2022 October 17 Archive - People's Balita

Archive for October 17th, 2022

Listahan ng seniors na may ayuda, bubusisiin ng Maynila

Posted on: October 17th, 2022 by @peoplesbalita No Comments

IPINAG-UTOS ni Manila Mayor Honey Lacuna ang paglilinis sa listahan ng mga senior citizen upang makatiyak na residente pa ang mga ito sa lungsod.

Ang direktiba ay ibinigay kay Office of Senior Citizens’ Affairs (OSCA) chief Elinor Jacinto, matapos na makatanggap ng ulat na may mga nasa listahan na hindi na nakatira sa Maynila at patuloy na nakakatanggap ng ayuda.

Ito rin, ayon kay Lacuna, ang dahilan kung bakit nire-require ng OSCA ang personal appearance ng mga senior citizens kapag kukuha sila ng monthly financial aid na ipinamimigay ng pamahalaang lungsod ng Maynila.

Kabilang din sa pinabubusisi ang mga nasa listahan na doble ang pangalan o mga nakatala sa magkaibang barangay dahil sa paglipat ng tirahan o upahan.

Sinigurado naman ng alkalde na ang mga inactive ang status dahil sa hindi kumpleto ang kanilang detalye ay aasistihan ng pamahalaang lungsod.

Sa katunayan, sinabi ni Lacuna na marami ng mga senior citizens ang humingi ng tulong sa tanggapan ng OSCA para mag-fill out ng mga kailangang detalye para sila ay mapabilang sa listahan ng mga tatanggap ng monthly cash assistance na ibinibigay ng lokal na pamahalaan.

“Marami na ang nagtungo at natugunan naman ang kanilang problema tungkol sa masterlist. May mga pinagagamit tayong laptops or computers para malutas kaagad ang mga ganyang problema,” sabi ni Lacuna.

Binanggit pa ng lady mayor na may mga pagkakataon na ang isang senior citizen ay nakarehistro sa kanyang sariling barangay, pero nakarehistro pa rin sa barangay ng kung saan nakatira ang anak nito.

Kapag nasa masterlist na ang isang senior citizen, wala ng dahilan, ayon kay Lacuna para hindi niya matanggap ang kanyang allowance sakaling ito ay available na.

Manliligaw, mukhang dadaan muna sa bangis ni ‘Lolong’: RURU, masarap maging kuya at over protective kay RERE

Posted on: October 17th, 2022 by @peoplesbalita No Comments

MASARAP palang maging kuya si Ruru Madrid dahil very protective ito sa kanyang mga kapatid.

Kailan lang ay pinakita ni Ruru na mino-monitor niya ang mga post ng nakakabata nitong kapatid na si Athena “Rere” Madrid.

Rumampa si Rere sa isang fashion event na suot ay sexy and short romper. Noong makita ito ni Ruru sa Instagram account ni Rere, lumabas ang pagiging conservative na kuya nito at nag-comment ito ng “Mag pants ka kaya.”

Nag-reply naman si Rere sa kanyang Kuya Ruru ng “style yan”, na ibig sabihin ay iyon ang pinasuot sa kanya ng brand na nirarampa niya.

Natuwa ang netizen sa pagiging protective na kuya ni Ruru. Na kahit malaking artista na ito, hindi niya nakakalimutan na maging kuya pa rin sa kanyang mga kapatid.

Marami nga namang mga lalake ang nabibighani na sa ganda ni Rere, pero mukhang dadaan muna sila sa bangis ni Lolong!

Mapapanood naman si Rere soon sa teleserye na Unica Hija na bida si Kate Valdez at Kelvin Miranda.

***

PAGKATAPOS maging support sa mga pelikula ni Vice Ganda, magbibida na sa sarili nilang pelikula ang Beks Battalion na sina Chad Kinis, MC Calaquian at Lassy Marquez.

Si Chad ang nagdirek ng kanilang launching film.

“May katulong ako sa screenplay. It’s my story … actor, director, writer po ako nung movie. Ongoing pa ang edit niya. It’s all about friendship and family. Before po siguro nung movie, first time po ay magsasama-sama kami na magtu-tour abroad,” sey ni MC.

This coming November and December, may tour ang Beks Battalion sa Canada, US at Dubai. Ito ay ang Beks 2 Beks 2 Beks concert tour.

Last August, success ang kanilang concert sa New Frontier Theater.

Nakilala si Chad o Richardson dela Cruz nang sumali siya sa Miss Q & A InterTALAKtic 2019 ng It’s Showtime.

Nagkasama naman ang tatlo sa mga pelikula ni Vice Ganda na Beauty and The Bestie, Super Parental Guidance, Gandarrapido: The Revengers Squad, Fantastica, at The Mall The Merrier.

***

PUMANAW na ang isa sa star ng Harry Potter film series na si Robbie Coltrane sa edad na 72. Si Coltrane ang gumanap na half-giant sa pelikula na si Rubeus Hagrid.

Lumabas si Coltrane sa walong Harry Potter films simula sa Sorcerer’s Stone noong 2001 hanggang sa Death Hallows -Part 2 in 2011.

Ang famous line ni Hagrid sa best-selling book series ni J.K. Rowling ay “Yer a wizard, Harry”. Si Daniel Radcliffe ang gumanap na Harry Potter at naging close friends sila ni Coltrane sa sampung taon na nagsama sila sa set ng pelikula.

“I’ve especially fond memories of him keeping our spirits up on Prisoner of Azkaban. When we were all hiding from the torrential rain for hours in Hagrid’s hut and he was telling stories and cracking jokes to keep morale up,” pa-tribute ni Radcliffe kay Coltrane.

The Scottish actor, comedian and writer also appeared in two James Bond films, 1995’s GoldenEye and 1999’s The World Is Not Enough as the Russian mafia man Valentin Dmitrovich Zukovsky.

Huling paglabas sa TV ni Coltrane ay sa 20th reunion ng Harry Potter cast na Return To Hogwarts on HBO Max noong January 2022.

“The legacy of the movies is that my children’s generation will show them to their children. So you could be watching it in 50-years time, easy. I’ll not be here, sadly, but Hagrid will, yes,” sey pa ni Coltrane.

Si Coltrane ang ikatlong Harry Potter cast na pumanaw na. Una ay si Richard Harris na gumanap bilang si Albus Dumbledore noong 2002. Sumunod si Alan Rickman na gumanap na Severus Snape noong 2016.

(RUEL J. MENDOZA)

EJ Obiena, nag-courtesy call kay PBBM sa Malakanyang

Posted on: October 17th, 2022 by @peoplesbalita No Comments

NAG-COURTESY call si Filipino Olympian at pole vaulter EJ Obiena kay Pangulong Ferdinand Marcos, Jr., araw ng Biyernes sa Malakanyang.

Balik-Pinas si Obiena matapos ang tatlong taon na pamamahinga bago pa magsisimula ang kanyang season sa susunod na taon.

Pinasalamatan naman ni Pangulong Marcos si Obiena para sa karangalang dinala nito sa bansa.

“From your president and I think from the rest of the Philippines ay kami ay nagpapasalamat sa lahat ng iyong ginawa, sa dangal na idinala mo sa iyong bansa, I think that is the greatest tribute that you can give, the greatest service as you are athlete now that you can give to our country is to bring honor to the Philippines,” ang wika ni Pangulong Marcos.

Looking forward naman ang Pangulo na makita si Obiena sa 2024 Paris Olympics.

“We look forward to the games in Paris, I hope you do well. if there’s anything that we can do to help you na maging mas maganda ang inyong resulta, at mas maganda maging training, lahat ng ano sabihin ninyo sa akin dahil napakahalaga ng iyong ginagawa,” dagdag na pahayag ng Pangulo.

Sa ulat, napagwagian ni Obiena ang men’s pole vault gold medal sa Internationales Stabhochsprung-Meeting sa Germany noong Agosto.

Bago rito, nakakuha rin ng bronze medal ang world No. 3 Filipino pole vaulter sa World Athletics Championships sa Eugene, Oregon, USA.

Nitong Oktubre 11, iginawad ni House Speaker Martin Romualdez ang kopya ng House Resolution No. 10 na kumikilala sa mga karangalang naibigay ni Obiena para sa Pilipinas

Sa kabilang dako, sa isang tweet, sinabi naman ni Philippine Sports Commission chair Noli Eala binigyan siya ng Pangulo ng simple at malinaw na tagubilin.

“He gave very simple, clear instructions – let’s help our athletes because what they do is important to our nation,” ani Eala.

Samantala, sa mga larawang ibinahagi ng Malakanyang , makikita ang tuwa sa mukha ng Pangulo habang ipinakikita sa kanya ni Obiena ang medalya na nakuha nito sa pagkapanalo sa ilang events na sinalihan nito sa ibang bansa.

Isinabit din ng pangulo sa leeg ni Obiena ang medalya.

Sa isa pang larawan ay binigyan ng PSC si Pangulong Marcos ng kulay pulang sports jacket na iniabot ni Eala habang katabi si Obiena. (Daris Jose)

PBBM, nakipagpulong sa ICT executives

Posted on: October 17th, 2022 by @peoplesbalita No Comments

NAKIPAGPULONG si Pangulong Ferdinand Marcos Jr. sa mga opisyal ng fiber broadband provider Converge ICT Solutions, Inc. at South Korea’s largest telecommunications firm, KT Corp., araw ng Biyernes sa Malakanyang.

Ibinahagi ni Pangulong Marcos sa kanyang official Facebook page ang larawan ng nasabing pakikipagpulong kina Converge ICT chief executive officer Dennis Anthony Uy at KT officials Hyeon-Mo Ku at Kyoung-Lim.

Hindi naman idinetalye ng Pangulo ang naging agenda ng miting.

Sa kabilang dako, maging ang Office of the Press Secretary (OPS) ay nagbahagi rin sa Facebook ng ilang larawan ng pakikipagpulong ng Pangulo sa information and communications technology (ICT) leaders.

Ayon sa OPS, nakipagpulong din ang KT sa ibang gobyerno kaugnay sa kanilang investment plans.

“Ang KT Corp na naitatag noong 1981 ay isa sa mga pinakamalalaking telecommunications at digital platform service provider sa Korea na nakikipagtulungan sa gobyerno ng iba’t ibang bansa para sa pagtayo ng mga imprastrakturang pang-impormasyon at komunikasyon,” ayon sa OPS.

Ang pakikipagpulong ni Pangulong Marcos sa mga opisyal ng Converge at KT ay matapos niyang lagdaan araw ng Lunes ang Republic Act (RA) 11934 o ang SIM Card Registration Act na naglalayong labanan ang spam messages at text scams at naglalayong pigilan ang mga kriminal at manloloko sa paggamit ng mga cellular phone upang biktimahin ang mga Pilipino.

“Asahan po ninyo na ang inyong mga personal na impormasyon ay ligtas at mananatiling pribado sa oras na simulan natin ang pagrerehistro ng mga SIM card,” anito.

Nauna nang sinabi ni Pangulong Marcos na sa paglagda sa SIM Card Registration Act, magbibigay ito ng mabisang paraan ng pagre-regulate sa pag-iisyu ng subscriber identity module (SIM) cards upang pigilan ang pagkalat ng spam text messages at scam, na matagal nang na-overdue.

Binanggit ng Punong Ehekutibo na sa paglaganap ng mga ulat ng iba’t ibang krimen gamit ang mga mobile phone at pagkalat ng text scam at spam, malugod na tatanggapin ng publiko ang bagong batas.

Pinuri rin niya ang mga miyembro ng Mababang Kapulungan ng Kongreso at Senado sa pagbuo ng napapanahon at komprehensibong batas, na siyang unang panukalang pambatas na matagumpay na nakapasa sa pag-apruba ng bicameral panel ng parehong kapulungan sa 19th Congress.

Samantala, ang batas ay nag-uutos ng pagpaparehistro ng lahat ng mga SIM card, na nangangailangan ng bawat pampublikong telecommunication entity o direktang nagbebenta na magpanatili ng isang SIM Card Register ng lahat ng kanilang mga subscriber, na naglalaman ng lahat ng impormasyong kinakailangan sa ilalim ng batas.

Kinakailangan din nilang hilingin sa mga end user ng mga SIM card na magpakita ng wastong dokumento ng pagkakakilanlan upang ma-validate ang kanilang mga pagkakakilanlan. (Daris Jose)

James Wan Shares ‘The Nun 2’ BTS Photo Confirming Another Original Character’s Return

Posted on: October 17th, 2022 by @peoplesbalita No Comments

AS filming finally kicks off on the long-awaited sequel, James Wan has shared a new The Nun 2 behind-the-scenes photo confirming another original character’s return.

A follow-up to 2018’s hit Conjuring spinoff, the 2023 horror movie sequel will again follow Taissa Farmiga’s Sister Irene as she is called upon to investigate the murder of a priest in 1956 France, which seemingly has to do with the iconic demon Valak.

Alongside Farmiga, The Nun 2 is slated to see the return of Bonnie Aarons in the titular role, while introducing The Invisible Man’s Storm Reid to the horror franchise.

After years of silence, the film finally began gaining steam this past April when Michael Chaves, who previously helmed The Curse of La Llorona and The Conjuring: The Devil Made Me Do It, was brought on to direct.

After a casting call seemingly confirmed her return, this past month brought the official announcement that Farmiga would be returning for The Nun 2, and it appears she won’t be the only one coming back for the sequel.

Producer James Wan has taken to Instagram to share the first The Nun 2 BTS photo. In addition to announcing that filming has begun on the horror sequel, Wan tagged actor Jonas Bloquet in the post, confirming him to be another original character returning for the film.

With the film said to be set in 1956, The Nun 2 would fall as the third chronological story within The Conjuring Universe, coming just a few years after its predecessor, as well as being set a year after Annabelle: Creation, which itself included a nod to Valak and the Romanian monastery she originated from.

This also establishes the sequel as being set roughly 15 years before the events of the original The Conjuring, in which Vera Farmiga’s Lorraine Warren first came into contact with Valak via hers and Patrick Wilson’s Ed attempting to exorcise the demon from a man originally only referred to as Maurice Theriault.

Audiences would later come to learn how Maurice came under possession of Valak in The Nun, with Jonas Bloquet’s Frenchie having been attacked by the demon in the film’s final act, and a recreation of the footage shown in the original The Conjuring with Bloquet now portraying Frenchie in favor of Christof Veillon.

Given the initial ending of the original film saw Frenchie still in relative control of himself as he brought Sister Irene and Demián Bichir’s Father Burke back to civilization, it will be interesting to see how he fares come The Nun 2.

Some have theorized that Valak may briefly possess another character, so as to not create a timeline issue regarding hers and Frenchie’s ties to the original Conjuring, but with Bloquet back for the sequel, it seems equally likely Sister Irene may try and fail to purge her friend of the demonic spirit.

The Nun 2 hits theaters on September 8, 2023. (source: screenrant.com)

(ROHN ROMULO)

Ads October 17, 2022

Posted on: October 17th, 2022 by @peoplesbalita No Comments

Metro Manila, Bulacan at Cavite makaranas ng water supply interruptions

Posted on: October 17th, 2022 by @peoplesbalita No Comments

INANUNSYO ng West-zone Maynilad Water Services na makaranas ng water supply interruptions ang ilang bahagi ng Metro Manila, Cavite, at Bulacan area simula Linggo dahil sa mataas na demand sa Bagbag Reservoir.

Sinabi ng Maynilad sa isang advisory na ang mga customer sa mga bahagi ng Bulacan, Caloocan City, Makati City, Malabon City, Manila, Navotas City, Paranaque City, Pasay City, Quezon City at Valenzuela City ay makakaranas ng araw-araw na pagkagambala sa serbisyo ng tubig mula Oktubre 17 hanggang Oktubre 25.

Sinabi ng kumpanya na ang supply ng tubig sa mga bahagi ng Bacoor City, Caloocan City, Cavite City, Imus City, Kawit, Las Pinas City, Makati City, Malabon City, Manila, Noveleta, Paranaque City, Pasay City, Quezon City at Rosario, Cavite ay magiging cut araw-araw mula Oktubre 17 hanggang Oktubre 24.

Hinihikayat nito ang mga apektadong customer na mag-imbak ng sapat na tubig kapag may supply.

Inanunsyo ng West-zone Maynilad Water Services na makaranas ng water supply interruptions ang ilang bahagi ng Metro Manila, Cavite, at Bulacan area simula Linggo dahil sa mataas na demand sa Bagbag Reservoir.

Hinihikayat nito ang mga apektadong customer na mag-imbak ng sapat na tubig kapag may supply. (Daris Jose)

Nasa South Korea para sa upcoming ‘Charity Exhibition fight’: MANNY, nag-guest sa original na ‘Runnning Man’ at hindi sa Pinoy adaptation

Posted on: October 17th, 2022 by @peoplesbalita No Comments

NAPABALITANG maggi-guest si dating Senator at Pambansang Kamao Manny Pacquiao sa “Running Man Philippines” na adaptation ng Korean variety show.

Every weekend kasi na napapanood sina Mikael Daez, Glaiza de Castro, Ruru Madrid, Kokoy de Castro, Angel Guardian, Lexi Gonzales at Buboy Aguilar, lagi rin silang may special guests sa show, kaya hindi kataka-takang mag-guest ang boxing champion.

Pero hindi pala sa local adaptation siya maggi-guest, nang mag-post siya sa kanyang Instagram nang nasa Korea na siya, kasama ang wife niyang si Jinkee Pacquiao.

Naroon siya para mag-promote ng upcoming Charity Exhibition fight niya with Korean Martial Artist na si DK Yoo, na magaganap sa Seoul, South Korea on December 11. For the 43-year old boxing legend, ang kanyang exhibition fight daw ang magiging comeback niya to the ring, after the 2022 election.

Since nasa South Korea na si Manny, nag-guest nga siya sa original na “Running Man” variety show, at sa isa pang show, ang “Knowing Brothers” na nakasama pa niya si Sandara Park.

Nagti-training ngayon si Manny with his coach-trainer Buboy Fernandez, hindi for a world champion fight kundi sa isang exhibition game niya for charity.

Ang proceeds daw ng kikitain niya ay ibabahagi niya sa mga kababayan niyang mahihirap na walang makain at matirahan, at para rin maitulong niya sa pagpapa-aral ng mga bata sa kanilang probinsiya.

***

NANG matapos ang season 2 ng “Prima Donnas” nina Jillian Ward, Althea Ablan at Sofia Pablo, humihirit pa ang mga netizens ng another season.

Pero, hindi muna pinagbigyan ng production ang wishes nila, sa halip ay binigyan muna sila ng chance para makagawa ng kani-kanilang solo projects ang tatlo, ganundin si Elijah Alejo, ang kontrabida ng mga Prima Donnas.

Si Sofia ay nagkaroon ng romantic fantasy series na “Raya Sirena” with ka-love team Allen Ansay at very soon ay mapapanood na rin ang bagong series na “Luv Is: Caught in His Arms” from GMA Network and Wattpad, kasama ang Sparkle GMA Artist Centre’s “Sparkada.”

Top-rating Afternoon Prime naman ng GMA ang “Abot-Kamay na Pangarap” ang pinangunahan ni Jillian, kasama niya sina Carmina Villarroel, Richard Yap, Dominic Ochoa at Andre Paras, na napapanood Mondays to Saturdays at 2:30 pm, after “Eat Bulaga”.

Si Althea naman, ay sunud-sunod ang mga paggi-guest sa iba’t ibang shows ng GMA, at very soon ay tampok din sa isang drama series.

Si Elijah naman ay kasalukuyanng naka-lock-in taping ng ibinabalik ng GMA na dating movie ng Regal Films, ang “Underage” na makakasama niya sina Lexi Gonzales at Hailey Mendes.

***

INI-LAUNCH na ng GMA Network ang “Mano Po Legacy: The Flower Sisters,” played by Aiko Melendez as Lily, Beauty Gonzalez as Violet, Thea Tolentino as Dahlia at si Angel Guardian as Iris.

Sa four sisters, si Angel ang pinakabata sa apat, at ito rin ang first drama series niya on primetime.

“I am so grateful to Regal and GMA for giving me this good break. Nag-audition po ako rito and I was so happy nang sabihin nilang nakuha ako. Malaking pressure po sa akin that I will be acting with more established co-stars like Ate Aiko, Ate Beauty, and Ate Thea.

“Pero ang babait po nila and very helpful to a newcomer like me. Kaya lagi po akong on my toes kapag kaeksena ko sila, kasi puro sila magagaling.”

Mapapanood na ang world premiere sa October 31, 9:35 pm, pagkatapos ng “Start-Up PH.”

(NORA V. CALDERON)

PCSO, namahagi ng 7 ambulansiya

Posted on: October 17th, 2022 by @peoplesbalita No Comments

NASA pitong ambulansiya ang ipinamahagi ng Philippine Charity Sweepstakes Office (PCSO) sa limang munisipalidad, mga sundalo at isang pagamutan, sa ilalim ng kanilang Medical Transport Vehicle (MTV) Donation Program.

Mismong si PCSO Vice Chairperson at General Manager Melquiades “Mel” Robles ang nanguna sa pamamahagi ng mga naturang ambulansiya sa mga benepisyaryo, sa isang simpleng seremonya na isinagawa sa kanilang punong tanggapan sa Mandaluyong City nitong Biyernes.

Kabilang naman sa mga nabiyayaan ng anim na Patient Transport Vehicles (PTV) at isang Emergency Medical Service Vehicle (EMSV) ay ang munisipalidad ng Baler, Aurora, na kinatawan ni Vice Mayor Pedro Ong Jr.; Valencia, Bohol, na kinatawan ni Mayor Dionisio Neil Balite; Can-Avid, Eastern Samar, na kinatawan ni Mayor Vilma Germino; Taft, Eastern Samar, na kinatawan ni Mayor Gina Ty; Compostela, Davao De Oro, na kinatawan ni Municipal Information Officer, Loreto Doydoy Jr.; Lakas Dagatnin Pilipinas, Sangley Point, Cavite, na kinatawan ni Commander Junnifer Cantal at Governor Celestino Gallares Memorial Hospital, Tagbiliran City, Bohol na kinatawan naman ni Engr. John Melchor Namoc.

Ang naturang aktibidad ay sinaksihan rin naman nina Assistant General Manager for Charity Sector Dr. Larry Cedro, Charity Assistance Department Manager Atty. Marissa Medrano at Board Secretary Atty. Reymar Santiago.

Ayon sa PCSO, ang naturang mga donasyon ay bahagi ng kanilang MTV Donation Program, na ang layunin ay makapagbigay ng mga medical transport vehicles sa mga conflict-affected areas, vulnerable communities, at geographically isolated at disadvantaged areas upang matiyak ang mabilis at ligtas na pagbiyahe ng mga pasyente sa mga naturang lugar. (BISHOP JESUS “JEMBA” M. BASCO)

Nire-recruit na maging part sa pagpuksa sa ‘dogs slaughter’: KORINA, nagpaka-fangirl kay RAYMOND at nalamang dream maging ‘superhero’

Posted on: October 17th, 2022 by @peoplesbalita No Comments

NAGPAKA-FANGIRL si Korina Sanchez at may nalaman siya tungkol sa lovelife ni Raymond Bagatsing.

“I admit. I admire only a few actors. Ilan lang na artista ang hinahangaan ko. And bilib ako kay Raymond Bagatsing”, ayon sa veteran broadcaster sa kanyang recent interview with the award winning actor.

Sino ba ang nakakaalam?

Raymond Bagatsing is a doting elder brother. Isa siyang health fanatic na kayang magluto ng pinakamasarap na vegetarian dish.

Iniwan niya ang promising Hollywood break para muling sumabak sa pag-arte sa Pilipinas.

Isa nga sa pinakamagandang nagawa ni Raymond ang ‘Quezon’s Game’ na gumanap siya bilang Pres. Manuel L. Quezon, na kung saan pinuri ang kanyang pag-arte.

Maging si Korina, ay ito ang pinaka-favorite na movie na nagawa ni Raymond.

Inamin ni Raymond sa interview na, “as an actor, parang hindi na ako naghahangad, kung ano na lang dumating sa akin na roles, if I’m interested, I’ll do it.

“Kasi nga marami na akong pinagdaanan, but i really want to be superhero.”

In love siya sa isang babae na taga-Dumaguete, at love na rin niya ang naturang lugar. Na kung saan isa rin pala siyang diver tulad ni Korina, pero kailangan pa niyang i-explore ang magandang tourist spot.

“My heart is in Dumaguete,” pag-amin pa niya na super happy sa kanyang karelasyon na two years na.

Say naman ni Korina sa naturang interview niya sa aktor, “Just a few of the lesser known facts about Raymond you’ll discover in our next episode. I had a really great afternoon at Raymond’s penthouse pad with his dog and cat and his cooking.”

Isa pa napag-usapan ang pagmamahal nila sa mga aso at pusa. Ang ganda ng kuwento ni Selda, na sobrang sweet daw ng mountain dog, na isa raw oldest specie sa Pinas, ayon sa isang historian.

Kaya sinabi ni Ate Koring na, “I’m going to be recruiting Raymond to help me out with this bill in Congress to finally ends dogs slaughter. Because in this country, marami pa ring kumakain ng aso, bawal na po ‘yan! It’s a criminal act and it’s so inhuman.

“So, I’m going to be recruiting you and we will make an appearance in Congress.”

Bida rin si Raymond sa isang teleserye na malapit nang ipalabas sa NET25 na tinatawag na “GoodWill.”

Si Raymond nga ang ikatlong guest ni Sanchez sa kanyang newest show na ‘Korina Interviews’ na napapanood tuwing Linggo sa NET25 5pm.

Maaari ring balikan ang buong episode ng show sa https://www.youtube.com/watch?v=rFjFc8xHyqM&t=2553s

(ROHN ROMULO)