- April 4, 2026
Ang Diyaryong Pinagkakatiwalaan
Archive for October, 2022
High trust para sa AFP , hindi ikinagulat ng Malakanyang
HINDI na ikinagulat pa ng Malakanyang ang kamakailan lamang na survey ng PUBLiCUS na nagpapakita na nakakuha ang Armed Forces of the Philippines (AFP) ng mataas na “trust rating” mula sa 10 ahensiya ng pamahalaan.
Ang katwiran ng Malakanyang, kitang-kita naman kasi kung paano gampanan ng AFP ang tungkulin nito sa panahon ng sakuna.
Makikita kasi sa PUBLiCUS’ Pahayag 3rd Quarter Survey na ang AFP ay nakakopo ng “highest trust rating” na 57%, sinundan ng Technical Education and Skills Development Authority (TESDA), 56% at Department of Education (DepEd) 55%.
Sinabi ni OPS Officer-in-Charge (OIC) Undersecretary Atty. Cheloy Velicaria-Garafil na hindi na ito nakagugulat dahil ang AFP aniya ay direktang kasama sa “search and rescue operations.”
“The AFP has the Army, Navy and Air Force at its disposal during times of calamities and disasters such as typhoons and earthquakes. Army soldiers are responsible for conducting rescue and relief missions in far-flung areas in the provinces. Navy personnel are engaged in seaborne search and rescue operations,” ayon kay Velicaria-Garafil.
Ani Velicaria-Garafil , ang TESDA at DepEd na nasa 2nd at 3rd spots sa trust ratings ay isang indikasyon kung paano pinahahalagahan ng mga tgao ang skills training at basic education.
Samantala, ang Top 10 government agencies na may mataas na trust ratings ay ang Bangko Sentral ng Pilipinas (BSP), 53%; Department of Social Welfare and Development (DSWD), 49%; Commission on Higher Education (CHED), 48%; Department of Science and Technology (DOST), 47%; Department of Health (DOH), 45%; Department of Tourism (DOT), 44% at Department of Labor and Employment (DOLE), 44%.
“The same goes with DSWD, CHED, DOST, DOH, DOT and DOLE whose services are directly felt by ordinary Filipinos who are constantly seeking help and assistance from the national government,” wika pa ni Velicaria-Garafil.
Aniya pa, “the government agencies within the Top 10 with high trust ratings are those who have direct contact with the people, especially in the delivery of basic social services.”
Samantala, ang Top 10 agencies na may high approval ratings ay kinabibilangan ng TESDA, 68%; AFP, 67%; DepEd, 63%; BSP, 63%; DSWD, 62%; DOST, 61%; CHED, 61%; DOT, 60%; Department of Foreign Affairs at DOLE na may 58% kada isa.
Ang trust ratings ay ang pagkakaiba sa pagitan ng approval at disapproval ratings.
Sa kaso ng pinakabagong PUBLicus Asia survey, ang Top 10 government agencies na may mataas na approval ratings ay iyong mayroong mataas na trust ratings, maliban sa DOH.
Samantala, ang Pahayag survey ay ginawa mula Sept. 16 hanggang 20 ngayong taon, binubuo ng 1500 Filipino respondents, sample ng PureSpectrum, isang US-based panel marketplace na mayroong multinational presence, mula sa national panel nito na mahigit sa 200,000 Filipino.
Ang sample-wide margin of error ay +/- 3%.
Ang Pahayag ay isang independent at non-commissioned national purposive survey ng PUBLiCUS Asia Inc. Pahayag, ay isang corporate social responsibility program ng PUBLiCUS, ipinalalabas quarterly. (Daris Jose)
Ancajas target na umakyat ng weight division
BALAK ni Filipino boxer Jerwin Ancajas na umakyat ng weight division.
Kasunod ito sa pagkatalo niya sa kanyang rematch kay IBF champion Fernando Martinez.
Sinabi nito na hindi na ito nababagay sa junior bantamweight division kaya natalo siya.
Naniniwala siya na walang naging problema sa kaniyang kondisyon at stamina sa laban subalit hindi niya maresolba ang stilo ng laban ni Martinez.
Dahil sa pagkatalo ay binabalak niyang umakyat ng 118 pound division sa susunod na laban niya.
Napansin ng kampo nito na hindi na gaano kalakas ang kaiyang mga suntok kumpara noong mga nakaraang taon ng lumalaban siya sa 115 lbs division.
Anak ni DOJ Sec. Remulla nasa kustodiya ng PDEA matapos pormal na sampahan ng kaso
NASAMPAHAN na ng kaukulang kaso ang panganay na anak ni Department of Justice (DOJ) Secretary Jesus Crispin “Boying” Remulla na si Juanito Jose Diaz Remulla III.
Ayon kay Philippine Drug Enforcement Agency (PDEA) spokesperson Dir. Derrick Carreon, nakasuhan na si Remulla ng paglabag sa Section 4 o importation of dangerous drugs sa ilalim ng Article 2 ng Republic Act 9165 o kilala bilang Comprehensive Dangerous Drug Act of 2022.
Bukod pa dito ay nasampahan na rin ito ng kasong paglabag sa Section 1401 ng Republic Act 10863 o Customs Modernization and Tariff Act.
Dagdag pa ni Carreon na ang mga kaso ay isinampa ng Las Piñas City Prosecutor’s Office nitong Huwebes ng umaga.
Kasalukuyang nasa kustodiya na ng PDEA detention facility nila si Remulla at hihintayin nila ang kautusan mula sa korte.
Naaresto si Remulla dahil sa pagkustodiya ng kush o tinatawag na mga high grade marijuana.
Magugunitang tiniyak ng ama nito na si DOJ Secretary Remulla na hindi ito makikialam sa kasong kinakaharap ng anak.
Samantala, nanindigan ang kalihim na hindi siya makikialam sa kasong kinakaharap ng kanyang anak.
Siniseryoso niya ang kanyang tungkulin bilang ama at Secretary ng Justice at kinakailangang harapin ng kanyang anak ang kaso. Hahayaan din umano niyang gumulong ang hustisya, habang nagpasalamat naman ito sa PDEA sa pagtupad ng kanilang tungkulin.
Mahirap man umano ang pinagdaraanan nila ngayon igagalang nalang niya ang justice system sa bansa.
Patuloy niyang tutupdin ang kanyang sinumpaang pangako nang tanggapin niya ang naturang posisyon.
Nauna nang kinumpirma ni Cavite Gov. Jonvic Remulla sa kanyang Official Facebook Page na pamangkin niya si Juanito at panganay na anak na lalaki ni Sec. Boying Remulla.
Si Sec. Boying ay kasalukuyang nasa Geneva at pauwi pa lamang sa araw na ito.
Ayon sa ulat, dakong alas-11:10 ng umaga noong Martes nang arestuhin sa ikinasang operasyon ang suspect.
Ang parcel na may tracking number CH 170089152 ay galing sa Estados Unidos ay kabilang sa controlled delivery operation sa bodega malapit sa NAIA kung saan si Juanito ang siyang consignee.
Isasailalim sa inquest proceedings ang suspek sa Las Piñas Prosecutors’ Office dahil sa paglabag sa Republic Act 9165 (Comprehensive Dangerous Drugs Act of 2002). (Daris Jose)
Mariing itinanggi ang akusasyon sa kanya: RICHARD, nag-file ng cyber libel complaint laban sa nagpakalat na may inabandonang anak
NAG-FILE ng cyber libel complaint ang Kapuso actor na si Richard Yap laban kay Nina Mabatid dahil sa pagkalat nito na meron siyang inabandonang anak.
Sa Facebook account ng aktor naka-post ang kanyang warrant kay Mabatid.
“Thank you Lord that the wheels of Justice are finally moving. Even though she tried to influence the Fiscals by calling them during the investigation which was illegal. The fiscals were honest and fair and upright and could not be swayed by her threats and use her of her influence,” post ni Yap.
Nagsampa ng kanyang complaint si Yap pagkatapos na mag-post ng court order si Mabatid sa Cebu Regional Trial Court at ipakita na si Joshua Jensen bilang petitioner at si Yap ang respondent.
“Abandoned child by Actor Richard Yap filed a case against YAP for paternal suit. As an advocate of the protection and welfare of children, I pray for DNA TESTING kay maluoy ko sa bata. pero di man cya pa test but once the court orders wala cya’y mahimo? in my opinion liwat kaayo cya ni richard yap,” ayon sa pinost ni Mabatid.
Sa isang pang post, kinuwento ni Mabatid ang istorya ni Jensen noong una nitong nakita si Yap sa isang fast food commercial.
“Good luck Josh, I remembered your story na una mo cya hinanap sa office nya kasama lola mo, 3 years old ka pa lang nuon pero hindi nagpapakita, nakita mo cya sa Chowking advertisement pero hindi mo alam saan puntahan.
“Then nung nag-artista cya pumunta ka sa ABS-CBN ilang beses pero walang nangyari sabi mo nagtatago. gusto mo mag-file ng case matagal na pero wala kang address.
“Finally sa Cebu mo nakuha ang residence nya and you had to stay in Cebu para maka file ng case kahit nag waiter ka lang sa Cebu at minsan naubusan ng pera. Nakikikain ka pa kung sino2x. Tinulungan ka pa ni late Cong Raul delmar para maka punta ng Cebu.
“I hope the Lord will guide you para matahimik na ang kalooban mo. I know hindi pera ang habol mo kung hindi hustisya dahil sobrang puno ng sama ng loob ang puso mo. Gusto mo ipa mukha sa kanya na totoong anak ka nya kaya gusto mo ng DNA. Sana walang power play para lumabas ang katotohanan. Naghihirap ka ngayon pero may Dios, mag tiwala ka lang.”
Sa isang interview last year kay Yap, itinanggi niya na meron siyang illegitimate son.
“I’ve been in show business for 10 years and I still have a child? As you can see, that person is not from Cebu. He doesn’t know how to speak Bisaya. Why is he filing in Cebu? Who is behind that?” ayon pa sa aktor na kasalukuyang napapanood sa GMA Afternoon Prime teleserye na Abot Kamay Na Pangarap.
***
NATIKLO ang former beauty queen na si Jewel May Lobaton dahil sa pagkakasangkot nito sa isang illegal na investment scam.
Ayon sa report, nahuli si Lobaton sa Laoag City at naka-detain siya ngayon for estafa charges. Inaresto si Lobaton ng mga miyembro ng Batangas Provincial Office (PPO) sa tulong ng Laoag City Police.
Nilabag ni Lobaton ang Article 315 ng Revised Penal Code o estafa.
“Nagpapakilala siyang producer, talent agency…nagsasabi rin siya po na may party-list, but she’s actually not represented by any. Ginagamit nga niya ang apelyido ng dati niyang kinakasamang politician para maniwala itong mga would-be victims niya sa kanyang pangs-scam,” ayon sa report ni Batangas PPO director Police Colonel Pedro Soliba.
Umabot na raw sa 50 million pesos ang na-scam ni Lobaton mula sa iba’t ibang biktima nito, kasama na ang ilang government officials.
Wala pang binibigay na statement si Lobaton na kinoronahan noon bilang Binibining Pilipinas-Universe 1998 at lumaban siya sa Miss Universe pageant sa Honolulu, Hawaii.
Ex-husband ni Lobaton si Senate Minority Leader Aquilino “Koko” Pimentel III na nagsabi na dumidistansya na siya sa dating asawa.
Tweet ni Sen. Pimentel: “Calling on all media practiotioners to desist from mentioning me or the Pimentel name in connection w/ news about the arrest of Jewel Lobaton. The marriage has long been dissolved/declared null & void by the court & by the church. Meaning, Jewel Lobaton has no right to use the surname Pimentel.”
Kinasal noong 2000 sina Pimentel at Lobaton. Naghiwalay sila noong 2012. Na-annul ang kanilang kasal noong 2018. Meron silang dalawang anak na lalake.
***
NAGBABALIK si Lindsay Lohan sa pamamagitan ng Netflix Christmas movie titled Falling For Christmas na magsisimula sa November 10.
Sa first trailer ng holiiday movie, sinabi ng 36-year old former teen star na: “Christmas has come early this year and I come bearing gifts.”
Sa naturang holiday rom-com, gaganap si Lohan bilang spoiled hotel heiress na si Sierra na nagkaroon ng total amnesia pagkatapos ng isang ski mountain pagkatapos na mag-propose ang boyfriend niya sa kanya. Kinupkop siya ng isang pamilya na may-ari ng isang ski lodge at magkakaroon sila ng romantic storyline ng lodge owner na isang biyudo played by Glee’s Chord Overstreet.
“Doing films, playing a character, it brings me so much joy to be able to share a story with people. To take people on that journey with me is such a blessing. It’s such a refreshing, heartwarming romantic comedy and I miss doing those kinds of movies,” sey ni Lohan sa kanyang acting comeback.
Falling For Christmas is directed by Janeen Damian and also stars George Young, Jack Wagner, Olivia Perez, Alejandra Flores, Chase Ramsey, Sean Dillingham, Antonio D. Charity and Lohan’s real-life sister Aliana, who also has two original songs included in the film.
(RUEL J. MENDOZA)
90% ng 4Ps beneficiaries ‘below poverty’ pa rin kahit 7-13 taon na sa programa — COA
HINDI umangat sa laylayan ang karamihan ng pinakamahihirap na Pilipinong nakikinabang sa Pantawid Pamilyang Pilipino Program — ito kahit higit P537 bilyon na ang nagastos dito at lampas isang dekada nang benepisyaryo ang ilan sa kanila.
Ito ang ibinahagi ng Commission on Audit (COA) sa kanilang 2022 follow-up sa performance audit ng 4Ps program ng gobyerno, bagay na isinapubliko kamakailan.
“[W]e looked into the relevant data and found that about 3,820,012 or 90% of the 4,262,439 active household-beneficiaries have been with the program for seven to 13 years with a total of P537.39 billion cash grants given as at June 30, 2021,” sabi nila sa naturang ulat.
“This means that 90% of the active household-beneficiaries remained below poverty threshold even after being in the program for a long period of time.”
Taong 2017 nang irekomenda ng COA na magsagawa ng impact evaluation ang gobyernong nagbibigay-diin sa epekto ng programa sa pagsugpo sa kahirapan.
Una nang lumabas sa mga evaluation na nagkaroon ng positibong epekto ito sa karamihan ng target education at health outcomes ng mga bata at buntis.
Sa kabila nito, hindi natalakay ng nakaraang pag-aaral ang direktang kaugnay ng programa sa pagpapababa ng kahirapan sa Pilipinas.
“We raised this issue in view of the significance of the amount allocated to 4Ps wherein from CYs 2008–2021, the program received a total amount of P 780.71 billion,” sabi pa ng COA.
Mahalaga raw ang mga detalyeng ito dahil nililimitahan ng Republic Act 11310 ang pagiging benepisyaryo sa pitong taon. Matapos ito, tatanggalin sila sa listahan umahon man sila sa hirap o hindi.
Ang 4Ps, na siyang ipinatutupad ng Department of Social Welfare and Development, ay ang “national poverty reduction strategy ng gobyerno” alinsunod sa R.A. 11310, bagay na nilagdaan ni dating Pangulong Rodrigo Duterte. Sa kabila nito, matagal nang may 4Ps bago pa ma-institutionalize.
Naka-pattern ito sa conditional cash transfer scheme na ipinatutupad sa iba pang developing countries, bagay na ibibigay lang kung susunod ang mga residente sa mga kondisyones ng programa.
Narito ang mga “eligible beneficiaries” at mga benepisyong kanilang maaaring makuha:
Sa datos ng DSWD, aabot sa 4.29 milyon ang poor households, na siyang sumasaklaw sa 41,606 barangay, 146 lungsod at 1,481 munisipalidad.
Mungkahi ngayon ng COA na i-“fast track” ng DSWD ang data cleansing nito at kumpletuhin ang informations technology systems upgrade, alinsunod na rin sa Informations Systems Strategic Plan, maliban sa palagiang paglulunsad ng “national household assessment” sa ilalim ng RA 11310.
“COA also recommends that DSWD shall report on the program’s status on poverty alleviation, consistent with Section 17 of the 4Ps Act,” sabi pa ng komisyon.
Dati nang binabatikos ng mga progresibong grupo gaya ng Makabayan bloc na nagsisilbing “dole out” o limos lang ang conditional cash transfers ng 4Ps, bagay na hindi raw talaga tutugon sa kahirapan.
Aniya, mas mainam pa rin ang paglikha ng trabaho, pambansang industriyalisasyon at repormang agraryo upang makaahon ang bansa sa pagdarahop.(Daris Jose)
Pacquiao patok sa South Korea
MALA-rock star ang pagtanggap ng South Korea kay eight-division world champion Manny Pacquiao na kasalukuyang nasa Seoul para sa promotions ng exhibition match nito.
Kasama ni Pacquiao sa pagpo-promote si Korean YouTuber DK Yoo para sa kanilang bakbakan sa Disyembre 10 na idaraos sa naturang bansa.
Mainit ang pagtanggap ng South Korean fans kay Pacquiao na dinudumog ng mga tagahanga nito doon.
Sa katunayan, nakatakdang maging guest si Pacquiao sa South Korean variety program na Knowing Bros.
Idaraos ang taping ng episode ni Pacquiao ngayong araw ngunit wala pang petsa kung kailan ito ipalalabas sa buwan na ito.
Makakasama ni Pacquiao sa episode sina South Korean actors Lee Hoon at Yoon Hyung-bin, Kim Yo-han ng Kpop boy group WEi at Sandara Park na dating sumali sa Star Circle Quest sa Pilipinas.
Mas kilala na si Sandara sa tawag na Dara sapul nang sumali ito sa dating K-pop group na 2NE1.
Excited na si Dara na makasama si Pacquiao sa programa kung saan inaasahang ito ang magsisilbing interpreter ng Pinoy champion.
Matagal na nanatili sa Pilipinas si Dara kaya’t marunong itong magsalita ng Pilipino.
Host naman ng Knowing Bros sina Kang Ho Dong na dating Korean traditional wrestling champion, at Seo Jang-hoon na dating professional basketball player at miyembro ng national team ng Korea.
Napaulat pa na magiging guest din si Pacquiao sa Korean reality show na Running Man
Nakipagpulong din sa mga Chinese delegates: Sen. IMEE, personal na namahagi ng tulong sa Dingalan at Polillo Island
I-TAG kasama si Senator Imee Marcos sa kanyang newest vlog entries na kung saan ang kanyang ‘ImeeSolusyon’ ay nagbigay ng kinakailangang tulong sa mga biktima ng super typhoon Karding.
Bumisita si Senator Imee sa munisipalidad ng Dingalan, sa lalawigan ng Aurora, at sa Polillo Island sa Quezon para personal na ipamahagi ang mga relief items sa mga pamilyang nawalan ng tirahan, na nasalanta ng malakas na bagyo.
Namigay ang butihing Senadora ng cash assistance na Php 5,000.00 bawat isa sa mga residente kasama ang Nutribuns, food packs, itlog at gulay, sako ng bigas, at hygiene kits.
At sa Sabado, Oktubre 15, ibabahagi naman ni Sen. Imee ang isang video footage ng kanyang pakikipagpulong sa mga Chinese delegates na bumisita kamakailan sa bansa, habang binibigyan sila ng exclusive tour sa makasaysayang Marcos mansion sa San Juan City.
Magtatampok din sa naturang vlog, ang mga highlights ng pulong at isang eksklusibong bidyo sa espesyal na regalo na ibinigay sa kanya ng mga Chinese visitors.
Maantig at magkaroon ng malalim na kamalayan sa kalagayan ng mga nasalanta ng bagyo at alamin kung ano ang espesyal na regalo na natanggap ni Sen. Imee.
‘Wag ding kalimutang mag-subscribe sa https://www.youtube.com/c/ImeeMarcosOfficial/featured.
(ROHN ROMULO)
BATAS na nagpapaliban sa Barangay, SK elections sa Disyembre 2022 pirmado na
TININTAHAN na ni Pangulong Ferdinand Marcos Jr. ang batas na naglalayong ipagpaliban ang nakatakda sanang Barangay at Sangguniang Kabataan (SK) elections sa Disyembre 2022.
Nilagdaan ng Pangulo ang Republic Act (RA) No. 11935, nito lamang Lunes, Oktubre 10, batas na naglalayong ipagpaliban ang Barangay at SK elections na nakatakda sana sa Disyembre 5 ngayong taon at ginawa na itong huling linggo ng Oktubre sa susunod na taon.
“There shall be synchronized Barangay and Sangguniang Kabataan elections, which shall be held on the last Monday of October 2023 and every three years thereafter,” ang nakasaad sa batas.
Sa ilalim ng RA 11935, ang term of office ng mga mahahalal na mga barangay at SK officials ay magsisimula sa Nov. 30 matapos ang eleksiyon.
“Until their successors shall have been duly elected and qualified, all incumbent Barangay and Sangguniang Kabataan officials shall remain in office, unless sooner removed or suspended,” ayon sa batas.
Sinasabing ipagpapatuloy ng mga Barangay at SK officials na pawang mga ex officio members ng Sangguniang Bayan, Sangguniang Panlungsod, o Sangguniang Panlalawigan ang pagseserbisyo hanggang sa susunod na Barangay at SK elections maliban na lamang kung aalisin sa puwesto.
“The amount necessary for the implementation of RA 11935 will be taken from the appropriations of the Commission on Elections under the General Appropriations Act and/or supplementary appropriations,” ayon sa RA 11935.
“If any portion or provision of this Act is declared unconstitutional, the remainder of this Act or any provisions not affected thereby shall remain in force and effect,” ang nakasaad pa rin sa RA 11935.
“All other laws, acts, presidential decrees, executive orders, issuances, presidential proclamations, rules and regulations which are contrary to and inconsistent with any provision of RA 11953 are repealed, amended, or modified accordingly,” ayon pa rin sa nasabing batas.
Kung maalala una nang pinagtibay ng Senado at ng Kamara ang consolidated version ng House Bill No. 4673 at Senate Bill No. 1306 noong Sept. 28, 2022 sa kabila ng pagtutol ng ilang grupo, tulad ng Namfrel at iba pa. (Daris Jose)
Kinabog ang tatlong kalaban sa korona: PRECIOUS PAULA NICOLE, first winner ng ‘Drag Race Philippines’
SI Precious Paula Nicole na taga-Daet, Camarines Norte ang kinoronahan bilang season one winner ng Drag Race Philippines!
Kinabog ni Precious ang tatlo niyang kalaban sa korona na sina Marina Summers, Eva LeQueen at Xilhouete. Being season one winner, napanalunan ni Precious ang premyong 1 million pesos at one year supply ng makeup brand ni Patrick Starr na ONE/SIZE.
Si Marina Summers of Nueva Vizcaya ang huling nakatapat ni Precious sa final lip sync at nag-perform sila sa awiting “Sirena” ni Ebe Dancel.
Dahil sa mga ginawang pasabog ni Precious sa final lip sync, siya ang hinirang na winner.
“Life is precious and so are we. Let’s continue to inspire and let’s continue to love. I am Precious Paula Nicole, your Drag Race Superstar,” sey ni Precious nang koronahan siya ng host na si Paolo Ballesteros a.k.a. Mawma Pao.
Bago ang Lip Sync For The Crown challenge, nagpakita ng kanilang final looks sa runway ang Top 4 na sina Precious Paula Nicole, Eve Le Queen, Xilhouette, and Marina Summers, Una ay ang Bongga Camp Day at sumunod ang Indigenous Extravaganza.
Impressive ang naging track record ni Precious sa naturang contest. Napanalunan niya ang Ru Badge sa pag-impersonate niya kay Regine Velasquez sa “Rusical” challenge.
Nag-top din siya sa apat pang challenges: Sagalamazon Ball, Pageant Improv, Makeover, and Music Video. Nagwagi rin siya sa Ru-lection mini challenge. At never siyang nalagay sa bottom two para mag-lipsync.
Labing-dalawang drag queens ang nagsabong sa iba’t ibang challenges sa 10-episode reality-competition show. Ang iba pang queens na sumali ay sina Prince, Corazon, Gigi Era, Turing, Lady Morgana, Viñas DeLuxe, Brigiding, at Minty Fresh.
Ginawad kay Lady Morgana of Davao City ang first Miss Congeniality award ng Drag Race Philippines.
Mga umupong hurado ay sina KaladKaren, Jiggly Caliente, Jon Santos, Rajo Laurel, BJ Pascual, Pops Fernandez, Pokwang, Miss Universe 2015 Pia Wurtzbach, Nadine Lustre, Patrick Starr at Asia’s Songbird Regine Velasquez-Alcasid.
All episodes of Drag Race Philippines and its Untucked segment are available on WOW Presents Plus, HBO GO, and Discovery Plus.
***
MARAMI ang nagulat sa transformation ng dating Kapuso child actor na si Miggy Jimenez.
Sumabak na rin kasi ito sa mga maseselang eksena sa Vivamax movie na Two And One.
Sa naturang erotic drama, nakipaghalikan si Miggy, hindi lang sa isa kundi dalawang lalake. Nagkaroon din sya ng threesome sex sa movie na tiyak ikagugulat ng mga nakatrabaho noon ng aktor sa mga nagawa niyang teleserye sa GMA.
Kasama noon si Miggy sa kiddie infortainment program na Tropang Pochi noong 2009. Mga nakasabay niya sa show sina Bianca Umali, Ella Cruz, Lianne Valentin, Miggs Cuaderno, at Julian Trono.
Nakabilang din si Miggy sa mga teleserye na Genesis, Once Upon A Kiss, Second Chances, Beautiful Strangers, Princess In The Palace at Suntok Sa Buwan. Nakasama rin si Miggy sa BL (Boys Love) series na Gameboys noong 2020 at unang pagsabak niya sa sexy na eksena ay sa Kitty K7.
Nahirapan raw i-explain ni Miggy sa kanyang mommy at girlfriend tungkol sa mga sexy na eksena niya sa kapwa lalake sa Two And One.
“Feeling ko it boils down to a good time to communicate, to sit down and talk things through. Kasi, hindi lang naman din ‘yung sarili ko ‘yung kino-consider ko which is siyempre, everyone around you, my mom, isa ‘yun sa mga walk through na kailangan ko ring suriin.
“For someone, na kailangan mo din sila i-enlighten. Na kailangan mo i-explain talaga, but pumupunta pa rin din doon ‘yung suporta. ‘Yung suporta pa rin na kailangan mo na to keep you going, kasi feeling ko, pag nasa isang relationship ka tapos wala ‘yung support, I feel like na hindi siya okay, na hindi ka namo-motivate na gawin ‘yun kasi parang hindi natutuwa ‘yung other half mo,” sey ni Miggy.
Dumating naman daw ang mommy niya screening ng Two And One para suportahan siya. Pero nagpaalam daw ito sa kalagitnaan ng pelikula. Naintindihan naman daw ni Miggy na hindi pa masyadong ready ito na mapanood siya sa gano’ng klaseng pelikula.
Sey ni Miggy: “I’m happy na she went like earlier, pero sabi niya po sa akin noong nagkita po kami na, ‘Okay lang ba na umalis ako in the middle of your film.’ Kasi she wasn’t really ready. And I understand. I do understand, but I can feel the support and how proud she is, but again, I have to respect her. And when she’s ready to watch it, I’ll watch it with her.”
***
PUMANAW na ang award-winning TV and theater actress na si Angela Lansbury sa edad na 96.
Nakilala ng sa buong mundo ang British-born actress dahil sa pagganap niya as Jessica Fletcher sa American crime series na Murder, She Wrote na umere mula 1984 to 1996.
Tumagal ng 70 years ang career ni Lansbury at nanalo siya ng anim na Golden Globes, limang Tony Awards at isang honorary lifetime Oscar.
Lumabas siya sa higit na 60 films, kabilang dito ang Gaslight, National Velvet, The Long, Hot Summer, Blue Hawaii, The Manchurian Candidate, Death on the Nile, Bedknobs and Broomsticks, Mary Poppins Returns, The Grinch, Nanny McPhee at naging boses siya ni Mrs. Potts sa Disney’s Beauty and the Beast.
On Broadway, pinuri ang performances siya sa Sweeney Todd: The Demon Barber of Fleet Street, Gypsy, A Little Night Music, Mame, The King and I, Blithe Spirit and The Best Man.
Pinanganak sa London si Lansbury on October 16, 1925. Nag-migrate sila to the US noong 1940 para matakasan ang giyera sa Europe. Sa edad na 17 ay kinontrata siya ng MGM Studios for seven years.
Ginawad kay Lansbury ang titulong “Dame” ni Queen Elizabeth II noong 2014.
(RUEL J. MENDOZA)