2022 October Archive - People's Balita

Archive for October, 2022

SEE A GRUMPY TOM HANKS IN THE OFFICIAL TRAILER OF “A MAN CALLED OTTO”

Posted on: October 22nd, 2022 by @peoplesbalita No Comments

Discover what can happen when you let life in. See Tom Hanks as Otto in the official trailer of Columbia Pictures’ heartwarming comedy/drama A Man Called Otto, in Philippine cinemas 2023.

YouTube: https://youtu.be/tCsSuaVsMIw

About A Man Called Otto

Based on the comical and moving # 1 New York Times bestseller, A Man Called Otto tells the story of Otto Anderson (Tom Hanks), a grumpy widower who is very set in his ways. When a lively young family moves in next door, he meets his match in quick-witted and very pregnant Marisol, leading to an unlikely friendship that will turn his world upside-down. Experience a funny, heartwarming story about how some families come from the most unexpected places.

Directed by Marc Forster (Finding Neverland), A Man Called Otto stars Tom Hanks (Philadelphia, Forrest Gump, Cast Away), Mariana Treviño (Club the Cuervos), Rachel Keller (Fargo) and Manuel Garcia-Rulfo (The Magnificent Seven). The screenplay is written by Academy Award® nominee David Magee (Best Adapted Screenplay, Life of Pi, 2012; Best Adapted Screenplay, Finding Neverland, 2004) based upon the best-selling novel “A Man Called Ove” by Fredrik Backman. The film is also based on the Swedish film written and directed by Hannes Holm. The film is being produced by Rita Wilson, Tom Hanks, Gary Goetzman and Fredrik Wikström Nicastro.

In Philippine cinemas 2023, A Man Called Otto is distributed by Columbia Pictures, local office of Sony Pictures Releasing International. Connect with the hashtag #AManCalledOtto

(ROHN ROMULO)

Dahil sa mahusay na pagganap sa PH adaptation ng ‘The Housemaid’… KYLIE, tatanggap ng ‘Philippines Actress of the Year’ sa DIAFA Awards sa Dubai

Posted on: October 22nd, 2022 by @peoplesbalita No Comments

PINUPURI ngayon ang Kapuso actor na si Juancho Trivino sa pagganap nito bilang si Padre Salvi sa historical portal fantasy series ng GMA na Maria Clara At Ibarra.

Ang husay daw na kontrabida ni Juancho at bilang si Padre Salvi, kuhang-kuha raw nito ang pagiging mabangis at mapanakit na kura paroko na may lihim na pagnanasa kay Maria Clara sa Noli Me Tangere ni Dr. Jose Rizal

May isang netizen nga ang nag-tweet na mas nakakatakot pa raw si Padre Salvi kesa kay Valentina sa Darna.

“Padre Salvi is the scariest villain on Philippine primetime TV right now!! Pasensya na muna Valentina!!!” tweet ng netizen na agad na impress noong mapanood si Juancho sa MCAI.

Ang isa pang tweet ay: “Please Juancho mahal kita. But you being Padre Salvi grabe sagad yung gigil ko sayo beh hahahaha”

Pinuri rin ni Kuya Kim Atienza ang performance ni Juancho sa teleserye. Humanga raw siya sa transition ni Juancho mula sa pananakit niya sa mga anak ni Sisa na sina Crispin at Basilio ay bigla itong lumuhod at nagdasal para humingi ng patawad sa kanyang ginawa.

Tweet ni Kuya Kim: “@juanchotrivino you are sooo good, naiinis ako when I see you on TV! Bravo #MCIpagtitimpi”

Nagpasalamat naman si Juancho sa mga natatanggap niyang papuri sa pagganap niya bilang si Padre Salvi. Ini-enjoy lang daw niya ang role na pinagkatiwala sa kanya.

“Ah thanks for this! Im very thankful however attention is not my priority. Gusto ko lang pag butihan ang pinagkakatiwala sakin at galingan ang trabajo.”

***

SI Kylie Verzosa ang tatanggap ng Philippines Actress of the Year award sa DIAFA Awards in Dubai.

Para ito sa naging performance ng former Miss International sa pelikulang The Housemaid.

Ang Vivamax ang nag-produce ng Philippine adaptation ng acclaimed South Korean film na dinirek ni Ramon Perez, Jr. na pinalabas noong 2021. Kasama rito ni Kylie sina Albert Martinez, Jaclyn Jose, Louise delos Reyes at Alma Moreno.

Ayon sa Viva Artists Agency, ang co-management ni Kylie, magaganap ang awards night on November 4 sa Dubai Creek Harbour Marina, United Arab Emirates.

“DIAFA is an annual unique and prestigious red carpet and awards ceremony which honors distinguished personalities from both the Arab and International world, in recognition of their annual achievements and contributions towards committees and society’s betterment,” sey ng VAA.

Natural at natuwa si Kylie dahil napatunayan niya na marunong siyang umarte at hindi lang isang beauty queen-turned-sexy actress ang tingin sa kanya ngayon.

(RUEL J. MENDOZA)

Dagdag na wastewater facilities, itatayo ng Manila Water

Posted on: October 22nd, 2022 by @peoplesbalita No Comments

MAGDARAGDAG ng wastewater treatment plants ang East Zone concessionaire Manila Water para matiyak na ang domestic wastewater mula sa mga kabahayan ay hindi magdudulot ng polusyon sa mga ilog at sa iba pang uri ng katubigan sa bansa.

Ayon sa Manila Water, ang hakbang ay bilang pagtalima nila sa Philippine Clean Water Act of 2004 na nangangalaga sa kalidad ng lahat ng uri ng katubigan sa bansa mula sa polusyon mula sa land-based sources tulad ng mga pabrika, mga kabayahan at commercial establishments.

“As Manila Water is committed to provide 24/7 clean and potable water to our customers, we are also focused on protecting the environment by making sure that we properly dispose, treat wastewater and its by-products, as these remain essential elements of our services,” pahayag ni Manila Water Wastewater Operations Head Donna Perez. Ibat-ibang teknolohiya ang gamit ng wastewater treatment plants ng Manila Water upang mag-treat ang wastes at pollution sa pamamagitan ng mga mekanismo at mga ipinatutupad na proseso. Kasama sa wastewater management ang collection ng sewage at septage mula sa mga bahay at establisimyento.

Mga guro, sakripisyo muli sa maliit na pondo sa Barangay at Sangguniang Kabataan elections

Posted on: October 22nd, 2022 by @peoplesbalita No Comments

https://peoples-balita.com/wp-content/uploads/2020/11/COMELEC-1280×720-1.pngKAILANGAN muling magsakripisyo ng mga guro na mamamahala sa Barangay at Sangguniang Kabataan elections sa Oktubre 2023 makaraang labis na bumaba ang hinihinging dagdag na pondo ng Commission on Elections (Comelec) sa Senado.

Ito’y makaraang dumausdos sa P2.7 bilyon na lamang ang hinihingi ng Comelec para sa pagdaraos ng naturang halalan mula sa dating P10 bilyon, sa pagdinig sa 2023 budget ng komisyon kahapon.

Dahil dito, hindi umano maibibigay ng Comelec ang pagtataas sa honoraria sa P10,000, P9,000 at P6,000 at mananatili sa dating P6,000, P5,000, P4,000 at dagdag na P1,000 transportation allowance.

“We were able to reduce the amount that we will be needing for the barangay and SK elections. We will be needing P2.765 billion instead of the original P10 billion we proposed,” saad ni Comelec Chairman George Garcia.

“Lahat ng BEI (Board of Election Inspectors) ay kulang 1 million, kung meron tayong 228,000 precincts times 3 kasama pa ibang maglilingkod sa barangay canvassers,” dagdag pa niya. (Daris Jose)

Buti na lang at natapos sa tulong ng mga nanood ng concert: SHARON, emosyonal pa rin ‘pag kinakanta ang ‘Bituing Walang Ningning’ dahil kay CHERIE

Posted on: October 22nd, 2022 by @peoplesbalita No Comments

NAGING matagumpay ang first leg ng concert ni Megastar Sharon Cuneta sa Adelaide, Australia last October 15.

Sa kanyang IG post nagpasalamat nga siya sa mga nanood, “One down, three to go in Australia! Thank you, ADELAIDE for coming to my show last night and for all your love.❤️❤️❤️ I love you all!!! See you soonest, PERTH! (First few MEGA lightsticks ever sold and used by audience last night too!)”

Happy nga si Sharon at mga fans, dahil nagamit na nila ang lightsticks na Korean inspired. Pinakita ang photo ng audience na kung saan proud silang nagsu-sway ng lightsticks habang nanoood ng concert. Wish tuloy ng mga Sharmy sa ‘Pinas, sana raw sa susunod na concert niya ay makabili na rin sila, para ma-experience nila ang kakaibang happiness.

Today, October 22 nga ang concert ni Sharon sa Perth, next sa naman Sydney (Oct. 28) at panghuli sa Melbourner (Oct. 29).

Samantala, hindi pa rin napigilan ni Mega na maging emotional ng kantahin ang kantang malapit na malapit sa kanila ng namayapang kaibigan na aktres na si Cherie Gil.

Sa isa pang IG post, ibinahagi niya ang isang video na may caption na…

Verified

“First time to sing “Bituing Walang Ningning” in a concert since my Cherie passed two months and eleven days ago…Di ko alam paano ko kakantahin kagabi…but I know somehow that she was right beside me…🙏🏻❤️❤️❤️”

Kaya naman maraming nag-react na netizens, na karamihan ang pumuri sa kanyang mapusong pagkanta at nawala talaga ang mga nega comments. Kaya say nila:
“Pag si sharon kumanta ramdam na ramdam ang emotion bawat words.”
“Kaya sya naging successful singer din.”
“Pero magaling din un audience. Sinalo siya kasi emotional na siya.”
“Try to listen to Cherie Gil’s solo version of this song nung 80’s kikilabutan ka rin!”
“Ang ganda ni sharon huh!”
“Iba talaga ang story telling skills ni Madam. She may not sing perfectly but what she lacks in technique she more than made up for in her interpretation. It’s always very soulful. Ganda! Naluha ako.”
“And that is Sharon Cuneta for you. Legend!”
“Iba talaga ang mga icons. Kahit hindi kumilos, dama mo talaga kung umawit!”
“It’s indeed, emotional. No one sings a love song like Sharon Cuneta! Ito yung tatak Sharon eh. Yung umiiyak yung boses tapos malalaman mo na Lang na tumulo na pala ang luha mo!”
“Ito talaga yung isa sa mga legacy ni Sharon Cuneta! Yung napakarami niyang hit songs na niremake na ng kung sinu-sino!”
“Hindi mo talaga kailangan bumirit para masabi na mahusay ka. Ganda ng interpretation ni Mega!”
“Nakakaiyak at umiyak nga ako.”
“Husay pa rin ni Mega!”
“Sharon a good story teller when she sings, ramdam na ramdam mo kaya she also dominated the music and concert scene FACTS.”
“That was great Mega! 😘”

Dagdag papuri ng iba…
“Saka c Sharon hinde kagaya ng ibang artista na dinadahilan ang pagod kaya nagsisimangot sa fans. Katwiran kase ni sharon nagpunta ang fans para makita sila. Ano ba naman ang konteng kaway at konteng ngiti. Hindi ako Sharonian pero halos lahat ng movie ni Sharon napanood ko. Magaganda naman kse.”
“Ilang beses na ako nakapagpapicture kay Mega. Sobrang accommodating niya! Sobrang ganda at kinis pa!
“Taas kamay ko sa’yo, Miss Sharon!”
“Kinilabutan ako. Plus ang sexy na ni Mega.”
“Ang puti-puti din pala ni Sharon Cuneta no!”
“Grabe kahit corny movies noon, nagagandahan ako sa mga movies niya and pati songs, bagay lahat sa kanya. She is still the Megastar for a reason”

Say ng ilang netizens tungkol sa mga papuri kay Sharon…
“Naku puede naman pala tayong maging mabait sa comments natin eh. Good job, mga baks!”

“Gagaling nyo mga baks! Bait lang tayo ha.. dami na masama sa mundo wag na nating dagdagan hehe.”

(ROHN ROMULO)

512 Bulakenyong magsasaka, mangingisda, nagtapos mula sa Farmers’ Field School, mga kurso ng pagsasanay

Posted on: October 22nd, 2022 by @peoplesbalita No Comments

LUNGSOD NG MALOLOS- Apat na pangkat ng mga Bulakenyong magsasaka at mangingisda ang nakakumpleto ng kanilang season-long Farmers’ Field School (FFS) at mga kurso ng pagsasanay, nakakuha ng karagdagang kaalaman upang doblehin ang kanilang ani, at tumanggap ng kanilang katibayan at inputs sa ginanap na Mass Graduation Ceremony sa Bulacan Capitol Gymnasium sa lungsod na ito kahapon.

Sinabi ni Gobernador Daniel R. Fernando na buo ang suporta ng Pamahalaang Panlalawigan ng Bulacan sa mga aspirasyon ni Pangulong Ferdinand “Bongbong” R. Marcos, Jr., na siya ring Kalihim ng Kagawarang Pang-agrikultura, na patibayin ang industriya ng pagsasaka sa bansa.

Aniya, hinigpitan rin niya ang pagbabantay sa reklasipikasyon ng mga lupang agrikultura lalawigan na ginagawang komersiyal dahil parami nang parami ang mga lupa, kahit pa produktibo pa, ang ibinibenta ng mga may-ari.

“Nakita naman natin, ano ang naging mahalaga noong pandemya? Pagkain. Kaya napakahalaga po sa atin ng farming. Huwag nating hayaan na mawala ito sa Bulacan. Huwag nating hayaan na mabawasan pa, kasi unti-unti na pong nababawasan ang ating mga lupang sasakahin,” anang gobernador.

Pitumpu’t apat na magsasaka mula sa mga bayan ng San Miguel, San Rafael, at San Ildefonso ang natuto tungkol sa mga makabagong teknolohiya sa FFS on Vegetable Production; 91 magsasaka ng palay ang nakatapos na kanilang 14-linggo Climate Resilient Farm Business School FFS; at 26 pond operators mula sa Hagonoy ang tinuruan ng Provincial Agriculture Office katuwang ang Bureau of Fisheries and Aquatic Resources Region 3 sa FFS on Polyculture of Shrimp and Tilapia in Brackishwater Pond using Greenwater Technology.

Dagdag pa rito, may kabuuang 321 magsasaka ang nakatapos ng 16-linggong Scaling the Adoption of Pest and Nutrient Management Technologies for Rice in Bulacan Province sa pangunguna ng Philippine Rice Research Institute.

Kahit natapos na ang pagsasanay, babantayan ng mga Agricultural Extension Worker ang mga nakapagtapos upang makita ang aplikasyon nila sa kanilang mga natutunan, malaman ang bahagi ng kanilang mga natutunan sa kanilang kaalaman, at tulungan sila sa pagpapabuti ng kanilang produksyon at kita. (BISHOP JESUS “JEMBA” M. BASCO)

‘Middleman’ sa Percy Lapid killing, namatay sa Bilibid

Posted on: October 22nd, 2022 by @peoplesbalita No Comments

PATAY na ang sinasabing ‘middleman’ at kumontak sa self-confessed gunman na si Joel Escorial at tropa nito upang likidahin ang broadcaster na si Percival Mabasa o Percy Lapid ng DwBL.

Kinumpirma ni Justice Secretary Crispin Remulla na Oktubre 18 pa ng hapon namatay si Crisanto Palana Villamor, na kilala rin bilang ‘Idoy” na nag-utos umano kina Escorial na patayin ang host ng “Lapid Fire” sa pangakong babayaran sila nito ng P550,000.

Ang 42-anyos na sinasabing middleman ay namatay umano sa NBP Hospital. Isinasailalim na aniya sa awtopsiya ang bangkay nito para matukoy ang dahilan ng kanyang pagkamatay.

Sa salaysay ni Escorial, sumama sa kanya sina ‘Orly’ at magkapatid na Edmon at Israel Dimaculangan dahil naman sa utos ng isang Christopher Bacoto o Yoyoy na kilala rin bilang Jerry Sandoval.

Sa press conference, sinabi ni Southern Police District (SPD) Director Kirby John Kraft na dalawa ang nagsilbing middleman. Ito ay nasa NBP at nasa pangangalaga ng Bureau of Jail Management and Penology (BJMP).

Una nang sinabi ni Philippine National Police (PNP) Office of the Deputy Chief for Administration, Police Lt. Gen. Rhodel Sermonia na sa isang jail facility lamang nakapiit ang middleman dahil naghihintay pa ng court decision sa drug charges.

Nauna nang hiniling sa PNP ng journalist na si Roy Mabasa, kapatid ng pinaslang na brodkaster, na siguruhin ang seguridad ng sinasabing middleman dahil napakahalaga ng papel nito sa kaso para maituro ang mastermind sa krimen.

Sakaling may mangyari rito, mawawalan aniya ng saysay ang imbestigasyon dahil ito lang ang makakatukoy at nakakaalam sa pagkakakilanlan ng mastermind sa krimen.

Dahil dito, nagpahayag ng kalungkutan ang pamilya nina Mabasa dahil malaking dagok aniya ito sa imbestigasyon ng kaso.

“We are deeply saddened by the report abut the mysterious death of the alleged middleman on the Percy Lapid killing inside the NBP facility,” ayon sa pahayag ni Roy Mabasa.

Kahihiyan din aniya ito ng bansa dahil ilang araw pa lang ang nakalilipas nang lumutang at nasampahan ng kaso ang grupo ni Escorial at ngayon ay patay na agad ang koneksyon nito para matukoy ang utak sa krimen.

Ayon pa kay Mabasa, kailangan na may managot sa insidente. Patunay lamang anya ito ng malawakang sabwatan sa pagpatay sa kanyang kapatid.

“Saan na aabot ‘yung kaso kung walang middleman na magtuturo du’n sa mastermind? Ilang araw na po nating pinananawagan na protektahan lahat ng taong may kinalaman sa kasong ito,” dagdag pa ni Mabasa.

Nitong Miyerkules, sinampahan na ng kasong murder sa Department of Justice (DOJ) sina Escorial, magkapatid na Dimaculangan gayundin ang isang Orly, dahil sa pagpatay kay Lapid noong Oktubre 3 ng gabi sa gate ng BF Resort sa kahabaan ng Aria st. Barangay Talon 2, Las Piñas City.

Napahayag naman ng panghihinayang si DILG Secretary Benhur Abalos sa imbestigasyon ng kaso. Aniya simula day 1 ay tinutukan na nila ito at hindi inaasahan na mangyayari ito. Gayunman titiyakin pa rin nilang mahuli ang iba pang suspek. (Daris Jose)

Truck ban sa Roxas Boulevard, ipapatupad ng MMDA

Posted on: October 22nd, 2022 by @peoplesbalita No Comments

INAPRUBAHAN ng Metro Manila Council (MMC) ang pagpapatupad ng pansamantalang truck ban sa kahabaan ng Roxas Boulevard sa layuning maibsan ang pagsisikip ng trapiko sa gitna ng patuloy na konstruksyon sa lugar.

Sinabi ni Metropolitan Manila Development Authority (MMDA) acting chairman Carlo Dimayuga III na ang pansamantalang truck ban ang nakitang solusyon ng mga mayor sa Metro Manila sa gitna ng kontruksyon ng Department of Public Works and Highways (DPWH) sa isang proyekto partikular sa harap ng US Embassy.

Sa panig ng MMDA, sinabi ni Dimayuga na naglabas na sila ng isang resolusyon na nagsasaad na ang mga trak at trailer, na may kabuuang kapasidad na timbang na higit sa 4,500 kilo, ay pansamantalang ipinagbabawal na dumaan sa Roxas Boulevard sa Maynila.

“This is to avoid deterioration and shall instead utilize the original truck routes from SLEX (South Luzon Expressway) to Osmeña Highway to President Quirino Avenue or from Port Area to SLEX,” ani Dimayuga.

Nagbigay naman ng gabay ang MMDA para sa alternatibong ruta para sa mga trak na sakop ng pagbabawal.

Ang magmumula sa South Luzon Expressway diretso sa Osmeña Highway hanggang Pres. Quirino Avenue, kumaliwa sa Plaza Dilao patungong Pres. Quirino Ext., kaliwa sa U.N Avenue, kumanan sa Romualdez, kaliwa sa Ayala Avenue/P. Burgos Avenue, pagkatapos ay kumanan sa Bonifacio Drive patungo sa destinasyon.

Mula naman sa Port Area hanggang SLEX, gamitin ang Bonifacio Drive, kumaliwa sa P. Burgos/Ayala Blvd. tapos kumanan sa San Marcelino, kumaliwa sa Pres. Quirino Avenue saka kumanan sa Pres. Osmeña highway papuntang SLEX.

Samantala, sinabi rin ni Dimayuga na magpapatupad ang ahensya ng moratorium sa paghuhukay ng kalsada, maliban sa mga flagship projects ng gobyerno, mula Nobyembre 14 hanggang Enero 2, bilang bahagi ng traffic mitigation measures ng MMDA para sa holidays. (Gene Adsuara)

Letran target ang 8th win

Posted on: October 22nd, 2022 by @peoplesbalita No Comments

PAKAY ng defending champion Colegio de San Juan de Letran na masikwat ang ikawalong panalo sa pagharap nito sa Arellano University sa pagpapatuloy ng NCAA Season 98 men’s basketball tournament ngayong araw sa The Arena sa San Juan City.

Magpapang-abot ang Knights at Chiefs sa alas-3 ng hapon matapos ang pukpukan ng Jose Rizal University at San Sebastian College-Recoletos sa alas-12 ng tanghali.

Nasa ikaapat na puwesto ang Letran bitbit ang 7-3 marka sa ilalim ng nangungunang College of Saint Benilde na may 8-2 baraha at Lyceum of the Philippines University na may 8-3 kartada.

Ikatlo naman ang Jose Rizal tangan ang 5-2 marka.

Kaya naman nais ng Knights na mapatatag ang kapit nito sa top 4 upang mapalakas ang tsansang makapasok sa semis.

Sa kabilang banda, naghahabol din ang Arellano na makalikom ng panalo para mas mapaganda ang kanilang puwesto sa standings.

Nasa ikaanim ang Chiefs hawak ang 4-5 baraha.

Galing ito sa dalawang sunod na kabiguan.

Makati City, napili bilang isa sa mga pinakaligtas na siyudad sa buong bansa

Posted on: October 21st, 2022 by @peoplesbalita No Comments

NAPILI ang lungsod ng Makati bilang isa sa pinakaligtas na siyudad sa buong bansa.

Base sa TravelSafeAbroad.com, nakuha ng Makati City ang ika-anim na pwesto sa pinakaligtas na lungsod sa bansa.

Isa sa mga naging pamantayan nila ang mababang crime index ng lungsod na nasa 39.55%, kasunod ng Dumaguete at Iloilo City.

Inihalintulad pa ng website ang Makati City sa New York City dahil nandito ang sentro ng komersyo ng bansa.

Nagpasalamat naman ang lungsod ng Makati at ng Southern Police District para sa naturang pagkilala.