TAHIMIK lang si Bea Alonzo sa mga ibinabatong pamumuna o panlalait o kritisismo sa kanya.

Pero inamin nito sa naging solo presscon niya para sa GMA Telebabad na “Start-Up PH” na magiging ipokrita raw siya kung sasabihin niyang hindi siya nasasaktan.

Sabi nga ni Bea, “Siyempre hindi ako magiging ipokrita, sometimes, nasasaktan ako. Kasi, tao lang ako, e.”

“Kasi, ‘di ba, sometimes they just say things. Hindi nila naiisip na tao ko. Tao yung pinagsasabihan nila. May emosyon, nasasaktan. “

Pero pinipili raw niya ang mga criticism sa kanya. Yung alam niyang makakatulong sa kanya, lalo na kung galing ito sa mga taong alam niyang mahal siya tulad ng mga fan niya.

At sa kabila ng lahat, pinaiiral na lang daw palagi ni Bea ang positivity.

Sa isang banda, masaya si Bea dahil pagkatapos daw ng sold-out series of shows nila sa U.S. kunsaan, ito nga naman ang unang out-of-the-country shows niya na isa na siyang Kapuso, nagsunod-sunod na daw lahat mga magaganda at positive talaga.

Ang ‘Start-Up PH’ na unang serye naman niya sa GMA-7 ay puro magaganda ang reviews at feed back at gayundin ang ratings.

At nasampolan na rin ang mga Kapuso viewers ng mga eksena niya with her co-stars like Yasmien Kurdi, Gina Alajar at Alden Richards. Pero sabi nga ni Bea kung para sa kanya, ang dapat abangan daw talaga ay ang magiging revelation.

“Ginawa namin ‘yung scene before I left for the States. Excited ako na mapanood niyo ‘yung scene,” sey niya.

***

IBA talaga si Jake Ejercito dahil hanggang ngayon, naninindigan siya sa kanyang naging choice in-terms of political/leader ng bansa.

Hindi man nanalo sa pagka-Presidente ng bansa si Attorney Leni Robredo na siyang inendorso ni Jake, hanggang ngayon, consistent ito sa kanyang choice o stand.

Kasabay ng pag-alala sa October 7 kunsaan, nabuo ang pink movement, nag-post din si Jake sa kanyang Twitter account.

Nag-post siya ng picture niya na naka-pink suit siya same day last year na may hashtag na, “Ngiting lalaban tayo.” Pero this time, ang bago niyang caption ay, “Lalaban ako. Lalaban tayo.”

Binasa namin ang mga comment sa kanya sa Twitter, thinking na baka inuulan siya ng bashers, pero puro positibo naman at nagpapasalamat kay Jake.

Ilan sa mga comments, “The true good one.”

“Kakaibang Ejercito talaga ‘to.”

“Sana manatili kang consistent.”

***

SIYEMPRE, masaya si Ivana Alawi dahil ang kanyang Facebook page na merong 19 million followers ay active na naman.

Pagkatapos nga na magpo-post sa kanyang mga social media accounts kunsaan, nagtataka at nagreklamo na rin kung bakit biglang natanggal ang FB page niya, to think na wala naman daw siyang ginagawang violation, ilang araw after that, muli nang ibinalik ng Facebook ang account niya.

Nag-post naman ito at nagsabi na, I’m back!!

Finally naibalik at naayos na ng Meta yung page ko, Working na sila to fix our Ivana Skin page.”

At dahil mas nag-ingay pa sa pagkawala ng FB page niya, expect na mas dadami pa ang followers ng Kapamilya sexy actress/Youtuber.

(ROSE GARCIA)

IBA ang dating talaga ni Kapuso Primetime Princess Barbie Forteza sa pagganap niya bilang isang Gen Z, si Maria Clara o si Klay, sa historical drama portal ng GMA Network, ang “Maria Clara at Ibarra”, napapanoood  pagkatapos ng “24 Oras.”

Gabi-gabi ay nagti-trending ang nasabing bagong proyekto ni Direk Zig Dulay, at hindi pwedeng mawala sa pinupuri ng mga netizens si Barbie at sa husay ng pagganap nito.

Kaya, tiyak na masayang-masaya si Barbie na mapuri siya ng kontrobersiyal director na si Darryl Yap, ng blockbuster movie na “Maid in Malacanang,” na kilala bilang isang prangka at hindi basta pumupuri sa mga napapanood niya, at madalas niyang siraan ay ang mga teleseryeng ginagawa ng mga TV networks.

Sinasabi niya kung cheap at walang class ang napanood niya.

“Dalawa pa lamang ang shows ng GMA na wala akong pinalagpas na episode, ang “Ghost Fighter” at “Starla and the Jewel Riders.”  Ngayon katatapos ko lamang mapanood ang unang episode ng pangatlo kong susubaybayan, ang “Maria Clara at Ibarra,” post ni Direk Darryl sa kanyang Facebook.

“Hindi siya nakakabato, hindi pilit ang lipad ng istorya, hindi kailangan ng hype, maganda talaga.”

“Congrats po Suzette Severo Doctolero and the rest of the team! Looking forward to the next episodes. Congrats Zig Dulay!”

At sa mga bida nga ng serye, special mention ni Direk Darryl si Barbie: “Nagulat ako kay Barbie, she’s effective.”

Bukod kina Dennis Trillo at Julie Anne San Jose, umiikot ang story nito kay Klay, tipikal Gen Z na magically ay napasok sa libro ng “Noli Me Tangere” at nakakasama ng mga kilalang karakter dito.

***

OUR congratulations to Kapuso Primetime Queen Marian Rivera, dahil today. Saturday, October 8, ay limang taon na ang “Tadhana,” ang award-winning drama anthology ng GMA Public Affairs.

Kaya buong puso ang pasasalamat ni Marian sa mga walang sawang sumusubaybay sa kanya at sa “Tadhana” sa loob ng limang taon.  Bilang pasasalamat ni Marian at ng programa, handog nila ay isang three-part anniversary special na mapapanood simula ngayong October 8, then on October 15 and 22.

“Totoo namang hindi laging masaya – may mga kuwento ng pagkabigo, mayroon ding tagumpay.  Mayroon ding nagbibigay-inspirasyon at maraming pagkakataon,” wika ni Marian.

“Ang mahalaga, sa huli, laging may gintong aral na makukuha at mas nagpapalakas sa atin.  Hindi man laging masaya ang buhay, mas malakas, mas matatag, at mas matatapang tayo ngayon sa anumang hamon ng buhay.  Kaya saan man kayo dalhin ng Tadhana, kapit lang, Kapuso.”

Sa anniversary offering ng “Tadhana” ang “Baliw na Puso” na magtatampok kina Raymond Bagatsing, Vaness del Moral, Lianne Valentin at Mylene Dizon, directed by Rommel Penesa, mapapanood ito at 3:15PM sa GMA-7.

                                                            ***

NASA GMA Pinoy TV anniversary show sa US si Bea Alonzo, kasama ng mga kapwa Kapuso na sina Dingdong Dantes, Rayver Cruz, Julie Anne San Jose,  Ai Ai delas Alas at Lani Misalucha, nang magkaroon ng world premiere ang first teleserye niya sa GMA Network, ang “Start-Up Philippines.”

Kaya pagbalik lamang nila sa bansa, saka niya nalaman na big success ang showing nito.

“When I came back, I was told that it is rating well and the feedbacks on the net is all very positive, so parang back-to-back happiness ang natanggap ko.  Masaya ako na sa series, nakatrabaho ko hindi lamang sina Alden Richards, Yasmien Kurdi at Jeric Gonzales, but with the senior stars like Gina Alajar, Jackielou Blanco, Ayen Laurel, na ang sarap nilang kakuwentuhan sa set.”

Marami nang naitanong kay Bea tungkol sa bago niyang serye, pero ang gusto niyang mapanood ng audience ay ang memorable scene na ginawa nila ni Alden.

“Ito yung revelation scene kasi it’s the peak of the story.  We shot it sa ulanan nang buong araw, from 5AM to 7PM, kaya dapat itong abangan ng ating mga viewers.”

After ng last two days pang taping ni Bea, nakahingi siya ng one month vacation sa GMA, at kasama ang family ay magbabakasyon sila sa Madrid, Spain para ayusin niya ang apartment na binili niya roon a few months ago.

 (NORA V. CALDERON)

MAKABULUHANG kwentuhan at masayang kantahan ang hatid ng PIE (Pinoy Interactive and Entertainment) Channel sa viewers mula umaga hanggang gabi dahil sa mas pinasiksik na palabas ng BRGY. PIESILOG, PIEBORITO, AT PIE NIGHT LONG.

Tuwing umaga (10 am – 12 nn), makakasama ng viewers ang ‘brunchkada’ nina Gretchen Fullido, Abby Trinidad, Frances Cabatuando, Mayor TV, Tristan Ramirez (Lunes hanggang Sabado) Madam Inutz, Migs Bustos, at Nicole Cordovez (tuwing Linggo) sa BRGY PIESILOG na layuning maglingkod sa bayan sa pamamagitan ng paghatid ng mahalaga at praktikal na impormasyon sa viewers.

Mula Lunes hanggang Sabado, mapapanood ang “Eto na Nga,” kung saan malalaman ng publiko tulad ng paano makahanap ng trabaho, mga importanteng public service announcements mula sa iba’t ibang ahensiya ng gobyerno, NGOs, at advocacy groups.

Praktikal na tips sa buhay naman ang hatid ng “Life Guro,” samantala pwedeng humingi ng advice ang mga taong may pinagdadaanang pagsubok sa “Sumpungan HQ.”

Ibibida naman tuwing Linggo ang iba’t ibang klase ng negosyo at paninda sa “Pasok mga Suki,” habang libreng on-air consultations kasama ang guest doctors at kaalamang pangkalusugan ang itatampok sa “Dr. Care.”

Ayon pa kay Gretchen, marami raw ang dapat abangan sa BRGY. PIESILOG. “Makaka-expect kayo ng practical life tips, life hacks, Gustong-gusto ko ‘yung ‘Life Guro’ kasi meron tayong life coach.”

Kwento naman ni Migs na mas relaxed ang kanilang hosting style sa PIE. “Siguro mas casual compared sa news style. Talagang mas friendly, mas engaging to the audience. It encouraged us to loosen up more, to be able to really connect with the audience.”

Pagsapit ng tanghali, samahan sina Janine Berdin at Raco Ruiz para sa PIEBORITO (Monday to Sunday, 12 nn – 4 pm) na magpapakilala ng mga bagong music video sa “Playlist Natin!.”

Mapapanood din ang kulitan ng PIE jocks sa likod ng kamera sa “PIE Extra Slice” at mababalikan ang kilig sa rerun ng “On The Wings of Love” at “Iba: Long Cut.”

Nagbahagi rin si Raco tungkol sa una niyang salang bilang PIE jock. “Actually when I started hosting on PIE sinabi ko kay Direk na ‘Direk, tama ba ko para dito?’ I was always tripping over my words. Sabi niya, ‘Character mo yun. Make it your own. Be yourself. That’s gonna be your branding.”

Makakasama naman kada gabi (8 pm – 11 pm) sina Aaron Maniego, Karen Bordador, Renee Dominique (Lunes hanggang Biyernes), Elmo Magalona, at Vivoree (tuwing Linggo) sa PIE NIGHT LONG.

Sa segment na “How to B U?,” masusubukan ng PIE NIGHT LONG jocks ang buhay ng isang manggagawa. Itatampok naman sa “Moment Mo” ang buhay ng isang artista o ordinaryong tao, habang love at life advice naman ang hatid ni Karen Bordador sa “Tender Love & Karen.”

Makiki-marites din ang PIE jocks dahil pag-uusapan nila ang mga kontrobersyal na isyu sa “UZI.” Tuwing Linggo, kantahan at chikahan naman ang magaganap kasama ang musical guests ang hatid ng “PIE NIGHT LONG Sessions.”

Masaya naman si Elmo na makatrabaho ang co-PIE jock niya na si Vivoree. Sabi niya, “Masaya ako na I got to work with Vivoree kasi before nakasama ko siya in acting workshops. Since we both love music ni Vivoree, we work very easily dito sa PNL sessions.”

Bukod sa BRGY PIESILOG, PIEBORITO, AT PIE NIGHT LONG, may bagong shows at PIE jocks din ang PIE para umapaw ang saya araw-araw. Nariyan sina Anji Salvacion, Eris Aragoza, Ralph Malibunas, Sam Bernardo (Lunes hanggang Sabado) sa PIEGALINGAN, Gello Marquez, Jeremy G, Reign Parani, at Vivoree (Linggo) sa PAK! Palong Follow; Eian Rances, Negi, Sela Guia, Kevin Montillano, Nicki Morena, Ruth Paga, Nonong Ballinan (Lunes hanggang Sabado) Inah Evans, Kid Yambao, Patsy Reyes, at Jackie Gonzaga (tuwing Linggo) sa PIENALO PINOY GAMES; at sina Melai Cantiveros, Jhong Hilario, Kaila Estrada, at ex-PBB housemates sa “The Chosen One.”

Ang PIE ang unang multiscreen, real-time interactive TV channel ng bansa, kung saan pwedeng sumali at manalo ng cash prizes ang araw-araw.

Hanapin ang PIE channel sa pag-scan ng iyong digibox. Available rin ito sa worldwide sa website (pie.com.ph), YouTube (https://youtube.com/iampieofficial), BEAM TV, Sky Cable Channel 21, at Cablelink Channel 100. Pwede ring mapanood ang PIE live sa GLife ng GCash app. Ang PIE ay hatid ng ABS-CBN, Kroma Entertainment, BEAM, at 917Ventures. Sundan ang PIE (@iamPIEofficial) sa Facebook, Twitter, Instagram at TikTok para sa mga update.

(ROHN ROMULO)