HINDI nga raw inakala ni Glaiza de Castro na tatagal siya nang dalawang dekada sa showbiz at ang pangako niya na makatulong sa kanyang pamilya sa pamamagitan ng pagpasok sa showbiz ay natupad niya.

Nagsimula si Glaiza sa 2001 film na ‘Cool Dudes 24/7’. Muntik na raw siyang hindi mapasama sa movie dahil late siyang dumating sa audition nito.

“Thankful ako kay Direk Ruel Bayani kasi kung hindi niya ako pinagbigyan na mag-audition, malamang wala ako ngayon sa showbiz.

“Late na kasi naming natanggap ‘yung message tungkol sa audition. Naawa na lang sa akin si Direk Ruel kaya pinayagan niya akong mag-audition,” pagbalik-tanaw ni Glaiza.

Sa buong cast ng Cool Dudes, si Glaiza ang hindi inaasahan na tatagal sa showbiz. Yung ibang kasama sa movie, bukod kay James Blanco (na active na active pa rin) na sina Cogie Domingo, Angeline Aguilar, Jemalene Estrada at Danilo Barrios ay hindi nagtagal sa showbiz.

Dahil ang hinangad noon ni Glaiza ay ang makatulong sa kanyang pamilya at hindi ang sumikat, bumuhos ang blessings sa kanya at ngayon ay masasabi niyang kumportable na ang buhay ng kanyang pamilya.

“Yung wish ko noon na mabigyan ang pamilya ko ng magandang buhay, nagawa ko iyon at hanggang ngayon, kahit na may asawa na tayo, tuloy pa rin ang pagtulong ko sa kanila,” sey ni Glaiza na muling mapapanood sa GMA Afternoon Prime via ‘The Seed Of Love’.

***

PARA sa ‘Tawag Ng Tanghalan’ grand winner na si Lyka Estrella, may mga plano na raw siya para sa mga premyo na natanggap niya.

Kabilang na rito ang P1 million cash, a recording contract with ABS-CBN Music, talent management contract with Polaris of Star Magic, at brand new house and lot worth P2.5 million.

Una raw naisip ni Lyka ay ang magkaroon ng business para sa kanyang pamilya para meron daw silang steady income.

“Ang unang-una kong gagawin ko sa prize ay magbi-build ako ng business kasi ‘yung life natin is up and down,” sey ni Lyka na binigyan ng bonggang welcome sa ‘ASAP Nation ‘To’ noong nakaraang Linggo.

Nagkaroon na rin daw ng panahon si Lyka na makasama ang pamilya na mag-celebrate ng kanyang pagkapanalo. Pinasalamatan din niya ang mga taong hindi nagsawang suportahan siya sa simula pa lang ng ‘TNT’ journey niya sa noontime show na ‘It’s Showtime’.

“Sa mga fans ko, sa mga supporters ko, thank you so much everyone. I love you and sana magkita-kita tayo soon,” sey pa ni Lyka na pinaplano na rin ang homecoming niya sa General Santos City.

(RUEL J. MENDOZA)

MARAMING naloka at nag-react sa latest Instagram post ni Kris Bernal tungkol sa kanyang pagbubuntis.

Ipinost nga ng aktres ang isang video na kung saan twenty-six weeks na siyang nagdadalang-tao. Ipinakita niya ang lumalaking baby bump at nakasuot pa siya ng pink bikini.

Caption ni Kris, “Same fit but add another human. A little fun #26weeks bump update.”

Kasunod nito ang iba’t-iba niyang nararamdaman…
“Baby is moving around like a gymnast.”

“Linea negra and pink streaks in my belly become more noticeable.

“I can barely see my vagina or anywhere beneath my belly.

“Having the wildest, weirdest dreams of my life with night sweats. “Experiencing pregnancy insomnia that comes with anxiety and worries. “And, just most of the time I’m in zombie mode!

“The list goes on.”

Pero sa kabila ng kanyang pag-e-emote, “So blessed to experience this and this baby girl is already filling our days with so much love and hope. Thanks for the outpouring of love y’all.”

Marami namang naka-relate kay Kris, lalo na ang mga ina at kasalukuyang nagbubuntis dahil naranasan din nila ang mga nabanggit ng aktres.

Pero may isang guy sa nag-comment at nagtanong kay Kris ng, “Blessing yan. Parang pinagsisihan mo?”

Kaya naman ‘di napagilang sagutin ito ng, “Read the caption po. Blessed for the miracle of life, for what my body is doing, and loving my bump in this season which means my baby is growing!

“It doesn’t make you a bad mama or ungrateful to have feelings that aren’t always sunshine and rainbows!”

Kinuyog naman ng mga netizens at followers ni Kris ang lalaking nagkomento nang hindi muna binabasa ang buong caption.

Samantala, kung maraming naka-relate, meron din namang ‘di agree sa ginawa ni Kris at ilan sa komento ng mga Marites sa ‘Fashion Pulis’…

“May mga ka fp ba dito na buntis at naka bikini nag po post sa social media at gumaganyan?”

“Yes madami. At sa video nya, obvious naman she’s just playing around. People take things way too seriously sometimes.”

“Ako buntis ako ngayon, kaso di ako nagbibikini eh saka post dito lang ako sa room namin na naka-bra at panty haha nakakatawa makita yung tyan ko na sobrang liit before ngayon may laman na hahaha.”

“TMI… tapos pag may pumansin sasabihan ng pakialamerang basher … san ba kaming mga Marites lulugar sa buhay niyong mga celebrities? There’s sharing usefull information then there’s sharing too much information.”

“Ano ba nangyari kay Kris Bernal? gusto ko sya dati Starstruck days. Wala ako problema sa itsura nya ah kung nagbago man pero bakit naging nuknukan na ng arte yan. Ang cringe na din nya!

“True. May pagka-feelingera siya actually. Marunong namang umarte at kayang magpa-rate ng show pero ewan ba, maepal si ate girl. Nawalan ng amor ang home network dahil sa kaartehan tapos heto at ida-drag pa niya ang kanyang pagbubuntis na kapag pinuna ay nahu-hurt kuno. Siya ang sarili niyang PR actually.”

“Nag-post siya na pabirong umiiyak dahil she’s comparing her tummy before when she wasn’t pregnant tapos blessing daw. Ano ba talaga or sadya ka lang talagang super vain.”

“Naloka ako sa hanash na she can barely see her V hahahaha i dont know what to say.”

“Napaka-contradicting naman kase ng caption at video. Blessing pero ang daming kuda sa body changes nya. Blessed pero reklamador yarn. Paka-arte gusto lang mapuri na it’s ok you’ll get back in shape eme eme yan gusto nya mabasa.”

“Tbh sa lahat ng celebs na pina-follow ko sa ig na nabuntis sya lang yung bukod tanging ganyan.”

“Marami din akong reklamo nung buntis like the nausea and vomiting and walang makain except gummy bears, sky flakes and fruit juice coz masusuka ako sa karne. Pero never ako nagreklamo sa laki ng tyan ko. Luckily never had that linea nigra.”

(ROHN ROMULO)

ILANG detalye sa nalalapit na kasal nina Maja Salvador at Rambo Nuñez ang hindi pa rin talaga mabanggit ng aktres bilang pa-surpresa naman siguro nito para sa mismong big day nila sa July.

Though, given naman na sa naturang buwan at sa Bali, Indonesia nga ang kasal.

Pero inamin naman ni Maja na isa sa tatayong ninong sa kasal ay si Vic Sotto na siyang co-star n’iya ngayon sa bagong sitcom ng GMA Network, ang “Open 24/7” simula sa May 27.

Sabi na lang ni Maja, “Nasagot ko naman na every weekend ‘yun na lumilipad kami. May mga kailangan ayusin, fitting-fitting.”

Siyempre, excited na raw siya sa kasal.

“Excited ka, siyempre, once ka lang ikakasal. So, parang gusto mo talagang maayos.”

Sinagot din niya ang madalas na ibinabato sa kanya ng ilang netizens na idinahilan daw niya ang kasal kaya isa sa sinabi niyang rason kung bakit kinailangan niyang umalis sa “Eat Bulaga”, pero heto’t bukod sa ibang shows pa niya, may “Open 24/7” nga siya.

“Matagal naman na… nauna ‘to. ‘Yung ‘Emojination’ in-offer sa akin, last year pa. Then ito, nag-inquire sila ng January. Kaso, matsi-check n’yo naman sa Instagram ko, palagi akong umaalis, lumilipad.

“So ‘yun, since mag-start na ‘to, kailangan ko rin na may i-sacrifice.”

At nang tanungin nga si Maja kung open pa rin siya na bumalik sa “Eat Bulaga”, positibong sagot niya, “Ay, I love Bulaga, oo naman, oo naman.

At natawang sabi pa na, “right after honeymoon.”

***

HINDI na nga nagpapaawat sa pag-arte o pag-aartista ng sikat na vlogger na si Zeinab Harake.

Nagsimula ito nang ipakilala siya ng talent management ni Becky Aguila bilang bago nilang artist.

Nagsimula na rin itong mag-take ng acting workshop bilang paghahanda. Ipinost ito ni Zeinab sa kanyang social media accounts kunsaan, si Ana Feleo ang naging acting coach niya.

Sey niya, “First acting workshop done. Thank you so much Ms. Ana Feleo. Excited po sa next session natin. Ang dami ko pong natutunan today.”

Tinanong namin sa Talent Management na si Jan Enriquez, isa sa manager under Aguila’s Entertainment kung anong network at anong unang project ni Zeinab as an artista.

Ayon dito, “Nasa talent development pa lang po kami. Acting at hosting workshops, pati PR training.”

Sabi namin dito, bakit biglang pumayag mag-artista dahil dati, nasabi nitong hindi talaga siya para sa pag-arte.

“She really wants to grow and learn new things. May reservations s’ya sa totoo lang noong una kung kaya n’ya ba ng acting, but after our first session with Ana yesterday, mukhang nagustuhan niya.

“And in fairness, may naibibigay s’ya siguro dala na rin ng marami niyang pinagdaanan. Ituloy n’ya lang ang paghasa ng acting skills n’ya and she can really become a great actress.”

Kakaibang Zeinab nga raw ang nakita nila during the acting workshop pa lang.

***

KUMPIRMADO na nga ang pagiging Kapuso ni Matteo Guidicelli. Pumirma na ito ng kontrata noong Huwebes.

Pero sa “Unang Hirit” muna mapapanood ang mister ni Sarah Geronimo. More on current affairs daw ang gustong gawin nito. Mula raw kasi ng maging reservist, mas na-open ang mind niya, lalo na sa mga dapat i-address na problema ng bansa at mamamayan.

Though, ‘di na rin naman kami magtataka kung eventually, mapanood na rin siyang umaarte sa mga future teleserye ng GMA.

At ang tanong nga ngayon, sumunod kaya kay Matteo si Sarah sa Kapuso network?

(ROSE GARCIA)