2022 October Archive - People's Balita

Archive for October, 2022

Increase sa DOH budget, aprub kay Bong Go

Posted on: October 8th, 2022 by @peoplesbalita No Comments

NANAWAGAN si Senator Christopher “Bong” Go na palakasin pa ang healthcare system sa public hearing ukol sa panukalang 2023 budget ng Department of Health noong Lunes.

Sa pagdinig, binigyang-diin ni Go, chair ng committee on health and demography, ang kahalagahan ng 2023 budget ng DOH para sa pagbangon ng bansa mula sa pandemya at iginiit ang kanyang pagsuporta sa pagtataas ng pondo ng ahensiya para sa pagpapabuti ng sistema ng pangangalagang pangkalusugan.

Sinabi ni Go na kailangang i-capacitate at maayos na mabayaran ang health workforce upang palakasin ang healthcare capacity ng bansa.

Para maisakatuparan ito, ipinunto ni Go na dapat tiyakin ng gobyerno ang pagpopondo para sa allowance na kasama sa Republic Act No. 11712, o ang Public Health Emergency Benefits and Allowances for Health Care Workers.

Sinabi ni Go na ang DOH ay naglaan ng badyet na PhP19.9 bilyon na maaaring masakop ang mga benepisyo sa loob ng tatlong buwan.

Binigyang-diin din ni Go ang pangangailangang i-upgrade ang mga pampublikong ospital lalo na’t umaasa sa kanila ang mga mahihirap na pasyente.

Tiniyak ni Go sa DOH na handa siyang tumulong sa nasabing gawain. Ibinahagi ni Go na ang kanyang komite, noong nakaraang Kongreso, ay nakapagpasa ng 69 batas para sa pagpapabuti at pagtatatag ng iba’t ibang pampublikong ospital sa buong bansa. (Daris Jose)

PGB SPECIAL AWARD

Posted on: October 8th, 2022 by @peoplesbalita No Comments

PGB SPECIAL AWARD. Iprinisinta ni Bulacan Provincial Jail Warden Ret. P/LT COL Marcos C. Rivero kasama si P/LT COL Rizalino A. Andaya (dulong kanan) ang tinanggap ng Pamahalaang Panlalawigan ng Bulacan na BJMPRO-III’s BEST 2022 Special Award mula sa Bureau of Jail Management and Penology Regional Office III para sa ‘di-matatawarang suporta nito sa huli sa pamamagitan ng matagumpay na pagpapatupad ng safekeeping at mga programang pangkaunlaran sa ginanap na Lingguhang Pagtataas ng Watawat nitong Lunes sa Bulacan Capitol Gymnasium, Lungsod ng Malolos, Bulacan. Nasa larawan din sina Gob. Daniel R. Fernando at Bise Gob. Alexis C. Castro. (BISHOP JESUS “JEMBA” M. BASCO)

Undas magiging COVID-19 super spreader – DOH

Posted on: October 8th, 2022 by @peoplesbalita No Comments

MULING nagpaalala sa publiko ang Department of Health (DOH) na maaaring maging COVID-19 ‘super spreader event’ ang pagpunta ng publiko sa mga sementeryo sa darating na Undas ngayong Nobyembre.

Iginiit ni DOH officer-in-charge Maria Rosario Vergeire na hindi kinakategorya ang Undas na “low risk setting” dahil taun-taong dinadagsa ng napakaraming tao ang bawat sementeryo.

Kaya payo ni Vergeire ang mahigpit na pagsusuot pa rin ng face mask ng bawat isa kahit na niluwagan na ang pagsusuot nito sa mga ‘outdoors’, bilang pamproteksyon sa sarili at maging sa mga uuwian na mga kaanak.

Nagpaalala rin ang opisyal na dapat nakapagpaturok na kahit ng unang dose ng booster shot bago magtungo sa puntod ng mga minamahal para may dagdag na proteksyon laban sa virus.

Sa ngayon ay nakikitaan ang bansa ng bahagya ngunit patuloy na pagtaas ng mga kaso ng COVID-19, kaya malinaw na masasabi na nananatili ang banta ng COVID-19 sa lahat.

Ngunit dahil sa mga nakaraang karanasan, naniniwala si Vergeire na alam na ng mga Pilipino ang kanilang gagawin para makaiwas na mahawa sa virus dahil ito na ang ikatlong Undas na nasa pandemya ang bansa. (Daris Jose)

MUSIC SUPERSTAR SHAWN MENDES LENDS VOICE TO “LYLE, LYLE, CROCODILE”

Posted on: October 8th, 2022 by @peoplesbalita No Comments

SHAWN Mendes, superstar recording artist and Grammy-nominated singer/songwriter, brings Lyle, the singing crocodile to vocal life, in Columbia Pictures’ new musical comedy Lyle, Lyle, Crocodile (in Philippine cinemas October 12).

[Watch the vignette “Voicing Lyle” at https://youtu.be/LqBRYKKPQjA]

Based on the best-selling book series by Bernard Waber, Lyle, Lyle, Crocodile is a live-action / CGI musical comedy that brings this beloved character to a new, global audience.

Mendes describes Lyle as a character driven by love. “He just wants to have a family, a home, and feel connected to people,” says Mendes, “and love is the reason I sing, too – I sing when I feel comfortable, when I feel accepted. I relate to him a lot.”

“Hearing your own voice come out of an animated character is such a weird experience,” Mendes continues. “It can be a bit of an out-of-body experience to hear your voice coming out of a crocodile, he adds, but what he wasn’t expecting was how much the animators would capture of Mendes himself. “While I was singing in the studio, the animators were filming my facial expressions, and then animating Lyle to make similar facial expressions that I was making.”

The film features original songs performed by Shawn Mendes, Javier Bardem, and Constance Wu, written by the songwriting team behind The Greatest Showman, Benj Pasek and Justin Paul.

For Mendes, singing the work of Pasek and Paul brought to the fore the way that gifted songwriters can make the songs of a musical work a dual purpose, building on each other as part of a cohesive whole and also providing a discrete, joyful experience. “When you watch one of their movies or shows, you’re digesting the entire thing at once, and you may not realize just how smart they are,” says Mendes. “You don’t realize how complex and how beautiful these songs are, how lyrically astonishing they are, and how much effort they put into them. But when you’re in the recording studio, going through the songs, it’s an eye-opening experience,” he concludes.

About Lyle, Lyle, Crocodile

When the Primm family (Constance Wu, Scoot McNairy, Winslow Fegley) moves to New York City, their young son Josh struggles to adapt to his new school and new friends. All of that changes when he discovers Lyle – a singing crocodile (Shawn Mendes) who loves baths, caviar and great music-living in the attic of his new home. The two become fast friends, but when Lyle’s existence is threatened by evil neighbor Mr. Grumps (Brett Gelman), the Primm’s must band together with Lyle’s charismatic owner, Hector P. Valenti (Javier Bardem), to show the world that family can come from the most unexpected places and there’s nothing wrong with a big singing crocodile with an even bigger personality.

Lyle, Lyle, Crocodile will feature original songs performed by Shawn Mendes and written by the songwriting team behind The Greatest Showman, Benj Pasek & Justin Paul. Joining Pasek and Paul in writing original songs for the film are Ari Afsar, Emily Gardner Xu Hall, Mark Sonnenblick, and Joriah Kwamé. Directed and produced by Will Speck and Josh Gordon, the screenplay is by Will Davies.

In cinemas across the Philippines starting October 12, Lyle, Lyle, Crocodile is distributed by Columbia Pictures, local office of Sony Pictures Releasing International. Connect with the hashtag #LyleLyleCrocodile

(ROHN ROMULO)

Ads October 8, 2022

Posted on: October 8th, 2022 by @peoplesbalita No Comments

Nagpapasalamat sa production na binusisi ang mga detalye: BARBIE, nalula sa mga papuri sa performance sa bagong GMA teleserye

Posted on: October 7th, 2022 by @peoplesbalita No Comments

PROUD daddy si Dennis Trillo sa anak nila ni Jennylyn Mercado na si Baby Dylan dahil natuto raw siyang maging isang hands-on parent.

Inamin ng bida ng GMA teleserye na ‘Maria Clara At Ibarra’ na hindi niya na-experience ang maging hands-on dad sa panganay niyang si Calix Andreas dahil sa ina nitong si Carlene Aguilar ito lumaki.

Ngayon daw ay kahit pagod siya sa kanyang trabaho, pag-uwi niya ay didiretso raw siya sa kuwarto ni Baby Dylan at tinitigan daw niya ito habang tulog. Kung gising naman daw ito, ihehele niya hanggang makatulog.

“Minsan kapag umuwi ako ng madaling-araw, diretso ako no’n mag-alaga. Kahit tulog na sila, itse-tsek ko kung kailangan palitan ng diaper, Natutunan ko lahat yan dahil kay Baby Dylan. Kasi nga, hindi ko nagawa iyon kay Calix noon. Ngayon lang talaga ako naging hands-on dad at mukhang okey naman ang ginagawa ko. Wala namang reklamo mula kay Jen!” tawa pa ni Dennis.

Kaya noong nag-lock-in taping sila ng dalawang buwan sa Ilocos Sur para sa ‘Maria Clara At Ibarra’, panay ang check niya sa kanyang mag-ina.

“Matagal akong nawalay sa mag-ina ko kasi. Tapos inabot pa kami sa taping ng bagyo at lindol. Ayokong mag-worry si Jen sa akin kaya parati akong may communication sa kanya. Kahit mahina minsan ang signal sa location namin, gumagawa ako ng paraan para makausap ko sila to say na okey kami sa location,” sey pa ni Dennis.

***

NALULA sa maraming papuri sa kanyang performance sa GMA teleserye na ‘Maria Clara At Ibarra’ ang Kapuso Drama Princess na si Barbie Forteza.

Sa unang episode pa lang ay nagpakita na ng husay si Barbie bilang si Klay, isang Gen Z working student na dala sa kanyang mga balikat ang hirap sa kanyang pag-aaral at sa kanilang tahanan. Para makapasa sa kanyang nursing course, kailangan niyang gumawa ng book report tungkol sa Noli Me Tangere ni Dr. Jose Rizal. Isang gabi ay bigla siyang na-transport sa panahon kunsaan naganap ang mga nangyari sa libro at makilala niya ang iba’t ibang karakter nito.

Nagpasalamat si Barbie sa mga papuri dahil hindi raw madali ang ginawa nilang pagbuo ng isang historical portal fantasy. At dapat din daw purihin ang buong production ng teleserye dahil sa mabusising pag-alaga nila sa kahit na kaliit-liitan na bagay sa bawat eksena.

“Ang pinagpapasalamat ko na lang talaga ay nakabuo kami ng pamilya sa set namin na talagang very maalaga. From the program manager to the executive producer to the staff, to our director, lahat talaga, concern nila ang mga artista and ‘yung buong team, ‘yung lahat ng taong nagtatrabaho. ‘Yun lang din ‘yung pinagpapasalamat ko. It may be very challenging pero teamwork pa rin talaga ‘yung nanaig sa set namin.”

***

NAGKAROON na ng first public appearance si Adam Levine pagkatapos ng kinasangkutan niyang cheating scandal.

Nag-perform ang 43-year old Maroon 5 singer para The Shaquille O’Neal Foundation’s “The Event” fundraiser sa MGM Grand Garden Arena in Las Vegas. Kasama niyang nag-perform sina H.E.R., Maren Morris, John Mulaney at Pitbull.

I-announce din ni Levine na magkakaroon ng residency ang Maroon 5 sa Las Vegas na magsisimula sa March 2023 at M5LV The Residency.

Noong nakaraang buwan ay nabugbog sa social media si Levine dahil sa alleged affair niya sa isang model. Nagkataon pang buntis ang misis ni Levine na si Behati Prinsloo sa ikatlo nilang baby.

Ayon sa report ng Entertainment Tonight, inaayos na raw ito ni Levine sa kanyang misis: “Adam wanted to speak out as soon as possible so that any stories didn’t get out of hand. He wanted to confront everything head on and address things right away. He is embarrassed and recognizes that his actions were inappropriate. He’s trying to make things right with Behati and his family. Adam loves to get attention from women and crossed a boundary, but he’s telling Behati it will never happen again.”

(RUEL J. MENDOZA)

Erik Spoelstra, pinili ng mga NBA general managers bilang ‘best head coach’

Posted on: October 7th, 2022 by @peoplesbalita No Comments

NAPILI bilang best head coach ang Filipino-American na si Erik Spoelstra ng Miami Heat sa ginawang survey ng mga leagues’s general manager.

Inilabas ng National Basketball Association (NBA) ang listahan ng mga napasama sa nasabing survey ngayong 2022-2023 season.

Nanguna si Spoelstra, 51, at pumangalawa lamang ang NBA defending champion na si Steve Kerr ng Golden State Warriors.

Sinundan naman ito nina Gregg Popovich ng San Antonio Spurs at Monty Williams ng Phoenix Suns.

Pumang-lima naman sa puwesto sa survey si Los Angeles Clippers coah Tyronne Lue.

Bagama’t sa tatlong taong sunod-sunod na napili bilang head coach si Spoelstra, hindi pa ito nagagawaran bilang NBA’s Coach of the Year.

Ito ay sa kabila na nabigyan na niya ng kampeonato ang team ng dalawang beses at nitong lamang nakaraang season ay muntik na silang umabot sa NBA Finals.

Narito pa ang coaching-based results GM survey:

Best Motivator of People: Kerr

Best In-Game Adjustments: Lue

Best Offense: Kerr

Best Defense: Spoelstra

New Coach Who Will Make Biggest Impact: Darvin Ham (Los Angeles Lakers)

Best Assistant Coach: tie between Kenny Atkinson (Golden State Warriors) and Charles Lee (Milwaukee Bucks)

Active Player Who Will Become Best Coach: Chris Paul (Phoenix Suns)

Bagong subvariant maaaring dahilan ng pagtaas ng kaso ng COVID-19 sa National Capital Region – OCTA

Posted on: October 7th, 2022 by @peoplesbalita No Comments

MAAARING nagdudulot ng kamakailang pagtaas ng mga bagong kaso sa National Capital Region (NCR) ang isang bagong subvariant ng COVID-19 ayon sa OCTA Research group.

Inihayag ni OCTA fellow Guido David na hindi sila sigurado kung bakit may muling pagkabuhay sa mga kaso sa Metro Manila.

Maaari itong maging bagong subvariant dahil sinusubaybayan din namin ang mga bagong subvariant sa ibang bahagi ng mundo.

Sinabi ni David na maaari ding tumaas ang mga bagong kaso ng COVID-19 sa ibang mga lalawigan, dahil sa mataas na mobility dahil sa pagpapatupad ng face-to-face classes at sa darating na Christmas season.

Sinabi niya, gayunpaman, na ang ibang mga lugar kung saan isinasagawa ang mga in-person classes ay hindi nag-ulat ng pagtaas ng trend sa mga kaso tulad ng sa NCR.

Nauna nang kinumpirma ng Department of Education (DepEd) na may naitalang kaso ng COVID-19 sa mga estudyante, guro at non-teaching personnel, bagama’t hindi pa ito naglalabas ng datos.

Nang tanungin tungkol sa epekto ng boluntaryong face mask policy sa mga panlabas na lugar, sinabi ni David na hindi pa sila sigurado dahil ang pagtaas ay kasalukuyang limitado sa ilang mga lugar.

5 drug suspects kalaboso sa P312K shabu sa Caloocan, Navotas

Posted on: October 7th, 2022 by @peoplesbalita No Comments

NASAMSAM ng mga awtoridad ang mahigit P.3 milyon halaga ng hinihinalang shabu sa limang drug suspects matapos maaresto sa magkahiwalay na buy bust operation sa Caloocan at Navotas Cities.

Ayon kay Caloocan police chief Col. Ruben Lacuesta, dakong alas-5:30 ng hapon nang magsagawa ang mga operatiba ng Station Drug Enforcement Unit (SDEU) ng Caloocan police sa pangunguna ni P/Major Dennis Odtuhan, kasama ang 3rd MFC RMFB-NCRPO ng buy bust operation sa Medium House Rising 4, Brgy. 188, na nagresulta sa pagkakaaresto kay Dariel Nave, 41 ng Brixtonville Subdivision, Brgy. 175.

Nakumpiska sa kanya ang humigi’t kumulang 25 gramo ng hinihinalang shabu na may Standard Drug Price Php 170,000.00, buy bust money na isang tunay na P500 bill at 8 pirasong P1,000 boodle money.

Ani Lacuesta, ang pagkakaaresto sa suspek ay resulta ng isang linggong validation ng mga operatiba ng SDEU makaraan ang natanggap na impormasyon mula sa isang confidential informant hinggil sa pagbebenta umano niya ng ilegal na droga.

Sa Navotas, alas-9:30 ng gabi nang mabitag naman ng mga operatiba ng SDEU ng Navotas police sa pangunguna ni PLT Luis Rufo Jr, sa ilalim ng pamumuno ni P/Col. Dexter Ollaging sa buy bust operation sa A. Santiago St., Brgy. Sipac Almacen si Napoleon Naval alyas “Napo”, 43, at Ronaldo Cruz alyas “Jojo Mata”, 60, kapwa (pusher/listed).

Nasamsam sa mga suspek ang nasa 11 gramo ng hinihinalang shabu na may standard drug price P74,800 at P500 marked money.

Nauna rito, nalambat din ng kabilang team ng Navotas police SDEU sa buy bust operation sa Dalagang Bukid St., Brgy, NBBS Dagatdagatan si Darwin Apas alyas “Buboy”, 40, (Pusher/listed) at Lawrence Rodica, 28, ala-1:05 ng madaling araw. Nakuha sa kanila ang humigi’t kumulang 10 gramo ng hinihinalang shabu na may standard drug price P68,000 at P500 buy bust money.

Pinuri naman ni Northern Police District (NPD) Acting Director P/Col. Ponce Rogelio Peñones ang Caloocan police at Navotas police dahil sa mahusay nilang trabaho kontra illegal drugs. (Richard Mesa)

LTFRB: walang matrix, walang fare hike

Posted on: October 7th, 2022 by @peoplesbalita No Comments

KAILANGAN ng mga public utility vehicles (PUVs) ang kumuha muna ng fare matrix mula sa Land Transportation Franchising and Regulatory Board (LTFRB) upang sila ay makasingil ng mataas na pamasahe.

Mula sa datos ng LTFRB noong Huwebes, may 30,183 na PUVs ang naghain ng kanilang applications para sa bagong fare matrix na kailangan ng mga drivers upang sila ay makasingil ng mataas na pamasahe.

Ang mga nasabing aplikante ay 11 percent lamang mula sa kabuuang 256,621 na PUVs na pumapasada sa buong bansa sa ilalim ng ginagawang fare increase.

Sa pinakabagong datos ng LTFRB, lumalabas na may 17,496 mula sa kabuuang 182,615 na mga public utility jeepneys (PUJs) sa buong bansa ang kumuha ng fare matrix. Habang may 1,263 na city buses at 5,344 na provincial buses ang naghain ng kanilang aplikasyon. Samantalang, ang mga taxis at airport taxis ay may 6,053 at 27 na aplikasyon, ayon sa pagkasunud-sunod.

Pinaliwanag naman ng LTFRB na hindi na kailangan ng mga transport network vehicle service (TNVS) units ang maghain ng aplikasyondahil ang fare matrix ay nakalagaynasa app nila.

“Commuters may file complaints against PUV operators and drivers who demand higher fares as it is for their safety that the guides are being required,” wika ng LTFRB.

Ang base fare para sa mga traditional na jeepney ay provisionally tinaas ng P12 mula sa dating P11 habang ang modern jeepneys ay nagtaas ng base fare na P14 mula sa dating P13. Magkakaroon din ng per kilometer rate increase na P1.80 mula sa dating P1.50 para sa traditional jeepneys at P2.20 naman mula sa dating P1.80 para sa modern jeepneys.

Magkakaroon naman ng P2 uniform base fare ang city at provincial buses kung saan ito ay magiging P13 at P15, ayon sa pagkasunud-sunod. Binigyan din ng board ang approval para tumaas ang per kilometer ng ordinary city buses ng P2.25, P2.65 para sa air-conditioned buses, P2.65 para sa air-conditioned city buses, P2.10 sa provincial deluxe, P2.35 para sa special deluxe at P2.90 sa luxury buses.

Binigyan din fare hike ang taxis at TNVS kung saan ito ay naging P5 ang flagdown rate.

Pinaalalahanan naman ni LTFRB chairman Cheloy Garafil ang mga PUV drivers at operators na kumuha ng fare matrix bago sila mangolekta ng mataas na pamasahe. Ayon sa kanya, ang isang pasahero ay puwedeng magbayad ng kusa kahit na walang fare matrix subalit ang isang pasahero ay maaari ring maghain ng reklamo laban sa mga drivers na hindi sumusunod.

“It it’s a donation, there’s nothing wrong with that, but some passengers may have a problem with that because it is for their safety that fare guides are required to stamp out colorum vehicles, or those plying the roads without a franchise. A fare matrix is required as a protection for our passengers. We want to make sure all vehicles operating on the road are not colorum,” wikaniGarafil.

Sinabi naman ni Garafil na wala pang desisyon ang LTFRB tungkol sa inihain na petisyon ng UV Express para sa pagtataas ng pamasahe. Ang mga taxis naman hindi na kailangang sumailalim sa calibration ng kanilang meters kung sila ay mayroong fare matrix. LASACMAR