NANGAKO ang Presidential Commission for the Urban Poor (PCUP) sa pangunguna ni Undersecretary Elpidio Jordan Jr., na susuportahan ang ‘Buhay at Bahay Caravan’ ni QC 2nd District Councilor Mikey Belmonte, matapos ang isinagawang Memorandum of Understanding signing na ginanap noong nakalipas na Biyernes.

Alinsunod sa agenda ni Pangulong Bongbong Marcos na iangat ang buhay ng maralitang sektor, ang programa ay naglalayon na makabuo ng mga agaran at pangmatagalang mga proyekto mula sa nasyonal at internasyonal na mga partners na maaaring umakma at magpapalakas sa mga interbensyon ng QC LGU upang maibsan ang kahirapan.

Ang ceremonial signing na ito ay kasunod rin sa pagsisikap ng PCUP na mas mapatibay ang ugnayan sa mga LGU at pribadong sektor.

Ang Buhay at Bahay: Housing and Improved Community Service Caravan para sa Quezon City ay nagtatampok ng 2-araw na pagsasanib pwersa ng mga programa ng pamahalaan na naka-angkop sa pangangailangan ng mga tao sa komunidad.

Sa kanyang mensahe, binigyang-diin ni Konsehal Belmonte ang kahalagahan ng pagtugon sa kahirapan gamit ang adaptive na mga programa.

“Ang kahirapan ay multi-dimensyonal kung-kaya’t ang mga programa natin ay dapat kayang tugunan ang lahat ng manipestasyon nito. Hindi masusugpo ang kahirapan kung kanya-kanya ang mga ahensya.” pagpapatuloy ni Councilor Belmonte.

Samantala, binigyang-diin ni Quezon City Vice Mayor Gian Sotto ang kahalagahan ng pagbuo ng partnership at relasyon sa pagitan ng mga maralitang tagalungsod at ng pambansang pamahalaan.

Samantala, bilang bahagi ng ‘Buhay at Bahay: Urban Poor and Human Settlement Caravan’, inilagay din ng PCUP ang information booth nito kasama ang iba pang ahensya ng pambansang pamahalaan at pribadong sektor upang tugunan ang mga isyu at alalahanin ng mga urban poor at urban poor organizations mula sa distrito.

Isinulong din ng komisyon ang apat (4) na PCUP Banner Programs: ang Piso ko, Bahay Mo; Lingkod Agapay Maralita Program; Mga Tanggapan ng PCUP Satellite; at ang PCUP Goodwill Ambassadors Program.

Maliban dito, kabilang sa mga partner na dumalo ay ang Meralco, Maynilad, PLDT, PLDT-SMART, Metro Pacific Investments, One Meralco Foundation, Microsoft, SMART, SHFC, DHSUD, at PAG-IBIG Fund.

TULAD ng mga nakaraang medical mission ni Bise Alkalde Yul Servo Nieto, Ang libreng pagamutan ng Bise Alkalde ng Maynila noong Pebrero 25, 2023 sa Sona 2 at 25, Distrito 1 at 3 sa may Recto Avenue sa Maynila ay dinaluhan ng libu-libong Manileño para masuri ng libre ang kanilang mga kalusugan.

Ang kaganapang pangkalusugan na pinamumunuan ng Bise Alkalde ay pang labing-isa na niya, makaraan ng walong buwang panunungkulan para sa unang termino niya bilang Bise Alkalde ng Maynila. Naging kaagapay ni Nieto sa programang ito ang ilang mga tanggapan sa Manila City Hall, Philippine Coast Guard at, mga pribadong grupo ng propesyonal at negosyante. Sinamahan si Nieto sa programang ito na tinawag na “Araw Niyo Serbisyo Ko”, ng mga kinatawan at konsehal ng 1st at 3rd Distrito ng Maynila.

“Kapag tayo ay malusog, marami po tayong nagagawang kabutihan para sa ating sarili at pamilya. Kaya patuloy po nating gagawin ang mga medical mission, dahil malaki ang naitutulong nito sa ating kalusugan”, sabi ni Nieto.

Ang mga nag nagboluntaryong doktor ay nagbigay ng libreng pangkalahatang pagsusuri sa kalusugan, kabilang na rito ang mga ginawang hindi maselan na operasyon. Habang ang mga serbisyo sa pangangalaga ng ngipin ay ibinigay ng mga boluntaryong dentista. Ang mga pasyente na may mga problema sa mata ay sinuri din at binigyan ng libreng salamin ang mga may kailangan na nito. Nakinabang din ang mga dumalong Manilenyo sa libreng panggagamot na programa ni Bise Alkalde Nieto sa mga libreng laboratory tests tulad ng urinalysis at iba pa. Kaugnay nito, marami din ang nakinabang sa libreng gupit, masahe at facilal na kasama sa programang ito ni Bise Alkalde Yul Servo Nieto. Maging sa libreng pagkain, pinaghandaan din ito para hindi makaranas ng gutom ang mga dumalo sa libreng pagamutan ni Bise Alkalde Yul Servo Nieto.

Bahagi ng komprehensibong programang pangkalusugan ng mga Manilenyo ni Bise Alkalde Yul Servo Nieto, nais niyang mas maraming barangay sa Maynila ang makinabang sa programa niyang ito. (BISHOP JESUS “JEMBA” BASCO)