2022 July Archive - People's Balita

Archive for July, 2022

Nagpapasalamat sa lahat na patuloy na nagdarasal: KRIS, muling nagbigay ng update sa kalusugan at procedures na pinagdaraanan

Posted on: July 2nd, 2022 by @peoplesbalita No Comments

LAST June 30, muling nag-post sa Instagram si Queen of All Media Kris Aquino para magbigay ng update sa kanyang kalusugan.

Nasa Amerika nga si Kris kasama ang dalawang anak na sina Joshua at Bimby, para magpagamot sa kanyang karamdaman.

Panimula ni Kris na patuloy na lumalaban, “For now, 12 noon, June 29, 2022 where we are-this is what i felt you needed to know, straight from me para alam ng lahat ito ang to totoo.

“This isn’t a permanent goodbye, ibalato nyo na lang hanggang malagpasan namin itong matinding pagsubok. Thank you for all your prayers- i am forever #grateful.

“Promise, pag may good news ako, after thanking God & telling my sisters & my trusted friends- you’ll see a post from me. In God’s perfect timing… 💛💛💛”

Sa kanyang update, nagpositibo silang mag-iina sa COVID-19 kung saan ang panganay na si Josh ang unang tinamaan.

Kasama sa kanyang IG post ang video na kung saan nagbigay rin siya ng update sa iba’t-ibang impormasyon sa mga gamot at ilang procedure na pinagdadaanan niya.

“2 hrs after who everything, the steroid should help – like make antihistamines work better, lesen pain and inflammation the opposite happened to me. 1st the hives started multiply, then my body started to hurt all over – normally my pain tolerance is impressive but this time bunso started sobbing,” sabi ni Kris na ramdam talaga ang hirap at pangangayayat.

Marami naman ang nag-react sa kanyang latest post at patuloy na nagdasal sa kanyang paggaling at malabanan ang kanyang iniindang sakit:

“Stay strong miss kris, your kids are with you, cherish your time and focus on your time wag muna mag social media.”

“Get well soon Kris. Naway mahanap na ang tamang lunas para sa iyo. Pinagdadasal ka namin.”

“Kris, if you feel better writing such detailed updates, you go right on doing it.”

“Looks like it’s cathartic for you. Get well soon, you and your boys.”

“huwag na sana magpost ng mga pictures nya na mukha syang hopeless case na. Para rin hindi isipin ng iba na paawa to gain public sympathy.”

“She doesnt need awa or sympathy. She is fighting for her life and wanting to update her fans, to whom shes very thankful for. Shes asking for prayers while bravely fighting. Its very inspiring, actually.”

“I will include Kris and her children in my prayers.”

“Ibalato natin sa kanya her way of coping with this. She has always been an open book. Kinabahan lang ako, parang may kumurot sa puso pagka kita ko kay Noy. Wag naman sana, tumagal naman sana ang buhay niya bilang may mga anak siya at marami siyang natutulungan.”

“I pray na gumaling siya. I was a cancer patient. Pero sobra ang awa ko kay Ms Kris. Sana mag recover siya.”

“Sa mga doctors readers here…. Dont get Me wrong ha. Since may mga gamot na bawal sa kanya because nakaka allergies siya, anu yun nag papa survive sa kanya? Anu pa pwede gawin para gumaling siya? stem cell Will Help her Or hinde din kakayanin ng body niya? Ang risky kasi ng sakit niya and super payat na siya. Naawa ako.”

“I also have an autoimmune problem and I kind of relate to the hardships of dealing with it. But her case is 1 millionth level extreme. Grabe, saludo ako sa kanya.”

“Oo grabeh no? Ang tapang din sobra.. sana makarecover sya.”

“I seriously wish her well and hope she surpasses this big trial. It was a long post but I read it. I, along with the rest of her supporters want to know how she is doing and we really hope she gets well. May the good Lord give her strength to push through.”

“I read it, dama ko hirap nya.. Sad for her and her family.”

“May God heal you now, Kris!”

“My heart breaks for this family. God bless you Kris.”

“Kris is certified rich…the medical bills and for sure the residence hotel (long term) cause thousand of dollars. Even ordinary American can’t afford it.”

“Maganda naman kasi ang career niya dati, ang dami niyang endorsements, game shows saka hosting shows. Malaki din naipon niya saka may mga negosyo din siya.”

“Kris, laban lang para sa mga anak mo.”

“Steroid shots are no joke! Trust me i had one myself. It does alter your system, from hot flashes, blood sugar issues, menstrual cycle alteration, and all sort of things. Pain meds are by body choice ( if you have allergic reactions so bad, it’s really hard) ! Fight on Miss Kris! Vasculitis or lupus or whatever it maybe, hope u find some solace. I hope u are pain free, prayers to you!”

“You are in my prayers Kris. God will heal you. Wishing you good health, longer life & quick recuperation.🙏🙏🙏’

“Kris just hold on and fight for Josh and Bimby.”

“Ms. Kris, she used to be part of our daily lives. Araw araw mo sya napapanood and she was everywhere tlga. Shows, commercials etc dba? Then all of a sudden bigla sya nawala. Nakakalungkot lang, na mimiss ko sya mapanood, sarap sana balikan kahit mga youtube videos nya pero lahat deleted na. I sincerely hope she gets well very soon. Will pray for your healing Ms. Kris.”

“Hopefully there’s a cure for your health condition that your body can tolerate and you get well soon to spend quality time with your sons. 🙏

“Ngayon lang uli ako nagcomment dito. Stopping by to say: I am praying for you, Kris. Survive this, please. Laban. 🙏”

“I’m glad that Covid is not that bad anymore. I just finished my cancer treatments and had Covid two weeks ago. I wish Kris well so she will be healed.”

“She will be having chemoteraphy drugs Sana makayanan pa ng katawan nya. True ly health is definitely wealth.”

“I truly hope she gets well soon. Nakakamiss si Ms. Kris, imagine before araw-araw mo sya mapapanood. Even endorsements sya halos lahat.”

“Nakakalungkot ang sufferings ni Ms. Kris, hindi biro ang pinagdadaanan niya. Kapit lang po, marami nagpe pray for your recovery.”

(ROHN ROMULO)

Conor McGregor planong lumaban muli sa UFC

Posted on: July 2nd, 2022 by @peoplesbalita No Comments

PLANO ni dating two-division UFC world champion Conor McGregor na muling sa lumaban sa octagon.

Ito ang kinumpirma ni UFC President Dana White kung saan maaaring gawin ito sa huling bahagi ng taon o sa susunod na taon.

Dagdag pa ni White na inalok ang Irish fighter ng pelikula subalit mas nais nito ng lumaban.

Huling lumaban ang 33-anyos na si McGregor ng talunin siya ni dating UFC interim lightweight champion Dustin Porier.

Sa kasalukuyan ay mayroong record ito na 22 panalo at anim na talo.

Marcos, nangakong tatapusin ang infra projects ‘ sa tamang oras

Posted on: July 2nd, 2022 by @peoplesbalita No Comments

NANGAKO si Pangulong Ferdinand “Bongbong” Marcos Jr. na tatapusin niya ” sa tamang oras” ang infrastructure projects sa panahon ng kanyang administrasyon.

“We will continue to build, I will complete on schedule the projects that have been started. I am not interested in taking credit. I want to build on the success that’s already happening. We will be presenting the public with a comprehensive infrastructure plan, six years could be just about enough time,” ayon kay Pangulong Marcos sa kanyang inaugural speech matapos ang kanyang oath-taking sa National Museum sa Maynila, araw ng Huwebes.

Bago pa ilarawan ang kanyang infrastructure plan, pinuri ni Pangulong Marcos ang kanyang ama , ang namayapa at dating Pangulong Ferdinand Marcos Sr. at ang kanyang predecessor na si dating Pangulong Rodrigo Roa Duterte, para sa pagtatatag ng mas marami at maayos na lansangan kumpara sa mga administrasyon bago ang mga ito.

“My father built more and better roads. Produced more rice than all administrations before his. President Rodrigo Roa Duterte built more and better than all the administrations succeeding my father’s,” ayon kay Pangulong Marcos.

“Much has been built and so well that the economic dogma of dispersing industry to develop the least likely places has been upturned. Development was brought to them. Investors are now setting up industries along the promising routes built. And yet, the potential of this country is not exhausted,” dagdag na pahayag ni Pangulong Marcos.

Samantala, tiniyak naman ni Pangulong Marcos na wala ni isa mang bahagi ng bansa ang mapababayaan.

“Progress will be made wherever there are Filipinos so no investment is wasted,” dagdag na pahayag nito. (Daris Jose)

Marcos Jr. nanumpa na bilang ika-17 pangulo ng Pilipinas

Posted on: July 1st, 2022 by @peoplesbalita No Comments

MAGSISIMULA na ang termino ni Ferdinand Marcos Jr. bilang susunod na pangulo ng Pilipinas matapos ang matagumpay na inagurasyon sa National Museum of Fine Arts sa Maynila, Huwebes.

Tanda ito ng anim na taong panunungkulan ni “Bongbong,” matapos i-administer ni Supreme Court Chief Justice Alexander Gesmundo ang kanyang panunumpa sa tungkulin sa makasaysayang gusali.

Tinatayang nasa 30,000 ang nagtungo sa panunumpa ni Marcos Jr., ayon sa Philippine National Police. Mahigit 18,000 pulis, sundalo, coast guard atbp. ang itinalaga sa lugar para siguruhin ang seguridad.

Ia-administer din dito ni Marcos ang mass oath-taking ng kanyang magiging Gabinete, pati na ang mga local government unit officials ng Ilocos Norte at Ilocos Sur.

Si Bongbong ang ikalawang Marcos na nanumpa bilang pangulo ng Republika ng Pilipinas matapos ang kanyang amang si Ferdinand Marcos Sr., na siyang nagpatakbo ng diktadura mula 1972 hanggang 1981 buhat ng pagdedeklara ng Batas Militar.

Matatandaang sa parehong venue, na kilala rin sa tawag na Old Legislative Building, ginanap ang inauguration nina dating Pangulong Manuel Quezon (1935), dating Pangulong Jose P. Laurel (1943) at dating Pangulong Manuel Roxas (1946).

Mula sa orihinal na venue sa Liwasang Bonifacio, inilipat naman ng mga militanteng grupo gaya ng Bagong Alyansang Makabayan (BAYAN) ang kanilang mga kilos-protesta sa Plaza Miranda.

Ayon kay BAYAN secretary-general Renato Reyes Jr., ito’y para na rin sa mapayapang pagdaraos ng kanilang demonstrasyon laban sa papasok na administrasyon at para na hindi maiwasan ang mga insidente sa mga taga-suporta ni Marcos Jr. Aniya, ni-request din ito sa kanila ng PNP.

“The venue holds historic significance in the anti-dictatorship struggle and is also a designated freedom park. The protest will be a counter-point to the Marcos inauguration,” ani Reyes kanina.

“It will highlight our continuing fight against historical revisionism and for the people’s demands.” (Daris Jose)

5 major agenda, palalakasin pa ni Mayor Joy

Posted on: July 1st, 2022 by @peoplesbalita No Comments

LIMANG major agenda ang higit na palalakasin ni Quezon City Mayor Joy Belmonte sa ikalawang termino nito bilang alkalde sa lungsod.

Inihayag ito ng alkalde sa ginanap na inagural ceremony ng mga nanalong opisyal ng QC.

Pinangunahan ni Mayor Joy ang okasyon kasama sina Vice Mayor Gian Sotto at anim na kongresista sa lungsod at mga konsehal na ginanap sa Eduardo V. Manalo Convention Center sa lungsod.

Sa ikalawang termino ni Mayor Belmonte ay sinabi nito lalo pa niyang palalakasin ang social services, kalusugan, edukasyon, digitalization at economic programs na higit na pakikinabangan ng mga taga-lunsod

Sa kanyang inagural speech sinabi niya na sa social services pa lamang mula P9.8 Bilyong pondo noong 2019 ay dinoble ngayong 2022 na umabot sa P16.1 bilyon upang matulungang maiangat ang buhay ng mga nasa laylayan.

Kasama din anya na makikinabang dito ang mga jeepney drivers at iba pang driver na higit na naapektuhan ng pagtaas ng halaga ng gasolina.

Magkakaroon ng dagdag na itatayong LGU owned hospital sa ibang distrito at palalakasin pa ang mga programang pangkalusugan sa mga barangay.

Higit pa anyang palalawakin ang mga programa sa edukasyon at pagpapasigla ng ekonomiya dahil sa mga nagawa ng mga programa para sa mga taga-QC.

Pinasalamatan din ni Mayor Belmonte ang mga taga-QC sa muling pagtitiwala sa kanya na mapangasiwaan ang lungsod na patunay lamang na walang katiwalian at walang nasasayang na pondo sa ilalim ng kanyang pangasiwaan.

Marcos, pinili si banking veteran Wick Veloso para pamunuan ang GSIS

Posted on: July 1st, 2022 by @peoplesbalita No Comments

PINILI ni President-elect Ferdinand “Bongbong” Marcos Jr.’ si veteran banking executive Jose Arnulfo “Wick” Veloso para pamunuan ang Government Service Insurance System (GSIS) sa ilalim ng incoming administration.

Si Veloso ang kauna-unahang Filipino CEO para sa HSBC Philippines, kung saan siya nagtrabaho ng 23 taon simula 1994.

Taong 2018, pinalitan niya si Reynaldo Maclang bilang pangulo ng Philippine National Bank (PNB).

Sa tatlong dekadang karanasan sa “banking and capital markets sectors,” si Veloso ay naging pangulo ng Bankers Association of the Philippines (BAP).

Si Rolando Macasaet ang kasalukuyang pangulo at general manager ng GSIS, social insurance institution para sa mga empleyado ng gobyerno. (Daris Jose)

PCOO, nagsagawa ng handover ceremony at pag-welcome sa bagong pinuno nito

Posted on: July 1st, 2022 by @peoplesbalita No Comments

TINURN-over na ni Outgoing Presidential Communications Operations Office (PCOO) Secretary Martin Andanar ang mga mahahalagang dokumento ng ahensiya kay incoming PCOO Secretary Atty. Trixie Cruz-Angeles.

Sa isinagawang PCOO New Administration Continuity Handover Ceremony, sinabi ni Andanar na kumpiyansa siya na mapananatili ni Secretary-designate Cruz-Angeles ang game-changing reforms, lalo na ang pagsisikap na mas mapahusay pa ang government media.

Umaasa naman si Andanar na maipagpapatuloy ni Angeles ang mga programa at proyekto na kanyang pinangunahan gaya ng “the upgrade of facilities of public media assets, including at the PNA, PTV, PIA, PBS, RTVM, and the BCS; the realization of the goals for the Government Communications Academy, the Mindanao Media Hub, and the Visayas Media Hub; strengthened ties with both local and international media likewise a more fruitful cooperation with our allied countries.”

“To our successors, may you continue to exhibit what real public service is and manifest a sense of determination to serve the common interests of the public. May you continue to support and pursue PCOO advocacies and aspirations of empowering every Filipino through correct and professional information delivery,” ayon kay Andanar.

Hinikayat din niya si Angeles na ipagpatuloy ang pagpo-promote sa Freedom of Information, tumulong sa pagbibigay proteksyon sa media personnel, at itulak ang batas na Media Workers’ Welfare Bill.

Samantala, nangako naman si Angeles na magbibigay ng “more depth and more dimension” sa kung ano na ang nakamit ng PCOO, pinaalalahanan nito ang lahat na magkakaroon ng pagbabago sa pagpasok ng bagong liderato.

“Change must be managed. It is inevitable so you must face it. What we’re doing now is facing changes. There are some here who I will be seeing more and there are some who will be moving forward. Either way, you’re going to be managing some kind of change. But our success is determined by our ability not just to manage them but to adapt with them,” ani Angeles.

“I’m so glad to see that so much has been accomplished in the previous administration and what we would like to do to bring more depth, more dimension to what we have already achieved,” dagdag na pahayag nito.

Si Cruz-Angeles, isang social media strategist sa PCOO mula Hulyo 2017 hanggang 2018 sa panahon ng administrasyon ni Pangulong Rodrigo Duterte, ay tinanggap ang alok na maging press secretary.

Kung maaalala, noong unang bahagi ng taong 2000s, nagtrabaho si Cruz-Angeles sa ilang mga ahensyang kasangkot sa heritage and cultural conservation.

Nagtrabaho rin siya bilang tagapagsalita ng Integrated Bar of the Philippines (IBP) at legal counsel para sa mga indibidwal na sangkot sa mga kontrobersyal na kaso.

Kabilang sa mga kliyenteng kanyang kinatawan ay ang itiniwalag na ministro ng Iglesia Ni Cristo (INC) na si Lowell Menorca II at dating pugante na naging Customs Commissioner Nicanor Faeldon.

Noong 2016, sinuspinde ng Korte Suprema si Cruz-Angeles mula sa pagsasanay ng batas sa loob ng tatlong taon.

Sinabi ng mataas na hukuman, nilabag niya at ng kapwa abogadong si Wylie Paler ang mga sipi sa code of conduct ng abogado laban sa mga hindi tapat na gawain, pagpapabaya sa mga legal na bagay na ipinagkatiwala sa kanila, at pananagutan para sa pera ng kliyente.

Naging radio show host at prominenteng blogger din ito kung saan sinusuportahan niya ang administrasyon ni Pangulong Duterte.

Samantala, pinangalanan naman ni Angeles ang iba pang incoming officials na magsisilbi sa ilalim ng kanyang liderato, ito’y sina Ina Reformina, Greggy Eugenio, Marlon Purificacion, Bobby Rico Hermoso, Emerald Ridao, Andrei del Rosario, Atty. Eugene Rodriguez, Dale De Vera, Kitz Barja, Aristotle Aguilar, at Jan Paul Songsong. (Daris Jose)

EJ Obiena ‘wagi ng gold medal sa torneyo sa Sweden

Posted on: July 1st, 2022 by @peoplesbalita No Comments

MULI na namang nakasungkit ng gold medal ang Pinoy pole vaulter at Olympian na si EJ Obiena matapos magtala ng 5.92 meters sa ginanap na torneyo sa Taby Stavhoppsgala sa Sweden.

Nalampasan ni Obiena ang dati niyang personal best na 5.85 meters doon sa Italy.

Kung maalala noong buwan lamang ng Mayo nagawang madepensahan din ni Obiena ang kanyang gold medal record sa 31st Southeast Asian Games sa Vietnam.

Sa katatapos lamang na torneyo sa Sweden nasa .01 lamang ay muntik na niyang malampasan ang personal best at Asian record na 5.93 na naitala niya sa Austria noong September 2021.

P2 taas pasahe sa jeep, aprub na ng LTFRB

Posted on: July 1st, 2022 by @peoplesbalita No Comments

INAPRUBAHAN na ng Land Transportation Franchising and Regulatory Board (LTFRB) ang hirit ng mga drayber na P2 dagdag na pasahe sa jeep sa buong bansa.

Ito ay sa gitna ng patuloy na pagtaas ng presyo ng produktong petrolyo.

Dahil dito, nasa P11 na ang minimum na pasahe sa traditional jeep, habang nasa P13 naman ang minimum na pasahe sa modern jeep.

Hindi na isinama sa taas pasahe ang provisional na P1 taas pasahe na pansamantala lamang at maaaring mabago imbes P2 taas pasahe lamang ang idinagdag sa orihinal na P9 minimum na pasahe .

Magiging epektibo ang dagdag pasahe sa July 1.

Patuloy namang bibigyan ng 20 percent discount ang mga pasahero na senior citizens at persons with disabilities at mga estudyante.(Angie dela Cruz) Naglagay na ng 13 checkpoints ang Manila Police District (MPD) sa iba’t ibang lugar at hangganan ng lungsod bilang bahagi ng ipinatutupad na seguridad sa inagurasyon ni president-elect Ferdinand Marcos Jr.

Sa abiso ng MPD-Public Information Office, kabilang sa mga lugar na lalagyan ng checkpoints ang: Brgy 101 sa Mel Lopez Blvd; H. Lopez Blvd. sa Tondo; Juan Luna St. sa Tondo; Blumentritt malapit sa kanto ng Dimasalang St. sa Sta. Cruz; España Blvd. cor Blumentritt Extn.; at R.M. Blvd. corner Altura Street sa Sampaloc.

Maglalagay din ng checkpoints sa: New Panaderos St.; Rizal Avenue corner R. Papa; Lubiran Bridge, Lubiran St., Bacood; Pinaglaban bridge; Roxas Blvd., malapit sa kanto ng P. Ocampo St.; Taft Ave., Corner P. Ocampo; at 2nd street Brgy. 649 Baseco Compound, Port Area.

Una nang nagpatupad ng pagsasara ng mga lansangan at pagtatatag ng mga traffic re-routing scheme ang Metropolitan Manila Development Authority (MMDA).

Maging sa mga miyembro ng media na magko-kober ng inagurasyon ay naging mahigpit din dahil sa kinailangan pa ng akreditasyon at negatibong RT-PCR test. (Daris Jose)

NTC, susuriin at rerebisahin ang broadcast block time deals

Posted on: July 1st, 2022 by @peoplesbalita No Comments

INATASAN ng National Telecommunications Commission (NTC) ang lahat ng television at radio companies na magsumite ng kanilang block time deals para sa ‘approval’ ng ahensiya.

Nakasaad sa memorandum na ipinalabas ng NTC na may petsang Hunyo 23, ang mga block time deals ay hindi dapat na mahigit sa 50% ng daily airtime broadcast ng radio o television station.

“Authorized radio and television broadcast entities, its management and board of directors shall be solidary liable with the block timer for any violation committed by the block timer arising from the content or programs under the block time agreements,” ang nakasaad sa memorandum ng NTC.

Kontra naman ang Kapisanan ng mga Brodkaster ng Pilipinas sa nasabing direktiba.

“We believe it is the station’s prerogative to choose the type of programs they will adopt whether it is station produced, co-produced with another party or [throgh] blocktime with 3rd party. We believe NTC has no jurisdiction over content,” ayon kay KBP President Herman Basbano sa isang kalatas.

“Our position should have been heard before the issuance of this order on blocktime. Nonetheless [we] will present our opposition and our position in the NTC hearing [which] was reportedly scheduled on July 11,” dagdag na pahayag nito.

Samantala, ang dating media giant ABS-CBN, na nawalan ng kanilang operating franchise noong 2020, pumasok sa block time agreements sa Zoe Broadcasting Network at TV5 para i-ere ang kanilang mga palabas sa “free television.” (BISHOP JESUS “JEMBA” M. BASCO)