CONGRATULATIONS to Kapuso actor Mike Tan.  

Kahit pala pandemic, nagpasya si Mike na ipagpatuloy ang kanyang college studies, ngayon ay graduate na si Mike ng Bachelor of Science in Psychology sa Arellano University.

Nagpasalamat si Mike sa kanyang Instagram post: “I’m grateful to God for His presence, provision, and His pipelines of grace, like:  may manager Boss Vic @bossenteng, his handlers sa GMA, to his friends and classmates and ALL OUR UNIVESITY PROFESSORS AT AU, especially Prof. John Marc Balano and Prof. Nestor Linquenco, my thesis adviser Dr. Jinamarlyn Doctor @jainaha06 for her encouragement, kindness, and guidance, the thesis defense panelists Dr. Paulo Macapagal and Dr. Hazel Martinez whose insights helped improve my research; ALL MY FELLOW ACTORS AND CELEBRITIES WHO EAGERLY PARTICIPATED IN MY RESEARCH, my parents and siblings; my wife Cris and my daughters Tori and Prisci who inspired me to go through this program and finally receive my college degree.  I THANK THE LORD FOR ALL OF YOU.”

Ngayong tapos na ng studies niya si Mike, tamang-tama na tuloy na ang na-hold na isang GMA Afternoon Prime series na “The Seed of Love” dahil sa pandemic, na pagtatambalan nila ni Glaiza de Castro.  

Muli silang magsasama ni Glaiza, pagkatapos ng “Nagbabagang Luha” na ipinalabas during the pandemic. Tamang-tama rin na matatapos na ang “Running Man Philippines” every weekend sa GMA-7, at si Glaiza tuloy na ang church wedding nila rito ng husband niyang si David Rainey sa January, 2023.

***

MAGANDANG balita para sa mga sumuporta at mga netizens na nagbigay ng “Best Primetime Serye” ng Gawad Pilipino 2022 Icon Awards, sa “Lolong,” ang Kapuso adventure-serye na pinagbidahan ni Ruru Madrid. 

Last Friday, September 30, nagkaroon na ito ng Season Finale, at nag-announce na rin ang production na magkakaroon ito ng Season 2, as per requests ng mga viewers. Bunga ito ng pamamayagpag sa ratings at magagandang feedbacks na nakukuha ng “Lolong” tungkol sa husay ng cast at ganda ng kuwento.

Ngayon, naghahanda na ang production ng mas magandang story ng adventure-serye, na tiyak na mapapanood, early 2023.  Mas malaki raw ang season 2 na hindi lamang sa Villa Escudero sila magsu-shoot, they will explore new locations at may mga bagong characters na papasok, bukod kina Ruru, Shaira Diaz, Arra San Agustin, Mikoy Morales at Paul Salas.  

Kaabang-abang kung babalik pa si Christopher de Leon, dahil isa na rin siyang Atuban, na hindi namamatay?

***

WORLD premiere na ngayong gabi ng “Maria Clara at Ibarra.”

Tampok dito sina Kapuso Primetime Princess Barbie Forteza as Klay, Asia’s Limitless Star Julie Anne San Jose as Maria Clara, and Kapuso Drama King Dennis Trillo as Crisostomo Ibarra.

Marami ang bumubuo sa cast, at isa si Rocco Nacino as Elias, isang fugitive ng panahong iyon sa novel ni Dr. Jose Rizal, na magiging devoted supporter ni Crisostomo Ibarra.

Inamin ni Rocco na medyo nahihirapan siya nang nagti-taping sila nito: “Medyo po kinakabahan ako kasi malalim ang pagsasalita ng Tagalog.  Lumaki po kasi ako sa Singapore at nang bumalik ako rito, isa po iyon sa mga subjects na nahirapan ako.

“Thankful po ako na nagkaroon kami rito ng mga coaches sa tamang pagsasalita at pagbigkas ng Tagalog during the Spanish time, na sinulat ni Dr. Jose Rizal and “Noli Me Tangere” at “El Filibusterismo.”

Babalik muli sa lock-in taping ang cast ng serye sa Vigan City at nag-aalala si Rocco dahil malapit na ring magsilang ang wife niyang si Melissa sa kanilang baby boy.

Hindi raw siya sure kung makakaalis siya, pero ibinigay na raw niya ang oras niya sa taping, dahil trabaho niya iyon.

Ang “Maria Clara at Ibarra” ay mapapanood at 8pm sa GMA-7, after ng “24 Oras.”

(NORA V. CALDERON)

BIGLANG naalala ng ‘Running Man PH’ contestant na si Lexi Gonzales ang namayapang aktres na si Cherie Gil.

Kabilang kasi si Cherie sa umupong council noong ika-7th season ng ‘StarStruck’ kunsaan tinanghal si Lexi bilang First Princess.

Nasa Korea si Lexi noong makarating sa kanya ang balitang pumanaw ang mahusay na aktres dahil sa sakit na edometrial cancer noong August 5 sa New York City.

Binalik-balikan daw ni Lexi ang mga eksena nang sampalin at buhusan siya ng juice ni Cherie sa acting challenge nila sa ‘StarStruck’ noong 2019.

“Nasampal po niya ako, nabuhusan niya ako ng juice. So sabi ko wow! ‘Yon pa nga lang masayang-masaya na ‘ko. I admire her so much. Lahat ng advices she gave sa mga challenge na nagawa namin sa Starstruck lahat ‘yon tini-treasure ko,” pag-alala pa ni Lexi.

Hinangaan ni Lexi si Cherie dahil sa mga kinuwento nito sa kanila kung paano siya nagsimula sa showbiz at kung ano ang mga ginawa niya para mapanatili ang estado niya bilang isang propesyonal na aktres.

Hindi raw makakalimutan ni Lexi ang paglapit sa kanila ni Cherie noong last episode na ng StarStruck. Sinabihan daw silang apat ng aktres na pagkatapos ng contest, doon pa lang magsisimula ang lahat para sa kanila. Maghanda na raw sila sa “real world” na kanilang tatahakin after StarStruck.

“Naalala ko pong sinabi niya sa amin na, ‘It is not a race, it’s a marathon. So hindi siya pabilisan, patagalan sa industriya.’ Kaya hinding-hindi ko po makakalimutan si Miss Cherie,” pahayag pa ni Lexi.

***

MALAKI ang ikina-mature ng Sparkle actor na si Kristoffer Martin noong ikinasal ito sa kanyang longtime girlfriend na si AC Banzon noong nakaraang February.

Inamin ni Kristoffer na noon ay mainitin ang ulo niya at tuwing may hindi sila napagkakasunduan ni AC, hindi raw siya gagawa ng effort na makipag-ayos agad.

“Gano’n ako noon. Kapag binabalikan ko ang mga ginagawa ko noon, ngayon ko lang naisip na mali pala iyon. Kaya nagpapasalamat ako kay Lord na binigyan niya ako ng pagkakataon na magbago at gawin tama ang mga desisyon ko sa buhay. At ang pakasalan ang ina ng anak ko ay ang isa sa magandang desisyon na ginawa ko.

“Akala ko noon, title lang yung ikasal ka, pero may meaning pala iyon. Para sa akin, parang nagkaroon siya ng magic sa buhay naming lahat. Ngayon, ang gaan-gaan na lahat at ang sarap pala na malaya kang sabihin na may asawa ka na at buo ang pamilya mo.”

Naglabas ng bagong single si Kristoffer sa ilalim ng GMA Music titled “Di Ba?”. Na-inspire ang aktor na ipagpatuloy ang kanyang pagiging aspiring songwriter.

“Marami akong nasulat na mga songs. Nakatago lang sila. Ngayon parang gusto ko na siyang ituloy na. Marami pa akong puwedeng isulat kasi sobra akong nai-inspire ngayon, lalo na’t masaya tayo sa buhay natin ngayon.”

***

PUMANAW na ang Grammy Award winning rapper na si Coolio noong nakaraang September 28 sa Los Angeles. He was 59.

Nakilala si Coolio or Artis Leon Ivey Jr. in real life ay sumikat dahil sa ’90s hit rap single niya na ‘Gangsta’s Paradise’ na ginamit sa pelikulang Dangerous Minds in 1995. Ang iba pa niyang hits ay ang Fantastic Voyage, 1, 2, 3, 4 (Sumpin’ New) and C U When U Get There.

Ayon sa report ng TMZ, ang manager na si Jarez Posey ang nagkumpirma sa pagpanaw ni Coolio. Suspected heart attack daw ang naging sanhi ng biglang pagkamatay ng rapper.

“As far as what I know now is that he was at a friend’s house and was in his bathroom. When Coolio didn’t respond to his name being called, his friend went inside the bathroom and found him unresponsive on the floor. The friend then called the paramedics, who pronounced Coolio dead upon arriving at the scene.”

Wala naman daw nakitang drugs or drug paraphernalia kunsaan natagpuang walang buhay si Coolio. Hinihintay na lang ang autopsy and toxicology test para ma-determine ang official cause of death.

Coolio was born in Monessen, Pennsylvania. Bago siya naging sikat na rapper, nagtrabaho siya bilang volunteer firefighter at security sa Los Angeles International Airport.

(RUEL J. MENDOZA)