Si Rowena J. Tiongson, pinuno ng Provincial Social Welfare and Development Office, at ang mga pinuno ng Office of Senior Citizens Affairs-Bulacan sa pangunguna ni Pangulong Angelito Santiago (nakaupo sa pinaka kaliwa) at Federation of Senior Citizens Associations of the Philippines-Bulacan Chapter sa pamumuno ni Pangulong Jose Mina (nakaupo sa pinaka kanan) kasama sina Commissioner Reymar R. Mansilungan (nakaitim) at Commissioner Rainier Cruz (nakaupo sa tabi ni Mansulingan) ng National Commission of Senior Citizens-Luzon sa isinagawang 2022 Elderly Week and Recognition of Sentenaryong Bulakenyo na ginanap sa Balagtas Hall, Hiyas ng Bulacan Convention Center, Lungsod ng Malolos, Bulacan noong nakaraang Huwebes, Oktubre 6, 2022. Kasama rin sa larawan ang focal persons ng PSWDO na sina Domenic Alegria at Leah Jean Fernando. INSET: Ang 80 sentenaryong Bulakenyo na tumanggap ng P10,000 na insentibo at pagkilala mula sa Pamahalaang Panlalawigan ng Bulacan na dumalo sa pamamagitan ng Zoom teleconferencing. (BISHOP JESUS “JEMBA” M. BASCO)
- April 4, 2026
Ang Diyaryong Pinagkakatiwalaan
Archive for October, 2022
BULAKENYO ELDERLY WEEK CELEBRATION
Singil sa kuryente bababa ngayong Oktubre – Meralco
MAGPAPATUPAD ang Manila Electric Company (Meralco) ng mahigit pitong sentimo kada kilowatt hour (kWh) na tapyas sa singil sa kuryente ngayong Oktubre.
Ayon sa Meralco, ang overall rate para sa isang typical household ay babawasan nila ng 7.37 sentimo/kWh ngayong buwan, o magiging P9.8628/kWh na lamang mula sa dating P9.9365/kWh noong Setyembre.
Nabatid na ang naturang adjustments ay nangangahulugan ng P15 na pagbaba sa total electricity bill ng mga kostumer na nakakakonsumo ng 200 kWh kada buwan; P22 na bawas sa mga nakakagamit ng 300 kWh; P29 sa mga nakakakonsumo ng 400 kWh at P36 naman para sa mga nakakagamit ng 500 kWh kada buwan.
Sinabi ng Meralco na mas mura pa ang power rates ngayon para sa residential customers kumpara noong 2012 na nasa P10.661/kWh; 2014 na nasa P10.465/kWh at 2018 na nasa P9.976/kWh.
Ipinaliwanag naman ng electric company na ang pagbaba ng singil sa kuryente ay dulot ng pagbaba ng feed-in-tariff allowance na nabawasan ng 6.19 sentimo/kWh, matapos na aprubahan ng Energy Regulatory Commission (ERC) ang mas mababang koleksiyon simula ngayong Oktubre.
Dagdag pa ng Meralco, bumaba rin ang generation charges para sa buwang ito ng 2.01 senitmo/kWh o naging P6.9192/kWh mula sa dating P6.939/kWh noong nakaraang buwan, dahil sa lower costs mula sa supply contracts ng kumpanya.
Maging ang charge mula sa independent power producers (IPPs) at power supply agreements (PSAs) ay nabawasan din umano sa buwang ito. (Daris Jose)
Atty. Velicaria-Garafil, tinanggap ang alok na maging Usec at OIC ng OPS- Malakanyang
PORMAL nang nagbitiw sa tungkulin si Atty. Cheloy Velicaria-Garafil bilang chairperson ng Land Transportation Franchisin and Regulatory Board (LTFRB).
Sa pagbibitiw niya bilang chairperson ng LTFRB ay tinanggap naman niya ang alok na tumulong sa tanggapan ng Office of the Press Secretary bilang Undersecretary at OIC.
“Today, October 7, 2022, I tendered my resignation as LTFRB Chairperson as I have accepted the offer to help in the Office of the Office of the Press Secretary as its Undersecretary and OIC,” ayon kay Velicaria-Garafil.
“This is a great honor and privilege and i thank the President for this opportunity to once again work with him in his administration to serve the Filipino people,” wika pa nito.
Sa kabilang dako, “yes” naman ang naging tugon ni Executive Secretary Lucas Bersamin nang tanungin kung si Velicaria-Garafil ang tatayong OPS OIC at Usec.
Samantala, deadma lang si Atty. Cheloy Garafil kung Officer in Charge (OIC) lang ang kanyang status sa sa Office of the Press Secretary (OPS).
Sa naging panayam ng Malacanang Press Corps kay Atty. Garafil, tinuran nito na mas binibigyang bigat niya ang “trust and confidence” na ipinagkaloob sa kanya ni Pangulong Ferdinand Marcos Jr. para pamunuan ang OPS.
Wika nito, hindi na importante sa kanya kung OIC man ang kanyang estado sa kanyang bagong trabaho dahil ang mahalaga ay ang pagkakataon na ipinagkaloob sa kanya nni Pangulong Marcos na makatulong sa OPS.
Matatandaang, noong nakaraang linggo ay ipinatawag si Atty. Garafil ni Pangulong Marcos at doon ay inialok sa kanya ang puwesto.
Ayon sa Chief Executive, kailangan aniya niya ng isang taong maaaring makatulong sa naturang tanggapan na agad naman niyang tinanggap.
Habang nito lamang nakaraang Huwebes ay nagpahapyaw na ang Punong Ehekutibo na ang kanyang itatalaga sa OPS ay kaibigan ng media at isang media practitioner na maalam sa messaging.
Si Atty. Garafil ay dating TV reporter at naging print journalist din bukod pa sa isa itong abogado at nagsilbi rin bilang Chief of Staff ni dating Pangulong Gloria Macapagal-Arroyo. (Daris Jose)
PIE Channel, angat sa mga palaro at talentong Pinoy… ANJI, naka-relate sa mga ‘ekstra’ at nakaranas na ibabad sa tubig
PANALONG-PANALO ang PIE (Pinoy Interactive and Entertainment) Channel sa paghahatid ng mga angat na palaro at talentong Pinoy dahil sa mas pinasiksik na mga programa sa PIENALO PINOY GAMES, PIEGALINGAN, at PAK PALONG FOLLOW ng
Masayang mga larong tatak Pinoy kung saan bayanihan at diskarte ang kailangan ng mga nanonood sa kanilang mga tahanan sa PIENALO PINOY GAMES.
Mula Lunes hanggang Biyernes maaring makapag uwi ang sambayanan ng hanggang 50,000 pesos. Pwedeng salihan ang “Matching Matching” ( 7 pm – 8 pm) na isang “matching” card game na hango sa Filipino card game na ungguy-ungguyan at ang “Dagdag Bawas” (6 pm – 7 pm) na interactive game na tungkol naman sa tantyahan.
Pagsapit ng Sabado, tiyak aapaw ang saya at papremyo hanggang 100,000 pesos sa “PoB Sana All!” ( 6 pm – 8 pm) na interactive comeback ng sikat na ABS-CBN game show na “Pera o Bayong.” Tuwing Linggo naman mapapanood ang “Sino’ng Manok Mo?” (6 pm – 8 pm) kung saan may tsansang manalo ng perang papremyo ang 100 viewers.
Magsisilbing jocks naman ng PIENALO PINOY GAMES sina Eian Rances, Negi, Sela Guia, Kevin Montillano, Nicki Morena, Ruth Paga, Nonong Ballinan (Lunes hanggang Sabado) Inah Evans, Kid Yambao, Patsy Reyes, at Jackie Gonzaga (Linggo).
“Mas nagu-grow kami ‘nung nadagdagan kami na hosts. Masaya po kami off-cam. Talagang ang iingay namin and meron kaming group chat na nagpaplano kami ng mga gusto naming suotin or gawin for the show,” sabi ni Eian.
Dagdag kuwento pa ni Eian sa mga pinagdaanang isyu noong nasa loob pa siya ng PBB house na hindi ito naging madali na kung saan natanggap siya nang pamba-bash.
“Hindi talaga siya naging madali dahil ilang buwan ko ring dinala ‘yun bigat,” pag-amin ng actor/host.
“Pero as of now, sobrang okay na ako, kumbaga, nakalipas na sa akin ‘yun, in-end up ko na lahat. Sabi ko nga noong lumabas ako ng PBB, ito ‘yung time na mas magpapakilala sa labas.
“Everyday kong ipo-prove ang sarili ko sa mga tao. And thank you sa PIE kasi nabigyan ako ng ganitong opportunity na sa every day show na ito, maipapakita ko kung sino talaga ako.”
Ibinahagi rin ni Nicki na nagdarasal sila bago magsimula ang kanilang palabas.
“Before mag-start ‘yung show, nagdarasal kami. Palagi naming mantra sa show, magbabago kami ng buhay today. Kasi everyday marami kaming napapapanalong viewers,” saad niya.
Samantala, galing ang panlaban sa talent variety block na PIEGALINGAN kasama sina Anji Salvacion, Eris Aragoza, Ralph Malibunas, Sam Bernardo (Lunes hanggang Sabado), at PAK PALONG FOLLOW kasama sina Gello Marquez, Jeremy G, Reign Parani, at Vivoree (Linggo).
Masaya naman si Anji na nabigyan ng pagkakataong maging isang PIE jock. “I feel so blessed na I’m here and I’m given this opportunity to showcase myself, my personality, and my talent,” kwento niya.
Labis naman naka-relate si Anji sa pagiging ‘extra’ na pinagdaanan pa niya, pero mas matindi pa siyang kuwento na kung saan nagiging emosyonal pag naaalala niya.
“Grabe talaga ang iyak ko noon, kasi it was so sad, but i was happy rin. Kasi nakababad ako sa tubig for the entire day. Hindi ako nag-swimming, para kasi ‘yun sa commercial ng sabon, double body kasi ako eh.
“But you know what, I appreciate life more and those people na who really work hard and auditioned so hard. Kasi it was really hard, during, wala pang pandemic, kasi yun linyahan sa audition.
“Tapos ‘yung pawis mo, patak na patak na, yung mukha mo, putok na putok na yun make-up mo, habang nakapila. It was a learning experience na, it just make overall make me grateful and grounded.”
Samantala, nagbahagi naman si Jeremy G kung bakit malapit sa kanyang puso ang kanilang show na PAK PALONG FOLLOW.
“Sa PAK PALONG FOLLOW we give the platform to content creators to show their talents. And then we give them the opportunity to be exposed sa mga katroPIE natin,” sabi ni Jeremy.
Mula Lunes hanggang Sabado, maaaliw ang viewers sa husay ng Pinoy sa “Ekstra Ordinaryo” (4 pm – 5 pm) at Ekstra Oridinaryo Next Level na mga interactive artista search para sa mga taong gustong maging ekstra at artista sa mga palabas.
Ngayong linggo rin gaganapin ang grand PIEnals ng “Ekstra Ordinaryo Next Level.” Maglalaban na para sa titulo ang finalists na sina Mustafa (Ang Ekstrang Action Dad ng Tarlac), Popsy (Ang Ekstrang TikTokerist ng Tarlac), Juan (Ang Ekstrang Future Direktor ng Manila), Neo (Ang Ekstrang Dreamboy ng Manila), Rinoa (Ang Ekstrang Prinsesa ng Pamilya ng Cavite), at Minnie (Ang Ekstrang Adventurer ng La Union) upang matupad ang kanilang pangarap na makita sa TV o sine.
Tuwing Linggo, iba’t ibang talento naman ang ipapakita sa talk-variety show na “Pak! Palong Follow” (4 pm – 6 pm) na layuning ipamalas ang kakaibang mga talento ng netizens na nagbibigay sigla sa kanilang followers sa social media.
Ang PIE ang unang multiscreen, real-time interactive TV channel ng bansa, kung saan pwedeng sumali at manalo ng cash prizes ang araw-araw.
Hanapin ang PIE channel sa pag-scan ng iyong digibox. Available rin ito sa worldwide sa website (pie.com.ph), YouTube (https://youtube.com/iampieofficial), BEAM TV, Sky Cable Channel 21, at Cablelink Channel 100.
Pwede ring mapanood ang PIE live sa GLife ng GCash app. Ang PIE ay hatid ng ABS-CBN, Kroma Entertainment, BEAM, at 917Ventures. Sundan ang PIE (@iamPIEofficial) sa Facebook, Twitter, Instagram at TikTok para sa mga update.
(ROHN ROMULO)
Pasadong-pasado sa pagganap bilang Maria Clara: Pag-awit ni JULIE ANNE ng ‘Ave Maria’ habang nagpi-piano, nag-trending
NAGING madali ang pagka-cast kay Asia’s Limiless Star Julie Anne San Jose, bilang Maria Clara sa historical fictional fantasy portal ng GMA Network, ang “Maria Clara at Ibarra.”
Dahil sa maganda niyang boses, husay sa pagtugtog ng musical intruments, pasadong-pasado nga siya sa role, bukod pa sa mahusay din siyang umarte.
Nag-trending last Monday, October 10, ang eksenang kinanta ni Julie Anne ang “Ave Maria” habang tumutugtog siya ng piano. Lumutang ang boses ni Julie, habang tahimik na nakikinig ang mga bisita nila sa kanilang tahanan, sina Padre Damaso (Tirso Cruz III) at Padre Salvi (Juancho Trivino).
Pawang mahuhusay ang mga bumubuo ng cast ng serye, sa pangunguna ni Dennis Trillo as Ibarra, na puring-puri ng mga netizens ang acting niya, kahit ang pagsasalita niya ng Tagalog noong panahon ng mga Kastila.
At siyempre si Barbie Forteza as Klay, si Maria Clara Infantes ng panahon natin ngayon. Directed by Zig Dulay, napapanood ang “Maria Clara at Ibarra” at 8 pm, after “24 Oras.”
***
NAGPASALAMAT at masaya si Rocco Nacino na nakababa na siya mula sa lock-in taping nila ng “Maria Clara at Ibarra” sa Vigan City, Ilocos, on time sa pagsisilang ng kanilang baby boy ng wife niyang si Melissa Gohing, last Sunday evening, October 9, sa The Medical City, Ortigas City.
Noon kasing mediacon ng serye ng GMA, nabanggit ni Rocco na malapit na raw magsilang si Melissa, pero hindi niya alam kung libre na siya sa taping, pero naipangako raw niya sa production na tatapusin niya ang taping ng mga eksena niya ng serye bago siya bumaba.
Ginagampanan ni Rocco ang role ni Elias at makakatambal niya si Andrea Torres bilang si Sisa.
Sa ngayon ay hindi pa ibinibigay nina Rocco at Melissa ang name ng baby boy nila, na una lamang nilang tinawag na “Baby Moon.”
Congratulations to the new daddy and mommy!
(NORA V. CALDERON)
Maraming social media posts pero tungkol sa mga endorsements: HEART, kinalimutan na ang birthday message sa ‘estranged husband’ na si Sen. CHIZ
LAST Monday, October 10, nag-celebrate ng kanyang 53rd birthday si Senator Chiz Escudero.
Nabigo ang mga fans nila ni Heart Evangelista, na magparamdam man lamang kahit sa social media ang actress. Maraming posts si Heart sa kanyang social media pero tungkol lamang iyon sa kanyang mga endorsements.
May nag-try na fan kay Heart na batiin niya si Sen. Chiz, pero photos pa rin ng mga ini-endorse niya ang pinost niya, at doon nga nakita ang fingers niya na hindi na niya suot ang wedding ring nila ng Senador.
Dahil magkakasama si Sen. Chiz at mga kasamahang Senador dahil nag-attend sila sa paglagda ni President Bongbong Marcos ng SIM Card bill, sabi’y nagpa-ice cream siya dahil maraming nagpadala naman ng pagkain sa kanya.
***
MATAPOS muling makatambal ni Kelvin Miranda si Mikee Quintos sa isang episode ng “Magpakailanman” last Saturday, ngayon ay may bago na siyang katambal sa upcoming GMA Afternoon Prime series na “Unica Hija,” si Kate Valdez.
Naiiba ang kanilang seryeng gagawin dahil dual role si Kate sa drama sci-fi series at iyon nga raw ang aabangan ng mga viewers, kung sino sa dalawang Kate ang makakatuluyan ni Kelvin.
Para sa mga fans, bagay daw sina Kelvin at Kate dahil parehong maganda ang mga mata nila, very expressive.
Makakasama nila sa serye sina Katrina Halili, Mark Herras, Faith Da Silva, Athena Madrid, Boboy Garrovillo, Maricar de Mesa, Bernard Palanca, Maybelyn dela Cruz, Biboy Ramirez, Jennie Gabriel, Jemwell Ventenilla, at si Alfred Vargas sa isang natatanging pagganap.
Very soon ay mapapanood na ang “Unica Hija” sa GMA Afternoon Prime.
(NORA V. CALDERON)
HB 5402: Senior’s discount sa traffic fines, minungkahi
Ang House Bill 5402 ay inihainsamababangkapulunganupangmabigyan ng diskwento ang mga senior citizens ng 20 porsiento kung sakalisila ay mahulisamga traffic violations.
Si Rep. Dan Fernandez ng distrito ng Sta. Rosa City sa Laguna ang naghain ng nasabing HB.Ang HB 5402 ay naglalayonnaamendyahan ang Senior Citizens Act of 2003 (RA 7432).
“In furtherance of the laudable Filipino consciousness that our elderlies still much to contribute to nation-building this bill further accords our senior citizen-drivers the privilege of enjoying a discount of 20 percent on traffic fines that may be imposed upon them,” wikani Fernandez.
Ayon sa kanya ang mga senior citizens ay mahinana ang mga reflexes, instinct at skills sapagmamanehokumaparanoongsila ay bata pa. Dagdag pa niyanahindina sharp ang kanilangisip tungkongsapagmamaneho kung kaya’tsila ay vulnerable ngmagkamali.
Pinaliwanag din ni Fernandez na ang mga senior citizens ay nagmamaneho pa rinkahitnasila ay may advanced age dahilnarinsamadamingkadahilanan.
“Elderly Filipinos driving jeeps and cabs are still common sights on the road. Many seniors also drive their grandchildren to schools, in reporting for work or simply as designated driver of the family,” saadni Fernandez.
Sinabirinniyana ang diskwento ay kinakailanganlalona kung ang mga seniors ay umaasalamangsapagmamaneho ng mgapampublikongsasakyan kung saanito ay kanilangpinagkukunan ng pagkakakitaan at kabuhayan.
“Given the usual small amount of such charges or fines, it may be argued that whatever revenue loss to the government that might arise from the proposed discount, this would be far outweighed by the benefit of promoting the welafe and morale of our senior citizens,” wikani Fernandez.
Ang nasabing HB 5402 ay nakapaloob ang lahat ng mgamultasamga traffic violations napinapataw ng national government agencies at local government units.
Inuutusan ng HB 5402 ang Land Transportation Office (LTO) at ang Chairman ng Metropolitan Manila Development Authority (MMDA) nagumawa ng implementing rules at regulations kapagnaisabatasna ang nasabing bill.
Sa kabilangdako naman, si veteran election lawyer Romulo-Macalintalnaisang senior citizen ay nanawagansamgamambabatasnamulingihain ang HB 9544 ni dating congressman Lito Atienza kung saannaglalayonnamabigyan ng diskwento ang mga senior citizens kung sila ay gagamit ng mga expressways.
“Reviving and re-filing the bill will rectify the apparent wrong committed by our legislators, especially the representative of the senior citizens in Congress,w hen they practically abandoned them,” ayon kay
LASACMAR
Commuters, motorcycle taxi drivers panalo sa Grab-MoveIt deal – consumer group
PINURI ng isang consumer group ang pakikipagtambalan ng Grab Philippines sa motorcycle taxi firm na MoveIt dahil anito’y makatutulong ito upang lalong maibsan ang paghihirap sa pagbibiyahe ng mga Pinoy commuter, lalo na sa Metro Manila.
Ayon sa Bantay Konsyumer, Kalsada, Kuryente (BK3), ang investment deal sa pagitan ng Grab at MoveIt ay isang magandang balita rin para sa mga motorcycle taxi driver na nakadepende ang kita at kabuhayan sa iba’t ibang ride-hailing apps.
Ang motorcycle taxis ay nasa proseso na ng pagsasa-legal bilang isang anyo ng public transportation at ang operasyon ng mga ito sa kasalukuyan ay isang pilot study pa lamang.
“Dagdag-hirap lalo na kapag rush hour na. Malaking tulong ang dagdag bilang ng mga motorcycle taxis ng MoveIt para gumaan kahit paano ang paghihirap ng mga mananakay at maiangat ang kalidad ng kanilang araw-araw na pamumuhay,” dagdag niya.
Sinabi ni Montemar na siguradong makatutulong ang mga karagdagang MoveIt riders sa pampublikong transportasyon sa National Capital Region na problematiko na bago pa magkapandemya.
Para sa convenor ng BK3, ang Grab-MoveIt investment deal ay isang pagmamalas ng “tunay na malasakit sa ating mga kababayan na araw-araw na sumasakay sa mga pampublikong transportasyon.” (Daris Jose)
Sim cards, obligado nang iparehistro
GANAP nang batas ang pagpaparehistro ng sim card, matapos itong lagdaan ni Pangulong Ferdinand Marcos Jr ngayong umaga sa Malacanang.
Sa kanyang mensahe, sinabi ng pangulo na matagal na dapat itong naisabatas.
Isa aniya itong epektibong paraan ng pag-regulate ng mga sim card na karaniwang ginagamit sa mga panloloko o spam at scam messages.
Ayon sa pangulo, ang batas na ito ay magbibigay ng mas malakas na panlaban sa pagsasagawa ng mga iligal na aktibidad o krimen.
Sa ilalim ng Sim Card Registration Act, sinabi ng pangulo na obligado ang publiko na may cellphone at gumagamit ng sim cards na magparehistro.
Sinumang hindi magri-rehistro sa itinakdang panahon ay otomatikong madi-deactivate ang sim card.
Inaatasan naman ang mga telecommunication companies na panatilihing confidential ang pagkakakilanlan ng nagmamay ari ng sim card.
Maliban na lamang kung may utos ang korte na makuha at isiwalat ang pangalan ng nagmamay ari nito o may hiling ang mga otoridad na ito ay mabunyag dahil sa mga insidenteng ginamit ang sim card sa iligal na gawain o krimen at ito ay kasama sa imbestigasyon ng mga otoridad.
Ito ang kauna-unahang panukala na naisabatas ng administrasyong Marcos, na ayon sa pangulo ay napapanahon sa mga nangyayaring iligal na aktibidad gamit ang sim cards.
Sa ilalim ng RA 11934, isasagawa ang sumusunod:
*pagpaparehistro ng lahat ng SIM cards, dahilan para maobliga ang lahat ng public telecommunication entity o direct seller na magmintena ng SIM Card Register ng kanilang mga subscriber na maglalaman ng lahat ng impormasyong kailangan sa ilalim ng batas
*kakailanganin nang magpresenta ng end users ng SIM cards ng valid identification document para ma-validate ang kanilang pagkatao
*ioobliga rin ng batas na mairehistro ng mga telecommunications entities ang mga lumang SIM card phone subscribers sa loob ng isang takdang panahon
*magtatakda ng parusa ang batas sa paggamit ng pekeng impormasyon sa tuwing nagrerehistro ng SIM card
Pagtitiyak din ng gobyerno, magkakaroon naman ng proteksyon ng confidentiality at data privacy rights ng mga subscriber na siyang mangyayari oras na ibinenta ang SIM.
Sa kabila nito, maaaring pwersahin ang mga public telecommunication entity na ibahagi ang impormasyong nasa rehistro ng SIM card matapos makapagpaluwal ng subpoena o court order upang “mapigilan ang paggawa ng krimen gamit ang cellphones.” (Daris Jose)