2022 July Archive - People's Balita

Archive for July, 2022

Jersey na suot ni Curry sa Game 1 NBA Finals kontra Celtics nabili sa auction nang mahigit $203-K

Posted on: July 12th, 2022 by @peoplesbalita No Comments

NAIBENTA sa halagang $203,300 sa auction ang jersey ni Golden State Warriors star Stephen Curry.

Ang nasabing jersey ay isinuot ni Curry sa Game 1 ng NBA Finals sa pagitan ng Boston Celtics noong nakaraang buwan.

Sa nasabing laro ay natalo ang Warriors sa Celtics noong Hunyo 2.

Nakapagtala dito si Curry ng anim na 3-points sa unang quarter pa lamang.

Magugunitang tinanghal na champion ang Warriors ng talunin ang Celtics sa 4-2 best of seven series at nakuha ni Curry ang Finals Most Valuable Player.

Grupo ng community bakers, humirit sa govt’ na dagdagan ng P4 hanggang P8 ang presyo ng pandesal

Posted on: July 12th, 2022 by @peoplesbalita No Comments

SA PAGTATAYA ng Asosasyon ng Panaderong Pilipino, sa ngayon kasi ay nasa 20% hanggang 25% ang bilang ng mga panaderyang napipilitang magsara nang dahil sa pagkalugi at mataas na presyo ng bilihin

Paglilinaw ni Dir. Jam Mauleon mula sa naturang asosasyon, sapat ang supply ng harina at iba pang sangkap ng tinapay sa bansa ngunit nang dahil sa matumal na palitan ng piso kontra dulyar ay apektado rin aniya ang kanilang operational cost dahilan kung bakit nahihirapang makaraos ngayon ang mga panaderya kahit na marami ang supply ng kanilang raw materials.

Habang idinagdag naman ni Dir. Princess Lunar, isa rin sa kanilang mga suliranin ay ang bilang ng mga panadero sa bansa.

Dahil kasi aniya sa mababang bentahan ng tinapay at mataas na presyo ng mga ingredients ay nahihirapan ang mga may-ari ng bakery na magpasweldo sa kanilang mga tauhan na minsan ay umaabot pa sa puntong kinakailangan nilang magbawas ng tao para lamang makatipid.

Samantala, kaugnay nito ay nanawagan din ang grupo sa Department of Trade and Industry (DTI) na tulungan silang magpaliwanag sa mga mamimili kung bakit kinakailangang dagdagan ang presyo ng pandesal habang pang-unawa naman ang hiling nila ating mga kababayan. (Ara Romero)

Middle class may bawas tax

Posted on: July 12th, 2022 by @peoplesbalita No Comments

MAKAKAGINHAWA na sa susunod na taon mula sa pagbabayad ng buwis ang mga middle class.

Paliwanag ni Sen. Sonny Angara, na mananatiling chairman ng Senate committee on Finance, magbebenepisyo sa Tax Reform for Acceleration and Inclusion Law (TRAIN Law) o Republic Act No. 10963 ang mga middle class tulad ng mga guro, ordinaryong mga empleyado na nakakatanggap ng suweldo at binabawasan ng withholding tax dahil mababawasan na ang buwis nito sa susunod na taon.

Umaasa rin ang mambabatas na ang tax deduction sa ilalim ng TRAIN law ay makakatulong, kasabay ng pangako na titingnan niya ang ibang posibleng mekanismo na magpapagaan sa financial struggle ng nasa middle class sector.

Bukod dito, bukas din umano ang senador sa pagbibigay ng cash subsidies para sa middle class subalit dapat ay may sapat na pondo ang gobyerno para dito at prayoridad din ang mga mas mahihirap na Filipino.

Nauna nang ipinanawagan ng ilang mambabatas na bigyan din ng gobyerno ng ayuda ang nasa middle class dahil sa patuloy na pagtaas sa presyo ng produktong petrolyo.

Bukod pa rito, hirap na hirap na rin umano ang mga ordinaryong pamilyang Filipino sa taas na presyo ng bilihin habang nasa kasagsagan pa rin ng pandemya. (Ara Romero)

Face to face classes, aprub sa PTA

Posted on: July 12th, 2022 by @peoplesbalita No Comments

SANG-AYON pa rin ang National Parent-Teacher Association Philippines (PTA) na maipatupad na ang face-to-face classes sa susunod na pasukan, sa kabila nang patuloy na tumataas na mga kaso ng COVID-19 sa bansa.

Ayon kay PTA president Willy Rodriguez, base sa resulta ng isinagawa nilang online survey, 100% ng mga respondents ang nais nang ibalik ang face-to-face classes sa pribado at pampublikong paaralan.

Sinabi ni Rodriguez na halos wala ring natututunan ang mga mag-aaral sa online classes at apektado ang kanilang social life dahil hindi sila nakakalabas ng bahay.

Marami na rin naman aniyang mga mag-aaral ang bakunado na laban sa COVID-19.

Sa ngayon, hindi naman requirement ang COVID-19 vaccination sa mga mag-aaral para makadalo sa face-to-face classes, ngunit mandatory ito sa mga school personnel upang makapagturo ng in-person classes sa public schools, ayon na rin mismo kay dating DepEd Secretary Leonor Briones.

Iminungkahi naman ni Rodriguez na kung matutuloy ang face-to-face classes ay ihiwalay na lamang ang mga hindi bakunado, sa mga bakunadong mag-aaral, habang ang mga hindi bakunadong guro ay maaari aniyang magturo sa hybrid setup.

Una nang sinabi ni Pang. Marcos Jr. na target ng DepEd na magkaroon ng full implementation ng in-person classes hanggang sa Nobyembre.

Ayon naman sa DepEd, nasa 38,000 paaralan na ang handa sa pagdaraos ng face-to-face classes para sa School Year 2022–2023, na inaasahang magsisimula sa Agosto 22. (Daris Jose)

Ads July 12, 2022

Posted on: July 12th, 2022 by @peoplesbalita No Comments

San Miguel umeskapo sa Blackwater sa overtime

Posted on: July 12th, 2022 by @peoplesbalita No Comments

HINDI inasahan ng San Miguel na mahihirapan silang iligpit ang Blackwater.

Kinailangan ng Beermen ng extra period para lusutan ang Bossing, 110-107, at patuloy na solohin ang liderato ng 2022 PBA Philippine Cup kahapon sa Smart Araneta Coliseum.

Umiskor si six-time PBA MVP June Mar Fajardo ng anim sa kanyang 25 points sa overtime para sa pang-limang sunod na ratsada ng San Miguel.

Pinalakas rin nila ang pag-asa sa isa sa dalawang ‘twice-to-beat’ incentive sa quarterfinals.

“I know this team will be tough to beat come the playoffs,” sabi ni coach Leo Austria na nakahugot rin ng 25 markers kay Jericho Cruz. “We’re lucky we’re able to pull off a win in overtime.”

Nagdagdag si CJ Perez ng 23 points, habang may 17 markers si center Moala Tautuaa.

Nahinto naman ang apat na sunod na arangkada ng Blackwater para sa 5-2 marka.

Humataw si Rashawn McCarthy ng 22 points para sa Bossing na nakabangon mula sa 21-point deficit, 65-86, sa pagsisimula ng fourth period para agawin ang 95-92 abante sa 2:15 minuto nito.

Iginiya ni Cruz ang Beermen sa extension, 97-97, mula sa isialpak na floater.

Nagsanib-puwersa sa overtime sina Fajardo at Tautuaa para ilayong muli ang San Miguel sa 106-101 sa huling 54 segundo.

Ngunit hindi sumuko sina Baser Amer at JVee Casio matapos magsalpak ng magkasunod na triples para sa 107-108 agwat ng Blackwater sa nalalabing pitong segundo.

Tuluyan nang sinelyuhan ni Fajardo ang panalo ng Beermen sa kanyang dalawang free throws.

Tumipa si Rey Suerte ng 18 points para sa Bossing at may 17, 15 at 11 markers sina Amer, Casio at Brandon Ganuelas-Rosser, ayon sa pagkakasunod.

Higit 1 milyong 4Ps beneficiaries, aalisin mula sa listahan—DSWD Sec. Tulfo

Posted on: July 12th, 2022 by @peoplesbalita No Comments

AALISIN mula sa listahan ang kulang-kulang isang milyong beneficiaries ng Pantawid Pamilyang Pilipino Program (4Ps).

Sinabi ni Department of Social Welfare and Development (DSWD) Secretary Erwin Tulfo, bahagi Ito ng gagawing paglilinis ng departamento sa nasabing listahan.

Aniya, aabot ng tatlo hanggang apat na linggo ang gagawing paglilinis ng DSWD sa nabanggit na listahan, na mayroon aniyang 4.4 million beneficiaries.

“Wala pa akong exact figure pero initially ang sabi sa akin ay halos isang milyon ang aalisin natin sa listahan,”ayon kay Tulfo.

Ani Tulfo, ang bakanteng slots para sa conditional cash transfer program ay ibibiigay sa mga bagong benepisaryo lalo pa’t maraming aplikante ang nasa “waiting list.”

Tinukoy ang survey na ginawa ng DSWD, sinabi nito na may 15 milyong katao ang ” below the poverty line” sa bansa.

Sa kabilang dako, inatasan naman siya ni Pangulong Ferdinand “Bongbong” Marcos Jr. na linisin ang listahan ng mga benepisaryo sa gitna ng ulat na may ilang 4Ps beneficiaries ang “well-off” at ginagamit na lamang sa sugal ang cash assistance.

At para maipatupad ang kautusan ni Pangulong Marcos, sinabi ni Tulfo na magpapalabas siya ng “amnesty” call para sa mga unqualified beneficiaries na isuko ang kanilang accounts sa loob ng 30 o 60 araw o ipaghaharap ng kaso.

“Kasi parang estafa ‘yan kasi niloloko mo ang gobyerno ,” anito. (Daris Jose)

Tahasang inamin na matagal na silang hiwalay ni Lee: POKWANG, sinagot ang mga bashers na nagsabing na-karma siya

Posted on: July 12th, 2022 by @peoplesbalita No Comments

MISMONG si Pokwang na ang nagkumpirma na hiwalay na nga silang talaga ng American partner na si Lee O’Brian o si Papang.

Sa interview sa kanya ng PUSH.com ay tahasang sinabi ni Pokwang na hiwalay na nga raw sila ni Papang noon pang November 2021. Personally, knows din namin ito matagal na, pero hindi namin sinusulat bilang respeto sa Kapuso actress.

Naniniwala kami sa sinasabi niyang walang third party dahil iba ang nakarating din sa aming totoong dahilan. Pero yun nga, open naman si Pokwang kay Lee para sa anak nila na si Malia. Gusto rin ni Pokwang na lumaki si Malia na kilala at may relasyon sa ama nito.

Ay sey nga niya, “Okay kami. No third party involved and we’re both co-parenting kay Malia. Maayos naming tinapos ang lahat. Hindi kami pait-paitan,”

Meaning, hindi sila bitter.

Tulad ng ibang hiwalayan, ang balita namin, hindi din naging gano’n kadali kay Pokwang, parang gradual din ang naging proseso niya, pero ready siya sa naging desisyon. Siyempre, hindi naging madali noong una dahil nando’n din ang pangarap niya ng isang buong pamilya.

But since dumami nga yata ang bashers niya lalo na nang maging very open siya sa kanyang political color last election, sinagot niya ang mga bashers na nagsasabing kaya sila naghiwalay ay dahil na- “karma” siya.

Sabi nga niya, “Pakisabi sa mga bashers na nagsasabing karma ito, No! Do not wish anything bad sa kapwa, yon ang karma. Babalik sa kanila yan! Nililinis lang ni God ang daraanan ko papunta sa tamang tao at sa mas maraming blessings na nakapila na.”

Sa isang banda, papuntang U.S. si Pokwang kasama ang kaibigang si K Brosas para sa kanilang U.S. tour this week.

***

PINABILIB ng Sparkle star na si Bianca Umali ang netizens sa kanyang husay sa martial arts.

Sa Instagram post ng Kapuso actress, pinamalas niya ang kanyang kakaibang galaw at bilis sa martial arts kasama ang trainer na si Erwin Tagle. Pulido ang kilos ni Bianca at lutang ang kanyang husay.

Kaya naman bumuhos ang paghanga mula sa kanyang fans at mga kaibigan na celebrities nang mapanood ang kanyang video.

Kabilang ang Kapuso stars na sina Pokwang, Sanya Lopez, at Mikee Quintos sa mga napa-wow sa galing ni Bianca.
Tanong tuloy ng netizens kung para saan kaya ang training na ito ni Bianca? Paghahanda nga kaya niya ito para sa kanyang bagong show sa GMA?

May nga nagsasabi na sa sequel daw ng Encantadia kunsaan, si Bianca ang isa sa mga Sang’gre. Pero mukhang malabo dahil may nakausap kami from GMA, wala naman daw ito sa mga naka-line-up.

(ROSE GARCIA)

Djokovic wagi sa Wimbledon, nasungkit ika-21 Grand Slam

Posted on: July 12th, 2022 by @peoplesbalita No Comments

NATALO ni Novak Djokovic ng Serbia si Nick Kyrgios ng Australia, 4-6, 9-3, 6-4,7-6 (3) para masungkit ang kanyang ika pitong Wimbledon Men’s Title at ika-21 Grand Slam Crown.

Sa panalo ni Nadal kagabi, naungusan na niya si Swiss tennis superstar Roger Federer sa bilang ng mga naipanalong majors. Isang grand slam title nalang ang kulang ni Djokovic para maitabla ang all time record ni Rafael Nadal na 22 major titles.

Sinabi ng No. 3 ranked player na ang titulong naipanalo niya sa London ay namumukod sa iba niyang mga panalo.

“I’m lost for words for what this tournament and this trophy means to me,” sabi ni Djokovic. “It always has been and will be the most special one in my heart.”

Binigyan din ng papuri ng Wimbly champ and kanyang katunggali matapos ang kanilang laban.

“You showed you deserved to be the best player in the world, especially on this surface. After the tournament, I wish you all the best.”

Umabante si Djokovic papunta sa finals matapos niyang talunin si Cameron Norrie sa semi finals 2-6, 6-3, 6-2, 6-4 habang nakamit naman ni Kyrgios ang kanyang kauna unahang Wimbledon finals matapos umatras si Nadal sa kanilang laro dahil sa abdominal tear.

‘Nole! Nole’

Ganyan ang narinig ni Djokovic sa match point ng finals, ilang sandali bago niya makamit ang ika-pitong titulo sa London.

Maganda ang naging simula ni Kyrgios sa laban. Nakapagtala ang Austaralian ng pitong aces tungo sa 6-4 na panalo sa first set.

Mula doon, hindi na nagpatinag ang 21-time Grand Slam champion.

Naipanalo ni Djokovic ang isang 23-shot rally sa ikatlong laro ng second set at daliang kinuha ang ikaapat para lumamang ng 3-1.

Naitabla ng magiging kampyon ang finals matapos palampasin ni Kyrgios ang pagkakataong pataubin ang Serbian sa kanyang serve.

Nakapagtala lamang ng dalawang unforced error si Djokovic sa buong laban kumpara sa 33 ni Kyrgios, na mistulang nagugulo ng mga manonood, para manalo sa kompetisyon.

CHIP THE SQUIRREL POWERS UP IN “DC LEAGUE OF SUPER-PETS”

Posted on: July 12th, 2022 by @peoplesbalita No Comments

HE’S here to electrify this mission.

Diego Luna (Andor, Rogue One: A Star Wars Story) is Chip in Warner Bros. Pictures’ animated action adventure “DC League of Super-Pets.”

Check out the featurette “Meet the Pets – Chip the Squirrel” below and watch the film in cinemas across the Philippines July 27.

YouTube: https://youtu.be/uA-NGHlYv2U

Chip is content to spend his days within the sleepy confines of Metropolis’s Tailhuggers animal shelter, terrified by life and thankful for the safety of a cold, steel cage. But when his beloved sanctuary is suddenly under attack, this scaredy squirrel suddenly gets the power to shoot lightning out of his paws! Now the reluctant hero must overcome his fears—and find the will to power up—in order to help save the Justice League.

About “DC League of Super-Pets”

Dwayne Johnson stars as the voice of Krypto the Super-Dog in Warner Bros. Pictures’ animated action adventure feature film “DC League of Super-Pets,” from director Jared Stern.

The film also stars the voices of Kevin Hart (the “Jumanji” and “Secret Life of Pets” films), Kate McKinnon (“Saturday Night Live,” “Ferdinand”), John Krasinski (the “Quiet Place” films), Vanessa Bayer (“Saturday Night Live”), Natasha Lyonne (“Show Dogs”), Diego Luna (“Rogue One: A Star Wars Story”), Marc Maron (“Joker”), Thomas Middleditch (“Godzilla: King of the Monsters”), Ben Schwartz (“Sonic the Hedgehog”), and Keanu Reeves (the “Matrix” and “John Wick” films).

In “DC League of Super-Pets,” Krypto the Super-Dog and Superman are inseparable best friends, sharing the same superpowers and fighting crime in Metropolis side by side. When Superman and the rest of the Justice League are kidnapped, Krypto must convince a rag-tag shelter pack—Ace the hound, PB the potbellied pig, Merton the turtle and Chip the squirrel—to master their own newfound powers and help him rescue the Super Heroes.

Stern, a veteran writer/consultant on the “LEGO®” movies, makes his animated feature film directorial debut, directing from a screenplay he wrote with frequent collaborator John Whittington, based on characters from DC, Superman created by Jerry Siegel and Joe Shuster. The film is produced by Patricia Hicks, Dwayne Johnson, Dany Garcia, Hiram Garcia and Jared Stern. The executive producers are John Requa, Glenn Ficarra, Nicholas Stoller, Allison Abbate, Chris Leahy, Sharon Taylor and Courtenay Valenti.

Warner Bros. Pictures Presents A Seven Bucks Production, “DC League of Super-Pets.” The film will be released by Warner Bros. Pictures in Philippine theaters July 27.

Join the conversation online and use the hashtag #DCSuperPets

(ROHN ROMULO)