2022 November Archive - People's Balita

Archive for November, 2022

Labis na hinangaan sina Justin, Francine at EJ: ‘Nasa Iyo Ang Panalo’ ng Puregold, panalo sa puso ng mga Filipino netizens

Posted on: November 26th, 2022 by @peoplesbalita No Comments

NGAYONG 2022, minarkahan ng Puregold ang kanilang ika-25 na taon bilang isa sa nangunguna sa Philippine retail landscape.

Upang gunitain ang makabuluhang okasyong ito, inilabas ng Puregold ang “Nasa Iyo ang Panalo” digital ad series sa iba’t-ibang social media platforms nito, kung saan nakakuha na ito ngayon ng higit 43.1 milyon online views.

Ang malinis at modernong pagkakalikha ng digital ads na ito ay ginamit upang magpakita ng mga damdaming tapat sa pusong Filipino: ang kakayahan nating manaig sa harap ng samu’t-saring pagsubok ng buhay.

Tampok sa “Nasa Iyo ang Panalo” digital ad series ang mga tulad ni Justin de Dios ng SB19, TV superstar Francine Diaz, first-time parents na sina Luis Manzano at Jessy Mendiola, TikTok star na si Queenay Mercado, at si pole vaulting phenom EJ Obiena.

Binigyang buhay ng mga ads ang paghihirap na hinarap ng mga katauhang ito sa daan patungo sa kanya-kanyang tagumpay.

Maliban sa rami ng nanood ng bawat ad, malinaw na nagbigay ang mga ito ng inspirasyon para sa mga netizens na manonood dahil sa magagandang hugot mula sa mga nabanggit na kwento. Marami sa mga tagahanga at sumusuporta sa mga tampok na katauhan ay naghayag ng kanilang pasasalamat at malugod na suporta para sa mga kwentong tampok hindi lamang ang mga nasabing personalidad ngunit pati mga aral na magagamit sa pang araw-araw na buhay.

Ang YouTube user na si meowu ay nag-comment pa nga sa video ni Justin De Dios: “So proud of you, kuya Justin!! Sobrang laking impact ng ginawa mo talaga katulad ng pagpapatunay mo na may ibubuga ka pa. Sobrang namotivate mo ako na ipagpatuloy ang mga bagay na nakapagpapasaya sa’kin.”

Sabi naman ni its nini sa video ni Francine Diaz, “So proud of you, Chin. You are truly an inspiration to the youth. Continue to inspire people. Thank you Puregold for choosing Francine. You chose the right one.”

Marami rin ang napukaw ang damdamin sa kung paano binigyan ng plataporma ng Puregold ang tagumpay ng mga pangkaraniwang Pilipino. Pahayag ni Nelson Arcilla sa ad na nag-tatampok kay EJ Obiena, “Kasama mo ang Puregold sa pagkamit mo ng pangarap kaya fight lang.”

Naniniwala si Vincent Co, pangulo ng Puregold Price Club Inc, na mahalagang mabigyan ng sigla at pag-asa ang bawat Pilipino sa pamamagitan ng mga “kwentong panalo” gaya ng pinakita sa ad series.

“Mahirap makamit ang tagumpay kahit sa harap ng pag-hihirap at pag-pupursigi, ito ang natutunan natin matapos ang 25 taon sa business,” ani ni Vincent.

“Mahalaga para sa amin na mag-salaysay ng nakakasiglang mga kwento ng mgamatagumpay na Pilipino. Sa pamamagitan nito, nais namin ipakita sa aming mga mamimili na sa harap ng hirap, may daan patungo sa tagumpay.”

Ang “Nasa Iyo ang Panalo” digital ad series ng Puregold ay maaaring mapanood sa mga opisyal na channel ng Puregold sa YouTube, Facebook, at sa kanilang opisyal na TikTok @puregoldph.

(ROHN ROMULO)

6 na malalaking proyekto ng pamahalaan, inaprubahan sa pulong sa Malakanyang

Posted on: November 26th, 2022 by @peoplesbalita No Comments

UMAABOT sa anim na malalaking proyekto ng pamahalaan ang inaprubahan sa ginanap na National Economic and Development Authority (NEDA) board meeting sa Malacanang.

Kabilang dito ang P11.42 billion Philippine Fisheries and Coastal Resiliency o FISHCORE project ng Bureau of Fisheries and Aquatic Resources (BFAR).

Layunin nitong paghusayin ang pangangasiwa ng fishery resources at palakasin ang value of production ng sektor ng pangisda sa mga piling fisheries management areas.

Inaprubahan din sa board meeting ang hiling ng Department of Transportation (DOTR) na paggamit ng savings, pagpapalit ng scope, at loan validity extention para sa maritime safety capability improvement project phase 1.

Sa ilalim ng proyekto bibili ng 10 multiple role response vessels para palakasin ang kapabilidad ng Philippine Coast Guard (PCG) sa pagresponde sa panahon ng coastal maritime incidents.

Aprubado rin ang hiling na 19-month loan validity extension para sa new communications, navigation, surveillance at air traffic management systems development project.

Saklaw ng proyektong ito ang konstruksyon ng manila atm automation system at manila atm center building sa Pasay City at paglalagay ng communications and surveillance equipment sa sampung radar sites.

Sa panig ng Department of Public Works and Highways (DPWH) ay inaprubahan ng board ang request ng ahensiya na palawigin pa ng 12 buwan ang pagpapatupad ng validity of loan para sa Samar Pacific Coastal Road Project.

Saklaw ng proyekto ang konstruksyon ng 11.30 kms na unpaved section ng Samar Pacific Coastal Road at konstruksyon ng tatlong tulay.

Inaprubahan din ang hiling na palitan ang scope ng paggawa, pagtataas ng halaga at re-allocation ng contingency cost sa civil works category para sa integrated disaster risk reduction and climate change adaptation measures sa mga mababang lugar ng Pampanga Bay Project.

Layunin ng proyekto na magkaroon ng mahusay na drainage system, maiwasan ang pagkasira ng mga ari-arian dulot ng baha at mapahusay ang kalakalan at mga aktibidad sa mga munisipalidad ng Macabebe, Masantol, Minalin at Sto. Tomas sa probinsiya ng Pampanga.

Samantala, inaprubahan din ng komite ang hiling na pagpapalit sa scope ng Philippine Competition Commission capacity building sa competition project.

Ito ay pangmatagalang capacity building plan para suportahan ang kapasidad ng komisyon at iba pang ahensiya ng pamahalaan. (Daris Jose)

CANNIBAL LOVE STORY “BONES AND ALL” GETS R-16 RATING, TO BE SHOWN WITH NO CUTS

Posted on: November 25th, 2022 by @peoplesbalita No Comments

AFTER playing to sold-out capacity crowds during the QCinema Film Festival, the controversial film “Bones and All” — a story of tender love and cannibalism — now showingnationwi with a favorable R-16 rating from the Movie & Television Review and Classification Board (MTRCB).

[Watch the featurette “Bones and All: A Look Inside” at https://youtu.be/PUJ9kccG6BA]

The MTRCB explained in its decision that “the film contains graphic but non-gratuitous depiction of violence and gore, themes of cannibalism, that may not be suitable for children below sixteen (16) years of age.”

In the US, “Bones and All” also received an R rating from the Motion Pictures Association of America (MPAA) “for strong, bloody and disturbing violent content, language throughout, some sexual content and brief graphic nudity.”

The New York Times has described the film as “Gory, ridiculous and curiously touching,” while the Los Angeles Times found it “unsettling and heartbreaking in equal measure.”

“Bones and All” is “difficult to watch, but looking away is harder still,” says The New Yorker, as Bloody Disgusting raved that “It’s as elegant as carnal and carnivorous, and it’ll take a bite out of your heart if you let it.”

From Metro Goldwyn Mayer Pictures comes “Bones and All,” a movie about love, directed by Luca Guadagnino (“Call Me by Your Name”), who recently won the Silver Lion for Best Director at the 2022 Venice Film Festival for the film.

“Bones and All” is a story of first love between Maren (Taylor Russell), a young woman learning how to survive on the margins of society, and Lee (Timothée Chalamet), an intense and disenfranchised drifter… as they meet and join together for a thousand-mile odyssey which takes them through the back roads, hidden passages and trap doors of Ronald Reagan’s America. But despite their best efforts, all roads lead back to their terrifying pasts and to a final stand that will determine whether their love can survive their otherness.

“Bones and All” stars Taylor Russell (“Waves,” “The Heart Still Hums,”), who won the Marcello Mastroianni Award for Best Young Actor at this year’s Venice Film Festival; Timothée Chalamet (Oscar-nominated for “Call Me by Your Name,” “Dune”); Michael Stuhlbarg (“Call Me by Your Name,” “The Shape of Water”); André Holland (“Passing,” “Moonlight”); Chloë Sevigny (“We Are Who We Are,” “American Horror Story”); David Gordon Green (“Halloween Ends,” “The Unbearable Weight of Massive Talent”); Jessica Harper (“Suspiria,” “Minority Report”); Jake Horowitz (“Adam Bloom,” “The Vast of Night”); and Mark Rylance (Oscar winner for “Bridge of Spies,” “Wolf Hall”).

The screenplay is by David Kajganich (“Suspiria,” “A Bigger Splash”), based on the novel by Camille DeAngelis.

Now showing in cinemas across the Philippines, “Bones and All” is distributed in the Philippines by Warner Bros. Pictures, a Warner Bros. Discovery company. Join the conversation online and use the hashtag #BonesAndAll

(ROHN ROMULO)

Ads November 25, 2022

Posted on: November 25th, 2022 by @peoplesbalita No Comments

Patuloy ang pagdiriwang ng birthday month… Sen. IMEE, walang kapaguran sa pagpapalaganap ng pagmamahal at kasiyahan

Posted on: November 25th, 2022 by @peoplesbalita No Comments

MULA Hilaga hanggang Timog, patuloy si Senadora Imee Marcos sa pagdiriwang ng kanyang birthday month sa pagpapalaganap ng kaligayahan.

Mapanonood ito ng mga tagahangga ang kanyang heartwarming
escapades sa dalawang bagong vlogs na streaming sa kanyang official YouTube Channel ngayong weekend.

Sa araw, Nobyembre 25, panoorin ang walang kapagurang Senadora sa kanyang pagbisita sa Tarlac, Pampanga, at Pangasinan na kung saan pinamahalaan ng #SuperAteNgPangulo ang pamimigay ng Assistance to Individuals in Crisis Situations (AICS) financial aid ng DSWD, habang pormal din niyang inilunsad ang kanyang

Nutribun program na talaga namang pinag-uusapan ng lahat.

Maliban sa pamimigay ng enhanced Nutribun, namigay din ang Senadora nang maagang Pamaskong mga laruan at iba pang mga regalo para sa mga kabataan.

Sa Sabado, Nobyembre 26, ipakikita naman ni Sen. Imee ang highlights ng pagbisita niya sa Bohol, Cebu, Negros, at Dumaguete na kung saan pinamahalaan din niya ang pamimigay ng AICS mula sa DSWD na talagang kailangan ng lahat.

Dito naman, dinala niya ang Kadiwa – isa sa kanyang mga passion projects kung saan maaaring mabili ang mga daily essentials sa napaka-murang halaga.

Nagbigay rin sila ng enhanced Nutribun sa mga kabataan ng mga probinsya.

Samahan si Sen. Imee sa kanyang mga advocacy tours at ‘wag kalimutang mag-subscribe sa https://www.youtube.com/c/ImeeMarcosOfficial/featured

(ROHN ROMULO)

NKTI emergency room, nasa full capacity na!

Posted on: November 25th, 2022 by @peoplesbalita No Comments

PINAYUHAN ng pamunuan ng National Kidney and Transplant Institute (NKTI) ang publiko na humanap na muna ng ibang pagamutan matapos na umabot na sa full capacity ang kanilang emergency room.

Sa isang advisory na pirmado ni Dr. Rose Marie Rosete-Liquete, ng NKTI punung-puno na ang pagamutan ng mga dialysis, leptospirosis at COVID-19 patients.

“Dahil dito ay puno na rin ang aming Emergency Room (ER) na sa kasalukuyan ay umaabot na sa 3x ng aming kapasidad. Ito ay sa dahilang wala na ring bakanteng kuwarto sa mga wards,” pahayag pa nito.

Nabanggit din sa pahayag ang kakulangan ng manpower partikular ng mga nurse na isa sa pinakamalaking problema na kinakaharap ng Department of Health (DOH). (Daris Jose)

‘Pumili ba ang Letran sa kanyang kalaban’ sa Final Four ng NCAA? Sagot ni Bonnie Tan

Posted on: November 25th, 2022 by @peoplesbalita No Comments

Sinadya bang matalo ang Letran sa final elimination game nito sa Jose Rizal University para makakuha ng mas paborableng draw sa NCAA Season 98 Final Four?

Tila ito sa marami dahil ang 87-71 pagkatalo ng Knights sa Heavy Bombers noong Miyerkules ay nag-relegate sa kanila sa No. 2 spot at isang sagupaan laban sa no. 3 Lyceum.

Higit sa lahat, naiwasan ng Letran ang isang rivalry game laban sa No. 4 San Beda, ang tanging koponan na hindi pa nito natatalo sa kampanyang ito.

“Medyo nag-relax lang ‘yung team kaya sana maka-recover kami for the Final Four,” he sighed.

Malinaw na iba ang nararamdaman ni St. Benilde coach Charles Tiu, matapos ang pagkatalo sa Letran ay ginawa ang Blazers na top seed at semifinal na kalaban ng Red Lions.

Ang pagkatalo sa Letran “ay hindi talaga isang stunner. Saw it coming from a mile away,” sabi ng Blazers coach sa isang tugon na nai-post sa Twitter.

Gayunman, nangatuwiran si Tan na talagang walang madaling tabla pagdating sa Final Four at nanindigan na ang LPU ay kasing delikado ng isang kalaban gaya ng San Beda.

“Lahat pantay-pantay na ngayon. Best of the best lahat,” he said. “LPU has a good program. We’re expecting na kahit sinong makatapat namin is mabigat.” (CARD)

2 drug suspects tiklo sa P272K shabu sa Caloocan

Posted on: November 25th, 2022 by @peoplesbalita No Comments

DALAWANG umano’y listed drug personalities, kabilang ang 51-anyos na ginang ang kalaboso matapos makuhanan ng nasa P272,000 halaga ng shabu sa buy bust operation sa Caloocan City.

Kinilala ni Northern Police District (NPD) Acting Director P/Col. Ponce Rogelio Peñones Jr ang naarestong mga suspek bilang sina Nora Eleazar, 51 at Jayson Villahermosa, 34, kapwa ng Brgy. 120 ng lungsod.

Ayon kay Col. Peñones, dakong alas-12:05 ng hating gabi nang magsagawa ang mga operatiba ng District Drug Enforcement Unit (DDEU-NPD) sa pangunguna ni PSMS Michael Tagubilin sa ilalim ng pangangasiwa ni PLt. Col. Renato Castillo ng buy bust operation sa Alley 8, 2nd Avenue, Brgy 120 matapos ang natanggap na impormasyon hinggil sa pagbebenta umano ng ilegal na droga ng mga suspek.

Isang undercover police ang nagawang makipagtransaksyon sa mga suspek ng P3,500 halaga ng droga at nang tanggapin ang marked money mula sa police poseur-buyer kapalit ng isang plastic sachet ng umano’y shabu ay agad silang inaresto ng mga operatiba.

Nakumpiska sa mga suspek ang limang heat-sealed transparent plastic sachets na naglalaman ng humigi’t kumulang 40 grams ng hinihinalang shabu na may standard drug price P272,000 at buy bust money na isang P500 bill at tatlong pirasong P1,000 boodle money.

Pinuri naman ni National Capital Region Police Office (NCRPO) Regional Director P/BGen. Jonnel Estomo ang mga operatiba ng DDEU sa kanilang masigasig na kampanya kontra illegal drugs na nagresulta sa pagkakaaresto sa dalawang umano’y notoryus drug pushers.

Nahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

TNT sa bingit ng nawawalang playoffs sa unang pagkakataon sa loob ng apat na taon

Posted on: November 25th, 2022 by @peoplesbalita No Comments

Naghukay ang TNT ng mas malalim na butas sa nanginginig nitong kampanya sa PBA Commissioner’s Cup.

Kasunod ng 140-108 kabiguan na dinanas nila sa mga kamay ng mga lider ng Bay Area Dragons, ang Tropang Giga ay nahaharap sa mabigat na gawain na kailangang manalo sa kanilang huling laro sa eliminations at umaasa na magkaroon ng pagkakataong makamit ang playoffs para sa ikawalo at huling quarterfinal puwesto.

Si coach Chot Reyes ay nagbitiw sa katotohanan na ang koponan ay nangangailangan ng malapit sa isang himala upang maiwasang mapalampas ang playoffs sa unang pagkakataon sa loob ng apat na taon.

“Kailangan muna nating talunin ang koponan na ito sa Sabado,” sabi niya sa labas ng TNT dugout habang itinuro ang San Miguel Beermen, na naglalaro sa Terrafirma Dyip sa Philsports Arena court.

Ang engkuwentro sa Nobyembre 26 sa defending champion ay tiyak na do-or-die para sa Tropang Giga, na may 4-7 record para sa ika-10 puwesto sa standing.

“Even then, hindi pa rin namin yata hawak yung fate namin,” noted Reyes on the scenario of a TNT winning over San Miguel to end its elimination round campaign.

Ang pagkatalo laban sa Dragons ay ang ikatlong sunod na sunod para sa Tropang Giga habang ang mga pinsala ay patuloy na sumasakit sa koponan, kung saan ang top gun na si Jayson Castro ay wala sa conference na may matinding sprain, ang back-up na guard na si Kib Montalbo ay nagpapagaling pa mula sa isang appendectomy, at orihinal na import. Si Cameron Oliver ay pinalitan ni Warren Mobley dahil sa sprained tuhod.

“Iyan ang kuwento ng aming kumperensya. Maaari kaming magsimulang malusog, nagkaroon kami ng napakaraming pinsala. Hindi kami mabuo,” ani Reyes na nagbabalik-tanaw.

“Nung finally, people were getting healthy, we got issue naman with Mikey (Williams), yung suspension. Tapos may Gilas (Pilipinas), we had a two-week break. Dalawang linggo akong nawala, wala na rin ang ilan sa mga manlalaro. Ang daming factors, di ba? Pero ganun talaga, e.”

Kung sakaling mabigo ang TNT na umabante sa susunod na round, ito ang unang pagkakataon na wala ang prangkisa sa playoffs mula noong 2018 Governors Cup sa ilalim ni Bong Ravena at aktibong consultant na si Mark Dickel. (CARD)

Bukod sa hirap mag-memorize ng mga medical terms: JILLIAN, naranasan din sa serye na makasali sa beauty contest

Posted on: November 25th, 2022 by @peoplesbalita No Comments

SI Kapuso Teen Queen Jillian Ward as Dra. Analyn Santos ng top-rating GMA Afternoon Prime drama series na ‘Abot-Kamay na Pangarap’ na nagtatampok din kina Carmina Villarroel, Richard Yap at Dominic Ochoa, ang gusto ng mga netizens na siyang manalo bilang Miss APEX Medical Center.

Kaya happy and thankful naman si Jillian sa mga patuloy na sumusubaybay sa kanilang serye. Thankful siya dahil kahit ang said series ang pinakamahirap na niyang nagawa sa kanyang career, ay marami naman siyang natutunan.

“Mahirap pong mag-memorize ng mga medical terms, pero, inaralan ko pong lahat iyon, lalo na kung gagamitin ko habang umaarte ako sa eksena” sabi ni Jillian.

“Kaya marami po talaga akong natutunan, na nagagamit ko rin sa everyday life ko. At ngayon, first time ko ring makapag-join ng beauty contest sa story, mahirap din po palang mag-rehearse, mabuti. mahuhusay po ang mga nagturo sa akin kung ano ang dapat kong gawin.”

Ngayong maglalaban sila ng hindi niya kilalang stepsister niya sa story, si Zoey, tiyak na makikisali ang mga fnas ni Jillian na bumoto. Sa ngayon kasi, more than 23.8 millions na ang kanyang Tiktok followers at 4.9 millions naman sa Twitter.

Kayo, sino ang gusto ninyong manalo sa beauty contest?

Napapanood ang ‘Abot-Kamay na Pangarap’ Mondays to Saturdays, 2:30PM after ng “Eat Bulaga.”

***

IT seems may malaking challenge na kahaharapin si Kapuso actor Ken Chan at malaking question mark iyon sa kanyang mga fans.

Nag-post kasi si Ken sa kanyang Instagram account ng: “more ready for the next chapter in my life.”

Kaya nagtatanong ang kanyang mga fans, kung mag-aasawa na raw ba siya, ang iba naman, are wishing him success on his next journey, at huwag daw siyang mag-alaala, dahil susuportahan daw nila ang actor, kung anuman iyong kakaharapin niya.

Sa ngayon kasi, pahinga muna si Ken, dahil may upcoming series na siyang pinaghahandaan ngayon, ang remake ng “Saan Nagtatago ang Pag-ibig” na isang collaboration ng GMA Network with Viva Entertainment, na pagtatambalan nila ni Yassi Pressman, with Marco Gumabao.

Dati nang nagtambal sina Ken at Yassi, noong nasa GMA pa ang actress.

Every Sunday, napapanood si Ken as one of the hosts sa “All-Out Sundays”. At present, isinasagawa pa ng GMA ang auditions ng “The Clash 5” at wala pa silang announcement kung sinu-sino ang magiging hosts.

Sina Christian Bautista, Ai Ai delas Alas at Lani Misalucha pa rin kaya ang magiging judges at sina Julie Anne San Jose at Rayver Cruz pa rin ang hosts, with Ken and Rita Daniela as the Journey hosts?

Kaya habang wala pang work, personal na mina-manage ni Ken ang kanyang iFuel gasoline station and his Christmas themed restaurant na Café Claus, habang naghihintay ng simula ng shoot ng “Saan Nagtatago Ang Pag-ibig” na unang ginampanan nina Vilma Santos, Tonton Gutierrez, Ricky Davao at dinirek ni Eddie Garcia.

(NORA V. CALDERON)