2022 July Archive - People's Balita

Archive for July, 2022

Sa dalawa lang na-starstruck sa buong buhay niya: ALDEN, consistent sa pagsasabing idol niya sina JOHN LLOYD at BEA

Posted on: July 28th, 2022 by @peoplesbalita No Comments

CONSISTENT talaga ang Asia’s Multimedia Star na si Alden Richards na idol niya talaga sina John Lloyd Cruz at Bea Alonzo.

Kaya ang unang pagsasama raw nila ni Bea ngayon sa ‘Start-Up PH’ ay isang bagay rin na noong una ay hindi niya inakalang posible pala.

“Hindi naman po lingid sa iba na sobrang fan po ako ng Bea at John Lloyd loveteam, ever since before pa ako magsimula po ako sa showbiz. Sa totoo lang po, sa kanilang dalawa lang po ako na-starstruck sa buong buhay ko.

“So working with her, parang I was given a chance to work with my idol, parang gano’n ‘yung dating, e. Iba rin ang experience as I go along po sa showbiz, 11 years na po ako rito, patuloy pa rin po ang pagtupad ni Lord sa mga pangarap ko.

“And ito nga po yun, which is Star-Up Ph, nagkaroon ako ng chance to be paired with Bea Alonzo,” sey niya.

Tinanong namin si Alden kung bakit nga napili niya ang ‘Star-Up’ na gawan ng adaptation. Kung sa character ni Good Boy na ginampanan ng Korean actor na si Kim Seon Ho, masasabing mas marami siyang ‘di-hamak na mas challenging roles na nagawa na before.

Kaya curious kaming malaman kung ano ang nakita niya sa role ni Good Boy na noong binasa niya, na-challenge pa rin siya.

“Kasi kami po, siyempre, napanood naman natin ang Korean version. ‘Yung pagkakalapat po ng story is very different sa Filpino version. Ang maganda po, na-appreciate ko po na nagawa ng mga Creatives natin na malalim po ang character ni Good Boy na hindi natin nakita sa Korean version. Mas mae-emphasize rin po ‘yun at mas malalim po ang hugot.”

Sabi pa niya, “Of course naman po, gusto po natin na every project, mas nagpa-progress tayo. I also take that into consideration and don’t worry po, kapag napanood niyo po ito, makikita niyo po ang sinasabi ko.”

Sey naman namin kay Alden, wala naman kaming worry sa pwede niyang ipakita at baka nga mas mahigitan pa niya ang original.

***

WALANG duda na going international talaga ang peg ni Liza Soberano. Recently lang, spotted siya ng ilang beses sa ilang event sa Hollywood.

Ngayon naman, ang mga pasabog ni Liza na tila collaboration niya with no less DK of South Korean boy group na iKON. Kahit si DK, ipinost din niya ang dance moves nila ni Liza sa kanyang Tiktok account.

Pero ang pinaka-achieve sa pagpunta ni Liza sa South Korea, ang hindi lang siya nagpa-fangirling, hindi lang siya namasyal but instead, naging guest siya sa isa sa mga show sa Korea.

Ang MBN’s show na “Not Hocane But Scance”

Sey niya, “Had my first ever korean show guesting tonight on MBN’s ‘Not Hocane but Scance.’

“Thank you to the hosts and guests of the show for making the experience fun and comfortable!”

Ang mga hosts na sina Ye Ji-won, Ji-young Kang, Nicole Jung at Soyou. Sa interview, sinabi rin ni Liza na hoping siya na magkaroon ng project sa Korea.

“I am here for a kind-of-vacation-kind-of-work. I’m just exploring Seoul and I’m a huge fan of K-pop and K-drama so I want to find work here.”

Sa isang banda, pwedeng sabihin na ang bagong management company ni James Reid ay may koneksiyon talaga internationally, huh!

(ROSE GARCIA)

Face-to-face classes, napapanahon na — Pangulong Marcos

Posted on: July 27th, 2022 by @peoplesbalita No Comments

WALA nang makakapigil sa pagbabalik ng “full face-to-face” classes matapos itong banggitin ni Pangulong Ferdinand Marcos Jr. sa kanyang State of the Nation Address (SONA).

Ayon kay Marcos, naniniwala siya na panahon na para bumalik sa mga silid aralan ang mga estudyante.

“In the educational sector, I believe it is time for our children to return to full face-to-face classes once again,” ani Marcos.

Sinabi rin ni Marcos na pinaghahandaan na ito ng Department of Education sa pangunguna ni Vice President Sara Duterte pero ikinokonsidera rin ang kaligtasan ng mga estudyante dahil nasa gitna pa rin ng COVID-19 pandemic ang bansa.

Pinatitiyak din ni Marcos ang kaligtasan hindi lang ng mga estudyante kundi ng mga guro at buong academic community sa pagbabalik ng face-to-face classes.

Muling hinikayat ni Marcos ang lahat na magpaturok ng booster shots bilang paghahanda sa in-person classes.

Ito ang dahilan kung bakit ipinag-utos niya sa Department of Health (DOH) at Department of the Interior and Local Government (DILG) na magsagawa ng panibagong rollout ng booster shots.

Idinagdag ni Marcos na nagsasagawa na rin ng pag-aaral sa K-12 school system.

Swedish Armand Duplantis nabasag ang sariling record sa World Championships

Posted on: July 27th, 2022 by @peoplesbalita No Comments

NABASAG ni Armand Duplantis ang kaniyang sariling pole vault world record sa World Championships.

Nagtala ito ng 6.21 meters na record o mas mataas ng isan centimeters sa dating world record nito na ginawa noong Marso sa World Indoor Championships.

Tiyak na ang pagkuha ng Swedish pole vaulter sa kaniyang unang time jumps ng mahigit 6 meters matapos na nabigo ang katunggali nito na makapasok sa 5.94 meter.

Ito rin ang unang beses na ginanap sa US ang torneo kung saan humakot ang Team USA ng 13 golds, siyam na silvers at 11 bronze medals.

Pagpapalabas ng 92 milyong nat’l IDs sa taong 2023 itinutulak

Posted on: July 27th, 2022 by @peoplesbalita No Comments

IPINAG-UTOS ni Pangulong Ferdinand Marcos Jr. sa Philippine Statistics Authority ang pagpapalabas ng 30 milyong national IDs bago matapos ang taong 2022.

Gusto rin ni PBBM na maabot ang “target goal” na 92 milyon sa kalagitnaan ng susunod na taon.

Tinukoy ng Pangulo ang mahalagang gampanin ng digital transformation.

Sa kanyang unang State of the Nation Address (SONA) sa Batasang Pambansa sa Quezon City, araw ng Lunes, Hulyo 25, sinabi ni Pangulong Marcos na napakahalaga ng national ID sa tinatawag na ‘seamless transactions’ sa pagitan ng mga mamamayan at national at local governments.

“The National ID will play an important part in this digital transformation. For citizens to be able to seamlessly transact with government, their identity must be verifiable,” anito.

“The target is to accomplish the issuance of about 92-million IDs by the middle of 2023,” aniya pa rin.

At upang magamit ng maayos ang sistema, ipinag-utos nito sa Department of Information and Communications Technology (DICT) “to digitize and harmonize government databases and have their data readily shared across departments and agencies.”

“(The DICT) has the daunting task of transforming our government into an agile bureaucracy that is responsive to the needs of the public, provide good and solid data to ensure informed decision making, and allow secure and seamless access to public services,” ang pahayag ng Punong Ehekutibo.

“I have therefore tasked DICT Secretary Ivan Uy to deploy digital connectivity across our various islands,” ayon pa rin sa Pangulo.

Ang mga nasabing proyekto ani Pangulong Marcos ay National Broadband Plan na naglalayong lumikha ng isang single digital backbone para sa national at local government, common tower program na mag- streamlines sa pagtatayo ng towers at gawin angmga ito na cost-effective sa pamamagitan ng “tower-sharing and connecting GIDAs” sa pamamagitan ng “BroadBand ng Masa” project.

“All relevant modes of digital transport should be utilized. These may be through a combination of terrestrial or submarine fiber optic, wireless, or even satellite technology,” ang pahayag ng Pangulo.

Sa kamakailan lamang na pagkakapasa ng Public Service Act (PSA) na nag-aalis sa restriksyon ukol sa foreign investment, nakikita ng Pangulo ang pagtaas sa foreign direct investment sa information and communications technology (ICT) sector.

“This includes the entry of the internet service provider (ISP) Starlink — owned by Elon Musk’s SpaceX — that seeks to provide low-latency high-speed internet service to those that typical copper or fiber-based ISPs cannot reach,” ayon sa ulat.

“The scale and speed at which these innovations are introduced universally into our everyday activities are unprecedented in our recorded history. We cannot stand idly by,” ang pahayag ng Punong Ehekutibo. (Daris Jose)

Kahit may banta pa ng Covid-19: Wala na tayong gagawing lockdown-PBBM

Posted on: July 27th, 2022 by @peoplesbalita No Comments

WALANG balak si Pangulong Ferdinand Marcos Jr. na magpatupad pa ng lockdown sa bansa sa kabila nang nananatili pa rin ang banta ng COVID-19 lalo’t may mga nadidiskubreng bagong variants ng coronavirus.

Sinabi ni Pangulong Marcos sa kanyang unang State of the Nation Address (SONA) sa Batasang Pambansa Complex sa Quezon City, araw ng Lunes, Hulyo 25, hindi na kakayanin pa ng bansa ang isa pang lockdown.

“Wala na tayong gagawing lockdown,” pagtiyak ng Pangulo.

Sinabi pa nito na dapat aniyang balansehin nang maayos ang kalusugan at kapakanan ng mga mamamayan sa isang banda, at ang ekonomiya naman sa kabilang banda.

Nakikipagtulungan aniya ang iba’t ibang ahensya ng pamahalaan sa pag-monitor sa mga COVID-19 hospital admission upang makatiyak na may sapat na kapasidad ang health care system, at maiwasan ang pagsipa ng bilang ng nagkakasakit.

Patuloy din ayon sa Pangulo ang vaccine booster rollout para sa pangkalahatang depensa.

“Sa ganitong paraan, kahit pa tumaas muli ang bilang ng mga COVID cases, mananatiling mababa ang bilang ng mga maospital at bilang ng mga namamatay,” ayon sa Chief Executive.

“Sa pamamagitan nito, unti-unti rin tayong masasanay na nariyan ang virus pero hindi na seryoso ang banta sa ating buhay.,” dagdag na pahayag ni Pangulong Marcos.

Sinabi pa rin niya na i-aayon niya ang mga health protocols sa kung ano ang pangangailangan sa paglipas ng panahon at lalo pang iibayuhin ang kooperasyon kasama ang pribadong sektor upang tumaas pa ang kumpyansa ng mga mamumuhunan, nang sa gayon ay bumalik na tayo sa “full capacity” lalong-lalo na ang mga negosyo.

“Pagbubutihin pa natin ang pagpapakalat ng tamang impormasyon ukol sa COVID, kasama ang kahalagahan ng bakuna,” ayon sa Pangulo.

Sa ngayon aniya ay mananatili muna ang Pilipinas sa Alert Level System.

Pinapag-aralan aniya ng pamahalaan ang ibang paraan ng klasipikasyon upang mas babagay sa kasalukuyang sitwasyon lalong-lalo na sa pagbabago ng Covid.

“Sa pakikipagtulungan ng Kongreso, itatatag natin ang ating sariling Center for Disease Control and Prevention at ang isang vaccine institute,” anito.

Samantala, binanggit din ng Pangulo na magtatayo siya ng dagdag na mga health center at ospital.

“Beyond the issues that the pandemic has brought, the need for a stronger health care system is self-evident. We must bring medical services to the people and not wait for them to come to our hospitals and health care centers,” lahad nito.

Sinabi ng Pangulo na napakinabangan nang husto ng mga mamamayang Filipino ang malalaking specialty hospitals gaya ng Heart Center, Lung Center, Children’s Hospital at National Kidney and Transplant Institute.

Kaya maliwanag aniya na na hindi lang dapat sa National Capital Region, kundi maging sa ibang parte ng bansa kailangan na magdagdag ng ganitong uri ng mga pagamutan.

“Bukod dito, upang mailapit natin ang health care system sa taumbayan nang hindi sila kailangang pumunta sa sentro ng kanilang bayan, lalawigan o region, ay maglalagay tayo ng mga clinic, mga RHU na pupuntahan ng mga doktor, nurse, midwife, medtech, isang beses, dalawang beses sa isang linggo — nang sa gayon, magiging mas madali sa may karamdaman na magpapagamot nang hindi na kailangang magbiyahe nang malayo,” lahad ng Pangulo.

“One of the cornerstones of a strong healthcare system is the provision of competent and efficient medical professionals. We will exert all efforts to improve the welfare of our doctors, our nurses, and other medical frontliners,” aniya pa rin. (Daris Jose)

TAGUIG, UNANG SIYUDAD SA NCR NA MAY LISENSYADONG HEALTH CENTERS BILANG PRIMARY CARE FACILITIES

Posted on: July 27th, 2022 by @peoplesbalita No Comments

NAUNA ang dalawang Health Centers sa Lungsod ng Taguig ang nabigyan ng license to operate bilang Primary Care Facilities (PCF) ng Department of Health (DOH).

Ang Calzada Health Center at Hagonoy Health Center ay may licensed to operate hanggang December 31, 2024 alinsunod sa Administrative Order No. 2020-0047 na sumasakop sa lahat ng pampubliko at pribadong PCFs, maliban sa outpatient department ng mga ospital at infirmaries.

Layunin ng PCFs na magbigay ng pangunahin at patuloy na aruga at pangangalaga sa mga pasyente gamit ang komprehensibo at coordinated na serbisyong medikal.

Ang paggawad ng lisensya sa PFCs ay kailangan upang matugunan at maisakatuparan ang layunin ng Universal Health Care (UHC) Act. Tinitiyak ng lisensiya na ang PCF ay madaling mapuntahan, abot-kaya ang halaga, ligtas sa bawat mamamayan, at nagtataglay ng pinakamataas na kalidad sa pagbibigay ng pangangalaga at benepisyong kalusugan sa mga tao.

Iniaatas ng Universal Health Care Law na ang lahat ng Filipino ay agad na maging miyembro ng Philippine Health Insurance Corporation (PhilHealth). Sa ilalim ng batas na ito, may karapatan ng bawat mamamayan na tumanggap ng mga benepisyong pangkalusugan. Layunin din nito na pag-isahin ang provincial health systems at nakagawa ng multi-sectoral policy action.

Ipinaalala naman ni Mayor Lani Cayetano na isa sa mga layunin ng kanyang administrasyon ang ipagpatuloy ang pagpapalawak ng pagbibigay ng serbisyong pangkalusugan sa lungsod.

“Naniniwala kami na upang maging angkop ang lokal na pamahalaan sa mabilis na pagbabago ng ating komunidad, kailangan nating masiguro ang magandang kalusugan ng ating mamamayan at kanilang kapaligiran. Ang kalusugan ay mahalaga upang gumana ng maayos at normal ang ating lipunan, kaya naman kailangan nating ipagpatuloy ang pagbalangkas ng mga epektibong programa para sa ating mga kababayan sa lungsod ng Taguig,” wika ni Mayor Lani. (Gene Adsuara)

Sa pinag-uusapang balita na nabuntis si AJ… ALJUR, mahirap maging jowa at ka-bonding ayon kay RR

Posted on: July 27th, 2022 by @peoplesbalita No Comments

PINANGATAWANAN na talaga at ini-enjoy ni RR Enriquez ang pagiging sawsawera sa mga isyu sa showbiz, kaya naman inaabangan na rin ng mga netizens ang kanyang opinyon.

Ang latest ay nakisawsaw siya sa isyu na nabuntis daw ni Aljur Abrenica ang girlfriend si AJ Raval. Na hanggang ngayon ay pareho pa ring nananahimik at wala pang pag-amin kung totoo ba ang pinag-uusapang balita.

Kaya sa IG post ng aktres, sinimulan niya ito ng, “Ang daming sasawsawan na issue!! Ang saya saya🤣 CHAR!!

“Lalo tuloy ako na-inspire sumawsaw dahil sa guesting ko kahapon sa @tropanglol as one of their celebrity player for MARITEST😂 (Swipe)

“Nag-enjoy ako sa game na yun at nanalo ako ng 40thousand pesos!!

“Oh diba napakinabangan ko ang pagiging sawsaweRRa!? Baka next thing you know mag balik na ako sa showbiz as one of SawsaweRRa Queen palit kay Manay Lolit at Manay Cristy..

“Mindset ba mindset! More income more fun😅 CHAROT😂😅 Syempre walang papalit sa mga yun😜”
Tungkol naman sa Aljur-AJ issue, pananaw niya…

“On a serious note if totoo man ito…. “My goodness gracious….. Blessing naman talaga ang baby ❤️🙏🏼 Pero gaya nga ng sinabi ko the other day, sana kung kaya naman. Please don’t rush na mag asawa or mag pabuntis.. Think about your future first… May ipon na ba? Nakapag pundar na ba?

“Well hindi ko naman sinasabing katapusan na ng mundo mo if nag asawa ka ng bata at nag anak ka ng bata… But what I’m trying to say is, limitado na ang bawat kilos at galaw mo coz you don’t decide for yourself anymore. You have to think about your partner (or if single parent) you have to think of your kids before making a drastic decisions… Yun lang. Ang daming iku consider…

“Kaya ang pag aasawa at pagbi baby naniniwala ako na dapat pinaplan talaga.. Kaya nga may family planning CHAR😅.”

Pagtatapos pa ni RR, “Ito naman si Aljur kung totoo man yan, nakakalowkah ka.. Ang hirap mo maging jowa. Gusto mo anak ng anak agad. Panget ka ka-bonding CHAR😝

“Anyways bahala kayo decission nyo yan.. malalaki na kayo… Bye ✌️😋 #QueenSawSaweRRa #SawSaweRRaWithAHeart”

Marami naman ang natuwa sa kanyang post at nag-comment, kahit na ‘yun iba ay nawindang talaga sa sinabi niyang, ‘ang hirap mo maging jowa at panget ka ka-bonding’:

“maganda ka magpayo..keep it up..di ka rude..dinadaan mo sa pagka comedy pero may tama ka dyan. ganyan dapat..youre doin it right. char din😀”

“Ang witty ng comment mo RR 👏make sense as always nde lng un my masbi lang.”

“Ang tahimik nila, baka totoo, abangan pag may lumabas na.”

“Ikaw ang sawsawera na may kinapupulatang aral.”

“Si kylie nga na mas maganda at isang Padilla iniwan e, sya pa kaya ❤️”

“Buti nalang magaling umarte si Kylie, kahit mommy na may career pa rin. Yang si @ajravsss wala pang baby wala ng makuhang matinong role, lalo pa kaya pag nagkaanak na. Tapos iiwan pa ni Aljur, iyak talaga yan 😂😂😂

“Sayang ang career ni girl then after manganak iiwan lng ni aljur..chariz.

“Aljur ang KJ mo dong. Lahat nang GF na nasa peak nang career buntisin agad eh hindi ka pa naman stable. Hindi ma natuto.”

(ROHN ROMULO)

Ngayong nakabalik na sa ‘ASAP’ after two years: SARAH, wala talagang offer kaya matitigil na ang balitang lilipat sa GMA

Posted on: July 27th, 2022 by @peoplesbalita No Comments

BINIGYAN ng send-off party ng “All-Out Sundays” last July 24, ang Kapuso Balladeer at “The Clash Season 1” alumnus na si Garrett Bolden Jr.

Very proud ang mga kasamahan niya sa show, especially sina Asia’s Balladeer Christian Bautista, Aicelle Santos (na ilang beses na ring nag-perform sa “Miss Saigon,”) with the original cast member din ng stage play, si Bobby Martino.

Sa show, nagpasalamat si Garrett: “I can’t be more excited to share sa inyong lahat. I prayed hard for this. Lord, maraming salamat.

“I will be joining the cast of “Miss Saigon” in Guam. It’s always been a dream of mine to venture into theatre and I know that joining Miss Saigon is one for the book for a singer. I know that I would grow and learn more as I try new things in this career. Thank you for the never ending support mga Kapuso! Lahat ng ito ay para sa inyo.

“I’ll be back soon, but until then, please pray for me. Kasama ko kayo sa journey na ito.”

Garrett will play the role of the American GI stationed in Saigon during the Vietnam War alongside Chris Scott, his best friend. John will be instrumental in the development of Kim and Chris relationship as well as their reunion later.

***

KASALUKUYAN palang nasa Switzerland si Kapuso “Bolera” actress Kylie Padilla.

Nagpunta roon si Kylie para sa shooting ng movie nA “Unravel” for Mavx Productions. Makakatambal niya sa movie si Gerald Anderson at ididirek ni RC delos Reyes.

Maraming netizens ang nagsabing very familiar ang mga places posted by Kylie sa kanyang social media pages.

Tama sila, dahil ang Lake Brienz sa Lucerne, Switzerland, ang location na ginamit sa Korean romantic drama series na “Crash Landing On You,” nina Hyun Bin at Son Ye-jin.

Masayang-masaya si Kylie na after niyang gawin ang GMA Primetime series na “Bolera,” ay nasundan agad ito ng isang movie project naman at kailangan pa niya mag-travel abroad to shoot.

Kaya kahit malayo si Kylie, patuloy siyang nag-iimbitang panoorin ng mga televiewers ang first sports serye ng GMA-7 every night after ng “Lolong.”

***

LAST Monday, July 25, nag-celebrate ng kanyang 34th birthday si Sarah Geronimo, and husband Matteo Guidicelli, greeted her on his Instagram page: “Happy Birthday, my love. I hope you enjoyed your special day today. You deserve all the love and happiness in the world. Seeing you bloom into a lady has been an incredible experience. Proud husband right here! Keep that fire burning.”

Pero last Sunday, July 24, bumalik na si Sarah sa “ASAP” after two years na hindi siya nagpakita roon. Kaya siguro ay mahihinto na ang balita na lilipat siya sa GMA.

Nagsalita na rin si Ms. Lilybeth Rasonable, Vice President for GMA Entertainment” “ang tagal na rin naming nadidinig yan, but no, wala kaming offer for Sarah G.”

Siguro, dahil madalas napapanood ngayon si Sarah at ang mga movies na ginawa niya sa Star Cinema at Viva Films, kaya akala ay lilipat na siya sa GMA. Ilang movies na rin ni Sarah ang naipalabas na sa Kapuso Network, like last Tuesday, July 26, ipinalabas ang “Miss Granny” na katambal sina Xian Lim at James Reid.

(NORA V. CALDERON)

Unang Pinoy na nanalo ng medalya sa World Championships EJ umukit ng kasaysayan!

Posted on: July 27th, 2022 by @peoplesbalita No Comments

HINDI man gold medal ang kanyang nakamit ay nakagawa pa rin ng kasaysayan si national pole vaulter Ernest John Obiena.

Lumundag si Obiena ng 5.94 meters para angkinin ang bronze medal sa 2022 World Athletics Championships kahapon sa Eugene, Oregon.

Ang nasabing performance ng World No. 6 pole vaulter ay isa ring bagong Asian record at kauna-unahang medalya ng Pilipinas sa world championships.

“2022 World Athletics Championships. Philippines is the best in Asia for pole vault. And 3rd best in the world,” sigaw ng 6-foot-2 na si Obiena sa kanyang Facebook post. “Hungry for more cookie. The best is yet to come.”

Sinira ng two-time Southeast Asian Games gold medalist ang dati niyang personal best na 5.93m na itinala niya sa International Golden Roof Challenge sa Innsbruck, Austria.

Nauna nang nabigo ang 26-anyos na si Obiena noong 2019 edition ng world championships nang hindi makausad sa final 12.

Madali niyang natalon ang 5.55m sa kanyang first attempt, ang 5.70m sa second attempt at 5.80m at 5.87m sa first attempt.

Inangkin ni world record-holder at Olympic Games winner Armand Duplantis ng Sweden ang gold medal sa pagpoposte ng bagong world record na 6.21m habang si American Chris Nilsen ang kumuha sa silver sa nilundag na 5.94m.

Naagaw ni Nilsen ang silver medal kay Obiena via countback nang makuha ng American ang 5.94m sa kanyang first attempt habang nailista ito ng Pinoy bet sa second attempt.

Inaasahang makakatanggap si Obiena ng cash incentive mula sa Philippine Sports Commission (PSC) at sa Philippine Olympic Committee (POC).

Vape Bill, tuluyan nang naging batas, kahit ‘di nilagdaan ng Pangulo

Posted on: July 27th, 2022 by @peoplesbalita No Comments

GANAP nang naging batas ang kontrobersiyal na Vaporized Nicotine and Non-Nicotine Products Regulation Act o mas kilala bilang Vape Bill.

Ito’y kahit hindi nilagdaan ng Pangulong Ferdinand Marcos Jr. ang bill.

Nagpaso na rin kasi ang kapangyarihan ng presidente na i-veto ito, matapos lumagpas sa isang buwan na hindi naaksyunan ang enrolled bill na ipinadala sa Malacanang.

Ang naturang panukala ay naratipikahan ng Senado at Kamara noong Enero 26, 2022.

Layunin ng batas na ma-regulate ang importasyon, manufacturing, pagbibenta, packaging, ditribusyon, at paggamit ng vaporized nicotine at non-nicotin products.

Sa ilalim nito, binibigyang kapangyarihan ang Department of Trade and Industry (DTI), na magtakda ng technical standards para sa vape products.

Tanging 18-anyos pataas lamang ang papayagan na gumamit o bumili ng produkto. (Daris Jose)