2022 July Archive - People's Balita

Archive for July, 2022

Lady Stags, Lady Bombers magpapang-abot sa stepladder

Posted on: July 16th, 2022 by @peoplesbalita No Comments

IBUBUHOS ng San Sebastian at Jose Rizal University ang itinatagong lakas sa kanilang do-or-die match upang umabante sa second round ng stepladder semis ng NCAA Season 97 women’s volleyball tournament sa The Arena sa San Juan City.

Magpapang-abot ang Lady Stags at Lady Bombers ngayong alas-2 ng hapon kung saan ang mananalo ang haharap sa nagdedepensang Arellano Lady Chiefs sa second round ng stepladder.

Una nang umusad sa finals ang season host na St. Benilde na awtomatikong nakasikwat ng tiket sa best-of-three championship series matapos makumpleto ang 9-0 sweep sa eliminasyon.

Galing ang San Sebastian sa 25-15, 25-22, 27-25 paggupo sa Letran upang angkinin ang No. 3 seed sa semis.

Nauna nang naitarak ng Lady Stags ang 24-26, 19-25, 32-30, 25-5, 15-11 panalo kontra sa Lady Bombers sa eliminasyon noong Hunyo 22.

Dumaan sa butas ng karayom ang JRU matapos kubrahin ang 25-11, 16-25, 17-25, 25-21, 17-15 panalo laban sa Lyceum para sa huling semis seat.

Desidido rin ang Lady Bombers na makabawi sa Lady Stags.

“Malakas ang San Sebastian kaya kailangan naming maging consistent lalo na sa depensa,” wika ni Lady Bombers’ head coach Mia Tioseco.

Pwedeng sabihin sa mga ex-bfs na, ‘ eto pala ang sinayang mo’: HEAVEN, pasabog ang pa-2-piece bikini sa kanyang mga beach photos

Posted on: July 16th, 2022 by @peoplesbalita No Comments

NAG-TRENDING si Enrique Gil o ang pangalan niya sa Twitter dahil sa lumabas niyang picture kasama ang mga ABS-CBN executives, gayundin ang kanyang ina.

Na-excite at obviously, nabuhayan ng loob ang mga tagahanga ni Enrique sa pahiwatig na magiging comeback niya.

Simula ng pandemic, hiatus o tila namahinga rin si Enrique. Ang huling serye pa niya ay ang “Make It With You” with Liza Soberano noong 2020. Pero isa ito sa mga naapektuhang ongoing show noon nang biglang magkaroon ng lockdown. Hindi na rin ni-resume kaya na cut short.

So, ‘di kataka-taka na ma-excite ang mga fan at mapa-trending din si Enrique. May hashtag na “It’s about damn time” na ewan lang kung may konek ito sa comeback project na gagawin niya.

Wish din nila na sana raw makabalik na rin si Enrique sa ‘ASAP’.

***

NA-TOUCH ang actress na si Angelica Panganiban sa natanggap mula kay dating Senator Kiko Pangilinan.

Kahit na isang artista rin at sanay na napapansin, nakatatanggap ng kung ano-ano, big deal pa rin pala kay Angelica ang maalala siya. Malaking bagay siguro para sa actress na ngayon ay buntis sa magiging baby nila ng partner na si Greg Homan ang maalala siya ng taong sinuportahan.

Last election, talagang ipinakita niya ang suporta kay FVP Leni Robredo at kay Kiko nga.

Sabi niya, ang sarap daw pala sa pakiramdam na maalala.

“Share ko lang, nagkita kami ni Senator Kiko noong May, after elections. Nabigyan ng konting minute para makapag kwentuhan tungkol sa pagtatanim. (Hindi ko alam pano niya nalaman na may mga tanim kaming gulay).

“Cut to almost 2 months after, pinadalhan niya ko ng mga libro niya at may personal letter pa. I mean, ala lungst (lang)… ang sarap sa pakiramdam na maalala ka.”

Ang title ng libro na ibinigay ng dating Senator kay Angelica ay “Tagsibol: Mga Kuwento mula sa pagiging magsasaka ni Kiko Pangilinan.”

***

PASABOG ang mga pa-2-piece bikini ni Heaven Peralejo sa kanyang mga beach photos.

Nag-Bohol ito at talagang sunod-sunod ang pagpo-post niya ng kanyang kaseksihan.

Sey nga niya sa isang caption niya, “Can I be an island girl forever?” Pero ‘di kaya parang mas pwede niyang i-caption, lalo na sa mga past relationships niya o mga controversial exes niya na, “’eto pala ang sinayang mo, huh!”

Si Heaven na rin ang nagsabi na okay at mas masaya talaga siya ngayon. Bukod pa sa may sisimulan din siyang bagong series under Rein Entertainment ni Direk Lino Cayetano na ang kasama niya ay sina Ian Veneracion at Mon Confiado.

Nangako itong pagbubutihin daw niya kaya siguro, this time talaga, ang focus na niya ay ang career niya more than her lovelife.

(ROSE GARCIA)

Mamamayan, hinimok ng CBCP-ECHC na magpa-booster laban sa COVID 19

Posted on: July 16th, 2022 by @peoplesbalita No Comments

HINIKAYAT ng opisyal ng CBCP Episcopal Commission on Health Care ang publiko na suportahan ang inisyatibo para sa muling pagpapaturok ng Covid19 vaccine.

Ito ang inihayag ni Rev. Fr. Dan Cancino MI, Executive Secretary ng komisyon kaugnay sa panawagan ng Department of Health na magpa-2nd dose na ang mamamayang Filipino lalo na ang mga nasa vulnerable sector.

Ayon kay Fr. Cancino, kailangan ang booster shot upang mas mapatibay ang ating depensa laban sa Covid 19 lalo na sa mga indibidwal na nagkakaroon ng exposure at palaging nasa labas ng tahanan.

Tiniyak ng Pari na hindi dapat mangamba ang publiko sa muli’t-muling pagpapabakuna sapagkat nakatulong ito upang mapababa ang bilang ng mga nagkakaroon ng severe symptoms at nadadala sa mga pagamutan dahil sa Covid19.

“Nakita natin ang impact ng vaccination, tumataas man ang kaso pero hindi masyadong mataas ang pag utilize ng mga hospital capacity baka ito na ang sinasabi natin na effect ng vaccination so we are promoting it lalo na sa mga Diocese o Probinsya na medyo mas maraming challenges in terms of vaccination.”pahayag ni Fr.Cancino

Inihayag ni Fr. Cancino na suportado ng Simbahang Katolika ang pagpapabakuna batay sa wika ni Pope Francis na ito ay pagpapamalas ng pagmamahal hindi lamang sa sarili kundi maging sa kapwa at sa ating sanilikha.

“Babalikan ko yung sinabi ni Pope Francis, vaccination is an act of love. Ito ay pagpapakita ng pag-ibig natin sa sarili, sa ating mga mahal sa buhay, sa ating kominudad. Ito yun ating moral responsibility na sana lahat tayo ay mabakuhanan, lahat tayo ay umiwas sa sakit at mapalaganap natin ang sinasabing healthy planet. Ito ang contribution natin sa maliit na paraan.”paglilinaw ng Pari na isa rin doktor.

Batay sa datos ng Department of Health ngayon buwan ng Hulyo taong 2022, nasa mahigit 71 milyong indibidwal na ang naka-kumpleto ng Covid 19 vaccine dose sa Pilipinas bagama’t ang nagpa-booster shot ay umaabot pa lamang sa mahigit 15 milyong indidbiwal.

Una nang nanawagan ang Department of Health sa mga naturukan na ng 1st booster vaccine na muling magpabakuna upang matiyak na matibay ang depensa nito laban sa Covid 19.

Ilang mga simbahan o parokya naman sa Pilipinas ang nagsisilbing vaccination hub at katuwang ng Health Sector upang makatulong na mas marami ang magkaroon ng access sa pagpapabukuna. (BISHOP JESUS “JEMBA” M. BASCO)

FDA, nakikipag-ugnayan na rin sa gumagawa ng popular na Filipino instant noodles dahil sa isyu ng ‘ethylene oxide’

Posted on: July 16th, 2022 by @peoplesbalita No Comments

NAKIKIPAG-UGNAYAN na rin ang Philippine Food and Drugs Administration (FDA) sa kumpanya na gumagawa ng popular at paboritong instant noodle brand ng mga Pinoy para masuri ang safety standards compliance nito.

Ayon sa FDA, sinimulan na nila ang pag-imbestiga sa naturang produkto kasunod ng lumabas na report mula sa European countries sa Ireland, France at Malta kung saan nadiskubre umano na mayroong high levels ng ethylene oxide ang partikular na instant noodle brand.

Paliwanag ng FDA, ang ethylene oxide ay isa ring processing aid na ginagamit para i-disinfect ang mga herbs at spices.

Subalit paglilinaw naman ng ahensiya na ang paggamit ng ethylene oxide para sa sterilizing purpose sa pagkain ay hindi pinapayagan sa European Union bagamat mayroon pa ring traces aniya mula sa mga ingredients o raw materials kung kaya’t nagtakda ang EU ng maximum residue level na nasa very low level lamang base sa uri ng commodity.

Nakatakda namang magbigay ng updates ang FDA sa oras na matapos ang kanilang isinasagawang imbestigasyon.

Sa DOH forum, sinabi naman ni Health Undersecretary Maria Rosario Vergeire na ang naturang kemikal kapag nakonsumo ay maaaring makapagdulot ng pananakit ng ulo, pagsusuka at malalang kaso gaya ng pakiramdam na pagod na pagod at hirap sa paghinga.

Agad ding nilinaw ng manufacturer ng instant noodles brand na hindi sila naglalagay ng ethylene oxide sa kanilang mga produkto at pasok sa local food safety standards.

No class size limit para sa in-person classes — DepEd

Posted on: July 16th, 2022 by @peoplesbalita No Comments

HINDI magtatakda ang Department of Education (DepEd) ng class size limit sa oras na magpatuloy na ang face-to-face classes sa Nobyembre.

Sinabi ni Vice President at DepEd Secretary Sara Duterte na walang “prescribed class size” dahil magkakaiba naman school classroom situations.

Gayunman, tiniyak nito na ire-require pa rin ng DepEd ang mga eskuwelahan na tiyakin ang health protocols, partikular na ang physical distancing. Dapat aniya itong masunod habang nagkaklase.

“Hindi kami naglagay [sa department order] ng exact size ng class dahil iba-iba ‘yung situation ng lahat ng mga schools natin. There are no schools na pare-pareho sila exactly sa kanilang classrooms and sa kanilang teachers,”ang pahayag ni Duterte.

“So ang nilagay natin doon at in-approve din ng Pangulo during the cabinet meeting is that physical distancing shall be implemented whenever possible,” aniya pa rin.

Tinukoy ni Duterte ang DepEd Order No. 34, Kung saan inatasan ang lahat ng public at private schools na mag-shift sa limang araw na face-to-face classes simula sa Nobyembre 2.

Ayon sa nasabing kautusan, “distance and blended learning will no longer be allowed starting that day.”

Giit din ng kautusan na ipinagbabawal sa mga estudyante at school personnel ang pagkain ng magkakasabay sa loob ng eskuwelahan kung limitado ang espasyo.

“Naglagay lang din kami doon ng guide about eating dahil ito ‘yung isa sa mga instances na nagtatanggal tayo ng mask, na eating together should be prohibited,” ani Duterte .

Kung limited ‘yung spaces doon sa loob ng eskwelahan, para tayo ay maghiwa-hiwalay habang kumain ay we all eat facing the same direction. So hindi po magkaharap ‘yung mga tao,” dagdag na pahayag nito. (Daris Jose)

Nakalimang Best Actor trophies sa loob ng 12 years: ALLEN, nakatakda nang i-elevate sa ‘FAMAS Hall of Fame’

Posted on: July 16th, 2022 by @peoplesbalita No Comments

NAKATAKDANG i-elevate sa FAMAS Hall of Fame sa kategoryang Best Actor ang multi-awarded na si Allen Dizon.

Nakalimang Best Actor trophies na kasi si Allen mula sa oldest award-giving body sa Pilipinas which is celebrating 70 years.

Winner si Allen ng Best Actor awards sa Famas for Paupahan (2009), Dukot (2011), Magkakabaung (2015), Bomba (2018) at Latay (2021).

Parang si Allen ang pinakamabilis na nakaipon ng limang best actor trophies sa Famas from 2009 to 2021, or a span of 12 years.

In fairness, mahusay naman si Allen at bawat pagganap niya as lead ay iba ang acting from the last movie na nagawa niya.

May potential award-winner na naman siya sa latest movie na Pamilya sa Dilim kung saan kakaiba na naman pagganap ang inaasahang ibibigay niya.

***

DATING member ng “Walang Tulugan with the Master Showman” si Angelo Carreon.

Kahit na wala na sa ere ang show ng yumaong si German Moreno, ipinagpatuloy ni Angelo ang showbiz career.

Sumali si Angelo sa isang edition ng StarsStruck until nadiskubre siya ni Kuya Germs at mula noon ay pinangarap na niya maging isang actor.

Idolo niya sina Dingdong Dantes at Lovi Poe dahil parehong mahusay na actor ang dalawa. Kayang-kaya daw ng mga ito kahit anong role ang ibigay sa kanila.

Walang acting experience si Angelo bago siya pumasok sa showbiz. Pero marunong siyang sumayaw at kumanta.

He considers Pamilya sa Dilim as one of his biggest acting breaks. Nakalabas na rin siya sa ilang shows ng GMA 7. Malaking bagay at happy si Angelo na part siya ng pelikula pero aminado siya na may kaba rin siyang nadarama dahil puro mahuhusay na aktor ang kanyang makakasama.

“Kahit na kabado po ako, masaya rin ako to be given the opportunity na makagawa ng pelikula,” sabi ni Angelo na gumaganap na pulis sa Pamilya sa Dilim na mula sa direksyon ni Joselito Altarejos.

“Pinag-aaralan ko po mabuti ang script, pati ang linya ng co-actors ko. Pinag-aaralan ko rin kung ano ba tamang facial expression para maging effective ang acting ko,” dagdag pa niya.

Tampok sa pelikula sina Allen Dizon, Sunshine Cruz, Ms. Laurice Guillen, Therese Malvar, Barbara Miguel, Carlos Dala, Rico Barrera at marami pang iba. Prinoduce ito ni Mr. Art Cruz ng ADCC Productions.

(RICKY CALDERON)

Vice Ganda, isa sa nag-comment at sobrang excited: PAOLO, perfect host ng ‘Drag Race Philippines’ at pinasilip na ang first look

Posted on: July 16th, 2022 by @peoplesbalita No Comments

SI Paolo Ballesteros nga ang napili na mag-host ng “Drag Race Philippines” na magsisimula nang mapanood sa August 17.

Ni-repost ni Paolo ang official social media post na may caption na, “MABU-HEYYY! Meet your HOST of @dragraceph: @pochoy_29.

“Start your engines, #DragRacePH premieres August 17th on @wowpresentsplus worldwide (except Canada) and @cravecanada (Canada).”

Ang award-winning actor at “Eat Bulaga” Dabarkads ay pinakilala sa short video bilang Filipino Drag Artist, Celebrity Model at Superstar Host, at marami ang um-agree siya ang perfect host ng “Drag Race Philippines” na mapapanood sa Discovery+ Philippines.

Ipinasilip din ang first look ni Paolo bilang host na kung saan marami ang napa-shookt sa ganda ng dress niya na may mga flowers at kitang-kita ang world famous na Rizal Park sa Manila.

Ang naturang reality show ay isa sa most popular drag race shows sa buong mundo, hosted by RuPaul Andre Charles na kilala rin bilang si RuPaul.

Tuwang-tuwa ang mga followers at celebrity friends sa pagkakapili kay Paolo bilang host ng DRPh dahil dasurv na dasurv niya ito:

“OH MY GOD YAAAAAAAAAAAAS!!!!!”, bulalas ni Lea Salonga.

“Friend ko yaaaan!!!!” sa ni Maja Salvador.

Nag-comment naman ng three red heart emojis si Manila Luzon.

“HUWAWWWWWWW (heart emojis) Congratulations kuya! Sabi ko na Ikaw eh!!! Charot!” komento ni Kaladkaren.

“Cannot wait!!!!!” comment ni BJ Pascual.

Comment ng Dabarkads na si MJ Lastimosa, “Been waiting for thisssss!” at Miles Ocampo, “Ganda, mamaaaaa.”

Pero marami ang natuwa at na-excite nang mag-comment si Vice Ganda.

Say ng host ng “It’s Showtime”, “Zooooooooo eggggzzzzyyyyttttiiiiddddddd!!!!!!!! (clapping hands emojis)”

Comment naman ng netizens:

“Sana may movie kaung dalawa.”

“Sana mag-guest judge ka meme!!!”

“love you both!!”

“meme mag-judge ka po. Pabonggang-bongga na talaga ang Drag Race PH.”

May nagwi-wish naman na sana ipalabas din ito sa mainstream local TV. Panawagan nila ito sa GMA at TV5 na sana’y kunin nila. Pwede rin daw sa Kapamilya Channel o iWantTFC dahil most of the guest judges ay pawang Kapamilya stars.

Oh well, abangan na lang natin kung may tutugon sa panawagan ng mga netizens.

(ROHN ROMULO)

Manggagawa ng gobyerno ng tatamaan ng ‘rightsizing’, maaaring mag- apply para sa bagong posisyon

Posted on: July 16th, 2022 by @peoplesbalita No Comments

SINABI ng The Department of Budget and Management (DBM) na ang panukalang “rightsizing” sa gobyerno ay target na isumite sa Kongreso bago pa ang kauna-unahang State of the Nation Address (SONA) ni Pangulong Ferdinand “Bongbong” Marcos Jr.

“Aayusin po ng programang ito ‘yung mga ahensya na mayroong repetitive functions or overlapping functions,” ayon kay Budget Secretary Amenah Pangandaman sa isang panayam.

Layon nito na lumikha ng mabilis at kaagad na tumutugon na burukrasya.

Ang burukrasya ay kasalukuyang mayroong 187 ahensiya at government-owned and -controlled corporations (GOCCs), tinatayang mayroong dalawang milyong manggagawa.

“Streamlining may be done by merging, restructuring, or abolishing government entities,” ayon kay Pangandaman.

“Pwede po silang mag-apply doon sa ibang position na pwede nating gawin at mabuo because of the rightsizing po. ‘Yung iba, magbibigay tayo ng tamang programa para sa kanila for retooling. Kasama po natin posible po ang Civil Service Commission,” dagdag na pahayag nito.

Ang mga retirees ay bibigyan ng kanilang retirement benefits.

Ang teaching at teaching-related positions, medical at allied medical positions, at military at iba pang uniformed personnel ay exempted mula sa proposal.

Sa ulat, suportado ni Senador Joel Villanueva ang rightsizing ng mga ahensya ng gobyerno.

Gayunpaman, sinabi ni Villanueva na bago pag-usapan ang rightsizing ay may ilang isyu munang kailangang sagutin ang national government.

Una, sinabi ng senador na 1 out of 10 ng mga awtorisadong posisyon sa national government ang hindi pa rin napupunuan ngayon.

Ayon pa kay Villanueva, kailangan ng komprehensibong pag-aaral sa staffing pattern ng mga government agencies para matukoy kung ang mga kasalukuyang plantilla positions ay lipas na, redundant o hindi na kailangan.

Ikalawa, aniya ay kung bakit marami pa ring mga government workers ang nasa bilang ng Job Order (JO) o Contract of Service (COS) kahit marami pang hindi napupunuang plantilla positions.

Kasabay naman nito ay binigyang diin ni Villanueva na dapat ding paghandaan ng pamahalaan ang Employment generation program sakaling kinakailangang mag-alis ng ilang mga empleyado sa gobyerno. (Daris Jose)

Coach Tim Cone maraming natutunan sa NBA Summer League na puwedeng magamit sa PBA

Posted on: July 16th, 2022 by @peoplesbalita No Comments

BABALIK na sa Pilipinas si Tim Cone at posibleng sa araw na Linggo ay balik na rin sa kanyang pagko-coach sa Barangay Ginebra.

Magtatapos na rin kasi ang pagiging assistant coach niya sa Miami Heat sa ginaganap na NBA Summer League sa Las Vegas.

Huling game na ng Miami kontra sa Philadelphia ngayong Huwebes at pagkatapos nito ay aalis na rin ng Amerika ang tinaguriang winningest coach.

Inamin ni Cone na hindi pa rin siya makapaniwala sa napakabilis na pangyayari at magtatapos na ang kanyang stint sa summer league.

Labis naman ang pagmamalaki ni Cone na nakasama niya at nakausap ang isa sa sikat na NBA coach ang Fil-Am na si Erik Spoelstra ng Heat.

Kuwento pa ni Cone, nakaharap din niya ang ilang NBA players ng Miami tulad nina Bam Adebayo at Duncan Robinson.

Aminado rin ito na “starstruck” siya sa ilang pangyayari sa hindi malilimutang eksperyensa sa NBA Summer League.

Ipinagmalaki rin nito ang maraming mga natutunan na puwedeng magamit sa PBA.

Pero nagdadalawang isip din daw siya baka naman biglang magulat din ang mga players kung bigla niyang ipapatupad ang mga pagbabago.

Sa ngayon aaralin daw muna ni Cone kung anong mga eksperyensiya o sistema ang puwede niyang i-apply sa kanyang team sa PBA.

IATF, patuloy na magtatrabaho-Malakanyang

Posted on: July 16th, 2022 by @peoplesbalita No Comments

MAGPAPATULOY ang trabaho at gampanin ng Inter-Agency Task Force for the Management of Emerging Infectious Diseases (IATF-EID) sa gitna ng umiiral na coronavirus disease 2019 (Covid-19) pandemic.

“Ang masasabi lang po natin ay tuloy-tuloy naman po ang trabaho ng IATF. Hindi naman po sila naantala kahit po bago na ang administrasyon. So tinutuloy pa rin po ang IATF ,” ayon kay Press Secretary Trixie Cruz-Angeles.

Ang pahayag na Ito ni Cruz-Angeles ay tugon sa tanong kung nakatakda na bang mag-anunsyo ang IATF-EID ng bagong Covid-19 alert levels para sa “second half” ng buwan ng Hulyo.

Aniya, wala siyang ideya kung kailan magpupulong ang mga miyembro ng IATF-EID para talakayin ang implementasyon ng bagong alert level classifications sa bansa mula Hulyo 16 hanggang 31.

At sa tanong kung ang bagong alert levels ay ia-anunsyo ngayong araw, sinabi ni Cruz-Angeles na: Titingnan po natin. Medyo speculative kasi maaari naman po tayong gumawa ng extension for necessary agencies kung saka-sakali. So, we’ll see.”

Matatandaang , nagdesisyon ang IATF na ipanatili ang Metro Manila sa pinakamaluwag na Alert level 1 mula July 1 hanggang July 15.

Ang desisyon ay ginawa sa pagbago ng Inter-Agency Task Force (IATF) sa mga matrice na gagamitin para sa Alert Level System, at sa alert level classification ng mga probinsya, highly urbanized cities, independent component lungsod, component cities at municipalities.

Aalisin ng bagong matrix ang dalawang linggong growth rate ng pagtukoy ng case-risk classification. Sa halip, ang case-risk classification ay ibabatay sa average na pang-araw-araw na rate ng pag-atake at kasalukuyang mga limitasyon. (Daris Jose)