NASA siyam sa 10 “household heads” ng mga Pamilyang Pilipino ang sang-ayon sa boluntaryong pagpapagamit ng face masks laban sa COVID-19 kahit sa mga estudyanteng pumapasok ng paaralan — sa kabila nito, 81% ang nagsasabing pagsusuotin pa rin nila ang kanilang mga anak tuwing pupunta ng eskwela, ayon sa Social Weather Stations.

Matatandaang ipinatupad ni Pangulong Ferdinand “Bongbong” Marcos Jr. ang Executive Order 7 (s. 2022) noong nakaraang taon, bagay na nagtatanggal sa sapilitang pagpapasuot ng mga maskara laban sa nakamamatay na virus kahit nasa loob man mga establisyamento o kahit nasa pampublikong lugar.

“[Around] 91% AGREE with the voluntary wearing of face masks for children in face-to-face classes,” paglalahad ng SWS sa isang survey na inilathala nitong Lunes.

“[However], 81% say they will ALWAYS make their child wear a face mask when going to school.”

Narito ang paghahati-hati ng Filipino households pagdating sa pagpapasuot ng face masks tuwing papapasukin sa pisikal na mga klase ang kanilang mga anak:

– Always: 81%

– Most of the time: 11%

– Sometimes: 5%

– Rarely: 3%

– Never: 0.5%

Ito naman ang karagdagang detalye pagdating sa mga payag sa polisiya ng voluntary masking sa face-to-face classes:

– Strongly agree: 65%

– Somewhat agree: 26%

– Undecided: 3%

– Somewhat disagree: 3%

– Strongly disagree: 2%

Ilang buwan pa lang ang nakalilipas nang payagan ng Department of Education ang pagtatanggal ng face masks sa mga estudyante kahit sa indoor settings.

Ganito ang mga resultang lumabas kahit na naglabas na noon ang Philippine Pediatric Society at Pediatric Infectious Disease Society of the Philippine ng pahayag na nagrerekomenda pa rin ng paggamit ng face masks sa loob ng mga paaralan.

Hindi lahat ng mga bata ay pwede pa ring magpaturok ng bakuna laban sa COVID-19 magpahanggang sa ngayon.

Ang mga nasabing datos ay bahagi ng harapang panayam na inilunsad ng SWS sa 1,200 katao edad 18 pataas sa buong Pilipinas.

Sa parehong survey, kung saan total adult Filipinos naman ang tinanong, lumalabas na 91% din ang sang-ayon sa boluntaryong paggamit ng face masks sa parehong indoor at outdoor settings.

Gayunpaman, 54% sa kanila ang nagsabing lagi na nila itong isusuot sa tuwing lalabas ng kani-kanilang mga bahay.

Narito naman ang opinyon ng adult Filipinos pagdating sa polisiya ng voluntary face mask use:

– Strongly approve: 64%

– Somewhat approve: 27%

– Undecided: 4%

– Somewhat disapprove: 3%

– Strongly disapprove: 1%

Ginawa ang survey mula ika-10 hanggang ika-14 ng Disyembre taong 2022, at sinasabing may sampling error margin na ±2.8%.

Umabot na sa 4.08 milyon ang tinatamaan ng nasabing sakit sa Pilipinas simula nang makapasok ito sa bansa noong 2020. Sa bilang na ‘yan, 8,626 pa rin ang aktibong kaso habang 66,342 na ang namamatay, ayon sa huling datos ng Department of Health.

MAGPAPATUPAD ang Land Transportation Office (LTO) ng heighten alert sa Marso 31 bilang paghahanda sa Semana Santa.

Ayon kay LTO Chief Jay Art Tugade na ipapatupad nila ang “Oplan Biyaheng Ayos: Semana Santa and Summer Vacation 2023.” para matiyak na ligtas ang mga pasahero na uuwi sa kani-kanilang mga probinsiya.

Ilan sa mga gagawin nila ay ang random drug testing sa mga drivers ng pampasaherong sasakyan ganun din ang pag-alalay nila sa mga pasahero.

Nakahanda na rin ang mga tauhan nila mula sa iba’t ibang rehiyon na nakakalat sa kalsada para matiyak na ligtas ang pagbiyahe ng publiko.

Hiniling nito sa publiko lalo na sa driver ng pribadong sasakyan na sumunod sa ipinapatupad na batas trapiko para maging ligtas ang paggunita ng Semana Santa. (BISHOP JESUS “JEMBA” BASCO)

MAY mahigit na isang libong motorista ang namultahan dahil sa paggamit ng motorcycle lane sa kahabaan ng Commonwealth Avenue sa Quezon City.

Sa isang ulat na nilabas ng Metropolitan Manila Development Authority (MMDA) may kabuohang 1,391 na motorista ang nabigyan ng citation tickets dahlia sa paglabag sa motorcycle land policy.

Binigyan ng MMDA ng citation tickets ang mga nahuli at pinagbayad ng multang P500. May 859 na drivers ng pribadong sasakyan ang nahuli at namultahan at 542 na motorcycle riders. May kabuohang 21,676 na motorista ang pinahinto sa loob ng 19-day na dry run na pagpapatupad ng motorcycle lane policy.

“Traffic personnel were ordered to manage traffic in the area and warn, motorists attempting to enter the lane designated for the exclusive use of motorcycles,” wika ni MMDA chairman Romando Artes.

Lalagyan ng MMDA ang motorcycle lane ng mga reflectors upang magabayan ang mga motorcycles na gagamit nito.

Ang ikatlong lane ng Commonwealth Avenue ay inilaan lamang para sa mga motorcycles habang ang una at ikalawang lanes ay para sa mga bicycles at public utility vehicles. Ang natitirang lanes ay para naman sa mga pribadong sasakyan.

Sa kabilang dako, ang Land Transportation Office (LTO) ay naka red-alert mula March 31 hangang April 10 dahil sa inaasahang pagdagsa ng mga pasahero sa darating na Semana Santa.

“More personnel of the agency would be fielded in the streets and transportation terminals to ensure the safety of passengers. They will be deployed in the streets to assist both motorists and commuters. We want to ensure a peaceful and safe observance of the Holy Week. We are asking the cooperation of the public to follow our traffic laws,” ayon kay LTO assistant secretary Jay Art Tugade.

Sinabi rin ni Tugade na kanilang susuriin ang roadworthiness ng mga public utility vehicles tulad ng mga buses na pupunta ng mga probinsiya ngayon Semana Santa. Ang mga drivers naman ay isailalim sa random drug tests.

Sa ilalim ng Republic Act 4136 ng Land Transportation and Traffic Code, ang mga LTO enforcers ay mandated na mag aresto ng mga lumalabag sa batas.

Nagkaron ng isang seminar para sa mga drivers at conductors sa LTO kahapon upang magkaron sila ng awareness sa tamang pagmamaneho.

Kasabay din nito, ang Philippine National Police naman ay magdedeploy ng 38,387 na mga officers upang masiguro rin ang public safety sa darating na Semana Santa. Dadamihan din ang mga police personnel sa mga simbahan, shopping malls, transportation hubs at iba pang lugar ng matao.

“The National Capital Region Police Office will have the most numbers of deployments with 9,585 personnel,” wika ni PNP chief Gen. Rodolfo Azurin.

Ideneklara ng Malacanang na walang pasok sa mga pribadong tanggapan at mga publikong sangay ng pamahalaan sa darating na April 6,7 at 10. LASACMAR