BINIGYAN ng suporta ng Department of Transportation (DOTr) ang mungkahi ng Megawide Construction Corp. na magtayo ng isang terminal exchange facility sa parting norte ng Metro Manila.

Ayon sa isang panayam kay DOTr undersecretary Mark Steven Pastor na wala pa naman silang natatangap na pormal na detalyeng mungkahi mula sa Megawide na magtatayo sila ng isang bus loop sa EDSA sa pamamagitan ng pagkakaron ng katulad ng Paranaque Integrated Terminal Exchange (PITX).

“We support the idea of building an ITX in Monumento to serve as a staging area for provincial buses coming from Northern part of Luzon. It is an absolute necessity for the government so we can sort of follow the mechanism here in the south. We will allow provincial buses to use the terminal,” wika ni Pastor.

Dagdag niya na sa ibang bansa ay talagang mayron silang mga terminal hub upang bigyan solusyon ang problema sa congestion at ng magkaron ng transport connectivity.

Sinabi rin ni Pastor na maaaring mag align ang DOTr ng mga ruta ng provincial buses na palabas at papunta sa Metro Manila upang malimitahan ang dami ng mga sasakyan na dadaan sa EDSA.

“For instance, provincial buses in Cubao can be transferred to the ITX without causing commuters any hassle with the availability of transport options to and from Monumento,” saad ni Pastor.

Kahit na suportado nila ang mungkahi ay kanila pa rin na pag-aaralan ito upang sumailalim sa isang standard na proseso bago ito ay aprobahan.

Ang Megawide ay kalahok sa bidding na gagawin para sa operasyon at pangangalaga ng EDSA Busway kung saan nila sinasabing may kapasidad sila sa route management at station development. Ang plano ng Megawide ay maghain ng isang unsolicited proposal sa pagtatayo ng ITX sa Monumento.

Sila rin ang infrastructure builder ng PITX at Mactan-Cebu International Airport. Gusto nilang magtayo ng bus loop sa EDSA na tatakbo mula sa PITX papuntang Monumento na katulad ng existing route ng EDSA carousel buses. Dahil dito makakaasa ang mga pasahero ng availability at punctuality ng mga buses.

Gusto rin ng Megawide na palawakin ang PITX ng hanggang 1.8 hectares upang magkaron ng isan pang staging area ng mga buses na nagkakahalaga ng P5 billion.

Sa ngayon, ang North Luzon Express Terminal ay siyang northern counterpart ng PITX na may kakayanan na magsakay ng 96,000 na pasahero kada araw.  LASACMAR

LALO pang tumindi ang kawalang trabaho sa Pilipinas sa pagpasok ng 2023 matapos umabot sa 4.8% ang unemployment rate nitong Enero, ayon sa Philippine Statistics Authority.

Kapansin-pansing mas mataas ito kumpara sa nasa 4.3% lang noong Disyembre 2022 sa nakaraang Labor Force Survey ng gobyerno.

“Unemployment rate in January 2023 was estimated at 4.8 percent, translating to 2.37 million unemployed Filipinos,” ayon sa PSA, Huwebes.

“This estimated rate is lower than the unemployment rate reported in the same month in 2022 at 6.4 percent.”

Kahit tumaas, gumanda na ‘di hamak ang estado ng empleyo ng mga Pilipino kumpara noong kasagsagan ng COVID-19 lockdowns noong 2020 kung kailan sumirit ito sa 10.3% noong taong iyon.

Narito ang mga mahahalagang datos sa empleyo noong Enero:

Employment rate: 95.2

May trabaho: 47.35 milyon

Unemployment rate: 4.8%

Walang trabaho: 2.37 milyon

Underemployment: 14.1%

“Nakukulangan” sa trabaho: 6.65 milyon

Labor force participation rate: 64.5

Labor force: 49.72 milyon

Bumaba rin ang employment rate at employed noong nasabing buwan kumpara sa 95.7% bago matapos ang 2022.

“The number of underemployed persons or the employed persons who expressed the desire to have additional hours of work in their present job or to have additional job, or to have a new job with longer hours of work was registered at 6.65 million, translating to an underemployment rate of 14.1 percent in January 2023,” sabi pa ng ahensya.

Mas mababa ang kalidad ng trabaho sa ngayon kumpara sa 12.6% lang na underemployment noong Disyembre.

Inilabas ang mga naturang datos ilang araw matapos iulat na bumagal ang pagtaas ng presyo ng bilihin nitong Pebrero 2023 sa 8.6%, bagay na mas maigi kumpara sa inaasahang inflation rate ng Bangko Sentral ng Pilipinas na aabot sa 9.3%.

LUNGSOD NG MALOLOS – Matapos makatanggap ng sulat ang Gobernador mula sa isang concerned citizen na nagpapahiwatig ng pag-aalala tungkol sa kasalukuyang kalagayan ng Bulo Dam, personal na pinamunuan ni Gobernador Daniel R. Fernando ang inspeksyon ng dam kasama ang mga kinatawan mula sa National Irrigation Administration (NIA) kahapon sa Brgy. Kalawakan, Doña Remedios Trinidad, Bulacan upang tiyakin ang kaligtasan ng mga Bulakenyo.

Sa isinagawang inspeksyon, natuklasan ni Fernando na nagkaroon ng pinsala ang dam matapos ang Bagyong Karding. Kaya naman kinumpirma ni Inh. Roald Marck Revellame ng NIA-Central Office na lahat ng mga nasirang bahagi, kasama ang vortex vane, ay nasa ilalim pa rin ng warranty at irerekomenda para sa pagkukumpuni at karagdagang pagpapatibay ng kalagayan ng dam.

“Sa nakita ko, hindi naman gano’n kalaki ‘yung damages, majority ay hindi ganoon kalaki pero siyempre, kailangang agapan ang maliit na problema bago ito lumala. I’m sure na hindi ito pababayaan ng NIA kasi iyon ang hinihingi ko sa kanila, ang concern sa nakararaming Bulakenyo; hindi sa iisang tao lamang o concern sa proyekto lang. Itong mga engineers from NIA ay cooperative naman at alam nila kung ano ‘yung makabubuti,” anang gobernador.

Bilang punong ehekutibo ng lalawigan, nagbigay ng mga rekomendasyon si Fernando upang masiguro na mapapakinabangan ang dam at upang matiyak na hindi ito makapagdudulot ng anumang pinsala sa mga residente.

“Kailangan lang talaga ng improvements kamukha noong nakita ko doon na manipis ‘yung wall sa secondary spillway, at napansin din na mayroong sira at hindi natapos ‘yun energy dissipator ng tunnel type spillway. Kaya suggestion ko na pwedeng lagyan ng extension ng concrete path ang spillway at sa side, l i-rip rap ‘yun bahagi ng bundok at i-reinforce ang wall para maiwasan ang pagguho o landslide lalo kung tumaas ang tubig sa dam,” ani Fernando.

Kasama rin sa inspeksyon ang mga opisyal ng Malibay Farmers Irrigators Association at tiniyak na hindi sila apektado ng maliliit na pinsala sa dam at kinumpirma na ang north canal ng Bulo Dam ay nagsusuplay ng tubig sa humigit-kumulang 50 ektarya sa lugar. Pinagbubuti na rin ang south canal para maserbisyuhan ang target area sa lalong madaling panahon.

Sinamahan rin si Fernando nina Provincial Director PCOL. Relly B. Arnedo, Ing. Glenn, pinuno ng Provincial Engineer’s Office Reyes, PDRRMO OIC PCOL. Manuel M. Lukban (Ret), Panlalawigang Agrikulturista Ma. Gloria SF. Carrillo, Provincial Legal Officer Abgd. Gerard Nelson Manalo at Katrina Anne B. Balingit, pinuno ng Provincial Public Affairs Office. (BISHOP JESUS “JEMBA” M. BASCO)