2022 October Archive - People's Balita

Archive for October, 2022

Metro Manila Subway nag-groundbreaking sa Pasig

Posted on: October 5th, 2022 by @peoplesbalita No Comments

PINANGUNAHAN ni President Ferdinand R. Marcos ang groundbreaking ng pagtatayo ng istasyon para sa Metro Manila Subway Project sa Pasig City na isa sa pinakamalaking imprastruktura sa ilalim ng Marcos administration.

“Let the breaking ground of this subway system signal our intention to the world to pursue even grander dreams and more ambitious endeavors that will bring comfort and progress to our people all over the country,” wika ni Marcos.

Kapag nakumpleto at natapos na ang nasabing proyekto sa 2028 na nagkakahalaga ng P17.7 billion para Metro Manila Subway Contract Package 104, ito ay magbibigay ng relief at comfort sa libo-libong pasahero na sa araw-araw ay nakakaranas ng mahirap na pagsakay.

Ang nasabing proyekto ay kasama sa 33-kilometer Metro Manila Subway Project (MMSP) Phase 1.

“The new transport infrastructure is also expected to spawn more business opportunities and enhance economic activity. Be assured that this administration will take the lead in identifying, pursuing and implementing projects as part of the Build Better More Infrastructure Agenda that we have laid out,” dagdag ni Marcos.

Mabibigyan ng magandang serbisyo ang may mahigit na 150,000 pasahero kada araw. Mababawasan din ang travel time sa pagitan ng Quezon City at Ninoy Aquino International Airport (NAIA) na mula isang oras at 10 minuto kung saan ito ay magiging 35 minuto na lamang.

Ang nasabing 33.1-kilometer na railway ay dadaan sa 17 istasyon na babagtas sa pitong (7) lungsod mula Valenzuela hanggang Paranaque na magkakaroon ng spur line papuntang NAIA sa lungsod ng Pasay.

Ang travel time ng dalawang end-to-end points ay 45 minuto lamang na may passenger waiting periods sa mga istasyon na tatagal nang hindi hahaba ng limang minuto.

Binigyan ng pondo ang MMSP mula sa Japan International Cooperation Agency sailalim ng Official Development Assistance (ODA). Ang kabuuang pondo para sa MMSP ay nagkakahalaga ng P488.48 billion.

Sinabi naman ni Japanese Ambassador Kazuhiko Koshikawana ang groundbreaking ay isang magandang palatandaan na ang kooperasyon ng Philippines at Japan ay lumalakas sa ilalim ng administrasyong Marcos kung saan sinusulong ang “Build Better More” policy.

Ang Department of Transportation (DOTr) at Tokyu-Tobishima Megawide Joint Venture ay lumagda sa Contract Package 104 ng MMSP noong nakaraang May 5. Sa nasabing package, dalawang (2) underground na istasyon ang itatayo at gagawin sa Ortigas at Shaw Boulevard kasama ang paggawa ng tunnels.

“The subway will not only provide comfort and convenience, but it will also generate jobs. It will also be safe, affordable at accessible to the commuters,” saad naman niDOTr Secretary Jaime Bautista.

Sinabi pa rin ni Marcos na ang mga nasabing kumpanya ay may malawak ng kaalaman sa paggawa ng railroad, tunnel at terminal construction at gumawa na ng madaming proyekto sa buong mundo.

Ang target date para sa partial opening ng MMSP ay tinatayang sa 2025. Simula noong Oct. 3 ay ang Meralco Avenue malapit sa Estancia Mall ay sarado habang ginagawa ng nasabing istasyon.

Dumalo kasama sa groundbreaking ceremony ni President Marcos ay sila Japanese Ambassador Kazuhiko Koshikawa; Senators Grace Poe, JV Ejercito at Mark Villar; JICA chief representative Takema Sakamoto, DOTr Secretary Jaime Bautista at Pasig City Mayor Vico Sotto. LASACMAR

Ads October 5, 2022

Posted on: October 5th, 2022 by @peoplesbalita No Comments

Press Sec. Trixie, nagbitiw sa tungkulin

Posted on: October 5th, 2022 by @peoplesbalita No Comments

NAGBITIW na sa kanyang tungkulin si Press Secretary Trixie Cruz-Angeles dahil sa medical reasons.

Sa katunayan, sinabi ni Senior Deputy Executive Secretary Hubert Guevarra na naghain ng kanyang resignation letter si Cruz-Angeles ngayong araw ng Martes, Oktubre 4.

“We’re still in the process of helping the Office address her resignation today. So, iyon muna ang aming present concern,” ayon kay Guevarra.

“Hopefully, in the near future.. we will have our new Press Secretary,” wika pa ni Guevarra.

Aniya, mayroong ilang medical conditions si Cruz-Angeles na hindi na nito nagawang tutukan pa dahil sa pagiging abala niya bilang Press Secretary.

“So, right now. At least, she has time now to address that concern,” aniya pa rin.

Sa ngayon aniya ay wala pang napipisil si Pangulong Ferdinand Marcos Jr., bilang bagong Press Secretary.

Samantala, kinumpirma ni Cruz-Angeles na nagbitiw na siya sa kanyang tungkulin bilang Press Secretary.

Sa isang text message, sinabi nito na “I tendered my resignation this morning, effective end of business hours today. Due to health reasons.”

“It was a pleasure working with you,” wika pa ni Cruz-Angeles. (Daris Jose)

Broadcaster na si Ka Percy Lapid, patay sa pamamaril sa Las Piñas

Posted on: October 5th, 2022 by @peoplesbalita No Comments

BINAWIAN ng buhay ang beteranong komentarista sa radyo na si Percival Mabasa (mas kilala sa tawag na Ka Percy Lapid) sa Las Piñas City matapos pagbabarilin, pagkukumpirma ng Philippine National Police at mga kasamahan niya sa media.

Lunes ng gabi nang iulat ng DWIZ broadcaster Marou Sarne, bandang 8 p.m., nang pagbabarilin si Mabasa ng dalawang nakamotorsiklo habang papunta sa BF Resort Las Piñas kung saan siya dapat mag-o-online broadcast.

“One of the famous commentators on radio and a former broadcaster of DWIZ 882 KHZ AM, Percy Lapid, was ambushed and died in Las Piñas City at past 8 this evening,” ani Sarne kagabi.

“His KBP ID and other cards named PERCIVAL MABASA were retrieved from his vehicle. He was alone in his vehicle. Rest in peace, Ka Percy. 10.03.2022.”

Kahapon lang ay sinasabing nakapag-upload pa siya sa kanyang Youtube page ng komentaryo laban sa red-tagging, bagay na inere sa kanyang programang “Lapid Fire” sa DWBL.

Nangako naman ang PNP na bibigyang katarungan nila ang nangyari sa naturang media personality.

“The PNP vows to bring justice to an attack against a member of the media industry. Investigation is underway to determine the culprits and motive of this case,” ayon sa pahayag na inilabas ng kapulisan.

“A Special Investigation Task Force was already created by Las Piñas City Station of NCRPO to spearhead and coordinate the investigative and prosecutorial efforts of the PNP.”

Kinondena rin ni House Deputy Minority Leader France Castro (ACT Teachers Partylist) ang sinapit ni Mabasa, lalo na’t kilala ang nabanggit bilang kritiko ni Pangulong Ferdinand Marcos Jr. at dating Pangulong Rodrigo Duterte.

“Nakakabahala na talaga ang pagpapatuloy at paglala ng extra-judicial killings at harassment sa bansa at ang tinatarget ay mga kritiko ng administrasyong Marcos at Duterte, media man, aktibista o oposisyon pati ang mga relihiyoso,” ani Castro sa isang pahayag.

“Indeed, the culture of impunity is worsening in the country. We condemn this heinous act against Percy Lapid and we are calling for an impartial probe on the matter.”

Nananawagan din ang kanilang kampo na kagyat maimbestigahan ng Commission on Human Rights at ng Konggreso ang nangyari upang mailantad ang harassment at pagpatay sa mga kritiko ng gobyerno.

Sa ulat ng National Union of Journalists of the Philippines, si Mabasa na ang ikalawang peryodistang namatay sa ilalim ng Marcos Jr. administration.

Pangalawa lamang siya sa radio broadcaster na si Rey Blanco na sinaksak sa Mabinay, Negros Oriental nitong ika-18 ng Setyembre.

“The killing shows that journalism remains a dangerous profession in the country,” wika ng NUJP sa isang pahayag.

“That the incident took place in Metro Manila indicates how brazen the perpetrators were, and how authorities have failed to protect journalists as well as ordinary citizens from harm.”

Nakikiramay din ang NUJP sa pamilya ni Lapid, pati na sa kanyang kapatid at beteranong journo na si Roy Mabasa.

Maliban sa mga komentaryo laban sa red-tagging lalo na kay Manila Judge Marlo Magdoza-Malagar, idiniin din niya sa kanyang programa ang risks ng Philippine Offshore Gaming Operators at pagbabaluktot sa kasaysayan ng Martial Law.

“We call on the public to join us in condemning yet another murder of a journalist. We call on the [PNP] to hold the perpetrators accountable,” panapos nila. (Daris Jose)

DepEd kinumpirma, may mga kaso pa rin ng COVID-19 sa ilang eskuwelahan

Posted on: October 5th, 2022 by @peoplesbalita No Comments

MAY mga kaso pa rin ng COVID-19 sa ilang eskuwelahan sa gitna ng pagpapatuloy ng face-to-face classes.

Iyon nga lamang hanggang ngayon ay hindi pa rin inilalabas ng Department of Education (DepEd) ang detalye ng mga kaso kabilang na ang eksaktong pigura at lokasyon ng eskuwelahan.

Subalit, tiniyak ng DepEd na mahigpit namang sinusunod ang health protocols.

“In a gathering of people, especially of learners and teachers in classrooms, expected naman po talaga na may mag-positive,” ang wika ni DepEd spokesperson Michael Poa.

“Hindi po ‘yan naiiba sa mga office situations. Gusto po natin iwasan talaga and that’s why we’re closely monitoring is ‘yung pagkakaroon ng surge,” dagdag na pahayag nito.

Sinabi pa ni Poa na mahigipit na ipinatutupad ng mga eskuwelahan ang minimum public health standards kabilang na sa Batasan Hills National High School (BHNHS) sa Quezon City kung saan mayroong 18,000 estudyante ang kasalukuyang naka-enroll.

“’Yung mga bata natin na nilalagnat ay pinapasundo na sa parents. Maliban sa monitoring sa gate, sa classroom chine-check noong subject teacher tsaka adviser,” ayon kay BHNHS officer-in-charge Cerilo Castillo.

Ani Castillo, walang COVID-19 case ang na-monitor sa institusyon simula nang magsimula ang in-person classes.

Sa ilalim ng DepEd Order No. 34, “students who will exhibit COVID-19 symptoms will be excused from in-person classes and will shift to distance or modular learning.”

Habang sa ilalim naman ng DepEd Order No 39, “schools are instructed to strengthen community monitoring measures and referral systems to the local government units (LGUs) and health centers and encourage participation and cooperation of parents and communities for safe transportation and home care isolation of students when sick.”

Samantala, hinikayat naman ng DepEd ang lahat ng mga estudyante, guro at non-teaching personnel na magpabakuna na laban sa COVID-19 at patuloy na sumunod sa minimum public health standards. (Daris Jose)

Para kay PBBM “best way to drum up business”: Formula 1 racing

Posted on: October 5th, 2022 by @peoplesbalita No Comments

PARA kay Pangulong Ferdinand Marcos Jr., ang “best way” para mag-drum up ng negosyo ay sa pamamagitan ng Formula 1 racing.

Taliwas ito sa paniniwala ng iba ani Pangulong Marcos na ang “playing golf” ang “best way to drum up business.”

Ang pahayag na ito ng Pangulo na makikita sa kanyang Facebook post ay bilang pagkumpirma na rin sa sinabi ni Press Secretary Trixie Cruz-Angeles na nagpunta siya sa Singapore nitong weekend.

Nauna rito, binanggit ni Singaporean Minister for Manpower Tan See Leng sa Facebook na si Pangulong Marcos ay isa sa mga heads of state na nakapulong niya sa sidelines ng Singapore Grand Prix.

“They say that playing golf is the best way to drum up business, but I say it’s Formula 1. What a productive weekend!” ayon sa Pangulo.

“It was fulfilling to have been invited alongside several dignitaries and to have met new business friends who showed that they are ready and willing to invest in the Philippines. Will be sharing more details on,” wika pa nito.

Sa Facebook post ng Singaporean minister , sinabi nito na: “Happy to meet various Heads of States, Ministers and foreign dignitaries (including Bongbong Marcos, President Surangel Whipps Jr., Cambodia’s Minister attached to the Prime Minister and Managing Director of Electricite Du Cambodge (EDC), Keo Rottanak, Cambodia’s Minister of Commerce, Pan Sorasak, Advisor to the Royal Court, Kingdom of Saudi Arabia, Dr. Fahad Bin Abdullah Toonsi) to affirm our bilateral economic relationships and strengthen collaborations in energy cooperation as well as exchange views on manpower policies on the sidelines of the race.”

Ang Singapore Grand Prix ay idinaos sa Marina Bay Street Circuit mula Setyembre 30 hanggang Oktubre 2.

Ang Mexican driver Sergio Perez ng Red Bull Racing ang nanalo sa karera. (BISHOP JESUS “JEMBA” M. BASCO)

Panukalang pagsasama ng kasaysayan ng WWII sa higher education curriculum, aprubado

Posted on: October 5th, 2022 by @peoplesbalita No Comments

INAPRUBAHAN ng House Committee on Higher and Technical Education na pinamumunuan ni Rep. Mark Go (Baguio City) ang pinagsama-samang panukalang batas para sa pagsasama ng history subject sa higher education institutions (HEIs) ang kasaysayan ng ikalawang Pandaigdigang Digmaan.

Sa kanyang sponsorship speech, sinabi ni Pasig City Rep. Roman Romulo, awtor ng House Bill 933 na magkakaroon na rin ng istorya ukol sa naging kagitingan ng mga sundalo at mamamayang Pilipino sa nagdaang WWII.

Ayon sa mambabatas, kakaunti pa lamang ang nilalaman ng history curriculum sa ngayon sa mga naging kaganapan at kagitingan ng mga Pinoy noong panahon ng giyera.

“But when we talk or sit down with our Veterans Affairs Committee, there are many stories there being told by Philippine Veterans Affairs Office Administrator Ernesto Carolina, maraming events during World War II na kung saan ang bida ay Filipino. Karamihan po diyan kahit nangyari dito sa Pilipinas, ang main characters ay mga dayuhan,” ani Romulo.

Inaprubahan din ng komite ang committee report na kinabibilangan ng isa pang panukalang batas na HB 4157 na inihain naman ni Rep. Harris Christopher Ongchuan (Northern Samar).

Samantala, ipinagpaliban muna ng komite ang pagdinig sa HB 1724 para sa mandatoryo o compulsory teaching ng ethics subjects sa Philippine tertiary education.

Ito ay habang hinihintay pa ang pagsusumite ng final evaluation/assessment ng Commission on Higher Education (CHED) ukol sa implementation ng ethics subjects sa higher education.

Sinabi naman ni CHED Chairman Prospero de Vega na mayroong ng 3 unit course sa ethics subject sa general education program.

Gayundin, ipinagpaliban din muna ang deliberasyon ng komite sa HB 4350 na inihain ni Rep. Jonathan Clement Abalos II (Party-list, 4PS) na nagsusulong sa pagsama ng foreign language maliban sa English, bilang elective course sa higher education curriculum. (Ara Romero)

Hiling ni Vhong Navarro na manatili sa NBI, ibinasura ng korte

Posted on: October 5th, 2022 by @peoplesbalita No Comments

IBINASURA ng korte ang mosyon ng aktor/TV host na si Vhong Navarro na manatili siya sa detention facility ng National Bureau of Investigation (NBI) kaugnay sa kasong rape na kinaharap nito.

Una nang inihain ni Atty. Alma Mallonga, abogado ni Navarro, ang isang urgent motion upang mapanatili sa kustodiya ng NBI ang aktor.

Binanggit ni Navarro sa kanyang mosyon na haharapin niya ang mga kaso laban sa kaniya, at ang kaniyang pagsuko sa NBI ay bunsod ng lehitimong pangamba para sa kaniyang kaligtasan at sa kaniyang buhay habang matindi pa ang galit sa pagitan nila at ng nag-aakusa na si Deniece Cornejo at mga kaibigan nito.

Kasama sa kanyang pleading na ang maybahay niya ay nakatanggap pa ang text message sa hindi kilalang cellphone number na nagsabing, “Pasabi diyan sa asawa mong rapist Mr. Suabi, nag-aantay kami dito sa Taguig, paki bilisan”.

Giit ni Navarro na dapat seryosohin ang nasabing mensahe dahil si Cornejo at mga kaibigan nito ay nakulong sa Taguig Jail kaugnay sa pambubugbog sa kaniya at nakalaya lamang sa piyansa noong 2014. Posibleng nagkaroon ng koneksyon sa gang sa loob ng Taguig Jail ang kampo ni Cornejo.

Paliwanag naman ni Judge Loralie Cruz Datahan ng Taguig RTC Branch 69 sa pagbasura sa mosyon, nabigong bigyang katwiran ang pangangailangan ni Navarro para patuloy na mapiit sa NBI. Bigo rin si Navarro na maglakip ng patunay sa sinasabing mensaheng SMS.

Bukod pa sa may mandato naman aniya, ang Taguig Jail na protektahan ang mga detainee.

Nabatid na naghain din ng manifesttaion with urgent motion to transfer detention si Atty. Howard Calleja, abugado ni Cornejo, para mailipat na sa Taguig Jail si Navarro mula sa NBI facility.

Nabatid na hindi pa nakatatanggap ang NBI ng commitment order mula sa korte para sa tuluyan paglilipat kay Navarro sa Taguig Jail. (Ara Romero)

Eumir Marcial nakahanda na para sa laban sa US boxer na si Steven Pichardo

Posted on: October 5th, 2022 by @peoplesbalita No Comments

PINAGHAHANDAANG mabuti ni Olympic medalist Eumir Felix Marcial ang kaniyang susunod na laban kay American boxer Steven Pichardo.

Gaganapin ang six-round middleweight fight sa Carson, California sa Oktubre 9.

Sinimulan na nito ang kaniyang training camp noon pang nakaraang mga buwan sa Las Vegas.

Ilan sa mga naging sparring partner nito ang kapwa Pinoy boxer na si Jerwin Ancajas.

Mayroong malinis na record ang Filipino middleweight boxer na dalawang panalo at walang talo na mayroong isang knockout habang ang 6 foot-1 boxer ay mayroong walong panalo, dalawang talo at isang draw na mayroong dalawang knockouts.

Huling lumaban si Marcial noong Abril ng talunin niya sa pamamagitang ikaapat na round sa pamamagitan ng TKO si Isiah Hart.

Excited na rin sa kanilang Christmas vacation: KIM, gustong mapanood si XIAN na mag-direk pero ‘di pinapayagang dumalaw

Posted on: October 5th, 2022 by @peoplesbalita No Comments

NATUWA ang mga fans ni Kapuso actor Tom Rodriguez, nang mag-post ang manager niyang si Popoy Caritativo ng “see you soon!”

Dahil very active na rin muli si Tom sa kanyang Instagram, marami ang nag-post ng comments na natutuwa sila kung magbabalik na muli si Tom sa pag-arte dahil nami-miss na nila ang actor na isa sa mahuhusay na artista ng GMA Network.

Katatapos lamang mag-celebrate ni Tom ng kanyang 35th birthday noong October 1, at sa isang interview, sinabi niyang, “I’m now happily moving on, enjoying working on myself, but I’m not stopping or closing my doors on anything.

“I’m just enjoying my life, I’m enjoying learning new songs for the upcoming shows. I long to perform again and interacts with the fans, nami-miss ko na iyon. Kaya I’m happy na makakasama ko si Comedy Queen Ai Ai delas Alas sa isang show, ang ‘Philippine Fashion and Cultural Expo L.A.,’ on Sunday, October 16.”

Sa show, ilan sa producers ay ang GMA Pinoy TV, GMA Life TV at GMA NewsTV.

***

EXCITED na pala ang mag-sweetheart of eleven years na sina Kim Chiu at Xian Lim, para sa isang Christmas vacation sa December.

Binanggit ito ni Kim sa isang interview sa kanya: “Kami naman, alam ng mga supporters namin na every December, we really make sure na makapag-out of the country kami, to celebrate ng holidays together.

“Kaya kami ni Xian, nilu-look forward namin ang pinakamahabang break namin from work, lalo ngayon na nagkasunud-sunod ang work namin pareho, especially si Xian, dahil bukod sa pagiging actor ay nagsusulat na rin siya ng script at nagdidirek na rin.

“At gumawa pa nga kami ngayon ng movie sa Viva Films, after eight years na hindi kami nagtatambal, ang ‘Always’ na Philippine adaptation, ng 2011 South Korean drama.”

Kung may dream pala si Kim, ito ay makitang magdirek si Xian, pero hindi siya pinapayagan ng boyfriend na dalawin sa set dahil baka hindi raw ito makapag-concentrate habang nagtatrabaho.

Big dream din naman pala ni Xian na maidirek niya ang girlfriend sa isang project. So, matutupad lamang ang wishes nila, kapag gumawa na si Kim ng movie na ang magdidirek ang kanyang boyfriend.

***

“EPY Quizon forda win!” post ng GMA Network sa panalo ng “Voltes V Legacy” actor, nang mag-guest siya sa isang episode ng “Running Man Philippines,” titled “Cuckoo Clock.”

Para kay Epy Quizon, age is just a number, dahil at 49, pinataob nga niya ang mga mas batang celebrity runners, sa mini mission ng show na pinalabas last Saturday, October 1, at Sunday, October 2.

In-enjoy talaga ito ng mga viewers at umani ng one million views, kung paano lumaban si Epy kina Mikael Daez, Glaiza de Castro, Ruru Madrid, Kokoy de Santos, Angel Guardian, Lexi Gonzales at Buboy Villar.

Nag-post ang mga viewers and netizens ng mga nakatatawang comments nila kung paano sila humanga at pinasaya ni Epy na hindi nagpatalo kahit pisikalan ang mini mission.

Napapanood ang “Running Man Philippines” every 7:15PM on Saturdays at 7:50PM on Sundays, sa GMA-7.

(NORA V. CALDERON)