NAGNINGNING ang mga bituin sa katatapos na Tindahan ni Aling Puring Sari-sari Store Negosyo Convention, ang taunang selebrasyon ng Puregold ng maliliit mga may-ari ng negosyo sa buong bansa.

Kabilang sa maraming mga kapana-panabik na kaganapan na nakahanay ay ang opisyal na press conference para sa “Ang Lalaki sa Likod ng Profile,” na naganap sa unang araw.

Dumalo ang award-winning na filmmaker at producer na si Chris Cahilig, na nagbigay ng welcome remarks, habang ang direktor na si Victor Villanueva ay parehong nagbigay-aliw at inspirasyon sa manonood habang inilalahad niya ang kanyang mga karanasan sa likod ng mga eksena.

“Ang Lalaki sa Likod ng Profile” ay ang latest retailtainment offering na mula ng Puregold Channel on YouTube, na naghatid din sa matagumpay na “GV Boys” at “Ang Babae sa Likod ng Face mask”.

Ang mga online series na ito ay nag-allow sa Puregold na maabot ang young digital natives na naghahanap upang kumonekta sa mga klasikong kwentong Pilipino.

Ang digi-serye ay umiikot sa kwento ni Bryce (Wilbert Ross), isang young gamer na nagti-take ng first uneasy steps sa mundo ng pakikipag-date kasama sa kanyang tabi ang virtual wingman na si Angge (Yukii Takahashi)

Sa press conference, ipinarating nina Wilbert at Yukii ang kanilang sariling pag-iisip sa kuwento, at ipinakita kung paano maisasalin ang onscreen chemistry sa real-time na atraksyon habang pinakikilig nila ang mga manonood.

Ang chinito at dashing na si Wilbert ay lalo pang nagpahanga sa mga dumalo nang maghandog ito ng dalawang awitin na siya mismo ang nag-compose, ang “Sasabihin Ko Na” at “Langga”
Anyway, inamin ni Wilbert na dahil sa ‘Boy Bastos’ ng Vivamax, kaya siya napansin ng Puregold dahil tuwang-tuwa sila sa kanyang role. Pero dahil sa pagbibida niya sa “Ang Lalaki sa Likod ng Profile”, ito na raw ang rebranding nila bilang rom-com actor.

Kaya ayon mismo sa Viva Artist Agency, mukhang na hindi na makikitang magpa-sexy pa. Dahil sa totoo lang, ang strenght ni Wilbert ay comedy, bukod pa sa kanyang pagkanta.

May bagong music video si Wilbert na siya ang nag-compose at nag-direk, ito ‘yun “Nakangiti” na kung saan kasama niya si Yass Pressman na wish din niyang maka-partner sa serye o pelikula, bukod pa kay Zeinab Harake, na pinasok na rin ang pag-aartista.

Present din sa naturang presscon ang mahuhusay at nakaaaliw na supporting cast na kinabibilangan nina Kat Galang (Genski), Migs
Almendras (Ketch), Marissa Sanchez (Bessie), Star Orjaliza (Yaya Aimee), Moi Marcampo (Chili Anne), TJ Valderrama (Cyrus), at Anjo Resurreccion (Jerry).

At bilang pasasalamat ng Puregold sa mga dumalo, may mga nagwagi ng sampung grocery packs na worth P2,500, tatlong smartphone at dalawang bonggang laptop.

Naging masaya at excting nga ang press conference for “Ang Lalaki sa Likod ng Profile” na kung saan mapapanood na ang Episode 5 ngayong ika-7 ng gabi sa Puregold YouTube channel.
Nagpahayag din ng kasiyahan si Vincent Co, Presidente ng Puregold Price Club Inc.

“We are always delighted by the chance to entertain our fellow Filipinos. “And we’ve been able to do that with the help of the hard-working cast and crew of ‘Ang Lalaki sa Likod ng Profile.’
“We hope everyone enjoyed the chance to see them up close and personal at this press conference.”

Gusto mo ba ng LIBRENG libangan? Mag-subscribe na sa Puregold Channel sa YouTube. Para sa karagdagang updates, i-like ang @puregold.shopping sa Facebook, sundan ang @puregold_ph sa
Instagram at Twitter, at @puregoldph sa TikTok.

(ROHN ROMULO)

MINSAN na palang nawala ang magandang tinig ni Manilyn Reynes dahil nagkaroon ito ng nodules o mga bukol sa kanyang lalamunan.

Akala noon ni Mane na katapusan na iyon ng kanyang singing career.

“There was a time na napagod ako and I wanted to walk away or go away. Nagkataon na nagkaroon ako ng nodules before and I thought it was really the end of my singing career. And that is why I wanted to leave. Kasi hindi nga po ako makaka-sing. Talagang naiyak ako noong nalaman ko,” sey ni Mane.

Natuklasan niya ito nang minsan siyang kumanta sa isang jamming session. Wala raw lumalabas na boses niya sa microphone.

“Kakanta ako. It was not even for a concert eh, parang jamming lang. Paghawak ko ng mic, pag-open ko ng bibig ko walang lumabas na voice. Akala ko lang ‘yung mikropono. Wala, wala as in wala. Super-cry ako talaga. Kasi ito ‘yung ginagawa ko eh, ito ‘yung kabuhayan natin. And then wala siya. So paano?”

Noong pinatanggal ni Mane ang mga nodules sa kanyang lalamunan, ilang linggo lang siyang nagpahinga at bumalik na ulit ang singing voice niya.

Kaya sa kanyang mga social media accounts, panay ang kanta ni Mane para ramdam niya na nandiyan pa rin ang boses niya. Weekly naman siyang kumakanta sa ‘All-Out Sundays’ para nakaka-perform siya kasama ang mga bagong artista ngayon.

Pinasikat ni Mane noong ’80s ang mga awiting “Apple Thoughts”, “Somewhere Along The Way”, “Mr. Disco”, “Sayang Na Sayang”, “Feel Na Feel”, at ‘Kung Sino Pang Minamahal”.

***

ISA sa bagong segment sa “The Boobay and Tekla Show” ang phone raid kung saan babasahin ang text messages sa cellphone ng guest sa show.

Si Sofia Pablo, tila hindi ito kinaya nang mapiling basahin ang text na ayaw sana niyang mapili.

Sa nakaraang episode ng “TBATS,” kasama ni Sofia na naging bisita sa show ang kaniyang ka-love team na si Allen Ansay o Team Jolly.

Sa phone raid segment, hahalungkatin ang text messages sa kanilang cellphone batay sa ramdom number na babanggitin ng production staff. Unang isinabak ang cellphone ni Allen, na ang lumabas na text sa binanggit na number ay nagsasaad na: “Ok Po.”

Ayon kay Allen, text iyon sa isang delivey. Sa isa pang text message sa phone ni Allen, “Sino po?.” naman ang nakalagay na galing pala mismo kay Sofia.

Nang isalang na ang cellphone ni Sofia, lumabas sa napiling numero ang text message ng kanyang daddy na nagtatanong ng, “Work for what?”

Ipinaliwanag ng young Kapuso star na kakauwi pa lang niya noon galing sa Singapore at may gagawin pa siyang trabaho.

Sa kalagitnaan ng paghahanda sa muling pagsilip sa kanyang cellphone, binasa ni Sofia ang text messages sa phone niya, at natatawa niyang sinabi na huwag sanang mapili ang number 8.

Pero nang banggitin ng staff ang numero, pinili nila ang number 8 kaya napahiga si Sofia sa sahig na walang tigil sa pagtawa.

***

SA Dubai, UAE na titira si Miss Universe 2015 Pia Wurtzbach kasama ang kanyang mister na si Jeremy Jauncey.

Sa Dubai based si Jeremy dahil sa company nito na Beautiful Hotels kunsaan ito ang founder at CEO. Pagkatapos nilang ikasal noong nakaraang March 24 sa Seychelles, sinabi ng actress-beauty queen ay susunod siya sa kanyang husband kunsaan ito nakatira.

Ito rin ang naging dahilan kung bakit binebenta ni Pia ang kanyang fully-furnished posh condominium unit sa Makati City sa halagang P48 million.

Kapag may mga trabaho para kay Pia sa Pilipinas, doon lang daw siya uuwi at kapag natapos na lahat, balik siya ng Dubai.

Pero mukhang magiging busy rin sa Dubai si Pia dahil maraming Filipino designers ang naka-base doon at nakatrabaho na niya ang mga ito, isa na rito ay si Albert Andrada na siyang nag-design ng kanyang famous blue evening gown na sinuot niya noong koronahan siyang Miss Universe sa Las Vegas in 2015.

Na-feature na rin noon si Pia sa virtual Arab Fashion Week noong 2021. Kaya expect natin na magiging abala si Queen Pia sa pag-model ng mga designs ng mga Dubai-based Pinoy designers tulad nila Michael Cinco, Ryan Pacioles, at Furne One.

(RUEL J. MENDOZA)