2022 July Archive - People's Balita

Archive for July, 2022

First four official entries ng MMFF 2022, inilabas na: VICE at COCO, muling magtatapat sa takilya at lalaban din si IAN at TONI

Posted on: July 9th, 2022 by @peoplesbalita No Comments

SA Christmas season, tiyak na ‘Balik Saya’ na naman ang 48th Metro Manila Film Festival (MMFF) na kung saan inilabas na ang first 4 official entries.

Kinabibilangan ng first 4 MMFF 2022 official entries na base sa script submission:

1. LABYU WITH AN ACCENT (ABS-CBN Productions, Inc)

Director: Rodel P. Nacianceno, Writer: Patrick Valencia

Starring: Coco Martin & Jodi Sta. Maria

2. NANANAHIMIK ANG GABI (Rein Entertainment Productions)

Director & Writer: Shugo Praico

Starring: Ian Veneracion, Mon Confiado & Heaven Peralejo

3. PARTNERS IN CRIME (ABS-CBN Film Production Inc & Viva Films)

Director: Cathy Garcia-Molina, Writer: Enrico Santos

Starring: Vice Ganda & Ivana Alawi

4. THE TEACHER (TEN17P)

Director: Paul Soriano, Writer: Emma Villa

Starring: Joey de Leon & Toni Gonzaga

Ang deadline ng finished film submission (na kung saan pipiliin ang apat pa na official MMFF entries) ay sa September 2 (for early birds submission) at September 30 (regular submission).

Nakaka-excite ang pagbabalik ni Vice Ganda sa MMFF, na palaging topgrosser ang entries na kung saan makatatapat niya si Coco Martin na balik-filmfest din.

Idagdag pa ang kaabang-abang na tambalan nina Joey de Leon at Toni Gonzaga. Matatandaan na topgrosser sa MMFF 2021 ang horror comedy na The ExorSIS nina Toni at Alex Gonzaga.

Winner din ang pagtatambal nina Coco at Jodi Sta. Maria, ganun ang tandem nina at Ivana Alawi, tiyak na patok at riot ito.

For sure, ‘di patatalo ang movie nina Ian Veneracion na sex and violence naman ang tema.

Two months from now, malalalaman na ang kukumpleto sa Magic 8 ng MMFF 2022, na inaasahan na magiging exciting entries din tulad ng first four entries.

(ROHN ROMULO)

9 na bagong opisyal ng gobyerno, nanumpa sa harap ni PBBM

Posted on: July 9th, 2022 by @peoplesbalita No Comments

PATULOY na pinupunan ni Pangulong Ferdinand Marcos Jr., ang mga bakanteng posisyon sa tanggapan at departamento ng gobyerno.

Sa katunayan, inanunsyo ng Office of the Press Secretary (OPS) ang mga mga opisyal na nag- oath of office sa harap mismo ni Pangulong Marcos, ngayong araw, Hulyo 7.

Ang mga ito ay sina:

Cesar Chavez, Undersecretary – Department of Transportation
Maj. Gen. Delfin Negrillo Lorenzana, Chairperson – Bases Conversion and Development Authority
Diorella Gamboa Sotto-Antonio, Chairperson – Movie and Television Review and Classification Board
Emerald Ridao, Undersecretary – Office of the Press Secretary (OPS)
Franz Imperial, Undersecretary – Office of the President (OP)
Honey Rose Mercado, Undersecretary – Presidential Management Staff (PMS)
Atty. Jose Calida, Commissioner – Commission on Audit (COA)
Bianca Cristina Cardenas Zobel, Social Secretary
Gerald Baria, Undersecretary – Office of the President (OP) (Daris Jose)

Bilang ng mga Pilipinong walang trabaho sa bansa, pumalo sa mahigit 2.93-M – PSA

Posted on: July 9th, 2022 by @peoplesbalita No Comments

NADAGDAGAN pa ang bilang ng mga Pilipinong walang trabaho sa bansa noong buwan ng Mayo ng taong kasalukuyan ayon sa Philippine Statistics Authority (PSA).

Sa ulat ni National Statistician and Civil Registrar General at PSA Undersecretary Dennis Mapa sa press conference kaugnay sa May 2022 Labor Force Survey (preliminary) results, pumalo pa sa 6.0% ang unemployment rate sa bansa noong buwan ng Mayo na may katumbas na 2.93 million na mga kababayan natin na walang trabaho.

Mas mataas ito kumpara sa naitalang 5.7% na unemployment rate noong buwan ng Abril o nasa 2.76 million na kabuuang bilang naman ng mga indibidwal na walang trabaho.

Ngunit mas mababa naman ito kung ikukumpara sa 7.7% jobless rate na naitala noong May 2021.

Paliwanag niya, hindi daw kasi lahat ng nadaragdag sa labor force participation ay tuluyang nakakakuha ng trabaho.

Samantala, iniulat din ni Usec. Mapa na nagkaroon din naman ng pagtaas sa employment rate sa nasabing buwan na pumalo naman sa 94% na mas mababa kumpara sa 94.3% na employment rate noong April 2022.

Walang overcharging na nangyari sa gitna ng iniuutos nitong refund sa mga customers ng Meralco -ERC

Posted on: July 9th, 2022 by @peoplesbalita No Comments

BINIGYANG-diin ng Energy Regulatory Commission na walang overcharging na nagawa ang Manila Electric Company (MERALCO) kasunod ng kautusang ibalik nito ang labis na singil na nakuha nito mula sa kanilang customers.

Sa Laging Handa briefing, sinabi ni ERC Chairperson Agnes Devanadera na hindi naman overcharging ang nangyari at sa halip ay diperensiya lamang sa kanilang naging projection noon at base sa aktuwal na pinagbabayaran ng MERALCO.

Aniya, kadalasan talaga ay nagkakaroon ng diperensiya at wala aniyang mali ukol dito.

Tinatayang, aabot sa 21.769 billion pesos ang iniutos ng ERC na i-refund sa mga customers nito partikular dulot ng overcollection mula July 2015 hanggang June 2022.

Base sa 68-page ERC order na may petsang June 16, 2022, kailangang mag-reflect na sa July billing ng mga customers nito ang refund. (Daris Jose)

PBBM, hindi muna babyahe sa ibang bansa habang binabalangkas pa ang gabinete

Posted on: July 8th, 2022 by @peoplesbalita No Comments

NILINAW ng Malacañang na wala pang na-commit na biyahe si Pangulong Ferdinand “Bongbong” Marcos Jr. mula sa mga state visit invitations.

Kasunod ito ng paanyaya ni United States President Joe Biden para dumalao sa Amerika.

Sinabi ni Press Secretary Trixie Cruz-Angeles na abala pa ang Pangulo sa pagbuo sa kaniyang gabinete kaya wala pang anunsiyo ng anumang state visits.

Bukod kay Biden ay nagpaabot din ng imbitasyon ang China sa pamamagitan ng mga opisyal nitong personal na dumalaw sa bansa. (Daris Jose)

Emosyonal sa pagtatapos ng termino bilang Congressman: ALFRED, tuloy-tuloy ang paglilingkod sa QC bilang isang Councilor

Posted on: July 8th, 2022 by @peoplesbalita No Comments

TULOY-TULOY lang ang pagsi-serve ng actor-public servant na si Alfred Vargas kahit tapos na ang termino niya bilang Congressman ng QC.

Pinost ni Alfred ang kanyang panunumpa sa bagong posiston bilang Konsehal.

Caption niya, “Public service is a call we’d gladly and honorably answer any time.

“Tuloy tayo sa paglilingkod sa Quezon City, ngayon bilang Councilor. Thank you once again for this opportunity to serve. This is for you, QC. 💙.”

At sa kanyang speech para sa huling State of the District Address (SODA) bilang 5th District Representative ng Quezon City ay hindi nga naiwasan ni Alfred na maging emosyonal.

Pahayag ni Konsehal Alfred, “For my last State of the District Address, I am honored to report that we are capping off our 3 terms as Congressman with more than 1,256 House Bills & Resolutions, 87+ Laws enacted, & a sustainable program that has benefited thousands of residents in our District.

“We have always relied on people’s participation in practicing good governance. We have achieved a lot because we’ve managed to discuss our people’s needs together & we were able to make decisions on the basis of our common care & concern for the general welfare of our people.

“I can sincerely say that we’ve done our best to serve our district & the Filipino people.”

Dagdag pa niya, “I’m proud to pass the baton to another dignified public servant, Representative PM VARGAS @pmvargasph.

“The 5th District of QC is in good hands. Thank you & God bless us all!”

Komento naman ng kanyang magandang asawa na si Yasmine Vargas, “Proud of you amore 💙.”

***

ILO-LAUNCH ng Sing Galing, ang original videoke game show ng TV5, ang first-ever kiddie family edition through a fun and interactive ‘Sing Galing Kids Kiddiecon’ this Saturday, July 9, at Vista Mall Taguig.

Ini-invite ang mga kids and their families to join this all-free Kiddiecon full of games, treats, exciting prizes, and musical entertainment that will complete their weekend bonding experience.

They will surely enjoy the activity booths and the ensuing kiddie convention, which will culminate in an entertaining show and a meet-and-greet with the Sing Galing Kids cast led by Randy Santiago, K Brosas, Donita Nose, Ethel Booba, Jona, Morissette, Gloc-9, Zendee, Mari Mar Tua, Queenay, Zendee, Yoyo and Tyronia, and more.

Kids will be “issued” an Arkidia Passport, which will be stamped as they finish the interactive booth activities. With at least 3 stamps, each kid can be given stubs to claim exciting gifts and prizes.

Ang five interactive booths ay binubuo ng SG Bida-Star Videoke Booth, SG Singtoker Booth, Arkidia Basketball Shoot Out, Art Booth/Coloring at ang Sing Galing Kids Photo Booth with Genie.

May various food booths tulad ng Eggspert and Waffle Time. And since it’s a Kiddiecon, mommies and daddies can also have their own fun time at the Sulit TV booth where they can learn more about Sulit TV’s exciting offerings.

Come and join this fun-filled Sing Galing Kids Kiddiecon at Vista Mall Taguig this Saturday, July 9, starting at 1:00 PM. For further details, visit TV5 and Sing Galing on Facebook and Twitter.

(ROHN ROMULO)

Simona Halep pasok na sa semifinals ng Wimbledon

Posted on: July 8th, 2022 by @peoplesbalita No Comments

PASOK na sa semifinals round ng Wimbledon si Simona Halep matapos ma-sweep si Amanda Anisimova.

Hindi na pinaporma pa ng Romanian tennis ang American player sa score na 6-2, 6-4.

Sa unang set ay hawak pa ni Anisimova ang kalamangan 0-4 hanggang ito ay tuluyang mahabol ni Halep at tapusin ang laro.

Noong nakaraang taon kasi ay pinalawig nito ang kaniyang pagpapahinga dahil sa dinanas niyang injury.

Susunod na makakaharap nito sa semifinals si Elen Rybakina.

Pagdiriwang ng Eid’l Adha sa Sabado, Hulyo 9, regular holiday

Posted on: July 8th, 2022 by @peoplesbalita No Comments

OPISYAL na idineklara ng Malakanyang na regular holiday sa buong bansa ang araw ng Sabado, Hulyo 9, 2022 bilang paggunita sa Eid’l Adha (Feast of Sacrifice).

Ang Eid’l Adha o Feast of Sacrifice ay isa sa dalawang “greatest feasts” ng Islam.

Sa bisa ng Republic Act No. 9849, ang tenth day ng Zhui Hijja, 12th month ng ISlamic Calendar, ang national holiday para sa pagdiriwang ng Eidul Adha (Eid’l Adha) ay may movable date.

Pagsunod sa 1442 Hijrah Islamic Lunar Calendar, ang National Commission on Muslim Filipinos ay inirekumenda na ang Hulyo 9, 2022, araw ng Sabado, ay ideklarang national holiday bilang pagdiriwang sa Eid’l Adha.

Ang pagdiriwang ng Eid’l Adha ay dapat na “subject to the public health measures” ng national government. (Daris Jose)

70 kaso pa ng Omicron subvariants, natukoy

Posted on: July 8th, 2022 by @peoplesbalita No Comments

PATULOY ang pagtaas ng COVID Omicron nang madagdagan pa ng 70 bagong kaso ng BA.4, BA.5 at BA2.12.1 subvariants, ayon sa Department of Health.

Sa naturang bilang, 43 ang BA.5 cases, kabilang ang 42 local cases at isang Returning Overseas Filipino (ROF).

Lima sa mga bagong kaso ang mula sa Region 1; pito sa Region 4-A; tig-isa sa Regions 4-B, 5, 7, 8, 10 at Cordillera Autonomous Region, dalawa sa Region VI, at 21 sa National Capital Region (NCR).

May pito ring bagong BA.4 cases ang natukoy na pawang local cases. Dito ay anim sa Region 5 at isa sa NCR.

Nakapagtala rin ng 20 BA.2.12.1 cases.

May kabuuang 190 kaso ng Omicron variant of concern ang naitala sa whole genome sequen-cing run na isinagawa mula Hunyo 29 hanggang Hulyo 4.

Bunsod ng mga naturang bagong kaso, ang kabuuang bilang ng mga kumpirmadong Omicron cases sa buong bansa ay nasa 7,919 na.

Kinalma naman ni DOH Undersecretary Maria Rosario Vergeire ang publiko nang sabihin na wala silang naitalang namatay sa mga kaso ng Omicron sub-variants. (Daris Jose)

VM SERVO, SUPORTADO PROYEKTO AT PROGRAMA NI LACUNA

Posted on: July 8th, 2022 by @peoplesbalita No Comments

NANGAKO si Manila Vice Mayor John Marvin “Yul Servo” Nieto na susuportahan niya ang lahat ng mga pangunahing programa ni Mayor Honey Lacuna-Pangan. Kabilang sa mga nasabing proyekto ay ang pagpapalago ng ekonomiya, pagpapaunlad ng buhay, kalusugan, kalinisan, kaayusan at katahimikan.

Upang mas maisakatuparan ang mga programa at proyekto ng lungsod, hiniling ng bise alkalde sa 38 Konsehal na makiisa sa pagsuporta sa layunin ng kanilang alkalde upang maipagpatuloy ang nasimulan ni dating Manila Mayor Isko Moreno Domagoso .

“Atin ding suportahan ang mga programang isusulong ng ating Mahal na Mayor Honey Lacuna. Mga programang pang-ekonomiya, pangkalusugan, pangkabuhayan, pangkalinisan at pangkatahimikan. Dalhin natin ang ating mahal na lungsod sa liwanag ng kasaganahan at dalhin natin ang bawat Manilenyo sa maayos na daan ng kaginhawahan at kapanatagan,” pahayag ng bise alkalde.

Kasabay nito, hinimok din ni Servo ang mga kasama sa Konseho na maghain ng panibagong “COC” – pero hindi ito ang “Certificate of Candidacy” kundi ang kahulugan nito ay “Compassion, Obligation at Commitment”.

Aniya, gamitin ang “COC” bilang pamantayan ng kanilang paglilingkod sa mamamayan ng Maynila, pangaraping magkaroon ng maayos na buhay ang bawat Manileño at maitaas ang antas ng kanilang pamumuhay sa pamamagitan ng kanilang isinusulong na ordinansa.

Tulad aniya ng ginawa ng nakaraang administrasyon, ito ang naging sandalan ng kapanatagan ng bawat Manileño kaya nararapat lamang na maipagpatuloy ang lahat ng ito upang maiahon nila ang maraming mamamayan sa pagkakalugmok dulot ng nakalipas na pandemya.

“Kaya to all councilors, you are obligated to submit your priority ordinance that will be more beneficial to every Manileños,” sabi pa ng bise alkalde.

Isa rin pangako ng bise alkalde na ipagpapatuloy ang kanyang adhikain na makapag-aral ang bawat batang Maynila at maipagpatuloy ang pagkakaloob ng buwanang allowance na P1,000 sa bawat estudyante ng Pamantasan ng Lungsod ng Maynila (PLM) at Universidad de Manila (UdM), pati na ang P500 allowance sa mga estudyante ng K-12 sa mga pampublikong paaralan sa lungsod. (Gene Adsuara)