2022 July Archive - People's Balita

Archive for July, 2022

P500 M revenues nawala sa programang Libreng Sakay ng MRT 3

Posted on: July 8th, 2022 by @peoplesbalita No Comments

NAWALAN ang pamahalaan ng P500 million na kita dahil sa ginawang programang Libreng Sakay sa Metro Rail Transit Line 3 (MRT 3) na siyang nagtulak upang ihinto ng Marcos administrasyon ang nasabing programa.

Ayon sa datos na naitala, ang pamahalaan ay nawalan ng P515.91 million na kita mula sa nasabing programa na tumagal ng tatlong buwan mula noong March 28 hanggang June 30.

Ang mga naitalang losses ay ang mga sumusuond: P155.13 million mula March 28 hanggang April 30; P172.67 million mula May 1-30; at P188.11 million mula June 1 hanggang June 30.

Nabigyan naman ang mahigit kumulang na 29.62 million na pasahero ng benepisyo mula sa programa ng Libreng Sakay sa MRT 3 na nakatulong upang mabawasan ang epekto ng tumataas na presyo ng pangunahing bilihin at serbisyo.

Sa datos na nilabas ng pamunuan ng MRT 3 may naitalang 8.47 million ang sumakay mua March 28 hanggang April 30; 9.6 million mula May 1 hanggang May 31; at 10.56 million na pasahero mula June 1 hanggang June 30.

“Libreng Sakay was twice extended to mitigate the impact of inflation on commuters. The program was launched on March 28 and was scheduled to conclude on April 30. However, former president Duterte decided to extend Libreng Sakay twice – first, for the whole of May and then for the whole of June – to spare passengers from the soaring fuel costs,” wika ni MRT officer-in-charge Michael Capati.

Dahil sa programang ito, naipakita rin ng pamunuan ng MRT 3 ang mga improvements na ginawa sa rail line matapos sumailalim ang MRT 3 sa dalawang taon na rehabilitation.

Kahit na nakapagbigay ng benepisyo sa mga tao ang nasabing programa, nagdesisyon naman si President Marcos na ihinto na ito dahil sa funding issues. Ang Department of Transportation (DOTr) ang nagbigay ng rekomendasyon na ihinto ito dahil ayon sa DOTr ang pamasahe sa MRT 3 ay subsidized naman ng pamahalaan.

Sa isang memorandum na nilagdaan ni Marcos ay kaniya naman pinalawig ang libreng sakay sa EDSA Carousel buses na tatagal hanggang katapusan ng taon. Kasama rin sa memorandum ang pagbibigay ng libreng sakay sa MRT 3, Light Rail Transit Line 2 (LRT 2) at Philippine National Railways (PNR) para sa mga estudyante na papasok simula sa August 22 kung saan magkakaron na ng face-to-face classes.

Ayon naman sa Department of Education (DepEd) mayron higit sa 38,000 na mga eskuwelahan ang magbubukas ng face-to-face classes sa darating na pasukan. LASACMAR

Ads July 7, 2022

Posted on: July 7th, 2022 by @peoplesbalita No Comments

Kalayaan College sa QC nagsara na rin dahil sa kalugian dala ng pandemya

Posted on: July 7th, 2022 by @peoplesbalita No Comments

NAG-ANUNSIYO kahapon ang Kalayaan College na nasa Quezon City upang ipaalam ang tuluyan na rin nilang pagsasara.

Sa abiso ng naturang kolehiyo ipinaabot nila ang kadahilanan ng pagtigil na ng operasyon ay bunsod ng patuloy umanong kalugian na pinatindi pa ng pandemya.

Ang naturang kolehiyo ay una na ring itinatag noong taong 2000 ng mga University of the Philippines (UP) professors, kabilang na si dating UP President Jose Abueva.

Binuo ang institusyon para magbigay ng dekalidad na tertiary education doon sa mga estudyante na hindi nakapasa sa UP admission exams.

Batay sa memorandum of agreement sa UP Diliman campus, ang mga faculty ng Kalayaan College ay binubuo ng mga UP professors at teachers.

Sa paliwanag ng kolehiyo, labis umano ang kanilang kalungkutan sa hakbang at wala na silang iba pang options kundi ipasara ang eskwelahan.

Ang Board of Directors ng Kalayaan College Inc. ay nagdesisyon na tapusin na ang kanilang operasyon dahil sa patuloy na financial losses dala na rin daw ng pagkonti ng mga populasyon ng mga estudyante dahil sa krisis.

Magiging pinal na ang pagsasara ng Kalayaan College kung pormal na itong maratipikahan ng majority ng mga stockholders.

Nasabihan na rin daw ang Commission on Higher Education (CHED) sa kanilang desisyon na magsasara na sila.

Ang Kalayaan College na nasa ika-22 taon na rin ngayon ay merong mga kurso na bachelor’s degree programs sa four divisions: science and information technology, humanities and communication, business administration and social sciences.

Samantala, tiniyak naman ng kolehiyo na meron pa rin silang offer na limitado sa general education at major courses sa senior level students para makompleto ang kanilang degree programs. Ito ay online simula sa August 2022.

Papayagan din nila ang mga senior students na mag-cross register sa ibang mga schools.

Gayundin ang mabilisang pagproseso sa mga academic records ng mga estudyante at ang pag-asiste sa mga natitirang estudyante na maisaayos ang mga academic records.

“With heartfelt feelings and faced with no other options, the Board of Directors of Kalayaan College Inc. has decided to end the operations of Kalayaan College due to continuing financial losses brought about by declining student population and exacerbated by challenges caused by the ongoing pandemic,” bahagi pa ng advisory sa Facebook page na pinirmahan ni President Oliva Domingo. “The Board apologizes for this short notice and extends its gratitude to all students and parents who put their trust in Kalayaan College. We take this opportunity to thank our faculty and staff for their dedicated service.”

BATAS para sa MOTORCYCLE-TAXIs at DELIVERIES NAPAPANAHON NA!

Posted on: July 7th, 2022 by @peoplesbalita No Comments

MAHALAGANG bahagi na ng transportasyon ang mga motorcycle-taxis at deliveries. At napapanahon na para magkaroon ng batas para sa ligtas at epektibong serbisyo nito sa tao.

Sa kasalukuyan ay pinapayagan ng DOTr ang motorcycle-taxis sa ilalim ng tinatawag na pilot-test run. Pero sa Kongreso ay may pumasa nang Panukalang Batas para sa regulasyon nito kaya lang ay hindi nakarating sa Malacañang para mapirmahan ng Pangulo.

Sa mahabang panahon na nasa pilot-testing ang pamamasada ay siguradong may konkretong report na para mapagbasehan ng Kongreso para tuluyan nang maisabatas ito.

Sa ngayon kasi ang sabi ng LTO ang two wheel vehicle o motorsiklo ay maaari lamang iparehistro bilang pribadong sasakyan at hindi for-hire liban na lamang kung may side car o yung mga tricycle.

Bagama’t ang posisyon ng Lawyers for Commuters Safety and Protection (LCSP) dito ay – maari irehistro na for-hire kung may Department Order at mas mainam nang may batas na babasehan.

Ito ang panawagan ng LCSO na i refile na agad ang motorcycle-taxi bill upang maisabatas na ito.

Kasabay nito ay regulasyon din para sa mga motorcycle deliveries para may proteksyon ang riders, customers at maibatas din ang mga pananagutan ng mga providers at kumpanyang pinagsisilbihan ng mga riders kung kinakailangan.

Nararapat lamang ito dahil noong kasagsagan ng lockdown ay naging mahalagang frontliners ang mga delivery riders upang maihatid ang pangangailangan ng mga tao at umikot ang ekonomiya.

‘Avatar 2’ New Image Reveals Jake Sully and Neytiri’s Four Na’vi Children

Posted on: July 7th, 2022 by @peoplesbalita No Comments

A new image from Avatar: The Way of Water reveals the best look yet at Jake Sully and Neytiri’s four Na’vi children in the long-awaited sequel.

Released in 2009, James Cameron’s Avatar, which still stands as the highest-grossing film of all time, introduced audiences to Sam Worthington’s Jake Sully, a paraplegic Marine who joins the Avatar program and quickly befriends Pandora’s native people, the Na’vi, and falls in love with Zoe Saldana’s Neytiri. At the end of the first film, Sully chooses to permanently transfer his body into his Na’vi avatar with help of the Tree of Souls.

Worthington and Saldana return to lead the cast of Avatar: The Way of Water as Sully and Neytiri, who have started their own Na’vi family in the decade since the events of the first film.

Sigourney Weaver returns in a surprising new role while Stephen Lang, Giovanni Ribisi, and Matt Gerald also reprise their roles from Avatar. Additions to the cast include Kate Winslet, Cliff Curtis, Edie Falco, Michelle Yeoh, Jemaine Clement, and Vin Diesel.

The first Avatar 2 trailer, released in May, revealed the first look at Sully and Neytiri’s family, and now, another glimpse of their Na’vi children is here.

A new Avatar: The Way of Water image was unveiled via Empire, introducing audiences to the new generation of Na’vi. The image reveals the best look yet at Sully and Neytiri’s family, which includes both biological and adopted children.

Their biological kids include Neteyam (Jamie Flatters), Lo’ak (Britain Dalton), and Tuktirey (Trinity Bliss). Lastly, there is also their adopted teenage daughter, Kiri, who was recently revealed to be portrayed by Sigourney Weaver.

Thirteen years have passed since Avatar was released in theaters and took audiences by storm with its stunning visuals. However, it has taken over a decade for the first sequel to arrive, so it only makes sense for this significant passage of time to be reflected in the world of Pandora as well.

When The Way of Water begins, Sully and Neytiri will already have four children of various ages, with their son Neteyam being the oldest and their eight-year-old daughter Tuk being the youngest. Other than these four, there is also Spider (played by Jack Champion), a human orphan stranded on Pandora who is rescued and adopted by Jake and Neytiri.

This image is a proper introduction to Sully and Neytiri’s family who audiences will surely get to know a lot better in the coming months and once The Way of Water premieres in theaters.

Family is clearly going to be a prominent theme in The Way of Water and possibly even more Avatar sequels to come as the close-knit Sully tribe does whatever it takes to keep each other safe, upping the emotional stakes as Pandora defends itself from new and familiar threats.

See the Sully family in action when Avatar: The Way of Water premieres in theaters this December 6. (source: screenrant.com)

(ROHN ROMULO)

Bagong hepe ng DICT, gustong paigtingin ang cybersecurity, cybercrime detection

Posted on: July 7th, 2022 by @peoplesbalita No Comments

NAIS ng Department of Information and Communications Technology (DICT) sa ilalim ng bagong administrasyon na paigtingin ang cybersecurity at cybercrime detection ng bansa.

“We want to improve our cybersecurity, napakaraming instances po ng mga breaches ng mga website natin and at the same time on the cybercrime detection, I’m sure marami po tayong mga kababayan nakakatanggap ng mga text, ng mga cyber scams,” ayon kay DICT Secretary Ivan Uy sa Laging Handa public briefing.

“We need to address all of these, maraming reklamo ang ating mga kababayan, and tama po naman ang mga hinaing nila at tutugunan po natin ito as soon as we settle down and we roll up our sleeves and start working on this,” dagdag na pahayag nito.

Si Uy, isang IT expert, ay nagpahayag na isusulong din ng DICT ang “better digital access” sa pamamagitan ng siguraduhin na maging maayos ang connectivity sa malalayong lugar.

“We will definitely push for better e-governance so that we are able to deliver government service more efficiently and effectively and [fewer] opportunities for corruption across all agencies,” ani Uy.

Samantala, pinuna naman ni Uy ang kalagayan ng operasyon ng ahensiya sabay sabing mayroon siyang “many knots” para “untangle” habang nagpapatuloy ang transisyon sa bagong liderato. (Daris Jose)

Pagtaas ng presyo ng food at non-alcoholic beverages, malaki ang kontribusyon sa mabilis na inflation noong Hunyo – PSA

Posted on: July 7th, 2022 by @peoplesbalita No Comments

ANG tumaas na presyo ng food and non-alcoholic beverages ang itinuturo ngayon ng Philippine Statistics Authority (PSA) sa mabilis na inflation noong buwan ng Hunyo na umabot sa 6.1 percent mula sa dating 4.9 percent noong buwan ng Mayo.

Kahapon nang iulat ng PSA na ang annual headline inflation ay bumulis pa sa 6.1 percent noong June 2022.

Ito na ang pinakamataas na inflation mula noong October 2018.

Sinabi ni Undersecretary Dennis Mapa, National Statistician and Civil Registrar General, na ang mabilis na pagmahal ng mga bilihin at mga serbisyo ay dahil na rin sa mabilis na pagtaas ng presyo ng karne at iba pang bahagi ng tinatawag na slaughtered animals gaya ng manok na may 8.1 percent at bigas na 2 percent.

Ang mga prutas partikular ang mangga at at nuts ay nasa 1.1 percent.

Ang second commodity group na nakapagtala ng mas mataas na inflation noong June ay ang transport na mayroong 17.1 percent share sa pagbilis ng overall inflation.

Ang gasolina ay nakapagtala ng 53.9 percent noong June mula sa dating 47.2 percent noong Mayo habang ang diesel ay 92.5 percent mula sa dating 86.2 percent.

Samantala, ang alcoholic beverages at tobacco product ay bumilis din sa 7.8 percent dahil ang sigarilyo ay nakapag-contribute ng 8.9 percent, ang beer ay 6.2 percent at ang spirits at liquors ay 5.2 percent.

Para naman sa National Capital Region (NCR) ang inflation ay bumilis sa 5.6 percent noong June mula sa datiing 4.7 percent noong buwan ng Mayo. (Daris Jose)

PBBM, nagpulong ukol sa economic situation sa Pinas

Posted on: July 7th, 2022 by @peoplesbalita No Comments

TINALAKAY ni Pangulong Ferdinand “Bongbong” Marcos Jr., araw ng Martes, sa kanyang gabinete ang kasalukuyang economic situation sa bansa.

Ito’y matapos na pangunahan ni Pangulong Marcos ang unang Cabinet meeting sa Malacañan Palace, Martes ng umaga.

Ang miting na dapat ay nagsimula ng alas-9 ng umaga ay nagsimula ng “15 minutes earlier” kaysa sa itinakdang oras.

Ang Philippine economy ang unang isyu na tinalakay ni Pangulong Marcos sa mga opisyal ng kanyang gabinete lalo na sa kanyang economic team na kinabibilangan nina Finance Secretary Benjamin Diokno, Socioeconomic Planning Secretary and National Economic and Development Authority Director General Arsenio Balisacan, at Bangko Sentral ng Pilipinas (BSP) governor Felipe Medalla.

Sa maikling video clip na in-upload sa Facebook page ng Radio Television Malacañang’, hiniling ni Pangulong Marcos sa kanyang economic managers na simulan ang miting sa isang presentasyon ng kasalukuyang estado ng Philippine economy.

“I ask what we call the economic groups, which is the Secretary of Finance (Diokno), the BSP governor (Medalla), and the NEDA (Director General Balisacan), to give us a briefing on the general situation economically because I think we can all understand that the most important area that we will have to deal with will have to be economy,” ayon kay Pangulong Marcos.

Sinabi ni Pangulong Marcos na ang “central policy” ng kanyang administrasyon ang susunod na lilikhain ng economic team.

“The central policy actually that everybody else will eventually be following will be that set out by our economic managers,” ayon kay Pangulong Marcos.

Kasama naman sa dumalo sa miting sa Malakanyang sina Vice President and Education Secretary Sara Duterte-Carpio, Executive Secretary Victor “Vic” Rodriguez, at Press Secretary Beatrix Rose “Trixie” Cruz-Angeles.

Ang Agriculture, finance, transportation at education sectors were ay kabilang sa mga pangunahing items na tinalakay sa unang Cabinet meeting.

Hindi pa nakapagpapalabas ang Malakanyang ng karagdagang detalye hinggil sa “first meeting” ni Pangulong Marcos sa kanyang gabinete.

Sa hiwalay na Facebook post, sinabi naman ni Social Welfare Secretary Erwin Tulfo na ang mga attendees ay sumailalim sa mandatong antigen testing.

Nananatili namang hindi kumpleto ang gabinete ng Pangulo dahil hindi pa nakapagtatalaga ng mga Kalihim sa ilang departamento kabilang na ang Department of Health (DoH).

Si Pangulong Marcos ay nasa “final stage” sa ebalwasyon ng mga kandidato para sa vacant posts sa kanyang gabinete, ayon naman kay Cruz-Angeles.

Tinanggihan naman ni Pangulong Marcos ang panukalang retrenchment ng ilang government personnel na kumolekta ng mas maraming pondo para mapanatili ang pagsisikap na mapabilis ang economic recovery ng bansa mula sa umiiral na coronavirus disease 2019 (Covid-19) pandemic, ayon naman sa panibagong Facebook post ni Tulfo.

“We don’t want anyone out of job at this point,” ang sinabi ni Pangulong Marcos, ayon kay Tulfo.

Sa isang text message, sinabi naman ni Solicitor General Menardo Guevarra na “controlling inflation, ensuring food security, supporting the transportation sector, and resuming the face-to-face classes were among the issues raised during the four-hour Cabinet meeting.”

Ang unang Cabinet meeting, ayon kay Guevarra ay “very productive” as Marcos handled it “extremely well.”

“He (Marcos) is knowledgeable, organized, and very sharp,” ani Tulfo sabay sabing “Other areas of concern will be discussed in subsequent meetings of the Cabinet.” (Daris Jose)

PBBM, sumentro sa ekonomiya ang unang cabinet meeting

Posted on: July 7th, 2022 by @peoplesbalita No Comments

SUMENTRO sa isyung pang-ekonomiya ang unang cabinet meeting na pinangunahan ni Pangulong Ferdinand “Bongbong” Marcos Jr. sa Palasyo ng Malacanang.

Sa naturang pulong, si Vice President Sara Duterte-Carpio ang nanguna sa panalangin.

Hiningi ni Marcos sa kanyang economic team ang sitwasyon ng ekonomiya ng bansa, bago tinalakay ang iba pang isyu.

Partikular na tinanong ni Marcos ang mga kalihim ng Department of Finance (DoF), Bangko Sentral ng Pilipinas (BSP) at National Economic and Development Authority (NEDA) kaugnay sa general situation sa ating bansa.

Sa harap ito ng panibagong inflation report, paggalaw sa presyo ng mga bilihin, lalo na ang mga produktong petrolyo at ang nananatiling pandemya ng COVID-19.

Ayon kay Marcos, nakasalalay sa economic team ang central policy ng kanyang administrasyon.

Sinabi pa ng chief executive na batid ng lahat na may namumuong krisis sa suplay ng pagkain kung kaya dapat itong agad na matugunan ng magkakatuwang na mga sangay ng pamahalaan. (Daris Jose)

Tinupad ang pangakong fully committed sa pagiging mistress at kontrabida: LIANNE, na-single out ni Direk LAURICE sa mahusay na pagganap

Posted on: July 7th, 2022 by @peoplesbalita No Comments

IKINATUWA ng award-winning director na si Laurice Guillen ang mahusay na performance ng buong cast ng GMA teleserye na Apoy Sa Langit.

Na-single out ni Direk Laurice ang pagganap bilang Stella ng Kapuso actress na si Lianne Valentin. Tinupad daw nito ang pangako na fully committed siya sa kanyang role bilang isang mistress at kontrabida.

“Wala siyang kaartehan. Kapag sinabing jump, jump! Ang bilis ng pag-rise niya, because she is completely committed,” sey ni Direk Laurice.

Noong una raw ay medyo pinagdudahan ni Direk Laurice kung kakayanin ba ni Lianne ang mga eksena nito with Zoren Legaspi. Kung hindi raw nito kaya ay puwede silang kumuha ng ibang artista. Pero nag-commit daw si Lianne at ginulat nito ang lahat sa walang kiyemeng pag-arte niya.

Kaya naman sunud-sunod ang pag-trend ng mga maiinit na episodes ng Apoy Sa Langit. Hindi rin ito natitinag sa pagiging number one sa kanyang timeslot sa hapon.

Nababasa naman daw ni Lianne ang mga comments sa kanya sa social media. Hindi raw siya nagagalit dahil ang character niyang si Stella ang kinaiinisan ng netizens.

“Grabe ‘yung inis nila. ‘Yung galit nila kay Stella. Happy din ako, kasi nagagawa ko ‘yung role ko as Stella, ibig sabihin effective,” sey pa ni Lianne sabay pasalamat sa naging guidance sa kanya ni Direk Laurice.

***

NAKATUTUWA lang isipin na ang dating child actor na si Nash Aguas ay naglilingkod na ngayon bilang Konsehal sa Cavite City.

Noong nakaraang Lunes ay nagsimula na si Nash sa kanyang unang araw bilang isang government official. Ito ang unang pagsabak ng former child and teen star sa politics at masuwerteng nanalo siya. Ikalawa pala sa rank sa mga tumakbo bilang councilor sa naturang probinsya.

“First session. Simula na ang trabaho. Our journey back to being a first class city starts today,” caption pa niya sa kanyang post sa Instagram.

Naalala namin ang balita noong unang magsabi si Nash na tatakbo siya bilang konsehal. Sa edad na 22 ay marami na kasing naipundar si Nash mula sa kanyang pagiging artista. Bukod sa sariling mga negosyo, may mga investment din daw si Nash sa real estate.

Nakapagtapos din daw ito ng BSBA Major in Marketing Management sa kolehiyo kaya malaki raw ang magiging impluwensya niya sa maraming kabataan.

“We really think Nash (Aeign Zackrey Nash Victoriano Aguas) can help us revive the former status of our city which is first-class. Through his reach, we can easily help Cavite City promote tourism assets. He will also be an inspiration to the Caviteño youth,” ayon sa partido ng aktor na Lakas–Christian Muslim Democrats party.

Si Nash ang unang winner ng Star Circle Kid Quest noong 2004. Naging parte siya ng kiddie show na Goin’ Bulilit at noong maging teenager na siya, lumabas siya sa mga teleserye na Luv U, Bagito, Lobo, May Bukas Pa, Tanging Yaman, Dahil May Isang Ikaw, Magkaribal, FPJ’s Ang Probinsyano, Doble Kara, The Good Son, A Soldier’s Heart at Huwag Kang Mangamba.

Ang kasalukuyang girlfriend ni Nash ay si Mika dela Cruz.

(RUEL J. MENDOZA)