HAPPY ang mga JayVer fans nina Asia’s Limitless Star Julie Anne San Jose at Rayver Cruz, dahil hindi na nila ikinakaila ang namamagitan na sa kanilang dalawa.  

Dahil naka-lock-in taping si Julie sa Vigan City, Ilocos para sa “Maria Clara at Ibarra” with Barbie Forteza at Dennis Trillo, hindi nila ikinakailang nami-miss nila ang isa’t isa.

Madalas silang mag-post how they miss each other.

Nang minsang mag-taping break si Julie, sinamantala na nila ni Rayver na mag-invite together para sa coming concert nila: “JulieVerse” concert is just around the corner at the Newport Performing Arts Theater, Pasay City on Saturday, November 26, 2022.

“Our special guests are Kyline Alcantara and Mavy Legaspi, director is Paolo Valenciano. For tickets, visit gmanetwork.com/synergy or at ticketworld.com.ph! See you there!”

Sa ngayon ay patuloy pa ang lock-in taping at nagpapasalamat ang buong cast at production staff ng historical fantasy portal na dinidirek ni Zig Dulay, dahil sa magaganda nilang comments at gabi-gabi silang sinusubaybayan at nagti-trending sa timeslot nilang 8 pm sa GMA-7, after ng “24 Oras.”

                                                            ***

LAST Sunday, October 16, um-attend si Asia’s Multimedia Star Alden Richards ng “AlDub Nation Charity Event,” in celebration nila ng 7^th year nila as fans nina Alden at Maine Mendoza. 

Yes, masigla pa rin ang bumubuo ng AlDub, tahimik lamang sila sa patuloy na pagsuporta nila sa kanilang mga idolo, kaya naman, hindi nagkakait ng oras nila kahit isa lamang sa kanila, kapag may mga okasyon silang isini-celebrate.

Tulad nga ng charity event, para sa pagsuporta nila sa AR Foundation ni Alden, na ang layunin ay makakakuha ng mga scholars para matulungan nilang makatapos ng pag-aaral.  Invited nilang nag-host si Kapuso comedian Betong Sumaya para sa games and raffle nila at pag-interview rin kay Alden.

Personal ngang nagpasalamat si Alden sa AlDub Nation: “Hindi po matatawaran ang patuloy ninyong pagsuporta sa amin ni Maine, at sa AR Foundation.  Sa ngayon po ay may 12 scholars na tayo, 3 na po ang naka-graduate ng college at may ga-graduate pang 5 this year.

“Sa susunod pong school year baka magkaroon na tayo ng 25 scholars,  sinisikap po naming mas maraming matulungan tayong mga kabataan na gustong makapagtapos ng pag-aaral.  Muli, ang aming pasasalamat sa patuloy ninyong pagsuporta sa amin.”

Sa ngayon ay tapos na tapos na ang taping ng “Start-Up PH” nila nina Bea Alonzo, Jeric Gonzales, Yasmien Kurdi, Ms. Gina Alajar and others, sa direksyon nina Jerry Sineneng at Dominic Zapata na napapanood every night, after “Maria Clara at Ibarra.”

                                                            ***

MATUTUWA na siguro ang mga netizens na sumusubaybay sa GMA Afternoon Prime series na “Return to Paradise” nina Derrick Monasterio at Elle Villanueva, ngayong papalapit na ang finale week nila.

Makakapaghiganti na ba si Amanda (Eula Valdes) laban kay Rina (Teresa Loyzaga), sa lahat ng kasamaan nito sa kanya at sa anak niyang si Eden (Elle)? Maniwala na kaya si Red (Derrick) sa katotohanan na masama ang kanyang inang si Rina at humingi siya ng sorry kay Amanda?

Napapanood ang “Return to Paradise” daily, 3:25 PM after “Abot-Kamay na Pangarap.”

Exciting naman para sa mga fans nina Miguel Tanfelix at Ysabel Ortega, ng “What We Could Be” ng GMA Networks at Quantum Films, kung maayos na ang mga problema nila like ang pag-alis ni Franco (Miguel) nang walang paalam at pag-iwan niya kay Cynthia (Ysabel).

Pagkakataon na ba iyon ni Lucas (Yasser Marta) na makuha niya ang atensyon ni Cynthia?

Napapanood naman ang “What We Could Be” Mondays to Thursdays, 9:35 pm, pagkatapos ng “Start-Up PH”.

 (NORA V. CALDERON)

KUNG ganun-ganun na lang pasasalamat ni Ice Seguerra sa wife na si Liza Dino-Seguerra, na nag-suggest nga na magka-concert siya to celebrate ang kanyang 35 years in the industry at ang kinalabasan ay sold-out concert nga ang ‘Becoming Ice’ last October 15 sa The Theater at Solaire.

Isa pa sa labis na pinasasalamatan ni Ice ay ang kanyang nanay-nanayang si Sylvia Sanchez, na co-producer nila sa naturang matagumpay na anniversary concert.

Sa kanyang FB at IG post, nagpapasalamat si Ice kay Sylvia, na kung saan napakanta talaga niya dahil naki-jamming ito sa kantang ‘Kahit Maputi Na Ang Buhok Ko’.

Panimula ng singer/songwriter, “Fire and Ice x Nathan Studios.

“When Liza and I finally had a concept for the anniversary concert, as producers of the show, isang tao lang ang naisip namin na kausapin to be our co-producer. Si Nanay Jojo.

“I remember when we presented the idea to her, hindi pa kami tapos magkuwento, sabi niya agad “game na yan, Nak”. Ganun kabilis. Walang tanong, naniwala siya agad sa project.”

Dagdag pa ng OPM icon, “She was more than a co-producer, kasi grabe rin ang pag-aalaga niya sa amin ni Liza. Pag alam niyang stressed na kami, magbabakasyon kami, tatambay sa bahay niya para magpa facial at magpamasahe or kakain kami sa labas, just to help us take our minds off of things, para kahit papaano, ma relax kami.

“But more than that, she respected the vision of the show and just gave us her full trust that we’d be able to make this happen.

“Maraming maraming salamat, Nay, sa tiwala and for making sure that we are okay, sa lahat ng aspeto. Salamat dahil tinulungan mo kaming matupad yung buong vision ng show. You have supported us immensely. The love, dedication, and care that you’ve given us is something na hindi mapapantayan nang kahit anong bagay.

“Mahal na mahal ka namin, Nay! Kayong lahat nina Ninong at ang buong pamilya. Thank you so much!!!
“Hanggang sa marami pang pagsasama.” #BecomingIce

***

SESENTRO sa extra judicial killings, extreme hunger and poverty, child prostitution at climate change ang horror-advocacy film ng Kapisanan ng mga Social Media Broadcasters ng Pilipinas Inc. (KSMBPI), ang “Socmed Ghosts’.
Ayon sa founder at president ng KSMBPI na si Dr. Michael Aragon nakikita raw niya ang dedikasyon at pagmamahal sa trabaho ng cast ng pelikula na mula sa Batch 1 and 2 Socmed House ni Direk Miah.

Inaasahang matatapos ang shooting ngayong October, para pagdating ng November ay puwede na nilang itong isali o ialok sa mga international film festival sa iba’t-ibang bansa.

Automatic na magiging talents na rin ang kasama sa film ng KSMBPI Productions nina Doc Michael Aragon.

Ilan nga sa bida ng “Socmed Ghosts” na sina Chase Romero, Sheikayna Ylaya at ang mga aeta na sina Jason Naruso at Arjohn Gilbert na pang-world class din ang talent, lalo na pagkanta at pagra-rap.

Kasama rin ang dalawa pang baguhang artista ng “Socmed Ghosts” na sina Erica Blake at Jericka Madrigal na gaganap na magkapatid na masasadlak sa madilim na karanasan dahil na rin sa kahirapan.

Si Erica ay gaganap na si Cassandra, ang nakatatandang kapatid ni Lyka na isang sex worker. Si Jericka naman ay si Lyka na napasok sa child prostitution dahil na rin sa kagustuhan ng kanilang mga magulang. Aminado sina Erica at Jericka na nahirapan sila sa pagganap sa kani-kanilang roles, pero ginabayan naman sila ng mga direktor, kaya maayos naman nilang naitawid ang hinihingi ng role.

Hindi na bago kay Jericka ang pagharap sa camera dahil nakapag-double na siya sa mga teleserye at nagmo-model din pala siya. Si Erica naman ay carry na sumabak sa pagpa-sexy, basta kailangan ‘yun sa kanyang gagampanang role, ay ‘di niyang uurungan.

Ang “Socmed Ghosts” directors ay sina Jojo Albano at Karlo Montero, at katuwang naman nila sina Pete Mariano at Jeremiah Palma.

Ipinagdidiinan ni Doc Mike na talagang napapanahon at may social relevance ang kuwento ng pelikula na siya mismo ang nakaisip at kasama rin sa nagsulat. Na kung saan ang mga gaganap na mga multo sa pelikula ay namatay dahil sa baha at paglapastangan sa kalikasan, nalason sa pagkain ng pagpag dahil sa kahirapan, pagbubugaw ng sariling mga magulang para ibenta ang anak at karumal-dumal na extra judicial killings.

Tunay ngang kaabang-abang ang indie film, na for sure, papatok sa iba’t-ibang international filmfest.

Kaya dapat natin itong suportahan at ipakalat sa movie industry.

(ROHN ROMULO)

DAHIL marami na ang nakakapanood ng historical portal fantasy series na Maria Clara At Ibarra ng GMA-7 kaya naman ang mga Pinoy na naka-base sa ibang bansa ay hinihiling na lagyan ng English subtitles ang bawa’t episodes kapag pinapanood nila ito sa YouTube.

At hindi lang kasi mga Pinoy kundi pati foreigners na tumututok din sa naturang teleserye.

Heto ang pinost ng isang netizen sa Facebook tungkol sa request nilang magkaroon ng English subtitles ang teleserye na pinagbibidahan nina Dennis Trillo, Barbie Forteza at Julie Anne San Jose…

“SANA MAGKAROON NG ENGLISH SUBTITLES

“Ito ang request ng mga Foreigner Reactors at ilang OFW na piniling tumira sa ibang bansa para sa Maria Clara at Ibarra.

“Umabot na nga pati sa mga Foreigners ang kasikatan ng Maria Clara at Ibarra ngunit hindi nila ito maintindihan dahil walang english subtitles.

“Sa YouTube Channel ng Sol & Luna TV na Latina Twins ay mas better diumano kung magkakaroon ng English Subtitles ang nasabing GMA Historical Portal Fantasy Series upang mas lalo nilang maintindihan ang sense ng show lalo na ang Latin America ay kagaya din ng Pilipinas ay matagal na sinakop ng mga Kastila at kung magkakaroon ang Maria Clara at Ibarra ng English Subtitles ay magkakaroon diumano sila ng comparison sa kultura ng Pilipinas noong Spanish Period at sa mga kultura ng Latin America.

“Ang Nepalese YouTube Vlogger and reactor na si Jeevan ay gusto rin na mapanood ang nasabing serye pero baka magkaroon diumano siya ng insensitive na masasabi dahil nagbabase lang sa mga visuals at hindi niya naintindihan ang buong series.

“Ito rin ang panawagan ng ilang OFW na mas piniling tumira sa ibang bansa at nagkaroon ng mga pamilya doon. Mas magiging madali diumano sa kanila na ituro sa mga anak ang Filipino Roots ng mga ito kung may mga media forms kagaya ng Maria Clara at Ibarra.

“GMA pagalawin na natin ang baso. English Subtitles para sa bawat episodes ng Maria Clara at Ibarra.”

Kasalukuyang na top-rater sa primetime ang Maria Clara At Ibarra. Sa YouTube naman, ang first six episodes ng teleserye ay humamig na ng higit sa 1 million views.

***

NAGSIMULA ng isang fund-raising project ang former child actor na si John Manalo para sa dating writer ng ABS-CBN kiddie gag show na Goin’ Bulilit.

Sa kanyang Instagram, in-announce ni John na magpapa-raffle siya ng ilang mga gamit niya para makalikom ng funds para sa medical expenses ng writer na si Sherwin Buenvenida na na-diagnose with lung cancer.

Sa mga gustong sumali sa raffle, ang reservation ng slot ay P500. Kabilang sa ipa-raffle ni John ay tatlong cameras (Kodak Retina Automatic III Rangefinder, a Nikon FG with Nikon 50mm f/1.8 lens, or a Canon EF 135mm f/2.8 soft focus camera) at isang classic bike (Sakula Kyoto Japan Minivelo bike).

Kapatid na ang turing ni John kay Sherwin noong magkakilala sila sa set ng Goin Bulilit. Apat na taon daw silang nagkatrabaho sa naturang show.

“Itong taong ito ay sobrang dami ng natulungan mapapamilya niya at sa industriya. Alam kong maraming nagmamahal sa kanya at malalagpasan niya lahat ng ito. Pero mas madali niyang mahaharap ang pagsubok na ito pag may kasama siya. Kaya naisip ko magpa-raffle ng mga gamit ko.

“Precious lahat ng ito para sa akin. Pero wala lang ito kumpara sa lahat ng nabigay na tulong sa akin ni Kuya Sherwin at nabigay niyang tulong sa mga tao. Kaya please tulungan niyo ako mag-work ito para matulungan natin si Sherwin at patuloy pa siyang makatulong sa kapwa niya,” sey ni John na nagdesisyong maging inactive sa showbiz dahil tinapos niya ang kanyang kursong Communication Arts sa University of Santo Tomas at naka-graduate siya noong 2018.

***

NAGSALITA na ang former Hollywood child star na si Abigail Breslin na naging biktima siya ng isang abusive relationship at dalawang taon siyang sinasaktan ng kanyang dating karelasyon.

Sa pamamagitan ng kanyang Instagram, kinuwento ng 26-year old actress ang pagiging survivor niya ng domestic violence at sana ay may matutunan ang ibang nasa abusive relationship sa kanyang mga pinagdaanan.

“As a DV survivor I felt compelled to write a little but about my story. I was in a very abusive relationship for close to 2 years. It all started out perfectly, I was so in love.

“I was beaten on a regular basis, locked into rooms and forced to pretend everything was ok and normal while dealing with intense injuries…injuries most people didn’t even see.

“I felt so unworthy of anyones love. I felt ugly and hated. I felt like I deserved less than dirt. I was certain, there must be something WRONG with ME. That I was a b***h, a problem, stupid, useless, ridiculous, overly sensitive, unreasonable and unlovable.’

“I will forever be indebted to those closest to me for them not only assisting me but, BELIEVING me.

“I hope sharing a bit more about my story at least helps some people feel a little bit less alone. If you are in an abusive relationship currently, you CAN get out of it. I know it seems impossible and terrifying, but you have survived so much and you CAN survive leaving if you have the right tools and support.”

Nakilala si Breslin dahil sa 2009 film na Little Miss Sunshine kunsaan nakakuha siya ng Oscar nomination as best supporting actres bilang si Olive, ang batang pursigidong sumali sa isang beauty pageant.

Ang iba pang mga naging pelikula ni Breslin ay No Reservations, Nim’s Island, Definitely, Maybe, My Sister’s Keeper, Zombieland, The Call, August: Osage County, Maggie, Freak Show, Zombieland: Double Tap, New Year’s Eve and Stillwater. Nakasama rin siya sa horror-comedy series na Scream Queens.

(RUEL J. MENDOZA)