NANGUNA sa Philippine Trends ang #ALDENBackOnEB ang pagbabalik ni Asia’s MultiMedia Star Alden Richards sa number one at longest-running noontime show na “Eat Bulaga.”  

Inamin ni Alden na medyo naging teary-eyed siya nang yakapin niya isa-isa ang mga co-hosts, nang pumasok siya sa dressing room ng APT Studio.

“Medyo matagal akong hindi nakabalik at na-miss ko silang lahat.  Naramdaman ko iyong tagal din ng panahon na hindi ko sila nakasama dahil nagkasunud-sunod ang mga commitments ko here and abroad. Now, I’m back Dabarkads.”

Isa nga raw sa gustong balikan ni Alden ay ang pagpunta nila noon sa barangay, kaya isinama siya nina Jose Manalo at Wally Bayola sa malapit lamang sa APT Studio na ikinagulat ng mga nilapitan nilang binigyan ng ayuda, isa na rito ang gulat na gulat na yaya na in-interbyu ni Alden, na bibili daw lamang siya ng pagkain, pero nakatanggap na siya ng biyaya.

Biro tuloy ni Jose, lapitin daw talaga ng Yaya si Alden! Gets?

***

NAGSIMULA nang mapanoodang “Hearts On Ice” na first team-up nina Ashley Ortega at Xian Lim.

Hindi pa nag-appear si Ashley as the figure skater na si Ponggay, pero marami nang humahanga sa husay niya sa ice skating sa trailer na kitang-kitang isa siya talagang figure skater in real life.

Naibahagi nga ni Ashley na hindi siya gumagamit ng double sa mga eksena.

“Medyo po mahirap sa simula, dahil may kapansanan ang left leg ni Ponggay sa story, kaya normal lang na makita akong sumemplang sa eksena at makita ng audience ang struggles ng isang athlete na may kapansanan.

“So, kapag sumemplang, pag-aaralan din namin how we get up and do it again,” paliwanag ni Ashley.  “Kaya kahit ilang beses madapa, babangon pa rin hanggang makamit niya ang pangarap niya.”

Meanwhile, labis ang pasasalamat ni Ashley na pumayag mag-guest sa serye si Michael Christian Martinez, ang Asian Figure Skating champion at two-time Olympic figure skater,

“Natuwa po ako nang malaman kong pumayag si Michael mag-guest,  Sabay po kasi kami noong nagti-training kapag may competition kaming sinasalihan.  Salamat din kay Skye Chua, a professional figure skater and member of the Philippine national figure skating team.

“Isa na rin siyang Sparkle GMA Artist ngayon at isa siya sa bumu-bully sa akin sa story kapag nadadapa ako.”

***

PAGSASABAYIN na yata ni Kapuso actress Glaiza de Castro ang showbiz at pagma-manage nila ng husband niyang si David Rainey ng kanilang Casa Galura sa Baler, Quezon.

Very soon ay mapapanood na muli si Glaiza sA “Seed of Love.”  Pero ngayon ay binuksan nga muna nila ni David ang Casa Galura, na ang intensiyon nila ay magkaroon ng chance ang mga pamilya, magkakaibigan, magkakatrabaho, na gumawa ng masasayang alaala na babalik-balikan nila.  Pagbibigay-pugay din daw nila iyon sa kanilang lolo at lola na napangakuan nila noon na bibigyan nila ng bahay na may swimming pool.

IG caption ni Glaiza: “Lolo at lola, sorry na na-delay yung promise namin sa inyo na bahay na may swimming pool.  Pero eto na siya, malamang nakikita na rin ninyo.  Para sa inyo po ito.”

Bukod sa Casa Galura, binuksan na rin nila ang Brewbox Baler, para sa mga gustong bumisita lamang sa lugar at magkape.  Madali raw lamang silang ma-contact for booking sa pamamagitan ng waze at google maps.

(NORA V. CALDERON)

READY na raw ni Juancho Trivino ang pagdating ng second baby nila ng misis na si Joyce Pring.

Malapit-lapit na raw ang due date ni Joyce, kaya all hands on deck sila para maayos ang lahat sa pagdating ng second angel nila.

“Lahat ng makakaya naming gawin as of now pa lang, ginagawa na namin like ‘yung hospital bag niya, saka siyempre all the leaves at saka ‘yung mga advanced na materials that we need to shoot para tuloy tuloy pa rin yung social media namin kahit nagpapahinga siya,” sey ni Juancho.

Inamin ng Sparkle actor na may kaba siya dahil father of two na siya.

“Trying to gather myself pa lang. Sinabi sa’kin ng mentor ko na kapag isa pa lang ‘yung anak n’yo, two on one kayo. Pero ‘pag dalawa na, man to man na ‘yan,” tawa pa niya.

Pahinga raw muna sa paggawa ng teleserye si Juancho after ng ‘Maria Clara At Ibarra’ kunsaan hinangaan ng marami ang pagganap niya bilang si Padre Salvi. Focus daw muna siya sa malapit na panganganak ng kanyang misis.

***

AYAW paapekto si Vin Abrenica sa mga negative comments ng netizens tungkol sa kuya niyang si Aljur Abrenica.

Kahit hiwalay na raw sina Aljur at Kylie Padilla, nanatili pa rin siyang close sa sister-in-law niya at kinatutuwa niya ang pagiging magkaibigan ng dalawa.

Mas naging close nga raw sila ni Kylie dahil magkasama sila sa GMA mega serye na ‘Mga Lihim Ni Urduja’.

Sey ni Vin: “Ishi-share ko lang, para you get a glimpse of how me and Kylie, our relationship is. We bring our children sa mall to play as a date. We go out like that. And also si Kylie, noong nakatira ako kay kuya and Kylie was always on my brother’s place, naging close na kami. Tumira rin kami together ni Kylie in one house.”

Noong magkaroon daw ng marital problems sina Aljur at Kylie, hindi naman daw nabago ang pakikitungo ni Kylie sa kanya.

“Kung ano man ang nangyayari sa kanila I got so hurt with that. I got so affected. But kung ano man ang nangyayari sa kanila, wala kaming ilangan ni Kylie. We’re close. Masaya. I mean it’s a good way din to, ‘di ba? Get all the things behind us. I mean, hindi naman ‘yun makakaapekto sa trabaho.”

Dasal parati ni Vin na hindi mangyari sa kanila ng misis niyang si Sophie Albert ang nangyari kina Kylie at Aljur. Ten years na raw silang magkasama at wala raw sanang magbago sa samahan nila.

“Sophie is the best woman I could think of. She’s so smart, so polite, she makes me feel like I’m so secure. Kaya I’m doing my best talaga to be someone na deserve niya. There’s a reason for everything that I do now.

“Meron nang dahilan, may dahilan ako kung bakit ako gumigising, may dahilan ako kung bakit ako nagbubuhat, may dahilan kung bakit ako nagtatrabaho. Lahat ng ginagawa ko ngayon may dahilan at siya ‘yon. Napakasarap. It’s so rewarding.”

(RUEL J. MENDOZA)

MALAKING achievement para kay Barbie Forteza ang makapagpatayo ng bagong bahay.

Sa katunayan, kaunting panahon na lamang ay tapos na ang ipinapagawa niyang bahay para sa kanyang pamilya.

Ayon pa kay Barbie, isa sa espesyal na bahagi ng kanyang bagong tahahan ay sarili niyang audio/visual studio na magagamit niya para sa kanyang mga online contents at ganap.

Bukod sa pagiging aktres may YouTube channel si Barbie na may 1.3 million subscribers.

“This is a very big achievement for all of us, because this is our very first house na kami talaga ‘yung may ari.

“May dine-dedicate ako na isang room para gawing studio, dahil siyempre nauuso na yung mga vlogs and social media contents.

“So, naisip namin namin gumawa ng maliit na studio para doon ko i-shoot lahat. So, feeling ko I’ll be spending a lot of time there.”

Kuwento pa ni Barbie, maging ang ama niya ay excited na dahil pati ang paliligo nito sa malaking banyo sa kuwarto nila ng misis niya at ina ni Barbie na si Mommy Amy Forteza ay pinaparaktis na nito.

Samantala ngayong Linggo, ay mapapanood na ang pinaka-aabangang reunion nina Barbie at David Licauco, ang ‘Daig Kayo Ng Lola Ko Presents Lady & Luke’.

***

WALANG prenong inihayag ni Ruru Madrid na naging sila noon ng dati niyang ka-loveteam na si Gabbi Garcia.

“Naging kayo ba ni Gabbi Garcia,” ang diretsahang tanong ni Boy Abunda kay Ruru sa “Fast Talk with Boy Abunda” nitong Huwebes.

“Yes, Tito Boy,” pagkumpirma ni Ruru.

Nguni’t nilinaw ni Ruru na hindi si Bianca Umali ang dahilan ng paghihiwalay nila ni Gabbi.

Itinanggi rin ni Ruru na siya ang dahilan ng paghihiwalay nina Bianca at Miguel Tanfelix.

Rebelasyon pa ni Ruru, pakiramdam niya noon ay napakaguwapo niya kaya niligawan niya ang ilang mga kilalang aktres.

“Aaminin ko, dati talaga pakiramdam ko sobrang pogi ako. Lalo na noong hindi pa ako artista,” sinabi ni Ruru.

“Pag nakita mo ako Tito Boy, for sure nakikita mo pala ako when I was 14. I was so thin, sobrang payat ko, iba pa hitsura ko, iba pa ang porma ko. The way akong magsalita iba pa.

“Pero tingin ko sa sarili ko sobrang pogi ko, like yung confidence level ko like out of this world.

“Lahat ng mga nakasama ko, for example masalubong ko si Barbie (Forteza)… first time ko siyang makasalubong niligawan ko siya. Niligawan ko si Yassi (Pressman), niligawan ko si Lexi Fernandez.

“Parang sila, ‘Huh, bakit mo kami nililigawan?’

‘Ang bata ko pa noon, 14 pa lang,” kuwento pa ni Ruru.

Pero dahil laging basted, binago ni Ruru ang kanyang sarili at isa nga roon ang pagpapaganda ng kanyang katawan.

Kahit maraming niligawan, sinabi ni Ruru na isa lang ang kinokonsidera niyang naging girlfriend bago si Bianca, si Gabbi.

“I would consider isa lang naman yung naging girlfriend ko before Bianca, si Gabbi lang talaga.”

“Siguro malaking factor na somehow magkatrabaho kami, love team kami, kailangan lagi kaming makita na sweet sa isa’t isa. Doon namin na-discover na in love kami, nadala kami sa moment.”

“Somehow ako rin personally, hindi pa rin ganoon kalawak ‘yung kaalaman ko when it comes to love,” paliwanag ng aktor.

Very much in love na ngayon si Ruru kay Bianca, habang happy naman si Gabbi sa kaniyang relationship with Khalil Ramos.

Hindi lamang iyan, sa unang pagkakataon ay magkapareha sina Ruru at Bianca sa isang serye at ito ay sa ‘The Write One’ ng GMA na mapapanood na simula sa March 20 kung saan tampok rin sina Lotlot de Leon, Ramon Christopher, Mikee Quintos at Paul Salas, among others.

(ROMMEL L. GONZALES)