.

Sinabi ni dating US vice president at Cerberus chairman James Danforth Quayle sa Pangulo sa courtesy call na inaasahan ng kumpanya na maging bahagi ng kwento ng paglago ng ekonomiya ng Pilipinas.

Kabilang na ang pagpapaplano ng mas marami at mas malalaking pamumuhunan sa Pilipinas.

Ang Cerberus, isang pandaigdigang alternatibong kumpanya sa pamumuhunan na may mga asset sa kabuuan ng credit, private equity, at real estate strategies, ay nakuha ang Subic shipyard noong 2022 at nag-invest ng $40 milyon para gawing muli ang nasabing shipyard.

Sa ngayon, ang Philippine Navy ay mayroong naval operating base sa Subic, Zambales na mayroong 800 personnel. (Daris Jose)

Pamilyang Pinoy na dumanas ng gutom, nabawasan – SWS

Posted on: May 15th, 2023 by @peoplesbalita No Comments

NABAWASAN ang bilang ng mga pamilyang Pilipino na nakaranas ng gutom sa nakalipas na tatlong buwan

Batay sa March 2023 survey ng Social Weather Station (SWS), 9.8% na mga pamilyang Pinoy o katumbas ng 2.7 milyong katao ang nakararanas ng involuntary hunger sa nakalipas na tatlong buwan.

Higit na mas mababa ito sa 11.8% hunger rate noong Disyembre 2022 at 11.3% o 2.9 milyon noong Oktubre 2022.

Gayunman, nilinaw ng SWS na nananatili pa ring mas mataas ito kumpara sa pre-pandemic period noong 2019. Lumalabas din sa survey na pinakamaraming nakaranas ng gutom sa mga pamilya mula sa Mindanao na nasa 11.7%. Sinundan ito ng Metro Manila (10.7%), Visayas (9.7%) at Balance Luzon (8.7%).

Isinagawa ang survey mula March 26-29 sa pamamagitan ng face-to-face interviews sa 1,200 indibidwal na may edad 18 pataas.

Ads May 13, 2023

Posted on: May 13th, 2023 by @peoplesbalita No Comments

Bilang ka-partner ni Wilbert sa digi-series: TikToker na si YUKII, nabigyan ng big break sa ‘Ang Lalaki sa Likod ng Profile’

Posted on: May 13th, 2023 by @peoplesbalita No Comments

PATULOY na nagwawagi ang Puregold sa sektor ng retailtainment, dahil nakaabang ang mga manonood sa bansa sa pinakabago nitong digital series na Ang Lalaki sa Likod ng Profile.

Tampok sa kapana-panabik na serye ang 21-taong gulang na
Tiktok sensation na si Yukii Takahashi, na gumaganap na Angge, ang bidang babae.

Nagsimulang lumikha ng mga video sa Tiktok si Yukii noong Marso 2022. Naging patok siya sa kanyang natural na kagandahan at kakayahang magpatawa, at nagkaroon siya ng 8.2 milyon na follower sa nasabing plataporma.

Nakuha niya ang atensyon ng Cornerstone Entertainment, at naging bahagi siya nito.

Sa kasalukuyan, nagkaroon na ng maraming exposure si Yukii sa industriya, naging host ng reality survival show na ‘Top Class’ at naglabas ng single na pinamagatang “Bounce”.

“Natutuwa kami sa Puregold sa pagtuklas ng mahuhusay na talento gaya ni Yukii at pagbibigay ng pagkakataon sa kanila na mas gumaling pa, habang patuloy kaming lumilikha ng dekalidad na content sa retailtainment,” ayon kay Ms. Ivy Piedad, Puregold Marketing Manager.

Dahil alam ng Puregold na malaki ang gampanin ng retailtainment sa hinaharap, sinisikap nitong makagawa pa ng magagandang kuwento para sa mga suki nito.

Sa Ang Lalaki sa Likod ng Profile, kapares ni Yukii ang aktor, singer, at songwriter na si Wilbert Ross na gumaganap bilang Bryce, isang lalaking mahilig sa video games na nahihirapang makipag-usap at makitungo sa mga babae.

Pumayag si Angge na maging virtual wingwoman ni Bryce, nang sa gayon ay matulungan niya ang kanyang kuya sa mga bayarin.

Ipinakita sa ikatlong episode na nakatulong ang kasunduang ito, at dahil kay Angge, nakakonekta si Bryce sa mga babae. Pero ang pagiging malapit sa isa’t isa ay maaaring magbunga ng iba pa.

Nag-iisip ang mga manonood: may namumuo ba sa pagitan nina Angge at Bryce? Totoo na ba ang kanilang mga nararamdaman?

Sa darating na ika-4 na episode, magiging interesado naman ang mga tagapanood sa potensiyal nina Angge at Bryce na magkaibigan.

Tuloy lamang ang masaya at nakakakilig na mga eksena, kasama ang iba pang miyembro ng cast, si Bessie na nanay ni Bryce, ang mga kaibigan niyang sina Genski at Ketch, at si Chili Anne na may gusto kay Bryce. (panoorin ang trailer: https://youtu.be/lcd3wD4xLZQ)

Sa rami ng mga fan at tagasubaybay na nasasabik sa tambalan nina Bryce at Angge, at natutuwa sa daloy ng kuwento, mukhang nakagawian na ng mga netizen ang panonood ng Ang Lalaki sa Likod ng Profile.

Tunghayan ang susunod na episode ngayong ika-pito nang gabi sa opisyal na YouTube Channel ng Puregold.

Gusto mo ba ng LIBRENG entertainment? Mag-subscribe na sa Puregold Channel sa YouTube. Para sa karagdagang updates, i- like ang @puregold.shopping sa Facebook, i-follow @puregold_ph sa Instagram at Twitter, at @puregoldph sa TikTok.

(ROHN ROMULO)

Mahigit 84% ng coastline na apektado ng oil spill sa Mindanao, nalinis na ng gobyerno

Posted on: May 13th, 2023 by @peoplesbalita No Comments

UMABOT na sa mahigit 84% ng coastline na apektado ng oil spill sa Mindoro ang nalinis ng gobyerno.

Iniulat ni Defense Senior Undersecretary Carlito Galvez Jr. kay Pangulong Ferdinand Marcos Jr., araw ng Biyernes na sa 74.71 kilometro ng apektadong coastline, 62.95 kilometro o 84.26% ang nalinis na “as of May 10, 2023.”

Ang binanggit ni Galvez ay resulta ng miting kasama ang National Task Force (NTF) at Office of Civil Defense (OCD), araw ng Huwebes.

Base sa 15th technical report ng Bureau of Fisheries and Aquatic Resources (BFAR), ang Clusters 4 at 5, kabilang ang mga munisipalidad ng Bongabong, Roxas, Mansalay, Bulalacao, San Teodoro, Baco, at Puerto Galera, ay nasa “acceptable standards” para sa fishing activities.

Ang Clusters 1, 2, at 3, naman kung saan nasa bisinidad ng submerged ship, ay hindi pa rin ligtas na mangisda.

Tinuran ni Galvez na nakapagtala ang OCD ng kabuuang 6,801 litro ng oil waste at 300,603.60 litro ng oil-contaminated waste na nakolekta sa pamamagitan ng pinagsamang pagsisikap ng iba’t ibang ahensiya ng pamahalaan at organisasyon.

Iniulat ng OCD na inaasahan na darating sa bansa ang siphoning vessel mula Singapore bago matapos ang buwan jabang ang oil removal operations ay nakatakdang magsimula sa unang linggo ng Hunyo, tinatayang tatagal naman ng 30 araw.

Matatandaang sa naging pagbisita ni Pangulong Marcos sa Oriental Mindoro noong nakaraang buwan, inatasan nito ang Department of the Interior and Local Government (DILG) na makipag-ugnayan at makipagtulungan sa mga lokal na opisyal para sa pagtatalaga ng alternatibong fishing areas.

Samantala, sinabi naman ni Galvez na nagbigay ang administrasyong Marcos ng kabuuang P516,873,483 halaga ng maagang recovery assistance sa 96,256 residente na apektado ng oil spill sa nasabing lalawigan.

Sinabi rin ni Galvez sa Pangulo na inaasahan na nito na magpapalabas ng “water test results at corresponding advisory” ang Bureau of Fisheries and Aquatic Resources (BFAR) bago sumapit ang Mayo 15.

Sinabi pa ni Galvez na na “the Department of Environment and Natural Resources-Environmental Management Bureau will plot water quality test sites on a map for visualization while the Department of Tourism and P&I Correspondent Aqueous Inc. will determine the number of insurance claimants under the tourism industry.”

“The National Economic and Development Authority, Department of Trade and Industry, and the Department of Labor and Employment will identify alternative livelihood for the affected population,” dagdag na pahayag ni Galvez.

Nito lamang buwan ng Marso, dumating na sa Oriental Mindoro ang salvage rescue ship ng Japan na may lulang Remotely Operated underwater Vehicle (ROV).

Ayon sa Philippine Ports Authority (PPA) dumating sa Calapan Port ang Japanese Dynamic Positioning Vessel (DPV) na SHIN NICHI MARU pasa 6:00 ng umaga ng Lunes (Mar. 20).

Pagkatapos maiproseso ng mga tauhan ng Coast Guard, PPA, Bureau of Quarantine, Bureau of Immigration, at Bureau of Customs ay agad dumeretso ang barko paputang bayan ng Naujan.

Ang ROV ay gagamitin para makita ang eksaktong lokasyon at sitwasyon ng lumubog na MT Princess Empress.

Ang naturang salvage rescue ship ay inupahan ng may-ari ng MT Princess Empress para makatulong na maawat na ang pagtagas ng langis mula sa lumubog na tanker. (DDC) (Daris Jose)

Lahat ng ASEAN states, umaasa na maisasapinal na ang Code of Conduct para sa SCS-PBBM

Posted on: May 13th, 2023 by @peoplesbalita No Comments

SINABI ni Pangulong Ferdinand Marcos Jr. na binanggit ng lahat ng mga ASEAN member states ang Code of Conduct (COC) sa South China Sea (SCS) sa isinagawang Summit ng regional body sa Indonesia.

Iyon ay dahil umaasa ang lahat ng ASEAN nation na maisasapinal na ang COC bilang “legally binding pact.”

“We’re waiting for the continued work being developed, that is being done to develop the framework for the Code of Conduct but ASEAN, halos lahat, lahat kami brought it up,” ayon kay Pangulong Marcos.

“Sana naman andiyan na ‘yung Code of Conduct para maging maliwanag ang mga posisyon ng ibang bansa, ng China, alam natin ‘yung gagawin, what are the rules, so that’s a continuing… Lahat umaasa na matapos na ‘yung COC,” dagdag na pahayag ng Punong Ehekutibo.

Ang panukalang Code of Conduct ay naglalayong pigilan o hadlangan ang “overlapping claims” sa “potentially oil-rich region” at mauwi sa malala at marahas na komprontasyon o isang “economically devastating major conflict.”

Samantala, patuloy na isinusulong ni Pangulong Marcos ang pagsasapinal ng COC, sabay sabing dapat lamang na panindigan ang United Nations Convention on the Law of the Sea bilang universal framework sa mga aktibidad sa karagatan. (Daris Jose)

Pinas, nasa ‘normal footing’ na sa gitna ng pagbaba ng Covid-19-PBBM

Posted on: May 13th, 2023 by @peoplesbalita No Comments

SINABI ni Pangulong Ferdinand R Marcos Jr. na nasa “normal footing” na ang Pilipinas bago pa ideklara ng World Health Organization (WHO) na nagtapos na ang emergency phase ng coronavirus disease 2019 (Covid-19) pandemic.

Sinabi ng Pangulo na wala siyang nakikitang dahilan para ibalik ang emergency status lalo pa’t bumaba na ang kaso ng Covid-19.

“So we don’t need to do anything. We are already on normal footing. Nauna pa tayo sa kanila . And in terms of the… requirement that we used to have for a valid vaccine certificate, wala, matagal nang tinanggal ‘yun ,” ayon sa Pangulo.

“So now we have the e-Pass that’s much easier to use. That was… to make the ease of travel better. But we did that a few months back,” dagdag na pahayag nito.

Sinabi naman ni House of Representatives Speaker Martin Romualdez na ang naging deklarasyon ng WHO ay magbibigay-daan naman sa Pilipinas na mapanatili ang pagyabong ng ekonomiya ng bansa o dalhin ang ekonomiya sa mas mataas na antas.

“The lifting would translate to increased mobility, more economic activities, and therefore additional job and income opportunities for workers and their families,” ayon kay Romualdez.

Sinabi pa niya na ang pagbawi sa travel restrictions ay mangangahulugan ng mas maraming turista ang bibisita sa Pilipinas.

“Let the concerned government agencies and sectors of the economy prepare for this possibility, which will benefit tourist destinations and local communities,” ayon kay Romualdez.

Magkagayon man, sinabi ni Romualdez na hindi pa rin dapat na maging kampante ang publiko at palaging i- observe ang minimum health requirements gaya ng pagsusuot ng face masks kung kinakailangan, regular na paghuhugas ng kamay, mag-isolate kapag may sakit, magpabakuna, at panatilihin ang physical distancing –upang maiwasan na mahawa ng Covid-19. (Daris Jose)