SASALI muli si Herlene Budol sa isang beauty pageant!
Ayon kay Herlene ay ito na ang tamang panahon na sumali siyang muli sa beauty pageant sa pamamagitan ng Miss Grand Philippines 2023 matapos mag-withdraw sa Miss Planet International 2022 nang makaranas ng samu’t saring aberya.
“Pag pinatagal ko pa, baka makalimutan ko pa lahat ng trinaining ko no’ng Binibini, ‘di ba,” pahayag ni Hipon Girl.
Si Herlene ang orihinal na kinatawan ng bansa sa Miss Planet International pageant bilang parte ng obligasyon niya bilang Binibining Pilipinas 2022 first runner-up. Pinalitan siya ni Maria Luisa Varela.
Ayon sa kanya, may delay lang nang kaunti sa pagpapasa niya ng application para sa Miss Grand Philippines 2023 pero desidido na raw siyang sumali rito.
“‘Iyon yung talagang goal namin, ‘di ba? ‘Iyon yung gusto naming makuha pero hindi namin nagawa kaya baka this is the right time.”
Magbibigay naman daw ng update si Herlene sa kanyang mga tagahanga kung sakaling pormal na siyang nakapag-apply sa inaasam niyang salihang beauty pageant.
Sa ngayon, naka-focus siya sa kanyang launching series na “Magandang Dilag” na mapapanood sa GMA.
Bukod dito, mapapanood ang life story ni Herlene ngayong gabi sa “Magpakailanman” sa episode na pinamagatang ‘A Girl Named Hipon’.
***
PUMANAW na ang Sparkle GMA Artist Center teen artist na si Andrei Sison matapos masangkot sa aksidente sa kotse noong Biyernes ng umaga.
“Sparkle GMA Artist Center sadly announces the passing of one of its teen artists Andrei Sison, due to a car accident early this morning,” saad ng talent arm ng Kapuso Network.
Ipinaabot ng Sparkle ang pakikiramay nito sa pamilya at mga mahal sa buhay ni Andrei, at humiling na bigyan sila ng privacy para makapagluksa.
“Our sincere condolences to the family and loved ones of Andrei. We request everyone to respect his family’s privacy in this time of great loss and join us in praying for the eternal repose of his soul.”
Ayon sa Sparkle, si Andrei ay isang “well-loved and much cherished member” ng Sparkle family.
“We will miss you, Andrei. Be with God now,” anang pahayag.
Nagbigay-kasiyahan si Andrei sa kaniyang followers sa kaniyang TikTok dance covers at mga livestream kasama ang iba pang Sparkle artists.
(ROMMEL L. GONZALES)
NAGSUMITE ng ilang kundisyon ang kampo ni Negros Oriental Rep. Arnolfo Teves Jr. sa Kamara para bumalik siya ng Pilipinas.
INAMIN ni Yassi Pressman sa mediacon ng kanyang bagong teleserye na napapanood sa TV5, ang “Kurdapya” na nagkakaroon siya ng anxiety dahil daw sa mga tao.
Sinuspinde ng Office of the Ombudsman ng anim na buwan ang 33 opisyal ng pamahalaan kaugnay sa umano’y maanomalyang pagbili ng pandemic supplies noong 2020 at 2021 o noong kasagsagan ng COVID-19.
ILANG beses nang tumanggi na gumawa ng teleserye si Miss World 2013 Megan Young dahil hindi raw nito bet ang lock-in taping noong kasagsagan ng pandemya.
INAMIN ni Pangulong Ferdinand Marcos Jr. na nahaharap ngayon ang Pilipinas sa krisis sa tubig kaya nilagdaan niya ang Executive Order (EO) na lilikha sa Office of the Water Management.
BRINGING the story of Father Gabriele Amorth, known by some as the Dean of Exorcists and to others as the Vatican’s Exorcist, to the big screen was no easy task. 
NAGHAHANDA na ang Parañaque Integrated Terminal Exchange (PITX) sa pagtiyak ng seguridad at kaligtasan ng mahigit 1.2 milyong pasahero na inaasahang dadagsa ngayong Semana Santa.
ITINAAS na ng PAGASA ang El Niño watch sa bansa makaraang mabanaagan ng ahensiya na magiging mainit ang kundisyon sa klima na mararanasan sa iba’t ibang lugar sa susunod na mga buwan.