2022 July Archive - People's Balita

Archive for July, 2022

DTI, NAGSAGAWA NG INSPEKSYON SA MGA SUPERMARKET SA MAYNILA

Posted on: July 12th, 2022 by @peoplesbalita No Comments

NAGSAGAWA ng inspeksyon ang Department of Trade and Industry o DTI sa ilang supermarket sa Maynila kaugnay sa mga produkto na maaaring magkaroon ng price adjustments.

Kasunod ito ng mga natatanggap na “request” ng DTI para sa “price adjustment” ng ibat’t ibang mga produkto

Sinabi ni DTI Usec. Ruth Castelo, na mayroon nang natanggap na hiling ang DTI ukol dito pero ginagawa pa raw ang review rito ng Consumer Protection and Advocacy Bureau.

Gayunman, dadaan pa aniya sa masusing pag-aaral at kung anuman ang maging rekomendasyon ay isusumite kay DTI Sec. Fred Pascual.

Kabilang sa may request para sa price adjustment ay de-latang sardinas, kape, instant noodles at iba pa.

Kasama rin sa hirit na price adjustment ang tinapay gaya ng pandesal na matagal na nilang hinihiling ang pprice adjustment dahil na rin sa taas ng halaga ng harina lalo’t imported ang wheat o trigo.

Bagama’t may mabigat na dahilan, sinabi ni Castelo na kailangan aniyang pag-aralan ng mabuti ang price adjustment at hintayin ang iba pang datos. (Gene Adsuara)

Maraming naalarma sa ‘baby-themed photoshoot’ niya: DONNALYN, binatikos at agad nag-apologize sa maling nagawa

Posted on: July 12th, 2022 by @peoplesbalita No Comments

PINAG-USAPAN at umani nang sandamakmak na batikos mula sa mga netizens ang ginawang birthday photo shoot ni Donnalyn Bartolome na kung saan makikita ang isang sexy baby.

Pahayag ng aktres, singer at vlogger, “Contradicting ‘tong shoot na ‘to kasi baby ako sa shoot na ‘to but it’s my actual first daring and sexy photoshoot. Susubukan ko lang kasi maybe it’s time.”

Kaya naman agad na nag-apologize si sa lahat nang naapektuhan ng latest pictorial para sa 28th birthday noong Saturday, July 9.

Reaksyon ng mga netizens, “As a public figure with high algorithmic engagements, you should have been more aware of all your actions. In a broader sense, this is something off and disturbing.

“Portraying babies as hot and mature seems inappropriate. This would actually feed perpetrators’ ego and sexually fantasies.”

“This is inappropriate and disturbing. Sexualizing babies is a No No!”

“Utang ng loob, leave the babies alone”

Kaya naglabas agad ng official statement si Donnalyn hinggil sa issue at hindi aware na maikokonek ang birthday pictorial niya sa child abuse.

“It was an honest mistake, it was never my intention to enable one of the most horrifying acts here on Earth,” panimula ni Donna.

“I couldn’t remove my post right away because I needed it to copyright the photos to prevent the spread of it furthermore until I got a go signal from Facebook and other socmed managers, an assurance that they know I am the owner of the photo and they’ll help me correct this by taking down all of the posts involving this photoshoot.

“You may help us by sending the links of the post of anyone who reposted this for any reason at all. (via message).”

Paliwanag pa niya, “Almost a million people across socmed platforms thought of it light and funny because they know my personality and didn’t look at it that way hence our initial reaction to the idea was the same.. but upon reading other people’s perspective, I completely agree.”

“I feel terrible, sick to my stomach and had disturbing flashbacks I’d rather not say. I was called crazy for being overprotective to all of my siblings, ones I took care of since they were babies.

“It has come to the point where I had to go to a psych to understand my actions because the level of protectiveness was quite extreme, all I’m saying is I’ve taken care of children since I was 11 years old, this was the last thing I would ever intend to do,” kuwento pa ng influencer.

Nagpasalamat din si Donnalyn sa kanyang mga followers:

“Thank you to everyone who let me know, especially those who did it so kindly, you’re the type of people who help me become a better person everyday as I hold the responsibility of influencing millions. It’s not easy.. but I’ll do my best.

“While you’re here. I’d like to use this attention for those who want to help abused children.. There is a care-facility I was admitted in when I was a minor: Nayon ng Kabataan.

“The children admitted there carry so much pain, you can donate or send them little gifts to make them feel better.

“Thanks everyone and I’m sorry.”

Dumagsa rin ang comments ng followers sa FB page niya na karamihan naman ay mga positive at natutuwa sa pag-admit sa mali niyang nagawa.

(ROHN ROMULO)

Palalakasin ang slot ng A2Z, Kapamilya Channel, at TV5: Noontime show nina VICE at BILLY, sanib-pwersa nang mapapanood

Posted on: July 12th, 2022 by @peoplesbalita No Comments

SANIB-PWERSA ang Lunch Out Loud at It’s Showtime para palakasin ang noontime slot ng A2Z, Kapamilya Channel, at TV5.

Simula sa Sabado, July 16, simula starting at 11 am back-to-back na mapapanood na ang dalawang programa. From 11 am to 12:45 pm ay mapapanood ang Lunch Out Loud tapos papasok naman ang It’s Showtime until 3 pm.

Nariyan pa rin ang patok na segments ng Lunch Out Loud nina Billy Crawford na “H.O.P.E.” dating game, “Maritest” showbiz quiz, “Beat the 2 battle of the Wits”, “Pera Usog cash prizes, at “Sagot Mo.

For 13 years ay pinasasaya ng It’s Showtime ang inyong tanghalian na pinangungunahan ni Vice Ganda. Siyempre nariyan ang “Tawag ng Tanghalan”, “Sexy Babe”, “ReIna ng Tahanan”, “Miss Q and A” and “Mini Me”, mga segments na naging favorite na thru the years.

Ang collaboration ng ABS-CBN Entertainment, Brightlight Productions, Zoe Broadcasting Network, at TV 5 provides more fun and entertainment sa viewing public.

***

UNANG kinilala ang acting talent ni Dindo Arroyo nang gawaran siya ng “Kontrabida ng Millennium Award” noong 2020 mula sa the Film Development Council of the Philippines.

Noong 2014, si Dindo ay na-diagnose with Stage 4 pancreatic cancer. After taking herbal medicines for six months, he was healed and is now cancer-free. Born Dec 4, 1960, Dindo’s real name is Conrado Manuel Macalino Ambrosio II. He has a twin sister, Dr. Josefina Ambrosio Almeda, who resides in Los Angeles, California. His wife died in 2009.

May bagong award siya matatanggap bilang 2022 Gintong Parangal Awards as “Natatanging Gintong Parangal Bilang Mahusay na Beteranong Aktor sa Pelikula.”

This is his first award. After 35 years, ngayon lang daw siya na-recognized bukod sa FDCP Citation last February. Excited siya for this award coz he waited it for so long.

He won an award dati as Best Actor for the TV series “Alagad” produced by PNP Director General way back in 1990. Pero tabla sila ni John Regala and his award was accepted by the producer.

***

ISA ang young actress na si Jhassy Busan sa mga bida sa upcoming romantic comedy film na Home I Found In You mula sa direksiyon ni Gabby Ramos, mula sa REMS Films.

Very grateful si Jhassy kay Direk Gabby na siya rin director niya sa award-winning film na Pugon kung saan nakamit niya ang Jury Award for Best Performance Short Film (Male or Female) sa 2021 International Film Festival Manhattan-New York for her excellent performance in “Pugon.”

Sa husay niya, win din siya ng best child actress award for the same film sa Gully International Film Festival in India.

Ginagampanan ni Jhassy ang role ni Selene sa pelikula. Ang karakter niya ay walang hilig sa kahit na sinong celebrity. Normal na probinsyana na walang hilig sa social media. Na kabaligtaran ng personality ni Jhassy in real life.

Kasama rin sa movie sina John Heidrick Sitjar, Harvey Almoneda, Eunice Lagusad, Diego Llorico, Orlando Sol at Soliman Cruz.

(RICKY CALDERON)

Tulong sa mga nasalanta ng baha sa Ifugao, panawagan ng simbahan

Posted on: July 12th, 2022 by @peoplesbalita No Comments

NANAWAGAN ng tulong ang Apostolic Vicariate of Bontoc-Lagawe para sa mga pamilya at magsasakang naapektuhan ng baha at pagguho ng lupa sa Banaue.

Ayon kay Fr. Apolonio Dulawan, MJ- Social Action Center Director ng Apostolic Vicariate of Bontoc-Lagawe sa kasalukuyan ay nakikipag-ugnayan na sa maliliit na pamayanan para sa mga pangangailan ng mga naapektuhan ng pagbaha.

“Gumagalaw ngayon ang BSAC team doon sa Banaue, they are contacting all the BECs, the Basic Ecclesial Communities, para tingnan yung mga members nila o mga kapitbahay nila na ngangailangan ng tulong. Pero yung tinitingnan natin baka yung long-range plan ay matulungan itong farmers na talagang nawalan, ‘yan ang mas importante,” pahayag ni Fr. Dulawan.

Bukod sa mga relief goods, kinakailangan ding magkaroon ng rebuilding program para sa mga pamilyang nasira ang mga bahay dahil sa pagguho ng lupa sanhi ng tuloy-tuloy na pag-ulan sa Ifugao Province.

Batay sa huling tala ng opisyal, may 465 rice farmers at 251 vegetable farmers ng high-value crop ang naapektuhan ng matinding pagbaha.

Tatlong mga bahay naman ang idineklara bilang ‘totally-damaged’ at may 1,044 mga bahay naman ang ‘partially damaged’.

Ayon kay National Disaster Risk Reduction and Management Council (NDRRMC) Spokesperson Mark Timbal, umaabot na sa P40 M ang halaga ng pinsalang idinulot ng pagbaha at landslide sa agrikultura at P500 M piso naman ang pinsala sa imprastraktura.

“Awa po ng Diyos, wala po tayong fatality, walang nasawi nating kababayan, pero may anim po tayong injured persons na inagapan po agad ng lunas ng ating mga kasamahan sa Local Government Unit. More than 1,000 families po ang affected pero nag-evacuate po ay 2 family lang diyan sa isang evacuation center,” dagdag ni Timbal.

Huwebes, July 7 nang maranasan ang malawakang pagbaha at pagguho ng putik sa bahagi ng Ifugao Province, lao na sa bayan ng Banaue, sanhi ng walang tigil na pag-ulan dahil sa Hanging Habagat.

Samantala, itinuturong dahilan ang kawalan ng drainage system, sanhi ng flash flood at mudslide sa Ifugao-Obispo.

Ipinapanalangin ni Bontoc-Lagawe Bishop Valentin Dimoc ang kaligtasan ng mga pamilyang nasalanta ng malawakang pagbaha sa Ifugao Province.

Ayon kay Bishop Dimoc, chairman ng Catholic Bishops’ Conference of the Philippines – Episcopal Commission on Indigenous Peoples, ang nangyaring pagbaha sa bahagi ng Banaue, Ifugao ay dahil sa mga nakatayong bahay sa mismong natural na dinadaluyan ng tubig patungo sa ilog.

Ipinaliwanag ng Obispo na naharangan na ng mga bahay ang dapat na daluyan ng tubig kaya nitong umulan dulot ng habagat ay sa mga kalsada na dumaan ang naipong tubig na naging sanhi ng flashflood at mudslide.

“Wala naman kasing sufficient na daluyan ng tubig kaya ganun ‘yung nangyari. Pumupunta na sa mga bahay ‘yung tubig mula sa bundok. Lahat ng gilid ng kalsada, walang daluyan ng tubig kaya naiipon ‘yung tubig. Nagiging drainage kanal na ‘yung kalsada,” ayon kay Bishop Dimoc sa panayam ng Radio Veritas.

Panawagan naman ni Bishop Dimoc sa mga kinauukulan na ipatupad ang pagkakaroon nang maayos na drainage system sa mga pamayanan nang sa gayon ay maayos na makadaloy ang mga tubig mula sa bundok patungo sa ilog.

Gayundin ang paghimok sa mga residente na iwasan na’ng magtayo ng mga istruktura tulad ng mga bahay sa mga mapanganib na bahagi upang maiwasan ang maidudulot na abala at pinsala sa kalikasan.

“Doon sa Banaue, alam na rin nila ang gagawin nila. Will they really continue to force people to provide the space for drainage system? Kung hindi, it will repeat itself,” saad ng Obispo.

Patuloy naman ang isinasagawang ocular visit at assessment ni Bontoc-Lagawe Social Action Director Fr. Apol Dulawan, MJ upang matukoy ang kalagayan at pangangailangan ng mga pamilyang naaapektuhan ng pagbaha.

Batay sa huling ulat ng National Disaster Risk Reduction and Management Council (NDRRMC), nasa 500 pamilya o 1500 indibidwal ang mga nagsilikas kasunod nang naganap na sakuna. (BISHOP JESUS “JEMBA” M. BASCO)

KASO NG DENGUE SA MAYNILA, MANAGEABLE PA

Posted on: July 11th, 2022 by @peoplesbalita No Comments

HINDI pa nakakaalarma at “manageable” pa ang mga kaso ng dengue sa lungsod ng Maynila.

Ito ang pahayag ni Manila Disaster Risk Reduction and Management Office (MDRRMO) Head Arnel Angeles kasabay ng isinagawang fogging at misting operations sa Maynila ngayong araw, Biyernes.

Partikular sa Gat Andres Bonifacio Memorial Medical Center, na may naka-confine na ilang pasyente dahil sa dengue.

Tiniyak din ni Angeles ang patuloy na anti-dengue operations ng MDRRMO katuwang ang Manila Health Department upang hindi na tumaas pa ang mga kaso ng dengue sa lungsod.

Layon nito na maiwasan na lumaganap ang dengue sa mga kalapit barangay ng mga barangay na may mataas na dengue cases.

Sa katunayan, sinabi ni Angeles na nagsasagawa sila ng daily fogging at misting operations.

Habang ang ilang Barangay naman aniya ay kusa nang nagpa-fogging at misting operations at iba pang mga hakbang kontra-dengue gaya ng paglilinis ng kapaligiran.

Batay sa pinakahuling bilang ng MHD, hindi bababa sa 200 ang mga kumpirmadong kaso ng dengue sa Maynila mula noong Jan. 2022 hanggang June 25. (Gene Adsuara)

Panukalang P5.2-T nat’l budget para sa 2023, isusumite sa Kongreso sa Aug. 22 – DBM

Posted on: July 11th, 2022 by @peoplesbalita No Comments

ISUSUMITE ng Department of Budget and Management (DBM) sa Kongreso ang panukalang P5.2-T national budget para sa 2023 sa Agosto 22, 2022.

“We will submit the budget to Congress on August 22,” ayon kay Budget Secretary Amenah Pangandaman sa isang press conference kasunod ng Development Budget Coordination Committee (DBCC) meeting.

Ang Pangulo, alinsunod aniya kasi sa Seksyon 22, Artikulo VII ng Konstitusyon ay dapat na magsumite ng panukalang national budget sa Kongreso sa loob ng 30 araw mula sa pagbubukas ng regular session ng Kongreso.

Ang 19th Congress ay nakatakdang magbukas sa Hulyo 25, araw ng unang Ulat sa Bayan ni Pangulong Ferdinand “Bongbong” Marcos Jr.

Nangangahulugan na ang DBM ay mayroong hanggang Agosto 24 para isumite sa mga mambabatas ang panukalang budget para sa 2023.

Sinabi ni Pangandaman na ima-maximize ng DBM ang timeline na nakasaad sa Saligang Batas “to give way and accommodate for the priority projects of the new Cabinet secretaries.”

Nauna rito, sinabi ng administrasyong Marcos na ia-adopt nito ang budget ceiling na itinakda ng nagdaang administrasyon dahil layon nito na isumite ang full-year budget sa Kongreso, dalawang araw bago ang constitutional deadline.

“As discussed during the DBCC meeting, we will stick with the P5.2 trillion as previously announced,” ayon kay Pangandaman.

Ang DBCC ng administrasyong Duterte ay nagtakda ng 2023 budget ceiling na P5.268 trillion.

Sa kabilang dako, sinabi naman ni dating Department of Budget and Management (DBM) officer-in-charge Tina Canda na kailangang sumunod ang administrasyong Marcos sa P5.268-trillion budget ceiling “for prudent fiscal management.”

Samantala, sinabi ni Pangandaman na nakatuon ang panukalang 2023 national budget sa “agricultural and food security, climate change adaptation, economic recovery, improved healthcare and education, enhanced infrastructure projects including digital infrastructure, utilization of renewable energy sources, strengthened tourism and jobs creation at sustainable development, among others.” (Daris Jose)

Binash dahil nag-react din sa viral statement ni Ella: GISELLE, tinawag na ‘tanga’ ang mga nag-discredit sa People Power experience niya

Posted on: July 11th, 2022 by @peoplesbalita No Comments

NAG-REACT din pala ang host/actress na si Giselle Tongi sa viral and controversial statement ni Ella Cruz na “History is like tsismis”.

Si Ella nga ang gumaganap bilang Irene Marcos sa pelikulang “Maid in Malañanang” ni Darryl Yap para sa Viva Films na ipalalabas this month na kung saan tungkol ito sa last 72 hours ng pamilya Marcos sa Malacanang Palace.

Sagot ni Ella, “History is like a chismis. It is filtered and dagdag na rin, so hindi natin alam what is the real history. Andoon na iyong idea, pero may mga bias talaga. As long as we’re alive. At may kanya-kanyang opinion. I respect everyone’s opinion.”

Hindi nga napigilang mag-comment ni G sa kanyang Twitter account, na kasama ang libu-libong Filipino na dumagsa sa EDSA noong eight years old pa lamang siya.

Tweet niya, “@itsEllaCruz actors don’t need to justify the villainy of their roles. I would to share with you how at 8 years old in 1986, I marched to the streets, along with countless others who are part of a history you are dismissing as here say.

“Wag nak’! It feels like erasure. Di Tama!”

May nag-react na mga netizens sa komento ni G, kaya may nag-screenshot ng lumang article na mababasang, “Tongi waits in the wings.”

Makikita na bahagi nito na, “Giselle was born in France to a Swiss father and a Filipino mother. She was raised by her mom in New York and came to live with her in Manila when she was 15.”

May nagsabing nagsisinungaling ang dating aktres sa naging statement tungkol sa mapayapang 1986 People Power.

Kaya naman nag-react si G Tongi ng pagkalat ng lumang artikulo na kung saan binash siya ng mga netizens, kaya tinawag niyang mga ‘tanga’.

Buwelta niya sa mga bashers, “Why are people so gullible? I was at People Power, when the Marcos authoritarian family was ousted out of power. I was a student in De La Salle Zobel at the time living in Paranaque.

“Just coz a prior article is wrong doesn’t discredit my experience. Mga tanga!”

(ROHN ROMULO)

KELOT HULI SA AKTONG SAKAY ANG TINANGAY NA MOTOR

Posted on: July 11th, 2022 by @peoplesbalita No Comments

KALABOSO ang 30-anyos na single father matapos maaktuhan ng mga pulis na sakay ang isang tinangay na motorsiklo sa Caloocan City, kamakalawa ng hapon.

Kinilala ni District Anti-Carnapping Unit ng Northern Police District (DACU-NPD) chief PMAJ Jessie Misal ang naarestong suspek bilang si Joe Mark Tenorio, 30 ng 389 Marulas A. Brgy. 36.

Ani PSSg Paul Colasito, dumulog sa tanggapan ng DACU para humingi ng tulong si Catherine Domingo matapos niyang makita ang kanyang nawawalang motorsiklo ay sinasakyan ng suspek sa kahabaan ng Marulas B. St., Brgy., 36 ng lungsod.

Kaagad nagsagawa ang mga tauhan ng DACU ng operation kasama ang Caloocan Police Sub-Station 2 sa pangunguna ni PMAJ Danilo Esguerra at PCAPT Joey Ilac ng Highway Patrol Group (HPG) CAMANAVA na nagresulta sa pagkakaaresto sa suspek dakong alas-5 ng hapon sa naturang lugar.

Nakumpiska sa suspek ang isang Honda XRM kaya nahaharap siya sa kasong paglabag sa RA 10883 (New Anti-Carnapping Act). (Richard Mesa)

Abalos sa LGUs: alisin ang mga sagabal sa kahabaan ng mga pangunahing lansangan, alternate roads

Posted on: July 11th, 2022 by @peoplesbalita No Comments

IPINAG-UTOS ni Department of the Interior and Local Government (DILG) Secretary Benjamin “Benhur’ Abalos sa local government units (LGUs) na gawing “free major roads and alternate routes” ang kani-kanilang hurisdiksyon mula sa lahat ng obstructions o sagabal na hadlang sa maayos na takbo ng trapiko.

Ang paggamit aniya sa mga lansangan bilang parking slots para sa mga motorista kabilang na ang harapan ng ng mga business establishments at harap ng bahay ng mga motorista na walang sariling garahe ay nagdudulot ng ‘bottleneck’ sa mga major at alternative roads, lalo na sa Kalakhang Maynila at iba pang urban areas.

Sa mga lalawigan, may ilang road widening projects ng gobyerno ang nagiging walang silbi dahil ginagamit lamang itong parking slots ng mga motorista kabilang na ang overnight parking.

Giit ni Abalos, ang totoong solusyon para mapagaan ang traffic congestion ay mass transport, itinuro nito ang Light Railway Transit (LRT), Metro Rail Transit (MRT), bus carousel system at maging subway.

“So, habang ginagawa pa ‘yung subway, habang piniprepare pa ‘yung mass transport.. what you have right now is of course manufacturing of cars,’’ dagdag na pahayag nito.

Sa kabilang dako, hiniling naman niya sa DILG Undersecretary for Barangay Affairs na i-monitor ang lahat ng “Mabuhay Lanes” at ipatupad ang ‘appropriate sanctions’ sa mga barangay officials na matitigas ang ulo at non-complying.

Hindi naman binanggit ni Abalos ang pangalan ng DILG Undersecretary for Barangay Affairs subalit sa isang kalatas mula Kay Press Secretary Trixie Cruz-Angeles, sinabi nito ang naging pahayag ni Executive Secretary Vic Rodriguez, na si Barangay Captain Felicito “Chito” Valmocina of Holy Spirit, Quezon City ang napili na magsilbi bilang undersecretary ng nasabing departamento.

Sinabi ni Abalos na ang pagtaas ng bilang ng mga sasakyan sa mga major thoroughfares at side streets kada taon na walang ‘volume reduction program’ “as of the moment.”

“So face with that dilemma talagang kailangan magtulungan ang lahat para talagang masugpo itong traffic,’’ ayon kay Abalos.

Sinabi pa niya na ang face-to-face classes ay maaaring magsimula sa Agosto.

“So you could just imagine the volume of vehicles that will really traverse main thoroughfares of EDSA (Epifanio delos Santos Avenue). We will give support to MMDA (Metropolitan Manila Development Authority) at of course dito sa ating mga kasamang LGUs (and of course to our LGU partners)’’ ayon kay Abalos, Tinukoy ang expertise ng MMDA sa traffic management. (Daris Jose)

Pinas, nagpaabot ng pakikiramay sa pamilya ni Shinzo Abe, sa bansang Japan

Posted on: July 11th, 2022 by @peoplesbalita No Comments

NAGPAABOT ng pakikiramay ang Pilipinas sa mga mamamayan ng Japan at pamilya ni dating Japanese Prime Minister Shinzo Abe na pumanaw sa edad na 67, araw ng Biyernes.

Namatay si si Abe matapos barilin sa labas ng isang train station sa Nara habang nagbibigay ng talumpati para sa nalalapit parliamentary election.

“It is with profound sadness that we learn of the passing of former Prime Minister ABE Shinzo,” ayon sa Department of Foreign Affairs (DFA).

“We express our deepest condolences to the Japanese government and people on his tragic death. We send our most heartfelt sympathy to Madame Akie Abe and their family. We pray for their comfort in this most difficult time,” dagdag na pahayag ng DFA.

Ayon pa sa departamento, “Mr. Abe was greatly admired by many Filipinos. We thank him for his key role in the strengthening of Philippines-Japan relations and for establishing a very deep bond of friendship with our country. Mr. Abe will be very much missed and always remembered.”

Samantala, nagpahayag naman ng pakikidalamhati si dating Pangulong Rodrigo Roa Duterte sa asawa ni Abe at pamilya nito.

“Abe was a good and loyal friend, a staunch supporter of my administration and a strong ally of the nation,” ayon kay Duterte sa isang kalatas na ipinalabas ng tagapagsalita nito na si Martin Andanar.

“As the world mourns the loss of this great man, we remember him for his compassionate service and remarkable leadership. Indeed, one of the most influential world leaders of our time,” aniya pa rin. (Daris Jose)