SA Instagram post ni Popstar Royalty na si Sarah Geronimo noong Mother’s Day, ‘di nakalimutan ng mang-aawit na magbigay-pugay sa mga magulang, lalo na sa kanyang Mommy Divine.

Kasama ang dalawang larawan, may caption ito ng, “Superheroes ng buhay ko. I love you nanay at tatay ko.”

“Happy Mother’s day po mama. Walang hanggan po na pasasalamat para sa walang katumbas na pag-aaruga at pagmamahal,” dagdag pa ng asawa ni Matteo Guidicelli.

Komento naman ng mga netizens…

“You are so kind ang genuine. i hope one day in God’s perfect time mayakap mo uli ang mga magulang mo. Nanay ako at alam ko na kahit anong mangyari na walang nanay ang kayang tiisin ang mga anak. God bless you always Ms. Sarah G patuloy ka ibe-bless ni Lord dahil napakabuti mo.”

“Praying for healing and reconcillation. Napakabait ni Sarah. Sana naman po Mommy Divine buksan niyo na ang puso niyo. Mahal na mahal kayo ni Sarah.”

“Tbh ang swerte ni Mommy D that Sarah G honor her parents kahit ganyan ang trato sa kanya. Some kids will go no contact with their parents because of the emotional manipulation or toxicity.”

“Ayun naman pala sya mismo ang nagsabi o wlang katumbas na pag-aaruga at pagmamahal daw.”

“Always grateful naman si Sarah eh. Yung parents ang matigas pa sa bato.”

“Tuwing may show na lang saka maglalabas ng sama ng loob sa magulang para palabasin na mabuti syang anak at masama ang magulang,di na lang iprivate, galing din ng strategy.”

“Bakit ba dinadanas ni Sarah ang ganito? Di nya deserved to. Napakabuti ng puso nya. I know medyo off mag-wish ng baby for a couple kasi pressure pero I genuinely hope na magkababy na sila ni Mateo. Yan lang talaga ang nakikita kong paraan para maging malambot na puso ni Mommy Pinty. I love you Sarah.

“Mommy Divine po. Wag mo panguhan timeline ng mag asawa. Whether Sarah decides to have a child right away or not is none of our business.”

“Anong kinalaman ng pagkakaroon ng baby? Kung panget talaga ang character ng nanay ni Sarah, panget talaga. A baby won’t change that. Stop your backwards na mindset.”

“How i wish kasing lambot ng puso mo lahat ng anak sa mundo.”

“Sobrang bait na anak ni SG talaga wala ako masabi. Sya na ang ginawan ng masama sya pa ang naghahabol at nagpapakumbaba.”

“Grabe na Kaya ng magulang tiisin wag kausapin anak nila no? They are getting old na ganyan pa rin sila. Dapat stress free na sila and worry free. Haay!”

“Ang alam ko ang anak kaya tiisin ang magulang. Pero ang magulang ndi kayang tiisin ang anak.. tindi ng magulang nya lahat na nga binigay sa kanila ano pa ba!”

“True naman sila ang superheroes mo sarah.. kasi kung di sa kanila kay G palang noon nadapa ka na. Truly they know best.”

“Kelan nila balak kausapin si Sarah? Life is too short. Di nyo po pagaari ang anak nyo. She’s not a property. She is your daughter for crying out loud. Have mercy on her.”

“Naalala ko pa nag phone patch kapatid nga and ang taray ng accent kse sa London nya pinag araw habang c sarah g puro work lang. Tapos nung time na gusto nya naman magkaroon ng sariling buhay itinakwil na ng magulang…. ibang klase.”

“Buti hindi na-mana ni Sarah sa parents nya ang pagiging ma-pride at matigas ang puso.”

“Hanga ako sa pagtahimik lang ni mommy D at ng buong pamilya. Take lang nila na sila ang bad maski hindi alam ng tao ang tunay na dahilan, napahiya siguro sila ng husto nung araw na iyon, give them peace and their own time, ipilit hindi ok, sincere sa panahon na ibigay ng Diyos. Walang perfect kundi ang Diyos.”

“Hayaan mo na sila Sarah. Life is short. Magulang mo lang sila pero di nila hawak ang buhay mo.”

Hanggang ngayon ay marami pa rin ang umaasa na isang araw ay magkakaayos-ayos din ang buong pamilya, lalo na sina Mommy Divine at Sarah.

(ROHN ROMULO)

KINUMPIRMA ni Valerie Concepcion na buntis siya sa kanyang asawang si Francis Sunga, isang araw bago ang Mother’s Day.

Sa kanyang Instagram, ibinahagi ni Valerie ang ilang larawan na hawak niya at ni Francis ang ultrasound, pati na rin ang kaniyang baby bump.

“One is great, two is fun, so why not add another one? ????” caption ng “The Seed of Love” actress.

Ikinasal sina Valerie at Francis noong 2019; may panganay na anak si Valerie sa dati niyang nobyo na si Jeremy Carag na si Heather Fiona Galang na nag-debut last year.

May anak na babae rin si Francis sa dati niyang relasyon. Ipinaabot naman ng mga kaibigan ni Valerie sa showbiz ang kanilang pagbati sa aktres sa kaniyang magandang balita.

“Yaaaayyy congratulations @v_concepcion woohoooo??????” sabi ni Pokwang.

“YEHEEEEEYYYYY!!!!!! Ninang ako te ?????? haha” biro sa kaniya ni Herlene Budol.

“Woohooooooooo congratulations!!!! @v_concepcion” pagbati ni Gelli de Belen.

“Congratulations, Val!!!” sabi ni Carla Abellana.

***

NILINAW ni Heart Evangelista na hindi niya inisnab si Dra. Vicki Belo noong pumunta sila sa Italy para sa Milan Fashion Week.

“Hindi ko siya nakita,” pagklaro ni Heart tungkol sa naturang usapin sa “Fast Talk with Boy Abunda” nitong Biyernes.

Dagdag ni Heart, nakatuon ang kaniyang pansin niya noon sa mismong show.

“I’m not there to chitchat. I’m there to immerse myself,” saad ng Kapuso fashion icon.

“Sa mga hindi nakakaintindi, but it’s art, and you appreciate art. And for me ‘yun talaga ang hilig ko eh. So talagang nagfo-focus ako,” paliwanag niya.

Ayon kay Heart dumalo siya sa isang event na tampok ang mga modelong puro mga kambal.

“Siyempre wala ka nang makikitang ibang tao. It’s such an experience and sometimes everything else is a blur,” dagdag niya.

Nauna nang nilinaw ni Dra. Vicki na hindi sila inisnab ni Heart, at dahil hindi umano alam ng aktres na pumunta rin sila ni Alex Gonzaga sa event.

“How could she [Heart] snub us when she didn’t even know we were there? And we never ever saw each other,” sabi ni Dra. Vicki.

“If you watch the Vicki Belo vlog, you will see that Alex and I were just kidding and joking around,” dagdag pa ng doktora.

***

TILA naging kasama ni Maxene Magalona sa biyahe habang nasa Grab car ang namayapang ama na si Francis Magalona dahil pinapatugtog ang banayad na awitin ng Master Rapper na “Cold Summer Nights.”

Sa video na ipinost ni Maxene sa Instagram, madidinig ang pagsabay ng aktres sa awitin ng kanyang ama.

Sabi ng Grab driver kay Maxene, “Idol na idol ko po papa niyo.”

“Awww, salamat kuya,” tugon naman ni Maxene. “Nagpaparamdam siya sa ‘tin.”

Sa pagsabay ni Maxene sa awitin, pinalitan niya ang bahagi ng liriko nito at sinabing, “I miss you papa, I need you here.”

Saad naman ni Maxene sa caption ng kaniyang post, “Salamat sa solid sound trip, kuya! Hello, Papa!”

(ROMMEL L. GONZALES)