INAASAHANG  papalo sa 8 billion ang populasyon sa buong mundo sa Nobyembre 15 ng kasalukuyang taon.

Base sa forecast ng UN, ang India na ang bansa na may pinakamaraming populasyon sa buong daigdig na nalagpasan na ang China.

Ayon kay Secretary General Antonio Guterres na ang overall population milestaone na ito ay isang reminder ng ating shared responsibility para alagaan ang ating planeta at pagnilayan ang ating commitments para sa isa’t isa.

Batay sa forecast mula sa UN Department of Economic and Social Affairs na unti-unting tumataas ang populasyon sa buong mundo mula noong 1950 at posibleng lumobo pa ng 8.5 billion sa taong 2030 at 9.7 billion sa taong 2050 at inaasahang ang peak ng 10.4 billion populasyon sa taong 2080 bago ito inaasahang mananatili sa naturang bilang hnaggang sa taong 2100.

Bagama’t naobserbahan ang pagbaba ng birth rate sa ilang developing countries , mahigit kalahati ng pagtaas na tinataya sa populasyon sa buong m,undo ay inaasahang maitatala sa mga susunod na dekada sa walong mga bansa.

Ito ay sa Democratic Republic of Congo, Egypt, Ethiopia, India, Nigeria, Pakistan kabilang ang Philippines at Tanzania.

LUNGSOD NG MALOLOS – Maliban sa pagiging handa, ipinatupad ng Pamahalaang Panlalawigan ng Bulacan sa pamamagitan ng Provincial Disaster Risk Reduction and Management Office (PDRRMO) ang kampanya sa disaster resilience upang maitaas ang kamalayan ng publiko sa kahalagahan ng maagap na pagtugon sa mga sakuna.

Bilang bahagi ng National Disaster Resilience Month 2022 na may temang “Sambayanang Pilipino, Nagkakaisa tungo sa Katatagan at Maunlad na Kinabukasan,” ang mga aktibidad ay magsisilbing panawagan sa mga national government agencies (NGAs) at lokal na pamahalaan.

Ayon kay Felicisima Mungcal, pinuno ng PDRRMO, ang mga aktibidad na kabilang sa kampanya ay ang pamimigay ng iba’t ibang IEC materials gaya ng handbooks sa COVID-19 Pandemic kasama na ang Mga Gabay Upang Proteksyunan ang Sarili, Pamilya at Pamayanan; Mga Payong Pangkaligtasan sa Panahon ng Kalamidad; Mga Payong Pangkaligtasan sa Pag-iwas at Pag-iingat sa Sunog; Bulacan 911 posters at stickers sa mga Local DRRM Officers, PDRRMO Staff, City/Municipal DRRMOs, NGOs at mga volunteers.

Magsasagawa rin ng iba’t ibang mga pagsasanay sa loob ng buwan ng Hulyo kasama na ang Basic First Aid Training for Municipal Employees sa Pandi Municipal Hall mula Hulyo 7-8 at Hulyo 12-15 at First Aid at Work Training para sa mga tauhan/lifeguards ng Bulacan private pools sa Hulyo 11-12 na gaganapin sa Tanghalang Nicanor Abelardo dito.

Samantala, magdaraos din ang PDRRMO ng pamamahagi ng Prototype Rain Gauge sa 37 SHINe School beneficiaries; pamamahagi ng COVID-19 Handbook sa mga Lungsod/Munisipalidad at sa Department of Education (DepEd) at ang Mass Graduation of Batches 1 to 3 for Crashed Vehicle Emergency Rescue Training (CVERT) Course sa Biyernes, Hulyo 15, 2022 sa Bulacan Capitol Gymnasium dito.

Isasagawa rin ang Integrated Planning Course on Incident Command System (ICS Level 2) sa Hulyo 19-22 at Standard First Aid Training (SFAT) for New DRRMO Employees sa Hulyo 26-29 na gaganapin sa KLIR Waterpark Resort, na dadaluhan ng mga kawani mula sa iba’t-ibang tanggapan ng PGB (PDRRMC Member Agencies), mga tauhan ng PDRRMO at mga DRRMO sa mga Lungsod/Munisipalidad.

Gaya ng nakasaad sa Executive Order No. 29-2017 na nilagdaan ni dating Pangulong Rodrigo Roa Duterte, ang National Disaster Awareness Month ay ginawang National Disaster Resilience Month upang ilihis ang layunin nito mula sa ‘disaster awareness building’ patungo sa ‘disaster resilience’. (BISHOP JESUS “JEMBA” M. BASCO)

NASAWI ang dalawang rider nang mabangga ng trailer truck ang kanilang sinasakyang motorsiklo sa Ermita, Maynila kahapon ng madaling araw.

Kinilala ang  mga biktima na si Jake Tiburania,nasa hustong gulang ng 14 San Vicente St., Pineda, Pasig City at backride na si Brix Deuna Urot, nasa hustong gulang at nakatira sa 0009 Sitio Udioncan Macabud Rodriguez, Rizal.

Base sa ulat ng MPD-Traffic Enforcemen Unit, alas 3:15 Martes ng madaling araw nang mangyari ang insidente sa kahabaan ng UN Avenue kanto ng San Marcelino St, sa Maynila.

Sakay ang biktima ng Honda motorcycle at binabagtas ang westbound ng UN Avenue  habang ang Tractor head na may trailer at may plakang DCQ6565 at minamaneho naman ni  Randy Layda Y Luzano ng B10 L7 Paradahan 2 Tanza, Cavite ay binabagtas ang southward ng San Marcelino St.

Pagsapit sa intersection ng UN Avenue at San Marcelino, ang harapang bahagi ng motorsiklo ay nabangga ng tractor head kung saan tumilapon pa ng ilang metro ang mga biktima na nagresulta ng kanilang agarang kamatayan.

Nasa kustodiya na ng pulisya ang driver ng tractor head at nagpapatuloy pa ang imbestigasyon. (BISHOP JESUS “JEMBA” M. BASCO)

NADAGDAGAN pa ang bilang ng bakunahan kontra COVID-19 sa bansa ayon sa Department of Health (DOH).

Sa datos ng kagawaran, mula noong buwan ng Marso ay tumaas pa hanggang 200,000 ang bilang ng mga indibidwal na nababakunahan sa bansa mula noong buwan ng Marso.

Sinabi ni Health Undersecretary Maria Rosario Vergeire, sa ngayon ay hindi pa nakakamit ng lahat ng rehiyon sa Pilipinas ang kanilang 50 percent target population sa bakunahan naman ng booster shot.

Habang ang National Capital Region (NCR) naman aniya ang pinakamalapit nang maabot ang target na umaabot na sa 43 percent ng target population nito.

Bukod dito ay ibinalita rin ni Vergeire na inatasan din ni Pangulong Ferdinand “Bongbong” Marcos Jr. ang DOH na lalo pang paigtingin ang bakunahan ng booster shot sa bansa.

Hihingi rin aniya sila ng tulong sa iba’t ibang ahensya ng gobyerno tulad ng Department of Labor and Employment (DOLE), Department of Interior and Local Government (DILG), at marami pang iba.

Sa ngayon ay umaabot na sa 70.8 million na mga Pilipino ang nakatanggap na ng kumpletong bakuna laban sa nakamamatay na sakit, habang 15.2 million naman sa mga ito ang naturukan na ng booster shot batay sa pinakahuling datos na inilabas ng DOH.