SA social media lang nalamam ni former FDCP Chairperson Liza Dino na pinalitan na siya ni Tirso Cruz III bilang head ng naturang agency.

Noong Martes ng umaga ay umugong ang tsika sa social media na nakatakdang manumpa ni Tirso bilang bagong head ng FDCP.

Pero hindi ito nakumpirma until lumabas sa balita na nanumpa ang former matinee idol sa kanyang bagong posisyon sa Malacanang.

Sa isang video message ay ipinahayag ni dating FDCP chairman na she will ensure a smooth transition para sa pagpasok ni Tirso bilang bagong FDCP chair.

Sinabi pa niya na handa siyang i-welcone sng aktor sa FDCP office.

Kahit na her term of office was extended for three years ni dating Pangulong Duterte, option ni President Bongbong Marcos na mag-appoint ng mga bagong tao sa iba’t-ibang ahensiya ng gobyerno tulad ng FDCP.

In fairness kay Chair Liza, marami naman naging accomplishments ang FDCP under her watch. With Tirso as FDCP’s new chairman, umassa kami na ipagpapatuloy niya ang mga magagandang projects ni  na makatutulong sa industriya.

***

LEVEL up na ang arrive ni Direk Roman Perez, Jr. dahil may entry na siya sa Cinemalaya 2022.

After doing a number of sexy movies for Vivamax kung saan nagkaroon siya ng cult following, ibang level naman para sa kanya na magkaroon ng Cinemalaya entry.

Kaluskos ang title ng entry ni Direk Roman na magsisimula sa August 5. Ano kayang tipo ng movie ang handog ng direktor?

It is not your usual stuff.  Kaya interesting malaman kung ano ang kwento ng Kaluskus at ano ang kaibahan nito sa mga sexy movies na ginagawa ni Direk Roman sa Vivamax.

If we are not mistaken, unang pagkakataon na may film entry si JC de Vera sa Cinemalaya. Pero several years ago ay nagwagi siya ng best actor award sa isang indie filmfest.

JC started his career sa showbiz as a teenager at kahit na noong panahon na yun ay kinakitaan na siya nang kahusayan sa pagganap.

Habang lumilipas ang mga taon ay patuloy na pinanday ni JC ang pagiging mahusay niyang actor thru various roles sa TV at pelikula.

At least pinatunayan ni JC na hindi lang siya basta a pretty face but is a competent actor as well, unlike other actors na guwapo lang pero bano umarte. Ouch!

Kasali rin si JC sa cast ng pinag-uusapang serye na Flower of Evil na co-prod ng Viu Entertainment at Dreamscape.

(RICKY CALDERON)

MAGKASUNOD na magsi-celebrate ng kani-kanilang anniversary this Sunday, July 10, ang infotainment show na “Amazing Earth” hosted by Kapuso Primetime King Dingdong Dantes sa kanilang 4^th year anniversary at ang fun-filled adventure series na “Daig Kayo ng Lola Ko,” sa kanila namang 5^th anniversary celebration.

Unang mapapanood ang “Amazing Earth” na sabi nga ni Dingdong, sa loob daw ng four years niyang pagho-host ng show, mas una raw siyang natututo dahil siya ang gumagawa ng weekly features. Every week ay nadadagdagan ang kanyang kaalaman sa mga ipini-feature nilang mga amazing guests na mga Filipinos here and abroad.

Happy si Dingdong, dahil ang mga anak nila ni Marian Rivera na sina Zia at Sixto ay mahilig manood ng mga animals tulad nang ipini-feature nila sa show.  Mapapanood ang “Amazing Earth” at 5:30PM  sa GMA-7.

The fifth anniversary episode of “Daig Kayo Ng Lola Ko” will be a special presentation dahil muling mapapanood ang Philippine entertainment icon and multi-awarded actress na si Ms. Gloria Romero, as Lola Goreng.

Kinausap muna ng production ang veteran actress kung pwedeng mapanood sa short intro for the anniversary episode at pumayag naman siya.

“We have to protect her nang magkaroon na tayo ng pandemic two years ago, kaya hindi na namin siya pinalabas sa mga sumunod na episodes, but we will always be grateful to her,” sabi ni Ms. Ali Nokom Dedicatoria, GMA’s Asst. Vice President for Drama.

Four Sundays na mapapanood ang “DKNLK.” This Sunday featured ang episode na “Bida Kontrabida,” headlined by Rufa Mae Quinto as Evil Queen,  Jo Berry as Rumpelstiltskin, Cai Cortez as Sea Witch and Andre Paras as Big Bad Wolf. First kontrabida role daw ito ni Andre.

Directed by Rico Gutierrez, mapapanood ang special episode at 7:00PM, sa GMA-7 after “24 Oras Weekend.”

***

NAGPASILIP na ng kanilang first taping day ang biggest-reality game show of 2022 na “Running Man Philippines” sa South Korea.

Ang Korean adaptation ay co-production venture sa pagitan ng GMA Network at ng SBS Broadcasting Network of South Korea.

Nag-post nga si director Rico Gutierrez ng ilang highlights ng naging shoot nina Glaiza de Castro, Mikael Daez, Ruru Madrid, Buboy Villar, Lexi Gonzales, Angel Guardian at Kokoy de Santos sa Seoul, SK.

Bago sila nagsimula ng shoot, nag-courtesy call din muna sila sa Philippine Embassy sa South Korea, kung saan na-meet nila si Philippine Ambassador H.E. Maria Theresa B. Dizon-de Vega.

Hindi naman nagkait ang mga netizens na magbigay ng lakas ng loob sa mga participants at hihintayin nila ang pagpapalabas ng “Running Man Philippines.”  Tatagal ang shoot ng reality show for almost two months sa iba’t ibang lugar sa South Korea.

                                                            ***

MAY bago nang leading man si Sparkle star Kate Valdez.  

Si Kelvin Miranda ang makakatambal ni Kate sa bagong GMA Afternoon Prime na “Unica Hija,”  First time ni Kate na maging title roler sa isang project.

Looking forward naman si Kelvin na bago ang leading lady niya after niyang gawin ang “Lost Recipe” with Mikee Quinto at si Beauty Gonzalez sa “Stories From the Heart: Loving Miss Bridgette.”

Thankful si Kate na after ng successful drama series nila ni Barbie Forteza, ang “Anak ni Waray vs. Anak ni Biday,” na-excite siya nang malaman niya kung sinu-sino ang makakasama niya sa serye.

Gaganap niyang kontrabida si Faith da Silva, at makakasama niya ang StarStruck alumni na sina Katrina Halili at Mark Herras.  Katatapos lang ni Katrina ng “Prima Donnas” at si Mark sa “Artikulo 247” with Rhian Ramos and Benjamin Alves.  

Mami-miss ni Katrina ang anak na si Katie, at si Mark ang mag-ina niyang sina Nicole Donesa at Corky, dahil lock-in ang taping nila ng serye na sisimulan na nila this week.

(NORA V. CALDERON)