2023 May Archive - People's Balita

Archive for May, 2023

Panukala ni Senador Tulfo na imbestigahan ang NGCP, aprubado ni PBBM

Posted on: May 19th, 2023 by @peoplesbalita No Comments

INAPRUBAHAN ni Pangulong Ferdinand Marcos Jr. ang panukala ni Senador Raffy Tulfo na imbestigahan ang National Grid Corporation of the Philippines (NGCP).

Pinaalalahanan ni Tulfo nitong Martes, Mayo 16, si Pangulong Marcos sa posibilidad ng seryosong banta sa seguridad ng bansa ang maliit na porsyon na pagmamay-ari ng China ang NGCP.

Ayon sa Presidential Communications Office (PCO), nagpahayag ng kanyang intensyon si Tulfo kay Pangulong Marcos na i-assess ang performance ng NGCP.

Pumayag naman ang Pangulo hinggil dito at nagpahayag na ang gobyerno ang magko-kontrol sa ahensiya kung kinakailangan.

“The President agreed with the senator’s proposal to conduct a comprehensive study or hold hearings to determine the actual situation. If necessary, the government will take back control of the entity,” ayon sa PCO sa isang kalatas.

Winika pa ng PCO na hangad ni Tulfo na suriin ang security aspect, partikular na sa kung sino ang nagko-kontrol sa NGCP.

Nauna rito, binanggit ni Tulfo sa Pangulo ang sinasabing pag-kontrol ng China sa NGCP, sabay sabing may hatid itong seryosong security threat sa bansa.

Ibinahagi naman ni Tulfo sa Pangulo ang di umano’y mga paglabag ng NGCP sa kanilang prangkisa, “specifically the failure to follow timely development and connectivity in the main grid of energy power in various provinces amid recent power disruptions.”

Sinabi pa rin niya na ang malaking bahagi ng kinikita ng NGCP ay napupunta sa shareholders at hindi sa “system development” nito. (Daris Jose)

PBBM, hinikayat ang local execs na palakasin ang partnership sa pagitan ng nat’l gov’t, LGUs

Posted on: May 19th, 2023 by @peoplesbalita No Comments

HINIKAYAT ni Pangulong Ferdinand Marcos Jr. ang mga lokal na opisyal na palakasin ang partnerships sa pagitan ng national at local governments para palakasin ang development agenda ng administrasyon.

Ayon sa Presidential Communications Office (PCO), sinabi ni Pangulong Marcos na ang national government at LGUs ay dapat na magtulungan na i-develop ang iba’t ibang programa para ingat ang buhay ng mga Filipino.

“We need your help in the national government. We have to work together. We have to know what the local conditions are. We have to know what… Hanggang sa political rivalries kailangan malaman natin ,” All of these things are important,” ayon kay Pangulong Marcos sa isinagawang oath-taking ceremony para sa bagong halal na opisyal ng Provincial Board Members League of the Philippines (PBMLP) sa Palasyo ng Malakanyang.

“So, let’s continue this. Let’s strengthen this partnership that we have, the locals, local and national government because that’s the only way that we can maximize the resources and the time and the energy that we are spending for,” dagdag na wika nito.

Sinabi ng Pangulo na tinatangka ng kanyang administrasyon na i-balanse ang preserbasyon o pangangalaga sa local economy kaalinsabay ng para magawa ng LGUs na makatrabaho ang national government.

Nangako rin ito na tulungan ang local municipalities para paghusayin ang kakayahan habang ginagawa ng national government ang tungkulin nito sa bilang resulta ng Mandanas ruling ng Korte Suprema. (Daris Jose)

Nagtapos na summa cum laude sa Psychology course: SHERYL, emosyonal na ipinagmalaki ang anak na si ASHLEY

Posted on: May 19th, 2023 by @peoplesbalita No Comments

IPINAGMALAKI ni Kapuso actress Sheryl Cruz sa kanyang Instagram post, ang pagtatapos ng anak niyang si Ashley Bustos.

Nagtapos ito na summa cum laude sa Psychology course nito sa San Francisco State University this May. IG caption ni Sheryl: #BestMother’sDayGiftI’veEverHad #LearningthatAshleyisgraduatingSummaCumLaudethisMay2023,#SoProud&BlessedtohaveYouAnak.”

Naging emosyonal si Sheryl na hindi makapaniwalang napagtapos ang anak at with top honors pa. Nag-sorry pa si Sheryl sa anak dahil magkahiwalay silang mag-ina since narito naman sa bansa ang trabaho niya.

Kaya para makabawi sa anak, ilang araw pa before Ashley’s graduation, pumunta na siya ng Amerika, dahil nagkataong birthday din ng anak sa mismong graduation nito.

“I’m very excited for her and I’m very proud of her because efforts niya lahat ito,” dagdag pa ni Sheryl. “Kalahati lamang ako na nagbigay ng shares kung anuman ang meron siya ngayon at kalahati naman ay mula sa family ng tatay niya. Kaya I’m very grateful kasi kahit na malayo kami sa isa’t isa, hindi nasayang yung effort.”

Hindi rin magtatagal sa San Francisco si Sheryl dahil kasalukuyan siyang nagti-taping ng bagong afternoon GMA Afternoon Prime series na “Lilet Matias: Attorney-at-Law” na pinangungunahan ni Jo Berry.

***

TOTOHANAN na at wala nang paglilihim si Rayver Cruz sa totoong relasyon nila ni Asia’s Limitless Star Julie Anne San Jose, nang mag-celebrate ito ng kanyang 29^th birthday.

Instagram post ni Rayver: “On this day, the love of my life was born. Thank you for the infinite magic we share every single day. Know that I’ll always be by your side every step of the way,through everything.

“May you continue to be a blessing not just to me, but to everyone. Happy Happy Birthday my love. Super proud of you always! I love you!!!

Sumagot din naman agad si Julie ng “Aww you’re the best! Thank you my love, I love you.”

Sunud-sunod din namang bumati kay Julie ang mga Kapuso stars na sina Sanya Lopez, EA Guzman, Jak Roberto, Carla Abellana, Shaira Diaz, Gardo Versoza, at siyempre pa ang future bayaw na si Rodjun Cruz: Awww! Wohoo!!! Happy birthday Julie. We love you @myjaps. God bless you always.

Very soon ay mapapanood na ang bagong teleserye na first time pagtatambalan nina Julie Anne at Rayver, ang “The Cheating Game” for GMA Public Affairs. Visit www.gmanews.tv for more updates on #JulieVer and The Cheating Game!

***

AYAW munang tumanggap ng mga heavy acting projects si Maja Salvador ngayong naghahanda siya para sa coming July wedding nila ng non-showbiz fiancé niyang si Rambo Nunez.

Topmost priority at the moment ni Maja at part ng kanyang preparation was to look her best on her special day.

Kaya light shows lamang ang ginagawa ngayon ni Maja tulad ng game show na “Emojination” para sa TV5 at nagsimula na rin siyang mag-taping with the cast of “Open 24/7” headed by Bossing Vic Sotto.

Ang laughter-filled brand new sitcom will begin on Saturday, May 27 sa GMA-7. Papalitan nila ang “Daddy’s Gurl” nina Bossing Vic at Maine Mendoza na finale episode na this Saturday, May 20, pagkatapos ng “Magpakailanman” ni Mel Tiangco.

(NORA V. CALDERON)

Iniuugnay sa estafa case: SUNSHINE, tahimik at wala pang inilalabas na official statement

Posted on: May 19th, 2023 by @peoplesbalita No Comments

ANG comment ni Pia Wurtzbach ang obviously, nakaka-boost pa ng fighting spirit ni Michelle Dee, ang bagong kinoronahan na Miss Universe-Philippines.

Obviously, aware si Pia sa mga pinagdaanan ni Michelle na pambabash at pagne-nega ng ilan.

Ang haba ng comment ni Pia at pagbibigay ng lakas ng loob pa kay Michelle. At tila sinasabi nito na ‘wag magpapa-apekto sa sinasabi ng iba.

Sabi ni Pia, “Yes!! Beautiful I love how you stayed true to who you are and did not let pageant trends or chiefs dictate how you should be. It stood out perfectly! Please maintain that till Miss Universe!

“We want to see you. Michelle Dee. Don’t let other “chiefs” dictate how you should represent yourself.

“As Esther advised me before, too many chiefs ruin the fun. And at this point everyone will act like an expert, even strangers. It’s you Michelle who’s gonna be on that stage.

“And that’s once in a lifetime experience. Bring the Philippines with you yes, but still be you.”

Nag-reply naman si Michelle sa mahabang comment na ito ni Pia sa kanyang Instagram post at sinabi nga nito na sa bawat payo raw ni Pia siya nakakahugot ng lakas.

“Amen Queen!!! I Always find strength from your advice and you couldn’t have said it any better. I’ll take this to heart.”

***

TAHIMIK at wala pa rin inilalabas na ano mang official statement ang actress na si Sunshine Dizon tungkol sa estafa case na iniuugnay rito.

Sinubukan din namin na i-message si Sunshine para hingan ng reaksiyon, pero hindi pa ito nagsi-seen o reply. Nirerespeto naman namin at hindi na siya kinulit pa sa minsan pagpapadala ng message sa kanya.

Iba-iba na ang naglalabasan tungkol dito. Meron sa BGC at meron din sa Daet, Camarines daw na isyu.

Base lang sa nalaman namin, may legal counsel naman si Sunshine na siyang pwedeng mag-ayos ng bagay na ito. And knowing Sunshine, wala naman itong inuurungang ano mang isyu sa kanya. Siguradong may sagot si Sunshine whether involve nga ba siya or may cheque ba siya na na-isyu.

Kaya hintayin na lang natin kung kailan man siya maglalabas ng official statement, most likely, mula sa kanyang lawyer na rin.

(ROSE GARCIA)

Feeling legit rock star ang ‘Bagong Oppa Ng Bayan’: DAVID, dream come true na mag-perform sa big crowd

Posted on: May 19th, 2023 by @peoplesbalita No Comments

FEELING legit rock star ang chinito hunk at ‘GoodWill’ bida na si David Chua habang hinaharana ang kanyang rumored jowa at co-star na si Devon Seron sa NET25 Summer Blast music festival, na tinanghal sa Philippine Arena last weekend, May 13.

Mahigit 150,000 ang nagpunta sa summer shebang sa Philippine Arena na nilahukan ng ilan sa mga bigating OPM bands gaya ng SpongeCola, Rocksteddy, Gloc-9, Silent Sanctuary, Sunkissed Lola, Lunar Lights, Soapdish, Bandang Lapis, Dilaw, Noah Alejandre, at Calista.

Dream come true daw para kay David na mag-perform sa ganung kalaking crowd.

Aniya, “Sobrang saya! Doon ko lang na-realize na marami palang nagmamahal sa aming show, at ganun ding karami ang sumusuporta sa loveteam naming ni Devon.”

Tuwang-tuwa raw ang binansagang “Bagong Oppa Ng Bayan” noong bumaba siya ng stage at nakipaghalubilo sa mga fans.

“Feeling rock star talaga ‘ko nun! Nakaka-touch lang talaga na ganun ka-responsive yung crowd, lalo na nung pumunta ako sa moshpit,” sabi ni David.

“Game na game naman yung mga fans na nakikipag-finger hearts at todo selfie mode,” dagdag niya.

Bukod sa mainit na pagtanggapng fans, todo pasalamat din si David sa walang sawang suporta ng NET25, na itinuturing na niyang second family.

Lahad niya, “Sa NET25 ramdam ko yung pagkakaroon ng pamilya.

That’s why I never think twice about showing up for any of their promotional events or activities. I’d gladly do it for them, and I say that galing sa puso.”

Pero teka, ano na nga ba ang latest sa ChuRon loveteam nila ni Devon? Di ba’t kelan lang may naglabasang chismax na break na raw sila? At kesyo spotted daw si David na may kasamang girlaloo?

Eto rin naman kasing ating rockstar oppa, parang lagi na lang yatang aligaga sa pakikipag-date kung kani-kanino.

Elusive bachelor daw?

Abangan na lang natin ang season two ng GoodWill at baka naroon lang ang sagot sa mga haka-haka. Balita na level-up raw ang production ng show, dahil kumuha sila ng bagong team of writers, kabilang na ang uber-talented stand-up comic na si Alex Calleja.

At hindi lang yan! Marami pang kaabang-abang na celebrity guests tulad nina Meg Imperial, ang longtime Eat Bulaga showdown gurl na si Samantha “Grasya” Lopez, ang biglang pagsulpot ni Miss Korina Sanchez-Roxas sa pilot episode (huwat??!!) at marami pang iba.

Kasama pa rin sa series ang award-winning na si Raymond Bagatsing, Kat Galang, Smokey Manoloto, Ryan Rems, at James Caraan sa pagbabalik ng barakadang minahal niyo na!

Kaya save the date at abangan ang GoodWill season 2 premiere sa NET25 sa darating na May 27, 4:00-5:00pm, bago umere ang Korina Interviews!

(ROHN ROMULO)

“MISSION: IMPOSSIBLE – DEAD RECKONING – PART ONE” GOES FULL THROTTLE WITH NEW TRAILER

Posted on: May 19th, 2023 by @peoplesbalita No Comments

TIME for a new mission. Mission: Impossible – Dead Reckoning – Part One, starring Tom Cruise, opens across Philippine cinemas July 12. Watch the trailer:

YouTube: https://youtu.be/iIMqgt3dSCE

Facebook: https://fb.watch/kAyQYt6i2Z/

About Mission: Impossible – Dead Reckoning – Part One

Paramount Pictures and Skydance present a Tom Cruise Production a film by Christopher McQuarrie, Tom Cruise in “MISSION: IMPOSSIBLE – DEAD RECKONING – PART ONE”

Directed by Christopher McQuarrie, based on the television series created by Bruce Geller. Produced by Tom Cruise, Christopher McQuarrie. Executive produced by David Ellison, Dana Goldberg, Don Granger, Tommy Gormley.

Starrring Tom Cruise, Ving Rhames, Simon Pegg, Rebecca Ferguson, Vanessa Kirby, Hayley Atwell, Shea Whigham, Pom Klementieff, Esai Morales, Henry Czerny, Rob Delaney, Cary Elwes, Indira Varma, Mark Gatiss, Charles Parnell, Greg Tarzan Davis, Frederick Schmidt.

Mission: Impossible – Dead Reckoning – Part One is distributed in the Philippines by Paramount Pictures through Columbia Pictures.

Connect with #MissionImpossible and tag paramountpicsph

(ROHN ROMULO)

P15 bilyong pondo para sa silid-aralan, aprub na sa DBM

Posted on: May 19th, 2023 by @peoplesbalita No Comments

INAPRUBAHAN ni Department of Budget and Management (DBM) Secretary Amenah F. Pangandaman noong ika-15 ng Mayo 2023 ang pagpapalabas ng pondong aabot sa P15,151,709,646.00 para sa pagpapagawa ng 4,912 na mga silid-aralan sa 1,194 sites o lugar sa buong bansa.

“Ang napapanahong pagpapalabas ng pondo na pawang hiling ng Department of Public Works and Highway (DPWH) at Department of Education (DepEd), ay nagpapakita na hindi nag-aatubili ang PBBM administration na mamuhunan sa edukasyon. Kailangan nating magtayo at magkumpuni ng mga classroom para makasabay sa pagtaas ng bilang ng enrollment sa mga pampublikong paaralan,” sabi ni Secretary Pangandaman.

Una nang tinukoy ni Vice President at Education Secretary Sara Duterte na ang kakulangan sa classroom ang pinaka-agarang isyu sa edukasyon at nangakong tutugunan ang pangangailangang ito sa imprastruktura.

“Our schoolchildren need to be in an environment conducive to learning and fun. Kailangan nila ng ligtas, malinis at maaliwalas na mga silid-aralan para makapag-aral nang mabuti. Sila ang ating best investment,” dagdag pa ni Sec. Pangandaman.

Kung matatandaan, nangako si Pangulong Ferdinand Marcos Jr. sa kanyang budget message na bibigyan prayoridad ang pagpapagawa ng mga bagong silid-aralan sa ilalim ng Basic Education Facilities (BEF) ng DepEd sa muling pagbabalik ng face-to-face classes.

Aabot ang kabuuang halaga ng konstruksyon sa P15,020,282,176.00. Kasama na rito ang pagpapagawa, pagpapalit at pagkukumpleto ng mga kindergarten, elementary at secondary school buildings at technical vocational laboratories; paglalagay o pagpapalit ng disability access facilities; pagpapagawa ng water at sanitation facilities; at site improvement.

Sa kabilang dako, nasa P131,427,470.00 ang gagamitin para sa gastusin sa Engineering and Administrative Overhead (EAO). Kasama rito ang pagkuha ng mga tao; pagsasagawa ng preliminary at detailed engineering activities; pre-construction activities; construction project management; testing at quality control; acquisition, rehabilitation at repair ng related equipment at parts; training, communication, per diem, at transportation expenses; at contingencies na may kinalaman sa pre-construction activities. (Daris Jose)

Pagsisikapan pa ring maabot sa totoong buhay: Pangarap ni JO na maging lawyer, natupad na sa legal drama-serye

Posted on: May 18th, 2023 by @peoplesbalita No Comments

HINDI naiwasan na maitanong kay Matteo Guidicelli ang tungkol sa usap-usapang sigalot sa kanyang asawa na si Sarah Geronimo at sa matagal na nitong backup dance group na G-Force ng choreographer na si Teacher Georcelle.

Sa 20th anniversary concert ni Sarah, kapansin-pansin na wala ang G-Force, at may mga bagong choreography sa kanyang mga awitin ang pop star royalty.
Nangyari ang pagtatanong tungkol dito sa guesting ni Matteo sa ‘Fast Talk With Boy Abunda’.

“Sarah and Teacher have been together for 16 years. Sarah wanted to work with G-Force, different dancers, different choreographers and just have this synergy of greatness together,” paliwanag ni Matteo kay Tito Boy nitong Lunes.

“I guess things just didn’t pan out,” saad pa ng aktor na balik-Kapuso na.

Hindi naman nagbigay ng iba pang detalye si Matteo tungkol kina Sarah at Teacher Georcelle, pero nilinaw niya na wala siyang kinalaman tungkol dito.

“I don’t push Sarah, I stand beside her,” giit ng aktor na bahagi na ngayon ng morning show sa GMA na “Unang Hirit.”

“It would have been nice to have G-Force there also but maybe on another time. Whatever discussion and whatever little things here and there will be mended kumbaga,” dagdag niya.

Sa kabila ng mga lumalabas na isyu, pinasalamatan at ipinahayag ni Sarah ang pagmamahal niya sa G-Force sa concert nito.

Sa inilabas na pahayag ni Teacher Georcelle, tinawag niya na “artistic differences” ang usapin tungkol sa kanila ni Sarah. Gayunman, sinusuportahan umano niya ang creative freedom ng singer-actress.

****

PANGARAP ni Jo Berry, natupad!

Bibida ang Kapuso star na si Jo sa upcoming legal drama serye na ‘Lilet Matias: Attorney-at-Law’.

Sa story conference ng naturang serye ay ibinahagi ni Jo kung gaano siya kasaya nang malaman niyang siya ang gaganap sa karakter ni Lilet Matias, ang maliit ngunit mabagsik na abogada na may malaking pangarap para sa mga naaapi.

Aniya, “Yung papa ko po talaga ‘yung may pangarap na maging lawyer ako and nasabi ko talaga sa kanya na ‘ito na yun pa’ Sisimulan ko na agad ngayon pero sa role lang muna. Nandun pa rin naman po ‘yung kagustuhan ko na maging lawyer in real life pero nauna lang talaga yung role ngayon.”

Binanggit din ng Sparkle star na may plano pa rin siyang tuparin ang kanyang pangarap na maging isang abogada sa totoong buhay.

“Naalala ko, bata pa lang ako, number one na siya sa gusto kong gawin nung nag-aaral pa lang ako and alam ko na ‘yun ‘yung gusto ng papa ko for me so hindi talaga siya nawawala.

“Pagsisikapan ko pa rin pong maabot. Alam kong mahaba-haba pa ‘yung pagdadaanan pero hindi po siya nawawala nandun pa rin po siya sa goals ko,” saad niya.

Makakasama ni Jo Berry sa legal drama serye ang award-winning young actor na si Joaquin Domagoso, Sparkle beauties na sina Zonia Mejia at Hannah Arguelles, mga batikang aktres na sina Sheryl Cruz, Glenda Garcia, at Teresa Loyzaga, Sparkle heartthrobs na sina Jason Abalos at EA Guzman, at komedyante na si Ariel Villasanta.

(ROMMEL L. GONZALES)

Pangulong Maros pinalawig ng 15 taon ang Malampaya gas field contract

Posted on: May 18th, 2023 by @peoplesbalita No Comments

NILAGDAAN ni Pangulong Ferdinand “Bongbong” Marcos Jr. ang Renewal Agreement para sa Malampaya Service Contract No. 38 (SC 38).

Ginawa ang ceremonial signing kahapon sa Malakanyang.

Nakasaad sa kontrata ang panibagong 15 taon o hanggang 2039 sa patuloy na produksyon ng Malampaya para sa kuryente sa bansa.

Nabatid na ang Malampaya gas field ay nagsu-supply ng 20 porsyento ng power requirement ng Pilipinas.

Bukod sa pagpapatuloy ng mga operasyon sa produksyon, ang SC 38 Consortium ay kinakailangang magsagawa ng minimum na work program na binubuo ng geological at geophysical studies at ang pagbabarena ng hindi bababa sa dalawang deep water well sa panahon ng Sub-Phase 1 mula 2024 hanggang 2029.

Ang nasabing firm work program ay inaasahang magbubukas ng potensiyal sa kasalukuyang gas field at mga karatig na prospect areas.

Ayon sa Department of Energy, ang pagtuklas ng mga karagdagang reserba sa Malampaya gas field ay magpapalakas sa paghahanap ng bansa para sa seguridad ng enerhiya.

“As we renew Service Contract (SC) 38, we optimistically look forward to the continued production and utilization of the remaining reserves of the Malampaya gas field, as well as further exploration and development of its untapped potential,” ani Marcos.

Ang Malampaya Deep Water Gas-to-Power Project ay gumagamit ng state-of-the-technology para kumuha ng natural gas at condensate mula sa kailaliman ng Palawan basin. (Daris Jose)

Estate Tax Amnesty, palawigin

Posted on: May 18th, 2023 by @peoplesbalita No Comments

IPINASA ng Kamara sa ikatlong pagbasa ang panukalang magpapalawig sa ipinatutupad na Estate Tax Amnesty ng dalawang taon o hanggang 2025.

Layon ng panukala na mabigyan ng sapat na panahon sa mga taxpayer para mabayaran ang kanilang tax obligations.

Base sa Republic Act no.11569 na inamyendahan ng RA 11213 o ang Tax Amnesty Act, inaasahang magtatapos na ang implementasyon nito sa June 14, 2023.

Inaasahang malaking tulong ang pagsasabatas ng panukalang ito lalo na’t marami pa rin ang patuloy na bumabangon mula sa dagok ng pandemya na dinagdagan pa ng kalbaryo sa tila walang humpay na pagtaas ng presyo ng mga bilihin.

Karamihan din sa mga kababayan na nasa mga lalawigan ang hindi na natutukan ang pagbabayad ng estate tax, kaya’t tumataas ang kanilang multa.

Pinarerebyu ng isang mambabatas sa Bureau of Fire Protection (BFP) ang terms of reference (TOR) at specifications sa bidding ng firetrucks upang maiwasan ang alegasyon ng iregularidad sa proseso ng pagbili ng ahensiya.

Naniniwala rin si Bicol Saro Partylist Rep. Brian Raymund Yamsuan na sa pamamagitan ng rebyu at pagpapatupad ng pagbabago sa loob ng BFP ay makakatulong para maresolba ang backlog sa bilang ng firetrucks sa bansa.

“Panahon pa namin 2006 ng ako nasa DILG, hanggang ngayon, may backlog pa rin tayo. Bakit di natin ma-resolve ‘yun? And at the same time, laging may ganitong issue, laging issue natin ay overprice, laging issue natin may favored bidder. Dapat mawala na yun. Magkaroon na tayo ng maayos na TOR sa lahat ng bagay, sa specs na susundan ng lahat ng suppliers ,” ani Yamsuan.

Hiniling ng mambabatas sa pagdinig ng House Committee on Public Order and Safety na pinamumunuan ni Santa Rosa City Rep. Dan Fernandez, sa BFP na magsumite ng documents listing at procurement plan nito ngayon taon.

Ang pagdinig ay bunsod na rin sa inihaing House Resolution 724 nina ACT Teachers Party-list Rep. France Castro, GABRIELA Women’s Party Rep. Arlene Brosas at Kabataan Party-list Rep. Raoul Danniel Manuel para imbestigahan ang umano’y restrictive at kuwestiyonableng procurement process ng BFP sa pagbili ng firetrucks na bahagi ng modernization program ng ahensiya.

Bukod sa isyu ng firetrucks, nakuwestiyon din ang pagkakasama ng personal protective equipment (PPE) sa binili ng ahensiya.

Base sa dokumento na isinumite sa komite, ang BFP ay nakabili ng 562 firetrucks na nagkakahalaga ng P7.2 billion simula 2018. (Ara Romero)