TUMAAS ng P1 ang pamasahe sa public utility jeepney (PUJs) simula noong nakaraang Biyernes kung saan ito ay binigyan ng go-signal ng Land Transportation Franchising and Regulatory Board (LTFRB) matapos ang hearing na ginawa noong June 28.

Magiging P11 ang miminum na pamasahe sa mga PUJs mula sa dating P10 kung saan ito ay tumaas muli ng P1.

Sa isang seven-page na desisyon ng LTFRB na nilagdaan noong June 29, sinabi nito na ang mga PUJs sa buong bansa ay binibigyan ng pagkakataon na magtaas provisionally ng P1 sa pamasahe mula sa dating P10 para sa unang apat (4) na kilometro lamang ng pagpasada.

Lahat din na mga modern PUJs sa buong bansa ay pinapayagan na magtaas ng P1 sa pamasahe kung saan ito ay magiging P13. Wala naman mangyayari na pagtataas ng pamasahe sa susunod na mga kilometro para sa dalawang klase ng PUJs.

Dalawang beses ng tumaas ang pamasahe nitong nakaraang buwan dahil sa nararanasan na tumataas ng presyo ng produktong petrolyo mula sa sektor ng transportasyon.

Noong nakaraang ginawang pagdinig ng petisyon ng mga PUJs, nakita ng LTFRB na tumaas ng 14 na beses ang presyo ng diesel simula ngayon taon, mula sa dating P47.52 kada litro hanggang sa ngayon na P89 na kada litro noong nakaraang linggo. Ito rin ang dahilan kung bakit masyado ang pressure ang nararanasan ng sektor.

Sinabi pa rin ng LTFRB na ang nasabing fare increase ay makakatulong sa mga PUJ drivers at operators upang magkaron sila ng disenteng kita at ng mabawasan ang masamang epekto ng oil price increase at ng COVID-19 sa kanilang sektor.

“In issuing this resolution, let it not be said that the agency is indifferent to the plight suffered by the transport sector due to the increase of fuel prices. With the cautious examination of the complexities of the various concerns of our stakeholders, the Board balances the principle that now, more than ever, the need for the riding public to have mass transportation must be sufficiently met,” wika ng LTFRB board.

Sa ilalim ng kondisyon ng provisional increase ng pamasahe, ang mga estudyante, PWDs at senior citizen ay kinakailangan bigyan ng 20 percent discount sa kanilang pamasahe. Kinakailangan din na magpaskil ang mga drivers ng fare matrix sa kanilang mga sasakyan kung saan ito ay makikita ng mga pasahero.  LASACMAR

WALANG plano ang Metropolitan Manila Development Authority (MMDA) na palawigin ang number coding scheme sa Metro Manila dahil kumonti na ang mga sasakyan sa lansangan.

Ayon sa MMDA ay bumaba na ito ng 390,000 mula sa dating 417,000 na naitala noong May 5 at 405,000 bago pa magsimula ang pandemya noong 2020.

“For now, we are not planning to have the expanded number coding scheme, since we do not see the use for it. Currently, the number of cars on the roads are less than usual, and the traffic is moderate,” wika ni MMDA chairman Romando Artes.

Dagdag pa ni Artes na bahala na ang susunod na administrasyon kung kanilang palalawigin ang number coding scheme.

Ang pagtaas ng presyo ng gasolina at iba pang produktong petrolyo ang maaaring dahilan kung bakit kukunti na ang gumagamit ng kanilang mga sasakyan.

Makikita rin ito sa mga bumibiyaheng mga taxis sa Metro Manila kung saan bumaba na ito ng 40 porsiyento na marahil ay siya rin sanhi kung bakit maluwag ang trapiko sa mga lansangan.

“From before the pandemic there were around 27,000 cabs going around Metro Manila. Now, I think the number is down to 15,000 at certain times. Passenger demand for taxis has gone down by about 55 percent as more people are staying and working at home despite the easing of travel restrictions,” saad ni Philippine National Taxi Operators Association president Bong Suntay.

Marami sa mga drivers ay hindi na bumibeyahe sa kanilang ruta at ang iba naman na mga operators ay ipinagbili na lamang ang kanilang mga units sapagkat halos pumapalo sa P40,000 ang kanilang monthly expenses sa gasolina.

Samantala, pinagbigay alam naman ng MMDA na ongoing na ang pag-aayos ng EDSA-Timog flyover Southbound kung kaya’t ito ay totally closed sa trapiko sa loob ng isang buwan na sinumulan noong June 25.

Ang repairs ay kasama ang reconstruction ng nasirang diaphragm ng tulay at ang construction ng bagong bridge deck slab ng flyover.

“Total closure of the bridge has to be implemented, considering that the construction works have to be done without any vibration movement. Repairs will be done manually without heavy equipment,” saad ni Artes.

Gumawa ng inspection ng MMDA at Department of Public Works and Highways (DPWH) kung saan nakita ang mga sira ng EDSA-Timog flyover.  Halos may 140,000 na sasakyang dumadaan at gumagamit ng nasabing flyover.  LASACMAR

SUMIPA na sa mahigit 45,000 ang naitalang kaso ng dengue sa bansa mula ika-1 ng Enero hanggang ika-11 ng Hunyo ngayong taon, ayon sa Department of Health (DOH).

Batay sa National Dengue Data na iniulat ng kagawaran, Martes, 45,416 na ang bilang ng kumpirmadong kaso nito — bagay na 45% mas mataas kumpara sa parehong panahon noong nakaraang taon. Nasa 31,320 lamang kasi ang kaso sa parehong time period noong 2021.

Naitala sa Central Visayas ang pinakamataas na kaso ng nasabing mosquito-borne viral disease kung saan 13% ng bilang ay nagmula sa kanilang probinsya. Sumunod naman ang Central Luzon (12%) at Zamboanga Peninsula (10%).

Ani ng Kagawaran, nasa 11,680 kaso ang naitala sa bansa mula Mayo 16 hanggang Hunyo 11 kung saan 15% dito ay mula sa Central Luzon (1,742).

Samantala, sinabi namn ng DOH na mayorya ng lugar sa bansa ay nalampasan na ang “epidemic threshold” o ang paglobo ng bilang ng tinatamaan ng nasabing infectious disease.

Kaugnay nito, pinaigting ng ahensya ang panawagan nila sa publiko na mag-ingat at gawin ang 4S: “Search” and destroy breeding places, “secure” self-protection, “seek” early consultation, at “support” spraying in hotspot areas.

Una nang nagpaalala ang Kagawaran sa publiko hinggil sa pag-iingat kontra dengue upang maiwasan ang outbreak nito lalo pa’t parating na ang tag-ulan.

“As the rainy season approaches, many diseases spread – and one of those is dengue. We are taking proactive actions in preventing outbreaks and raising awareness to curb the increase in the number of cases,” ani DOH spokesperson Maria Vergeire sa isang pahayag noong Mayo.

“Rest assured that the DOH is closely monitoring every disease trend, and is well-prepared to respond to any healthcare aid any Juan or Juana may need,” dadag niya.