UMAANI ng papuri ang bagong online serye ng Puregold Channel na “Ang Babae Sa Likod ng Face Mask” matapos maipalabas ang isa na namang episode nito noong Sabado. 

Kasabay ng tagumpay na ito, patuloy ring dumarami ang mga manonood na kilig na kilig at hindi na makapaghintay para sa mga susunod na kabanata ng nasabing series.

Talaga namang tuloy-tuloy ang pagkasabik nang mapanood sa ikatlong episode na nakatanggap si Malta (Herlene Budol) ng friend request mula sa kanyang crush na si Sieg (Joseph Marco)! Hinikayat naman ni Madam Baby (Mickey Ferriols), ina ni Malta, na tanggapin ng dalaga ang friend request at dito na nagsimula ang online friendship ng dalawang bida.

Bagaman masaya si Malta na nakakausap na niya ang kanyang crush, hindi pa rin maiwasan ng dalaga ang ma-insecure at makulangan ng lakas ng loob na ipakita ang kanyang mukha kay Sieg. Sa kanilang mga video call, itinatago ni Malta ang buong itsura sa pamamagitan ng paggamit ng iba’t ibang filters. At, kahit na nasa bahay, palagi pa rin siyang nakasuot ng facemask.

Matapos mapanood ang pinakahuling episode, agad-agad na ibinahagi ng fans kung gaano sila kinikilig at nakaka-relate sa kuwento ni Malta:

“The story is funny but with a pinch, especially sa mga young ladies ba ipinanganak na di nabigyan ng magandang face. Just like Herlene in the story, masyadong mababa ang confidence sa sarili. Nakakarelate ang narami sa kuwento.”

“Super Ganda ng love ️ story para sa akin ️Bigla akong bumata, nakakakilig.” 

Puring-puri rin ng netizens si Joseph:

“Hooked na ako sa love story ni Malta at Sieg.”

“Joseph Marco is my ️️️️️.”

“Ka gwapo ni Marco makakiliggggggg.”

“Ang galing ni herlene natural ang acting ang pogi ni joseph may chemistry clang dalawa.”

Mababasa na rin ang kasabikan ng netizens para sa susunod na episodes at hinihiling nila na ilabas na ang mga ito.

Sa ikaapat na episode, magpapatuloy ang online na pag-uusap at pagkakaibigan ni Malta at Sieg. Sa gitna ng pagkakamabutihan, matatakot pa rin kaya si Malta o magkakaroon na siya ng lakas ng loob na ipakita ang buong itsura sa binata?

Patikim pa lamang ‘yan!

Abangan ang susunod na mga episode ng “Ang Babae sa Likod ng Face Mask,” tuwing Sabado, 7 PM, sa opisyal na YouTube Channel ng Puregold. Upang manatiling updated, i-like ang @puregold.shopping sa Facebook, i-follow na rin @puregold_ph sa Instagram at Twitter, siguraduhin din na naka-subscribe ka sa YouTube Channel ng Puregold!

(ROHN ROMULO)

NAGLABAS ng isang paglilinaw ang production group ng adventure serye na “Lolong.”

“Huwag maniniwala sa mga kumakalat na imbitasyon na naghahanap ng mga talents o extras para sa diumano’y shooting kung saan makakasama nila ang “Lolong” lead actors na sina Ruru Madrid at Paul Salas. 

“Natapos na po ang lock-in taping ng programa at mapapanood na po ito simula sa Lunes, July 4, 8PM sa GMA Telebabad.  Maraming salamat po.”

Last week nga, bago umalis si Ruru for the shoot ng reality show na “Running Man Philippines” sa South Korea, ay rumampa ang 22-footer buwaya na si Dakila sa ilang bahagi ng Metro Manila, sakay ng isang truck habang nakatali at nakapiring.

Nag-viral ito, dahil akala ng mga nakakita, tunay ito, pero ito iyong animatronic crocodile na ginamit sa “Lolong” na magiging kaibigan ni Ruru.

Pagkatapos rumampa ni Dakila, sinalubong ni Ruru ang ‘kaibigan’ sa GMA Network nang dumating ito doon.

***

MAMAYANG gabi na after “24 Oras” ang finale episode ng top-rating romantic-drama series na “First Lady,” at excited na ang mga netizens malaman kung paano magwawakas ang serye nina Gabby Concepcion at Sanya Lopez, with Pancho Magno, Thia Tomalla, Ms. Pilar Pilapil, Ms. Alice Dixson at marami pang iba.

Dahil nagkaroon ng aksidente si First Lady Melody, ang tanong ng mga netizens ay kung makakaligtas ba siya at ang magiging baby nila ni PGA?  At ano raw ang magiging role ng mga special guests na sina Glaiza de Castro, Carla Abellana at Rabiya Mateo?”

Pero ang tanong pa rin ng mga netizens, ibigay ba ng GMA ang request nilang magkaroon ng season 3 ang “First Lady” at sila pa ang nagbigay ng title na “First Family.” Nagtanong kami sa production group, at ang sagot nila ay “magpapahinga po muna kami.”

Matatandaan na halos two years din na magkasunod na ginawa ang “First Yaya” at “First Lady,” na halos walang bakasyon ang grupo at ang maganda nga lamang, ay in-enjoy nila ang lock-in tapings nila at naging para silang isang malaking pamilya bago sila nagtapos.

***

SA zoom mediacon ng members ng Sparkada ng Sparkle GMA Artist Center, bakas ang saya nila ngayong may ginagawa na silang projects.

Nauna nga rito ang bumubuo sa cast ng “LUV IS: Caught in His Arms!” na first collaboration ng GMA at Wattpad, na mapapanood na very soon.

Pangungunahan ito ng Sparkada love team nina Sofia Pablo at Allen Ansay na nagustuhan ng mga viewers nang magtambal sila sa Sunday afternoon prime na “Raya Sirena.”

Kasama nila sina Vince Maristela, Raheel Bhyria, Michael Sager, Sean Lucas, Caitlyn Stave, Cheska Fausto, Kirsten Gonzales at Tanya Ramos.  Mukhang naging maganda ang samahan at experiences nila sa lock-in taping sa out-of-town, kaya kuwento nga nila, ngayong papatapos na ang taping nila, ay may separation anxiety na silang nararamdaman.

Meanwhile, nag-share na rin ang dalawa pang Sparkada, sina Anjay Anson at Vanessa Pena na naging magka-love team sa “Widow’s Wife” at hinangaan na sila sa pagiging professionals nila.  Si Anjay ay napapanood na ring mag-host sa isang segment ng “Unang Hirit” every morning sa GMA-7, kasama niya si Roxie Smith.  Napapanood na rin ngayon si Roxie sa sitcom na “Tols” katambal si Kelvin Miranda sa GTV every Saturday evening.

(NORA V. CALDERON)

DAHIL sa critically-acclaimed performance ng Filipino actress na si Dolly de Leon sa Palme d’Or winning Swedish film na Triangle of Sadness, pinapirma siya ng artist company na Fusion Entertainment para sa management ng kanyang acting career.

Ang naturang artist management company ang siyang mag-represent kay Dolly sa mga offers nitong for film and television. Ang Fushion Entertainment ay pag-aari ng US film and marketing executives na sina Adam Kersh at Chris Evans.

“Dolly is an exceptional actress whose performance in ‘Triangle of Sadness’ was charming, funny, and thought provoking. She is a perfect addition to Fusion’s list of intentional, multitalented artists and we’re thrilled to be part of her team moving forward from this Cannes breakout,” sey pa ng rep ng Fushion Entertainment.

Mula sa pagiging bit player lang sa mga TV and films sa Pilipinas, ngayon ay hawak na si Dolly ng isang international entertainment management na ang clients ay mula mga diverse artist tulad ng American multi-hyphenates na sina Cooper Raiff at Amy Seimetz, US filmmakers Sean Baker and Ira Sachs, and breakout stars Mya Taylor and Namir Smallwood.

Sey ni Dolly noon sa Variety: “To be honest, I have not broken out in the Philippines. I have not. I play bit roles — lawyers, doctors, the mother of the lead, the principal of a school, or the psychiatrist. We have a rich history; we have a lot of stories to tell. It would be great if Filipinos were represented more in mainstream media.”

***

PAM-BEAUTY queen ang dating ng Sparkle artist na si Cheska Fausto, pero mas pinili nito na pasukin ang showbiz dahil gusto raw niyang ipakita ang mga kaya niyang gawin bilang isang artista.

Bago pinasok ng Zamboangueña beauty ang pag-audition sa Sparkle GMA Artist Center, content creator ito at influencer sa social media. Marami siyang followers sa Instagram, Tiktok at mga subscribers sa kanyang YouTube channel. Hindi raw enough na nagpo-promote siya ng mga pampaganda, kaya naisipan niyang pasukin ang ibang mundo.

Noong matanggap siya bilang isa sa Sparkada, agad siyang sumailalim sa intensive training at workshops kasama ang ibang pang nakapasa sa audition.

“Bago po kasi kami ni-launch, we really went on an intensive training po talaga. Halos every single day, nagwo-workshop po kami sa acting, singing, dancing, and even in communications kasi meron sa amin na nag-e-English talaga lagi so kailangan namin matutong mag-Tagalog talaga.

“Salamat sa Sparkle GMA Artist Center, and of course, sa talent development teams for giving us the workshops dahil kailangan po talaga namin ‘yon para mas prepared pa po kami or mas handa kami para sa inyo pong lahat,” sey ni Cheska.

Two months after nilang na-launch as Sparkada, kasama si Cheska sa cast ng unang episode ng Luv Is: Caught In His Arms kunsaan bida ang loveteam nila Sofia Pablo at Allen Ansay. Kasama rin sina Sean Lucas, Tanya Ramos, Kirsten Gonzales, Raheel Bhyria, Michael Sager, Vince Maristela at Caitlyn Stave.

***

NAGING open ang aktor na si Zachary Levi tungkol sa mga pinagdaanan niyang mental health struggles sa kanyang book titled “Radical Love.”

Nilalaman ng libro ang naging struggle ng bida ng DC Film na Shazam sa pagkakaroon ng anxiety, depression, suicidal thoughts, and childhood trauma.

“I had been through really dark periods in my life prior to when I had contemplated ending my own life, but this was I would say the darkest. I felt like I had failed no matter how much I had accomplished, and by that point, I had accomplished a good amount.

“No matter what it looked like from the outside, I was very good at masking it. I was also very good at self-medicating all of these things through sex and drugs and booze, but I was running from so much trauma, so much pain.

“For one, it’s real and it’s vulnerable, and I’m hoping that this book helps some people walk through the flames that I was able to get through,” kuwento pa ng aktor.

Unti-unti raw naka-recover si Levi sa kanyang mental health kahit na inabot ito ng limang taon: “I am still learning and growing and practicing grace.”

Kasalukuyang abala si Levi sa dalawang malalaking pelikula. Una ay ang reboot ng Spy Kids kunsaan kasama niya ang Jane The Virgin star Gina Rodriguez. Ang ikalawa ay ang Shazam 2 na co-stars niya sina Helen Mirren at Lucy Liu.

(RUEL MENDOZA)