MUKHANG final na kaya at wala ng balikan na magaganap sa pagitan nina Jeric Gonzales at girlfriend niya na si Rabiya Mateo?

Sa totoo lang, naghihintay kami na ang ibabalita sa amin, “sila na ulit!” Kasi nga, gano’n na talaga ang pattern, magbi-break, then, magbabalikan.

Pero this time, mukhang totohanan na ha. Kaya siguro about “moving-on” na ang isang comment ni Rabiya. Napuno ba si Jeric sa ipinost ni Rabiya tungkol kay Tyler Mata?

Imagine, dinilete ni Jeric ang lahat ng photos o post niya sa kanyang Instagram account. Para bang sinasabi nito na fresh start na sa kanya? Huh!

***

HINDI naman matatawaran bilang isang actress ang isang Jacklyn Jose.

Not to mention, she is, Cannes Film Festival Awards Best Actress, pero sa kabila nito, as in, in all fairness to her, hindi siya namimili ng katrabaho niya.

Kahit na baguhan na baguhan pa ang artista, willing siyang makasama ito. At siyempre, aware si Jaclyn na pwedeng matakot o ma-intimidate sa kanya ang mga co-stars niya, lalo na nga’t baguhan. Pero kung meron man daw siyang isang paraan para ipakita ang suporta niya sa mga ito, ang ‘wag silang sindakin.

Gumaganap bilang ina ni Chloe Barreto sa bagong Viva max movie, ang “Tahan” si Tita Jane. Si Chloe ay super baguhan pa lamang, pero ayon sa premyadong actress, parang nakikita raw niya ang sarili niya kay Chloe, lalo na noong nagsisimula pa lamang siya at nagpa-sexy rin sa mga movies.

At nang tanungin ito kung ano ang ibingay niyang payo kay Chloe, sey niya, “Sinabi ko na itodo na. Ibigay na niya agad ang lahat na hinihingi sa kanya. Kung sexy scene man ‘yan, itodo na niya para hindi na magpaulit-ulit. Kasi, gano’n din, magtatagal at uulit-ulitin din yung eksena, so, gawin mong one take lang.”

Hindi rin daw niya ugaling manindak ng mga co-stars kahit pa baguhan ang mga ito. Kung ano raw ang na-experience niya noon, ayaw raw niyang gawin sa mga bata ngayon. Naniniwala raw siyang the more na sindakin niya ang mga ito, mas lalo lang na hindi magagawa ng tama ang trabaho nila.

In fairness, puring-puri naman ni Tita Jane si Chloe. At kung meron man pwedeng ika-proud ang bida ng “Tahan”, yung sabihan siya na nakikita ng actress ang sarili sa kanya ha.

(ROSE GARCIA)

USAP-USAPAN pa rin hanggang ngayon ang naging pahayag ni Ella Cruz nang tanungin tungkol sa pagganap bilang Irene Marcos sa pelikula ng Viva Films na “Maid In Malacañang” na mula sa direksyon ni Darryl Yap.

Natanong kasi sa aktres, “Upon accepting the project, siyempre meron ka nga ‘no pinag-usapan sa school, di ba, sa mga Marcoses at kung anu-ano pa. Ano ang punto de bista as an actress? Ano ang point of view mo?”

Na sinagot naman niya na nag-viral, “History is like a chismis. It is filtered and dagdag na rin, so, hindi natin alam what is the real history. Andoon na iyong idea, pero may mga bias talaga. As long as we’re alive. At may kanya-kanyang opinion. I respect everyone’s opinion.”

Base ang kuwento sa “reliable source”, ilang araw bago ang naganap na pagpapalayas sa pamilya Marcos noong EDSA People Power Revolution.

“Kasi struggling na, e, last three days! Kahit naman sila struggling even right now, di ba? So, paano kaya iyon na there was so much pressure on their side during those times?” pahayag pa ni Ella.

Nag-trending din Kapuso actress na si Pokwang na nakisawsaw sa isyu, dahil sa kanyang tweet kung saan nagkamali siya sa spelling ng iodine, dahil nagkulang ito ng ‘e’.

Komento ng komedyana na gumanap na ina ni Ella sa Kapamilya series na “Aryana”, “nak Ella Cruz tanggap ko pananaw mo sa politika at respeto ko ang sino man sinuportahan mo, pero sa usaping HISTORY, di ako sasang ayon sayo nak dahil mali! maling mali… mabuti pang ibalik na kitang muli sa dagat nak mayaman sa iodin ang dagat nakakatalino daw yan.”

Puna tuloy ng mga netizens, bago daw niya sana punahin si Ella ay siguraduhing tama ang kanyang pino-post:

“Iodine ata not iodin. Lols. Mangangaral ka lang siguraduhin mong tama spelling mo. Matalino ka na nyarn?”

“Yun nga kalakas magturo kung ano nakakatalino pero wrong spelling IODINE niya mukha siya may kailangan.”

Kaya naman ‘di napigilan si Pokwang na patulan ang mga bashers na ipinagdidiinan ang kanyang pagkakamali.

Ni-retweet naman ng komedyana ang screenshot ng Facebook post niya na kung saan tama ang spelling ng iodine, na ayon na nagtanggol sa kanya, ito raw ang resibo.

Kaya humirit si Pokwang bilang patama sa mga bashers, “Hahahahaaa true pinuna maling spelling pero pang bababoy sa kasaysayan hindi????? Ano na???”

Dagdag pa niya, “O yung naghahanap ng letter E na kulang ko sa iodin ayan na!!! E! di bale ng kulang sa letra kaysa naman kulang sa kaalaman at respeto sa kasaysayan!!!

“Dadamihan ko pa ayan o EEEEEEEEEEEEEEEEEEE ok na?”

Samantala, makakasama ni Ella sa “Maid In Malacañang” sina Cesar Montano (Pangulong Ferdinand Marcos Sr.), Ruffa Gutierrez (First Lady Imelda Marcos), Diego Loyzaga (Bongbong Marcos), Cristine Reyes (Imee Marcos), at sina Karla Estrada, Elizabeth Oropesa, at Beverly Salviejo naman ang gaganap na mga yaya sa palasyo.

Nakatakda na itong ipalabas sa July 20 kaya puspusan na ang shooting at inaasahan na marami ang magkakainteres na panoorin ito sa mga sinehan, maka-BBM man o hindi, lalo pa nga’t bawal na bawal na pag-usapan o maglabas nang ano mang kuwento tungkol sa itatakbo ng pelikula.

(ROHN ROMULO)

EXCITED na ang ilang Sparkle artists para sa magaganap na GMA Thanksgiving Gala sa July 30.

May kanya-kanya paghahanda ang ilang Kapuso hunks tulad nina Jak Roberto, Nikki Co, Kristoffer Martin at Dion Ignacio.

Si Jak ay gusto munang magbawas ng timbang para raw mas maganda ang lapat ng isusuot niyang suit sa gala: “Actually si Barbs ang naghanap lahat. Ang concern ko na lang, magpapayat. Kailangan kong mag-lose ng weight para maganda ‘yung fit.”

Si Kristoffer naman ay white suit ang napiling isuot sa gala dahil naaalala niya ang kanyang high school prom: “Na-excite ako sa mga sayaw-sayaw, sa mga kaibigan kong siyempre nandoon din.

Si Nikki naman ay looking forward sa gala dahil ito raw ang first time na magkakasama silang lahat na Sparkle artists pagkaraang ng dalawang taon: “The last time was like two years ago bago magkaroon ng pandemic. It’s just nice na magkita-kita ulit kaming lahat kahit walang taping.”

Makapagsusuot ulit si Dion ng formal tuxedo dahil noong magkaroon daw ng pandemic, sa bahay lang daw siya parati: “Dalawang taon din tayong na-stuck sa bahay lang dahil sa pandemic. Mag-enjoy lang kaming lahat sa gabing iyon.”

***

MAY takot pala sa mga payaso si Andrea Torres. Isa ito sa ni-reveal niya sa kanyang ni-launch na YouTube vlog.

Sa kuwento ng Kapuso sexy actress, nagsimula raw ang takot niya sa mga payaso o clowns dahil sa character na si Pennywise, ang killer clown sa suspense novel ni Stephen King na ‘IT’.

Bago kasi ginawang pelikula ang ‘IT’ noong 2017, ginawa muna itong 2-part mini-series noong 1990.

“Kasi noong bata ako, natutulog ako noon tapos pagkagising ko, saktong-sakto ‘yung nakakatakot na eksena sa IT, so iyak ako nang iyak. So ever since talaga, hindi ko kayang lumapit sa mga clown kapag may pinapadala sa school or kapag may party, umiiyak talaga ako. Talagang hindi ko kayang lumapit,” sey ni Andrea.

Ang tawag sa phobia na ito ni Andrea ay Coulrophobia or the fear of clowns. Makararanas ng “extreme, irrational reactions when they see clowns in person or view pictures or videos of clowns.”

Through the years ay unti-unting nao-overcome ni Andrea ang takot niya sa payaso, pero hindi si Pennywise sa IT. Kakaibang takot pa rin daw ang dala ni Pennywise sa kanya.

“Kasi na-prove ko ‘yan noong nagkaroon ng remake ng movie at tinry ko panoorin ‘yung trailer, hindi ko talaga mabuksan ‘yung mata ko. As in, pinapawisan ako, kinakabahan ako, ‘yung dibdib ko talagang kumakabog. Tingin ko brave person ako pero pagdating kay IT, hindi talaga,” diin pa ng aktres.

***

MAG-TURN 30 na pala ang former Disney child star na si Selena Gomez ngayong July.

Thankful ang singer-actress na naging maganda ang takbo ng kanyang buhay at career kahit na marami siyang pinagdaanan tulad ng kanyang personal na pakikipagrelasyon at ang buwis-buhay na kalusugan niya. Wala na raw siyang mahihiling pa.

“I have no idea what to expect. Getting older is weird, but I love it. And I’m finding out new things about myself. It’s honestly… I enjoy getting older. Here’s to 30,” sey pa ni Gomez.

Kasalukuyang pino-promote ni Selena ang season ng Hulu murder-mystery comedy series na ‘Only Murders In The Building’ kunsaan co-stars niya sina Steve Martin at Martin Short.

Happy si Selena na nakasama siya sa isang well-written series na tungkol sa trio ng amateur investigators na pilit maka-solve ng crime pero hindi maiwasan ang mga kapalpakan.

Wish ni Selena na magkaroon ng reboot ang pinagbidahan niyang 2007 series noon sa Disney na ‘Wizards of Waverly Place’. This time daw ay adults na sila ng mga co-stars niyang sina David Henrie, Jake T. Austin, Lucy Hale, Jennifer Stone, Gregg Sulkin at Dan Benson.

(RUEL J. MENDOZA)