TIYAK na na-excite ang mga fans nina Julie Anne San Jose at Rayver Cruz kahapon, July 17, sa pagsi-celebrate ng actor-singer-dancer ng kanyang 32nd birthday sa “All-Out Sundays.”

Last May 17, ay nag-celebrate naman ng kanyang 28th birthday si Julie sa show. Naging special ang celebration dahil dumating para bumati kay Rayver ang mga kapatid na sina Omar at Rodjun, kasama ang misis nitong si Diane Medina, at mga cousins na sina Sunshine Cruz at Geneva Cruz.

Iisa ang tanong kay Rayver, kailan nila makikilala ang magiging forever nito? Siyempre pa, pwede bang mawala para maki-celebrate ng birthday ni Rayver ang sinasabing siya nang magiging ‘forever’ nito, si Asia’s Limitless Star

Hindi man itanong, ay very obvious nang happy ang dalawa kapag magkasama, pagkatapos ng tatlong taon na nilang magka-co host sa GMA’s reality talent show na “The Clash.” Sila rin ang magkasama sa 3-part “Limitless” concert ni Julie, shoot around the Philippines, at coming very soon ang muli nilang pagho-host ng “The Clash 4.”

Si Sunshine, first time daw niyang na-meet nang personal si Julie at kita ang happiness niya para kay Rayver. Si Geneva naman ay tanggap na tanggap din niya si Julie na nakasama na niya sa mga shows sa GMA.

Kahit ang mga kasama nila sa AOS show ay kilig na kilig sa kanilang dalawa. So, wait na lamang tayo kung kailan na ba sila magsasalita na sila na ang isa’t isa nilang forever?

***

“WALANG pahinga” raw si Kapuso actress Sanya Lopez.

Paano, after ng very successful airing ng season two ng primetime series niyang “First Lady,” naging very visible na siya sa mga Kapuso shows, at sa “All-Out Sundays” ipinakilala na siyang new recording artist ng GMA Music, at last July 15, ni-release na ng record company ang first single niyang “Hot Maria Clara,” na tungkol sa modern Filipina empowerment.

Hindi naman bago kay Sanya ang pagkanta, dahil kung matatandaan, kasama sila ng kanyang Kuya Jak Roberto na mga talents ni Kuya Germs (German Moreno) sa programa nitong “Walang Tulugan.” Noon pa ay naririnig na ang magandang boses ni Sanya.

Kaya nag-debut agad ang single niya sa #1 Spot sa iTunes chart at sa Spotify’s Fresh Finds Philippine playlist. Napapanood na rin ito sa lahat ng digital streaming platforms worldwide at ang musical video nito sa YouTube channel ng GMA Music.

Ngayong okey na ang “Hot Maria Clara,” alin kaya ang mauunang gawing project ni Sanya sa GMA, ang bagong season ng “First Lady” o ang epic serye na “Sang’gre?”

Isa raw ito sa pinaghahandaan din ni Sparkle artist Bianca Umali na nagti-training na for her role sa serye. Balita kasing muling aapir ang original Sang’gre sa epic serye at may mga batang Sang’gre nang papasok.

***

LAGING inaabangan ng mga netizens ang GMA Afternoon Prime series na “Apoy sa Langit,” hindi lamang dahil sa magandang story nito, kundi sa husay ng acting ng bumubuo ng cast, sina Ms. Maricel Laxa, Zoren Legaspi, Mikee Quintos, at Lianne Valentin.

Kung noon, naging bukambibig ang name ni Lianne as Stella, patatalo ba naman sa husay sa pag-arte si Mikee as Ning, ang nag-iisang anak ni Maricel as Gemma sa story?

Kaabang-abang ang redeeming factor ni Ning ngayong lumakas na ang loob niya at dahan-dahan na niyang nabubuko ang mga plano at panloloko ni Cesar (Zoren) sa kanilang mag-ina.

Magiging palaban na si Ning kahit pa paminsan-minsan ay umaatake pa rin ang nerbyos niya tuwing bumabalik sa isip niya ang nangyari sa kanyang ama nang patayin ito ng mga nanloob sa bahay nila na walang iba kundi si Cesar ang gumawa.

Napapanood ang “Apoy sa Langit,” Mondays to Saturdays, 2:30 PM, after “Eat Bulaga” sa GMA-7.

(NORA V. CALDERON)

KAHIT na nag-e-enjoy si Glaiza de Castro sa pag-shoot ng Running Man Philippines sa South Korea, miss na miss naman niya ang kanyang mister na si David Rainey.

Sa isang sweet post via Instagram Story, ni-repost ni Glaiza ang photo niya with David at nilagyan niya ng caption na, “miss you.”

Nag-reply naman si David sa caption na, “Miss na kita rin.”

Simula raw nang ikasal sina ni David, nagsunud-sunod naman daw ang trabaho ni Glaiza. Pero naiintindihan naman daw ni David ang kanyang trabaho bilang artista. In fact, proud nga raw si David na sikat na celebrity sa Pilipinas ang kanyang misis.

Kapag wala naman daw trabaho si Glaiza, sinisigurado niya na parati siyang nasa tabi ni David para makabawi sa mga panahon na nalayo siya rito.

Ngayon nga’t nasa South Korea si Glaiza, nakakatulong daw na kasama niya sina Mikael Daez, Ruru Madrid, Buboy Villar, Kokoy de Santos, Angel Guardian, and Lexi Gonzales para hindi siya masyadong ma-homesick.

May promise naman daw si David na bibisitahin siya sa set ng Running Man PH very soon.

***

PARA sa SPARKADA artist na si Larkin Castor, si Alden Richards ang kanyang hinahangaan na aktor ngayon dahil sa pagiging natural nito sa lahat ng bagay.

Isa si Larkin sa humanga sa disiplina ni Alden sa kanyang career at personal na buhay.

“Yung dating po niya parang kaya niya pong dalhin ‘yung sarili niya. Kapag tuwing meron siyang trabaho, binibigay niya lang, parang natural lang sa kanya ‘yung ginagawa niya, parang gustong gusto niya.

“Gusto ko rin po ma-reach ‘yung gano’ng point sa career ko na nandoon na ako, ginagawa ko lang kung saan ako masaya.”

Born Larkin Patrick Castor Bayarang, 20-years-old and currently majoring in Computer Science and Network Information sa De La Salle University-Manila.

Kaya naman daw pagsabayin ni Larkin ang showbiz at pag-aaral niya.

“It’s very challenging na pagsabayin ang showbiz and academics, but so far, kinakaya ko naman. I really want to have a college degree.”

Bukod sa sports na basketball at golf, hilig din ni Larkin ang music. Makikita sa social media accounts niya ang pagkanta, pagtugtog ng gitara at ang mga musical influences niya.

“Sa singing, I enjoy doing the songs of old musicians, like blues singer BB King. When I auditioned for Sparkle, kumanta po ako and that led me to have the chance to perform sa All-Star Sundays. But I also want to try acting and explore it.”

Sina Heart Evangelista at Bea Alonzo ang dream leading ladies ni Larkin.

***

SINILANG na ng Game of Thrones star na si Sophie Turner and second baby nila ni Joe Jonas.

In-announce ng rep ng mag-asawa via People magazine ang statement na ito: “Joe and Sophie are happy to announce the arrival of their baby girl.”

Noong nakaraang May ay kinumpirma ni Sophie na pregnant siya with baby number 2. Sa 2022 Met Gala nakita ng marami ang growing baby bump niya.

Nagdesisyon sila ni Jonas na i-reveal ang kanilang second baby kapag halfway na ito sa pagbubuntis.

“It’s what life is about for me — raising the next generation. The greatest thing in life is seeing my daughter go from strength to strength. We’re so excited to be expanding the family. It’s the best blessing ever,” sey pa ni Sophie sa isang interview.

Ang unang baby nila Joe at Sophie ay si Willa na pinanganak noong July 2020.

(RUEL J. MENDOZA)