SIGURADONG tinutukan ng madlang pipol ang Friday edition ng ‘Fast Talk with Boy Abunda’ dahil sa exclusive interview ni Liza Soberano kay King of Talk Boy Abunda, na kung saan matapang ngang sinagot ng aktres ang mga isyung kinasasangkutan niya.

Isa nga tinanong ni Kuya Boy kay Liza kung ano ang naramdaman niya sa pagkadismaya ng TV host tungkol sa nilabas na 14-minute vlog noong February 28.

“Na-hurt ako kasi feeling ko of all people ikaw ‘yung makakaintindi [because] I see you as one of the wisest in the industry,” harap-harapang pag-amin ni Liza.

“Sa dami ng napagdaanan mo with different personalities parang you always saw things for what they were. And parang ang paniniwala ko your judgment isn’t clouded by the noise of the media, by what the fans say, so I felt misunderstood by you.”

Pagpapatuloy pa niya, “but then noong nag-usap naman kayo ni James (Reid) and he talked to me after. In-explain niya sa akin ‘yung taught process mo about everything and I understood your point.

“It really did make sense to me and so, that’s why I want to have this conversion with you.”

Tinanong din ni Kuya Boy na, “When you became one of the biggest stars in this country, didn’t the dynamics change? Hindi ka ba nakapagdikta, nakapagsabi na ito ang direksyon ko, ito ang gusto kong gawin, ito ang gusto kong puntahan? Didn’t it happen that way?”

Sagot ni Liza, “I would say the power dynamics did shift a bit. Naranasan ko naman that I was given some right to kind of approve certain things that were going on in my career. But I was never empowered na mag-isip on creating or sharing ideas of how I could… grow my career or bring it to a different direction,” eksplika pa ni Liza.

Nilinaw din ng aktres na kadalasan ay pini-pitch sa kanya ang concept ng mga project na nirerekomenda ng kanyang management.

Paliwanag ng aktres, “So yes, I may have made some decisions for myself. I may have agreed to doing certain things but I wouldn’t say that there were completely my own kasi I had fans to cater to, I had family to provide for, I had people in the industry that I wanted to impress or make proud [of].

“And so I didn’t grow up learning how to choose things for myself and really, you know, deciding on what I want. It was always dictated by what people think this is what’s right for me.”

Kinuwento rin ni Liza na noong mas lumawak na ang kaalaman niya tungkol sa acting, sinubukan niyang maging collaborative at magbigay ng creative inputs tungkol sa script.

“When I started like really understanding how acting works, started understanding character development and everything, meron pong mga times that I would talk to the director, I would talk to the PAs, I would talk to the writers and be like, sa tingin ko po hindi sasabihin ng character ko ‘to, hindi gagawin ng character ko ‘to,” paliwanag nito.

Maayos daw siyang nakipag-negotiate sa creative team pero nalaman niyang dahil dito ay binansagan siya ng mga staff na “little producer”.

“I didn’t know that behind my back, actually a really close director-friend of mine told me na they would talk about behind my back during pre-prod meetings and call me little producer.”

Dagdag pa niya, “Ever since after that, I felt like didn’t have the right to bring this up kasi nao-offend ko ‘yung mga tao sa paligid ko, which was not my intention. But I thought as an actor that that was my job also to do – to question, you know, to help improve the story, to help, to be collaborative.”

Kinausap daw niya ang kanyang dating manager na si Ogie Diaz pero pinili niyang ‘wag na palakihin ang isyu dahil ayaw niyang pangalanan ang kaibigan na nagsumbong sa kanya.

“Naisip ko baka ganon lang talaga ang showbiz. I didn’t know anything else beyond that so maybe, iniisip ko pa nga maybe ako ‘yung rude for questioning the creatives’ decisions,” tugon pa niya.

“I just wanted to feel heard or listened to,” dagdag nito.

Sagot niya kung bakit hindi ipinaglaban ang gusto niyang gawin, “Takot po akong makaapak ng tao. I don’t like disappointing people. I don’t like creating enemies and… I’m a people pleaser, so hindi ko kaya ‘pag people have bad feelings towards me.”

Nilinaw din ng aktres na hindi siya nagrereklamo sa tinakbo ng kanyang career sa ABS-CBN.

“I am not complaining. I am very grateful for everything that I experienced because dahil diyang napaaral ko ang sarili ko, nakatapos ako ng high school. Dahil diyan, nakabili ako ng bahay para sa family ko.

“Here in the Philippines and for my grandparents that are living in the states. I am so grateful for that. Kasi I was able to do things that – at such a young age – I would have never been able to do if not for this job.

“If not for ABS-CBN, for Tito Ogie, if not for Quen.” saad niya.

Samantala, marami pang rebelasyon sa part two ng exclusive interview ni Liza sa ‘Fast Talk with Boy Abunda’ na mapapanood sa Lunes, March 13, 2023, 4:45 ng Hapon sa GMA-7.

(ROHN ROMULO)

LOST and confused daw si Arra San Agustin dahil sa pag-reveal niya na hiwalay na sila ng PBA player boyfriend niya na si Juami Tiongson ng Terrafirma Dyip.

October 2022 raw naghiwalay ang dalawa at inamin ni Arra na hanggang ngayon ay nasasaktan pa siya sa nangyari. Apat na taon din daw kasi silang nagkaroon ng relasyon.

“Last talk namin was first week of January, that’s when we we really cleared things out. Kasi ‘di ba kapag nagbe-break naman kayo minsan you go back and forth pa rin. It was painful in a sense na, sa sarili ko naisip ko na I can no longer find another man who’s exactly like him, ‘cause he’s my standard now. He’s so good, he’s really good, he’s a good guy, his family is good, he’s perfect,” sey niya.

Naging dahilan daw ng breakup nila ay ang pagiging busy ni Arra sa kanyang career. Naging dahilan daw ang trabaho para ma-outgrow nila ang feelings nila sa isa’t isa.

“In four years of my life parang lagi lang kaming nasa house, wala na masyadong growth. Pero dahil sa trabaho ko, I have to be proactive, so minsan nabe-blame ko siya dahil hindi ko nagagawa ‘yung ibang gusto kong gawin. Unahin ko pa rin ‘yung sarili ko dapat,” diin ni Arra.

Sey ng netizens na hindi dapat mag-alala ang ‘Mga Lihim Ni Urduja’ star na wala siyang karelasyon ngayon. Sa ganda niya, tiyak dahil tiyak na maraming pipilang lalake para ligawan siya.

***

IN-ANNOUNCE nina Jeffrey Hidalgo at Geneva Cruz na nagpaplano na sila ng isang reunion concert ng Smokey Mountain.

Gusto raw nilang magsama-sama ulit ang grupo na binuo ni National Artist Ryan Cayabyab. Huli raw silang nagsama-sama ay noong 2011 para sa isang earthquake relief fund for Japan. Sunod na ulit ay ang online reunion noong magkaroon ng pandemya in 2020.

Ayon kay Jeffrey, lima raw sa members ng group nila ang nandito sa Pilipinas at yung iba ay nasa ibang bansa na.

“Apat nandito sa Manila. Ako, si Gen, si Tony (Lambino) at saka si James (Coronel). Kami yung original. Si Jayson (Angangan) from the second group nasa Isabela.

“Pero ‘yung the rest ay nasa ibang bansa na. Si Chedi (Vergara) nasa Australia, si Shar (Santos) nasa States, at saka si Anna Fegi.”

Binuo ni Maestro Ryan Cayabyab noong 1989 ang Smokey Mountain at naging aktibo ang grupo hanggang 1995. Nakagawa sila ng six albums at unang pinasikat ng grupo ay ang song na “Kailan” nasundan ito ng “Paraiso”, “Better World”, “Da Coconut Nut”, “Kahit Habang Buhay”, “Tayo Na” at “Can This Be Love” na nagkaroon ng cover versions sina Sarah Geronimo, Juris, Ice Seguerra at Zephanie na ginamit bilang love theme ng GMA primetime teleserye na ‘Luv Is: Caught In His Arms.’

***

DALAWANG Hollywood icons ang magkasunod na pumanaw. Ito ay ang ‘70s TV star na si Robert Blake at ang Israeli actor na si Topol.

Pumanaw si Blake sa Los Angeles noong March 9 dahil sa heart failure. He was 89.

Nakilala si Blake bilang ang streetwise cop na si Tony Baretta sa crime series na Baretta na umere mula 1975 hanggang 1978. Nanalo si Blake ng Emmy Award for best drama series actor.

Nagsimula bilang child actor sa Hollywood si Blake hanggang sa makagawa siya ng maraming pelikula tulad ng Treasure of Sierra Madre. Huling pelikulang ginawa niya ay ang Lost Highway ni David Lynch noong 1997.

Noong 2001 kinasuhan si Blake sa pagplanong pagpatay sa second wife niyang si Booney Lee Baklet. Na-acquit siya sa naturang kaso noong 2005.

Pumanaw naman sa Tel-Aviv, Israel dahil sa Alzheimer’s disease ang nagbida sa 1971 musical na Fiddler On The Roof na si Topol noong March 8. He was 87.

Ang Israeli actor ang natatanging gumanap sa role na Tevye sa film and Broadway version ng Fiddler On The Roof. Tumanggap siya ng best actor nominations sa Oscars, Golden Globe at Tony Awards.

Born Chaim Topol, isa siyang stage actor at naging pinakasikat na aktor sa Israel. Lumabas din siya sa mga pelikulang Galileo, Flash Gordon, For Your Eyes Only, at sa mini-series na The Winds of War at War And Remembrance.

(RUEL J. MENDOZA)