2022 July Archive - People's Balita

Archive for July, 2022

Magsasaka, magsasagawa ng sariling State of the Peasant Address (SOPA)

Posted on: July 25th, 2022 by @peoplesbalita No Comments

TATAPATAN ng Kilusang Magbubukid ng Pilipinas (KMP) at iba pang grupo mula sa agriculture at fisheries sector at food security advocates ang State of the Nation Address (SONA) ni Pangulong Marcos ng sarili nilang State of the Peasant Address o SOPA.

Ang SOPA ay taunang forum na ginagawa para ihayag ang sitwasyon, isyu at kahilingan ng mga magsasaka, mangisngisda, agricultural workers at peasant women.

Nakatakdang ihayag ng mga ito kung bakit nananatiling paatras umano ang domestic economy, agricultural, at service-oriented.

“The government must be decisive enough to resort to radical and bold economic reforms to uplift agriculture and foster the creation of jobs for Filipinos,” ani KMP leader at dating agrarian reform secretary Rafael Mariano.

Kabilang dadala ang mga magsasaka mula sa Central Luzon, agrarian reform beneficiaries mula sa Hacienda Tinang, fisherfolks at iba pang sector. (Ara Romero)

5 CHINESE NATIONALS, INARESTO SA KIDNAP FOR RANSOM

Posted on: July 25th, 2022 by @peoplesbalita No Comments

NAARESTO ng Manila Police District (MPD)-Station 5 ang limang indibidwal kabilang ang tatlong Chinese national dahil sa pagdukot sa tatlo nilang kababayan.

Kasong Kidnap for Ransom (Art 267, RPC) at Comprehensive Firearm and Ammunition Regulation Act (RA 10591) ang kinakaharap ng mga naaresto na sina Wang Joe, 28; Ouyang Fuqing, 32; Chai Xin Yuan, kapwa Chinese national at pansamantalang nanunuluyan sa Bayport West, panulukan ng Mabini St., at P. Gil St., Malate, Maynila.

Arestado rin ang kanilang kasabwat na sina Kenneth Querubin, 39, residente sa 1018-C Concepcion Aguila, Maynila at si Noel Fame Dioneda ng 346 Paoay Road, Marian Park St., Martin De Forest, Parañaque City.

Ayon sa MPD-Station 5, bandang alas-10:00 Huwebes ng gabi nang maaresto ang mga suspek makaraang makatanggap ng reklamo mula sa isa ring Chinese national na si Jeff Wang na kasamahan ng mga biktima na sina Yang Han, Xu Wen Yang at Cui Shao Kun, kapwa nanunuluyan sa Malate,Maynila.

Sa reklamo ni Wang ,kapwa sila nasa Remedios Street, Malate, Maynila ng mga biktima nang dukutin ng mga suspek ang kanyang mga kaibigan at isinakay sa isang van .

Humirit ng ransom ang mga suspek na halagang P3 milyon kapalit ng pagpapalaya sa mga biktima.

Matapos matanggap ang reklamo, agad na nagpadala ng tauhan si PLt/Col John Guiagui ng tauhan para sa entrapment operation kasama ang mga operatiba ng Tactical Motorcycle Rider Unit .

Sa panulukan ng Mabini St., at P. Gil St., Malate naispatan ni Wang at mga operatiba ang mga suspek kaya agad silang pumosisyon at inaresto ang mga ito.

Nasagip naman ang mga biktima sa loob ng Toyota Hi Ace Commuter Deluxe na may plakang NDM 8999.

Samantala, ibinunyag din ng mga biktima na sila ay ikinulong sa Bayport, Parañaque ng ilang araw kung saan sila sinasaktan at hindi pinapakain.

Sa nasabing operasyon,nakuha sa mga suspek ang isang baril at mga bala. (Gene Adsuara)

20% discount sa mga gov’t certificates at clearances para sa job applicants, isinulong sa Senado

Posted on: July 25th, 2022 by @peoplesbalita No Comments

NAGHAIN ng panukalang batas si Sen. Ramon Bong Revilla Jr. na naglalayong bigyan ng 20 porsiyentong diskuwento ang bawat mahirap na Pilipino para sa kaukulang dokumento na kakailanganin sa kanilang pag-a-apply ng trabaho.

Ito ang Republic Act No. 11261 o ang ‘First Time Jobseekers Assistance Act’ na na makakatulong sa bawat mahihirap na kababayan para mapagaan ang kanilang mga gastusin sa pag-aaply ng trabaho na isa sa dahilan kaya tumataas ang bilang ng walang trabaho.

Ayon kay Revilla, lahat ng kompanya maging pribado man o pampubliko ay nangangailangan ng legal na dokumento na kailangang isumite ng mga aplikante mula sa mga ahensiya ng pamahalaan at lahat ito ay may kaukulang bayad.

Kung magiging isang ganap na batas ay mababawasan ng 20% diskuwento ang lahat ng babayaran ng isang mahirap na aplikante sa Barangay Clearance,NBI Clearance, PNP Clearance, Medical certificate para sa local employment mula sa kahit anong government hospital na nasa pamamahala ng Department of Health (DOH).

Kabilang din ang PSA Marriage Certificate, PSA Certificate of Live Birth, Transcript of Records, Diploma, Certificate of Good Moral Character mula sa eskuwela, CSC Certificate ng Civil Service Eligibility, National Certificate at Certificate of Competency na iniisyu ng TESDA at iba pang dokumento na iniisyu ng pamahalaan na kailangan sa paghahanap ng trabaho.

Kailangan lamang umano na magdala ng patotoo mula sa social welfare ng lokal na pamahalaan o opisyal ng barangay ang isang aplikante na isa itong mahirap at ang mga kaanib ng ‘Pantawid Pamilyang Pilipino Program’ ay awtomatikong kuwalipikado na sa panukalang ito.

Ads July 25, 2022

Posted on: July 25th, 2022 by @peoplesbalita No Comments

Mga ama, dapat na magbigay ng child support alinsunod sa batas-DSWD

Posted on: July 25th, 2022 by @peoplesbalita No Comments

INATASAN ni Department of Social Welfare and Development (DSWD) Secretary Erwin T. Tulfo ang lahat ng field offices ng departmento na maging handa na tulungan ang mga ina na naghahanap ng child support mula sa ama ng kanilang anak o mga anak.

Sinabi ni Tulfo, alinsunod sa Article 195 ng Family Code, binigyang diin nito na ang mga magulang ay “legally required” na suportahan ang kanilang mga anak.

Nakasaad din sa Article 194 ng Family Code na “support comprises everything indispensable for sustenance, dwelling, clothing, medical attendance, education and transportation, in keeping with the financial capacity of the family.”

“Linawin ko lang po na hindi ko naman sinabi na kakasuhan namin agad ang hindi nagbibigay ng child support. Nasa batas po kasi natin, matik sa batas na kailangang suportahan ang bata. Maaring pinansiyal, o pag-aralin mo. Ang sinasabi ko, kung may trabaho at usually malalaman natin yan sa misis kung may trabaho,” ayon kay Tulfo.

Ayon naman sa Article 201 ng Family Code, “The amount of support…shall be in proportion to the resources or means of the giver and to the necessities of the recipient.”

Sa kabilang dako, hinikayat ni Tulfo ang mga ina na dalhin ang kanilang mga concerns sa DSWD, maaari aniyang humingi ng tulong o magpasaklolo ang mga ina sa DSWD para makakuha ng suporta mula sa ama ng kanilang anak o mga anak.

Gaya ng nakasaad sa Article 203 ng Family Code, “The obligation to give support shall be demandable from the time the person who has a right to receive the same needs if not for maintenance, but it shall not be paid except from the date of judicial or extra-judicial demand.”

Idagdag pa ng kaparehong probisyon na, “payment shall be made within the first five days of each corresponding month or when the recipient dies, his heirs shall not be obliged to return what he has received in advance.”

“Pwede po kayong lumapit sa amin sa DSWD, kung may mga tatay na ayaw magsustento sa mga anak nila, provided na yung tatay ay may trabaho o may kinikita. Susulatan po namin, magdedemand kami na sustentuhan niya yung anak niya. Otherwise, ipapasa po namin ito sa korte, bahala na po ang Public Attorney’s Office (PAO). Tutulungan din po natin na ilapit sa IBP para magsampa ng kaso,” ayon kay Tulfo. (Daris Jose)

Centaurus Omicron subvariant, nakapasok na sa Pinas

Posted on: July 25th, 2022 by @peoplesbalita No Comments

NANINIWALA ang mga eksperto na maaring nakapasok na sa bansa ang bagong BA.2.75 o Centaurus Omicron subvariant.

Ayon kay Dr. Guido David ng OCTA Research Group, ang inaasahan nilang posibleng peak o pinakamataas na kaso ng COVID-19 sa Metro Manila ay hindi pa nangyayari at patuloy pa sa pagtaas ang mga kaso.

“Hindi naman typical pattern iyan eh. Usually, ‘pag pababa na siya, tuluy-tuloy na pababa eh. So, bakit siya tumaas ulit? May possibility na baka may ibang subvariant na umiikot,” ani David.

Simula noong Pebrero 12, nakapagtala ng pinakamataas na bagong kaso ang bansa ng 3,389 kung saan 1,169 ang mula sa Metro Manila.

Nakikita rin ng ABS-CBN Data Analytics Team ang pagtaas ng mga kaso mula sa Calabarzon at Central Luzon. (Daris Jose)

Sa first Tiktok Series sa Pilipinas na ’52 Weeks’: Tiktok Superstar na si QUEENAY, bidang-bida na at makatatambal si JIN

Posted on: July 25th, 2022 by @peoplesbalita No Comments

BIDANG-BIDA ang isa Tiktok Superstar na si Queenay Mercado, na una naming napanood sa ‘Sing Galing’, na kung saan makatatambal niya ang ‘It’s Showtime’ Ultimate BidaMan winner na si Jin Macapagal, sa kauna-unahang Pinoy Tiktok series na “52 Weeks.”

Matapos nga ang matagumpay na launching ng digital series na “GVBOYS: Pangmalakasang Good Vibes” at “Ang Babae sa Likod ng Face Mask,” na tinangkilik ng netizens, muling maglalabas ang Puregold ng isa na namang serye na siguradong magpapakilig sa mga manonood.

Ang nasabing 36-episode digital series na kinunan sa mala-paraisong isla ng Cagbalete sa Mauban, Quezon, ay mula direksyon ni Lemuel Lorca at mula sa produksyon ng award-winning filmmaker na si Chris Cahilig. Makakasama rin nila sina Derick Lauchengco na itinanghal na Misters of Filipinas Second Prince at ang kilalang Influencer na si Herbie Cruz.

Say ni Queenay, “Super happy po ako na naging part ako ng series na ‘to.

“Knowing na ito po ang kauna-unahang Filipino Tiktok series, I feel honored po talaga to be cast as leading lady!”
May mahigit 12.3 million followers si Queenay sa Tiktok. Inimbitahan niya na rin ang mga ito na panoorin ang bagong serye. “Para sa inyo po ang nakakakilig na series na ito! Sana po manood kayong lahat at patuloy na sumuporta sa akin.”

Gagampanan ni Queenay ang karakter ni Mina, isang 25-year-old hopeless romantic na certified NBSB (No Boyfriend Since Birth). Nais ng mga kaibigan ni Mina na sina Eya at Chem na maranasan ng dalaga ang magka-lovelife kaya determinado ang dalawa na mahanapan siya ng potential boyfriend sa loob ng 364 na araw o 52 weeks.

Ipinaliwanag ng Puregold President Vincent Co kung ano ang kanilang inspirasyon sa pagbuo ng Puregold Channel. “As online content continues to flourish, we want to further drive Puregold retailtainment and connect with customers, old and new.”

Dagdag pa ni Co, nais nilang makapaghatid ng aliw sa mga Pilipino sa loob at labas ng Puregold stores sa pamamagitan ng makabagong paraan sa industriya ng media, “Puregold Channel is our platform for showcasing fresh and relevant stories. And launching this first-ever TikTok series in the country is another groundbreaking move that we’re proud of.”

Matatagpuan nga kaya ni Mina ang pag-ibig sa loob lamang ng 52 weeks?! Abangan ang unang episiode ng “52 Weeks” sa darating Miyerkules, July 27 sa opisyal na Tiktok channel ng @puregoldph.

Para sa updates, i-follow na rin ang @puregold.shopping sa Facebook, @puregold_ph sa Instagram at Twitter. Siguraduhin ding naka-subscribe ka sa YouTube Channel ng Puregold!

(ROHN ROMULO)

DOTr: Paggamit ng automated fare collection system sa lahat ng transport systems pinagaaralan

Posted on: July 25th, 2022 by @peoplesbalita No Comments

PINAG-AARALAN ng Department of Transportation (DOTr) ang paggamit ng automated fare collection system (AFCS) sa lahat ng pampublikong transportasyon.

Tinatayang gagastos ang pamahalaan ng P4.5 billion para sa proyektong nasabi kung saan ang mga pasahero sa mga buses, jeepneys at lahat ng rail lines kasama na rin ang air services ay maaaring gugamit ng debit at credit cards bilang kanilang pambayad sa pamasahe.

“We have to finalize the feasibility study that will be submitted to NEDA, which is the final stage. I think in the next three months, we can discuss it with NEDA already. In one-and-a-half to two years, you can use credit cards in public transportation without hassle,” wika ni DOTr undersecretary Cesar Chavez.

Inaasahan ng pamahalaan na kanilang mailulungsad ang AFCS sa susunod na taon. Maaring gamitin ang iba’t ibang uri ng credit cards tulad ng Mastercard at Visa. Ang pamahalaan ang siyang magiging mayari ng housing payment scheme.

Kasama rin ang Beep card sa nasabing payment network at ang paggamit nito ay papalawakin pa sa ibang transport units.

Ang Beep card ay produkto ng AF Payments Inc. na isang consortium sa pagitan ng Ayala Group at First Pacific Group na siyang ginagamit bilang isang stored value ticket sa lahat ng rail lines na pag-mamayari ng pamahalaan.

Hinihikayat ng DOTr sa pamumuno ng bagong DOTr Secretary Bautista ang pag-gamit ng stored value tickets upang maiwasan ang mahabang pila sa mga estasyon ng rail lines lalo na kung rush hours.

Inutusan ni Bautista ang mga rail managers na pag-aralan kung paano mabibigyan ng discounts ang mga pasahero na gumagamit ng Beep cards.

Naging madali para sa DOTr noong pandemya ang paglipat ng transport sector sa paggamit ng digital payments upang mabawasan ang face-to-face transactions.

“The use of technology-based and data driven systems also resulted in reduced processing time and efficient delivery of services,” dagdag ni Chavez.

Noong nakaraang taon, ang DOTr at Land Bank of the Philippines (LBP) ay lumagda sa isang kasunduan para sa pilot testing ng AFCS sa mga multiple transport units.

Pinatupad rin ng DOTr ang paggamit ng contactless system para sa mga toll booths ng SLEX at NLEX sa pamamagitan ng RFID tags Autosweep at Easytrip. LASACMAR

“SHAZAM” FIGHTS FOR THE WORLD IN “FURY OF THE GODS” TRAILER

Posted on: July 25th, 2022 by @peoplesbalita No Comments

FRESH from the San Diego Comic Con, check out the official trailer for “Shazam! Fury of the Gods” – in cinemas across the Philippines January 8, 2023.

YouTube: https://youtu.be/6WCxvXNYVSA

Facebook: https://fb.watch/erWsg6auN2/

About “Shazam! Fury of the Gods”

From New Line Cinema comes “Shazam! Fury of the Gods,” which continues the story of teenage Billy Batson who, upon reciting the magic word “SHAZAM!,” is transformed into his adult Super Hero alter ego, Shazam.

“Shazam! Fury of the Gods” stars returning cast members Zachary Levi (“Thor: Ragnarok”) as Shazam; Asher Angel (“Andi Mack”) as Billy Batson; Jack Dylan Grazer (“It Chapter Two”) as Freddy Freeman; Adam Brody (“Promising Young Woman”) as Super Hero Freddy; Ross Butler (“Raya and the Last Dragon”) as Super Hero Eugene; Meagan Good (“Day Shift”) as Super Hero Darla; D.J. Cotrona (“G.I. Joe: Retaliation”) as Super Hero Pedro; Grace Caroline Currey (“Annabelle: Creation”) as Mary Bromfield / Super Hero Mary; Faithe Herman (“This Is Us”) as Darla Dudley; Ian Chen (“A Dog’s Journey”) as Eugene Choi; Jovan Armand (“Second Chances”) as Pedro Pena; Marta Milans (“White Lines”) as Rosa Vasquez; Cooper Andrews (“The Walking Dead”) as Victor Vasquez; with Djimon Hounsou (“A Quiet Place Part II”) as Wizard.

Joining the cast are Rachel Zegler (“West Side Story”), with Lucy Liu (“Kung Fu Panda” franchise) and Helen Mirren (“F9: The Fast Saga”).

The film is directed by David F. Sandberg (“Shazam!,” “Annabelle: Creation”) and produced by Peter Safran (“Aquaman,” “The Suicide Squad”). It is written by Henry Gayden (“Shazam!,” “There’s Someone Inside Your House”) and Chris Morgan (“Fast & Furious Presents: Hobbs & Shaw,” “The Fate of the Furious”), based on characters from DC; Shazam! was created by Bill Parker and C.C. Beck. Executive producers are Walter Hamada, Adam Schlagman, Richard Brener, Dave Neustadter, Victoria Palmeri, Marcus Viscidi and Geoff Johns.

Joining director Sandberg behind-the-camera are director of photography Gyula Pados (the “Jumanji” franchise), production designer Paul Kirby (“The Old Guard,” “Jason Bourne”) and editor Michel Aller (“Shazam!,” “The Nun”). The music supervisor is Season Kent (“DC League of Super-Pets,” “The Addams Family 2”) and the music is by Christophe Beck (“Free Guy,” “Frozen II”). Visual effects supervisors are Bruce Jones (“Aquaman,” “It”) and Raymond Chen (“Alita: Battle Angel,” “The Meg”). The costume designer is Louise Mingenbach (“Jumanji: The Next Level,” “Godzilla: King of the Monsters”).

New Line Cinema presents A Peter Safran Production of A David F. Sandberg Film, “Shazam! Fury of the Gods,” opens in cinemas across the Philippines on January 8, 2023.

Join the conversation online and use the hashtag #ShazamMovie

(ROHN ROMULO)

Mga dadalo ng SONA 2022, dapat sumailalim sa RT-PCR test

Posted on: July 23rd, 2022 by @peoplesbalita No Comments

MGA dadalo ng SONA 2022, dapat sumailalim sa RT-PCR test ng mula Sabado (Hulyo 23) ng ala-1:30 ng hapon

Ito ang nakapaloob sa ipinalabas na health and safety protocols ni House of Representatives Secretary-General Mark Llandro Mendoza bilang guidance sa mga dadalo sa pagbubukas ng First Regular Session ng 19th Congress at unang State of the Nation Address (SONA) ni Presidente Ferdinand Marcos Jr. ngayong Lunes (Hulyo 25, 2022).

Nakasaad sa naturang memorandum na may petsang Hulyo 20, 2022 na ang bawat indibidwal na papasok sa North Wing Lobby, South Wing Lobby at Plenary Hall para sa SONA ay kailangang magprisinta ng kanilang negative RT-PCR result na kinuha sa alinmang Department of Health-accredited laboratory mula ala-1:30 ng hapon ng Sabado, Hulyo 23, 2022.

Samantala, ang mga mambabatas, Secretariat officials at staff, maging mga regular service providers na magbabalik trabaho at papasok sa plenary hall sa araw ng sona ay maaaring kumuha ng kanilang RT-PCR test sa kamara ngayong Sabado, mula alas-1:30 ng hapon hanggang alas-7 ng gabi o Linggo (Hulyo) 24, 2022, mula alas-7 ng umaga hanggang alas-12 ng tanghali.

Maaaring kunin ng mga mambabatas at secretariat officials ang kanilang RT-PCR test sa South Wing Annex habang ang secretariat staff at service providers ay sa RVM Building.

Lilimitahan din ang pagpasok ng personnel ng iba’t ibang congressional offices hanggang dalawang personalidad lamang na ang pangalan ay kailangang isumite sa Legislative Security Bureau (LSB).

Mananatili naman sa skeletal force ang tanggapan ng Secretariat na kasali sa ginagawang preparasyon ng SONA. (Ara Romero)