2022 July Archive - People's Balita

Archive for July, 2022

Dating Finance Secretary Roberto de Ocampo, kumbinsidong hindi natutulog sa pansitan ang administrasyong Marcos para mapalakas ang ekonomiya

Posted on: July 19th, 2022 by @peoplesbalita No Comments

KUMBINSIDO si dating Department of Finance (DoF) Secretary Roberto de Ocampo na may ginagawang mga hakbang si Pangulong Ferdinand Marcos Jr. para maging malakas at tuloy- tuloy ang takbo ng ekonomiya ng bansa.

Sinabi ni de Ocampo, nakikita niyang nagsusumikap ang administrasyong Marcos para matiyak na may trabaho ang mga tao habang naghahanap din ito ng remedyo upang ang presyo ng bilihin at presyo ng krudo ay hindi naman masyadong tumaas.

“Sa pangkat naman ng administrasyon, gumagawa po sila ng ilang hakbang upang ang ekonomiya ay tuluy-tuloy pa ring sumulong at magkaroon ng hanapbuhay ang ating mga mamamayan at naghahanap sila ng mga remedyo upang iyong supply ng mga bilihin at ang presyo ng bilihin at presyo ng krudo ay hindi naman masyadong tumaas,’ ayon kay de Ocampo.

“Kaya medyo umaapak din tayo sa preno tungkol sa ekonomiya ngunit hindi tayo umaapak sa preno nang tuluyan katulad ng Amerika sapagkat mas malala ang sitwasyon nila doon at hindi bagay sa atin na kopyahin natin ang ginagawa nila. Ito po ay parang pagtitimpla na katamtaman at tamang pagsulong ng ekonomiya at ang pagsipsip ng sobrang piso sa ating ekonomiya. Hindi po madaling usapan, pero iyan po ang sitwasyon,” aniya pa rin.

Sa kasalukuyan, dalawang bagay ang ginagawa ring hakbang ng Bangko Sentral ng Pilipinas sa harap ng forecast ng mga eksperto na baka lumampas sa 6% ang inflation rate.

Isa na rito ayon kay de Ocampo ay kontrolin ang money supply o suplay ng piso sapagkat kapag sumobra din naman ito ay bababa ang halaga nito.

Sinabi pa nito na kung tutuusin ay mas malala ang sitwasyon sa Amerika at kung anuman aniya ang ginagawang hakbang ng US ay hindi naman natin dapat na kopyahin.

” Unang-una po, iyang inflation na nangyayari ngayon ay nagbubunga sa Amerika, hindi po nagbunga dito sa Pilipinas. At alam ninyo may kasabihan na kapag sinipon iyong Amerika, nagkakaroon ng pneumonia iyong ibang mas maliliit na bansa katulad natin. Eh ngayon hindi lang sinipon ang Amerika, na-pneumonia pa,” ayon kay de Ocampo.

“Aabot ba tayo nang mas mataas sa 6%? Sa palagay ko depende kung ano ang gagawin ng gobyerno para hindi naman umabot sa ganoon. Ang ginagawa po nila ay dalawa, mayroong ginagawa ang BSP upang kontrolin ang money supply, supply ng piso sapagkat kapag sumobra din naman iyan ay bababa ang halaga,” dagdag na pahayag nito. (Daris Jose)

Higit 300 Bulakenyong mangingisda at kooperatibang pangsaka, tumanggap ng ayuda mula sa DA, BFAR

Posted on: July 19th, 2022 by @peoplesbalita No Comments

LUNGSOD NG MALOLOS – May kabuuang 300 Bulakenyong mangingisda at 85 Farmers Cooperatives and Associations (FCAs) ang tumanggap ng ayuda mula sa Department of Agriculture (DA) at Bureau of Fisheries and Aquatic Resources (BFAR) katuwang ang Pamahalaang Panlalawigan ng Bulacan sa ginanap na “Distribution of Agricultural and Fisheries Interventions to Farmers and Fisherfolks” sa Bulacan Sports Complex, Brgy. Sta Isabel sa lungsod na ito kahapon.

Ayon sa Provincial Agriculture Office (PAO), umabot sa P35,963,322.48 milyong halaga ng mga kagamitang pangsaka at pangingisda ang ipinagkaloob sa mga benepisyaryo na nagmula sa mga bayan at lungsod sa Bulacan maliban sa bayan ng Paombong.

Pinangunahan nina DA Regional Technical Director Dr. Eduardo L. Lapuz, Jr., BFAR Regional Director Wilfredo Cruz, Gob. Daniel R. Fernando at Bise Gob. Alexis C. Castro ang pamamahagi ng ayuda kabilang na ang tulong para sa Agricultural and Biosystems Engineering na 14 shallow tube well; apat na warehouse with mobile mechanical dryer; tatlong four-wheel drive tractor; tatlong rice combine harvester at tatlong Solar Powered Fertigation Systems (SPFS-8) para sa may 27 FCAs.

Para naman sa programa ng High Value Commercial Crops, nakapagkaloob ng 100 knapsack sprayers para sa 50 FCAs at 180 kgs na assorted vegetable seeds para sa apat na FCAs.

Gayundin, nagpamahagi para sa Fisheries Program ng 170 rolls ng gillnets with accessories sa 170 na mangingisda; 120 rolls ng multifilament PE net (black net) sa 120 mangingisda; limang marine engine para sa limang mangingisda; limang fish vending equipment (tri-bike) para sa limang mangingisda; tatlong smokehouse package para sa tatlong FCAs; at isang smokehouse para sa isang FCA.

“Kaisa po ang inyong lingkod sa adhikaing mapalakas ang sektor ng agrikultura sa ating lalawigan at patunay po nito ang tuluy-tuloy na pamamahagi natin ng makabagong farming technology at agricultural machineries upang mapanatili natin ang sapat na supply ng pagkain sa ating lalawigan at bansa. Tungo rito, nais ko ring pasalamatan ang PAO, DA RFO 3, at DA-BFAR Region 3 para sa makabuluhang programa. Malaki po ang papel ng mga magsasaka at mangingisda sa paglalatag ng pundasyon ng matatag na ekonomiya. Sila po ay maituturing na mga bayaning sumisiguro na mayroong sapat na pagkain sa ating pamayanan,” ani Fernando.

Ibinida rin ni Fernando ang ilan pang programa para sa mga magsasaka at mangingisda kabilang ang malapit ng matapos na Bulacan Farmers Training Center, pagkakaloob ng mga pataba at pagpaparami ng mga alagang hayop.

Samantala, tumanggap din ng sertipiko ng pagkilala ang Lalawigan ng Bulacan sa pangunguna ni Fernando mula sa DA Regional Field Office 3 dahil sa mahusay na programa ng probinsiya sa larangan ng high-value commercial crops.

City bus routes sa NCR, posibleng ibalik – DOTr

Posted on: July 18th, 2022 by @peoplesbalita No Comments

PINAG-AARALAN ng Department of Transportation (DOTr) na muling maibalik ang mga ruta ng mga city buses sa Metro Manila, kasunod na rin ito ng muling pagbubukas ng mga paaralan sa Agosto.

Ayon kay LTFRB chairman Cheloy Garafil, inirekomenda ng ahensiya ang pagbabalik ng pre-pandemic city bus routes, na karamihan ay pumupunta sa university belt at ibang eskwelahan sa National Capital Region (NCR).

Nabatid na ang city bus routes, partikular ang hindi bumabagtas sa EDSA, ay binubuo ng 30% ng total pre-pandemic routes.

Tiniyak naman ni Transportation Undersecretary for Road and Transport Infrastructure Mark Steven Pastor na ang available public transportation ay sapat basta’t ideploy ng mga operators ang 90% ng kanilang Public Utility Vehicles (PUVs).

Nabatid na na-convene na ni DOTr Secretary Jaime Bautista ang iba’t ibang concerned government agencies upang maayos ang mga isyu at problema na kinakaharap ng transport sector.

Nag-alok din umano ng mga solusyon para makapagbigay ng accessible, affordable, kumportable, at ligtas na travel experience para sa mga estudyante bilang paghahanda sa transition sa face-to-face classes sa Agosto.

Ang School Year 2022-2023 ay nakatakdang magsimula sa Agosto 22 habang ang full implementation ng face-to-face classes ay sa Nobyembre 2. (Daris Jose)

PB Gilas babawi sa tall blacks

Posted on: July 18th, 2022 by @peoplesbalita No Comments

TARGET ng Gilas Pilipinas na magarbong tapusin ang group stage sa FIBA Asia Cup na ginaganap sa Istora Gelora Bung Karno sa Jakarta, Indonesia.

Ngunit daraan sa matinding pagsubok ang Pinoy squad dahil makakasagupa nito ang New Zealand sa alas-8 ng gabi (alas-9 ng gabi sa Maynila).

Mataas ang moral ng National matapos ilampaso ang India sa kanilang huling laro kung saan naitarak nito ang impresibong 101-59 demolisyon.

Dahil sa panalo, umangat ang Pilipinas sa No. 2 spot sa Group D tangan ang 1-1 marka kasalo ang New Zealand na may parehong 1-1 baraha.

Dahil dito, nakasisiguro na ng tiket sa playoffs ang Pinoy squad at Kiwis habang awtomatikong umabante sa quarterfinals ang Lebanon na may malinis na 2-0 rekord.

Laglag na ang India na may 0-2 kartada.

Kaya naman puwestuhan na lamang sa group stage ang magiging laban ng Gilas at New Zealand.

Gayunpaman, inaasahang magbubuhos ng lakas ang Gilas Pilipinas upang maging maganda ang entrada nito sa next round ng torneo.

Kung makukuha ng Gilas Pilipinas ang No. 2 seed sa group stage, makakaharap nito sa playoffs ang No. 3 seed sa Group C — ang Kazakhstan o Syria.

Sakaling malaglag sa No. 3 seed ang Pinoy squad, maaaring makaharap nito sa playoffs ang No. 2 seed sa Group C — ang Japan o ang Iran.

Sesentro muna ang atensiyon ng Gilas Pilipinas sa New Zealand kung saan nais ng Pinoy cagers na makaresbak sa Tall Blacks.

Matatandaang yumuko ang Gilas Pilipinas sa New Zealand noong Hunyo 30 sa FIBA World Cup Asian Qualifiers na ginanap sa Auckland.

Sasandalan ng Pinoy squad sina Will Navarro, Thirdy Ravena at Bobby Ray Parks na top scorers ng koponan sa kanilang huling laban kontra India.

Nagtala si Navarro ng 18 puntos mula sa matikas na 6-of-7 shooting sa 19 minutong paglalaro nito habang kumana naman si Thirdy ng 17 markers.

Nagdagdag pa si Parks ng 12 puntos habang may 10 markers si Rhenz Abando.

Ads July 18, 2022

Posted on: July 18th, 2022 by @peoplesbalita No Comments

Olympian pole vaulter EJ Obiena nagulat matapos pigilan ng US immigration

Posted on: July 18th, 2022 by @peoplesbalita No Comments

NABIGLA umano at hindi makapaniwala ang world pole vaulter na si EJ Obiena matapos pigilan ng mga ahente ng US Department of Homeland Security sa loob ng mahigit 12 oras dahil sa hinalang pagtakas sa mga kasong felony sa Pilipinas sa pagdating nito sa Los Angeles mula sa bansang Italy noong July 7, 2022.

Ang pagtungo ni Obiena sa Amerika ay para magtayo ng training camp sa Chula Vista bilang paghahanda para sa World Athletics Championships na gaganapin sa Eugene, Oregon.

Si Obiena ay sasabak sa qualification round sa July 22 at kung makapasok siya kasama siya sa final na nakatakda sa July 24.

Nagulat umano si Obiena nang i-flag siya ng mga awtoridad ng US Immigration.

Batay sa report, ang naging batayan para siya ay pigilan ay ang hinala ng pagiging takas.

Posibleng nabigyan ng impormasyon ang mga opisyal ng US mula sa isang hindi nakilalang source “na may layuning isabotahe” ang pagpasok ni Obiena US at guluhin ang kanyang pagsisikap na makakuha ng medalya.

Ang mga opisyal ng US ay may mga kopya ng mga kuwento ng pahayagan tungkol sa mga akusasyon ng PATAFA na nilustay umano ni Obiena ang mga pondo at pinalsipika ang mga pampublikong dokumento sa pag-liquidate ng mga advance mula sa PSC.

Ang mga nasabing akusasyon ay binawi kalaunan at si Obiena ay inalis sa maling gawain ng COA.

Nagpalit na ng pamunuan ang PATAFA at ang bagong presidente na si Terry Capistrano ay nasa Eugene, Oregon na at naghihintay sa pagdating ni Obiena para suportahan si Obiena at masungkit ang kauna-unahang medalya ng Pilipinas sa World Championships.

Habang nakakulong, kinumbinsi ni Obiena ang mga awtoridad ng US na siya ay inosente.

Sa kalaunan ay pinalaya siya nang may paghingi ng tawad mula sa mga opisyal ng US Immigration.

Agad na dumiretso si Obiena sa Chula Vista, para magsanay.

“Ito ay isang kapus-palad na insidente na makulong nang hindi lubos na nauunawaan ang batayan. Talagang medyo naiinis ako. Ngunit ito ay nagtagumpay. Bumalik ako sa pagsasanay at nakatuon sa paggawa ng aking makakaya para sa aking bansa,” pahayag ni Obiena.

Sa ngayon hindi na pinapansin ni Obiena ang nangyari sa kaniya bagkus nakapokus na siya sa kaniyang pagsasanay.

Gobyerno dapat maghanap ng bagong ‘funders’ kasunod ng pag-atras ng China sa big-ticket railway project – Salceda

Posted on: July 18th, 2022 by @peoplesbalita No Comments

MARAMI pang mga ospyon ang gobyerno para mapondohan ang big-ticket railway projects. Ito’y matapos umatras ang China na pondohan ang nasabing proyekto.

Ayon kay House Ways and Means Chair at Albay 2nd District Representative Joey Salceda na hindi na kailangan pa na i- persuade ang China para tulungan tayo uli bagkus maghahanap na lamang ng ibang “funders” na popondo sa proyekto.

Sinabi ni Salceda ang bansang Japan ang nagbigay ng mga tren para sa bagong North-South Commuter Railway Project kaya naniniwala ito na ang Japan ang mag take over sa pagpopondo sa proyekto na inatrasan ng China.

Binigyang-diin ng mambabatas na ang pag-unlad ng ating bansa ay hindi dapat gamitin bilang diplomatic leverage sa mga inaakalang magkakaibigan.

Ayon kay Salceda, susubukan niya ang kaniyang makakaya kasama si Secretary Jaime Bautista at ang kaniyang network bilang dating tagapangulo ng Green Climate Fund at kasalukuyang adviser sa Incheon Metropolitan City sa Korea kung aling mga bansa ang willing na pumalit sa China.

Aniya, hindi lang China ang nagsusulong ng pagpopondo sa mga proyekto ng tren sa bansa gaya na lamang ng bansang Singapore na namumuhunan nang malaki sa pribadong sektor sa Pilipinas.

Inihayag ni Salceda na ang South Korea ay nagbigay din ng mas maraming tulong at foreign grants sa bansa. (Daris Jose)

Food imports, target na subsidiya para pagaanin ang inflation sa Pinas

Posted on: July 18th, 2022 by @peoplesbalita No Comments

SINABI ni Pangulong Ferdinand “Bongbong” Marcos Jr. na ang food importation para dagdagan ang suplay at targeted subsidies sa mga “most vulnerable sectors” ay makapagpapagaan sa mataas na global inflation na lumigwak na sa Pilipinas.

“We have a comprehensive set of interventions to effectively balance the need to sustain growth momentum while containing inflationary pressures and their cascading effects on the economy,” ayon Kay Finance Secretary Benjamin Diokno sa idinaos na puling ng G20 finance ministers at central bank governors.

Bagama’t hindi kasali ang Pilipinas sa G20 grouping ng world’s economic giants, inimbitahan naman si Diokno bilang bisita ng Indonesia, host country ng meeting ngayong taon.

“To keep food prices accessible, the government wanted to increase agricultural output while sustaining importation of certain commodities like corn, pork, and rice, at lower tariffs under ex-president Rodrigo Duterte’s Executive Order (EO) No. 171 effective until this year’s end,” ayon kay Diokno.

“Also, “targeted subsidies have been allocated to cushion the impact of rising fuel prices on the public transport sector,” dagdag na pahayag nito.

Para sa taong kasalukuyan, ang nakalipas na administrasyon ay naglaan ng P47.5 bilyong piso bilang financial aid sa mga labis na tinawagan ng sumirit na presyo ng langis, P41.4 bilyong piso sa unconditional cash transfers sa mga pinakamahihirap ng populasyon, P5 bilyong piso fuel subsidies para sa mga drivers at operators ng public utility vehicles (PUVs) at P1.1 bilyong piso sa fuel discounts sa mga magsasaka at mangingisda.

“To date, the Department of Budget and Management (DBM) has already released P16.7 billion of these subsidies, funded by windfall from the incremental import duties and taxes being collected from costly fuel. But with the economy expected to fully recover by the middle of this year, these subsidies would no longer be given next year,” ang pahayag ni Diokno. (Daris Jose)

‘Top Gun: Maverick’ Crosses the $1.2 billion Mark and Breaking a Paramount Record

Posted on: July 18th, 2022 by @peoplesbalita No Comments

Top Gun: Maverick has entered the stratosphere, becoming the highest-grossing film ever to be released by Paramount.

The film, which came to theaters on May 27, is a many-years-later follow-up to the 1986 hit Top Gun. Tom Cruise reprises his role as the hotshot fighter pilot Maverick, this time assigned to teach a brand new group of pilots as they prepare for a special mission. This includes Rooster Bradshaw (Miles Teller), the son of Maverick’s friend Goose, whom Rooster blames for his Goose’s death.

Top Gun: Maverick immediately showed its box office potential when it raked in a massive $126 million during opening weekend. This was not only the best opening weekend in Cruise’s career, it was one of the few films to pass the $100 million opening mark since the beginning of the pandemic. Since then, it has continued to dominate the box office.

In the weeks since its release, it has never dipped below #3 at the weekend box office, even when competing with major releases like Minions: The Rise of Gru and Thor: Love and Thunder.

Per Deadline, the success story of Top Gun: Maverick just keeps soaring to greater heights. The film has now earned $602.5 million in international markets on top of its domestic gross of $606 million, bringing its cumulative total to a whopping $1.2 billion worldwide. This total has made it the highest-grossing Paramount film of all time, beating out their previous reigning champ, Transformers: Age of Extinction, which earned $1.1 billion.

One interesting thing to remember is that the box office for Maverick is still weighted in favor of domestic, with the U.S. box office accounting for more than 50% of the film’s global gross. This is not surprising, considering the fact that a film about the American military won’t sell in certain international markets despite the film’s efforts to keep the enemy soldiers from being labeled as being from any specific country.

The margin between domestic and international has been closing as the film opens in more and more markets, but it’s still entirely unusual for a film that is this successful to be driven largely by American audiences. To compare, Age of Extinction only earned $245 million domestic, with the rest of its enormous gross made up by its $858 million international gross.

On top of this Paramount record, Top Gun: Maverick is the highest-grossing film of the year so far, beating out Doctor Strange in the Multiverse of Madness. As it continues to rake in the cash, it is rising ever closer to joining the Top 10 domestic films of all time.

It is just $14 million away from that point, at which point it would surpass The Incredibles 2 and Star Wars Episode VIII: The Last Jedi to earn the #10 slot. (source: screenrant.com)

(ROHN ROMULO)

Netizens, nilait-lait ang logo ng newest free TV network: WILLIE, pumirma na ng kontrata kaya tuloy na ang pag-ere ng AMBS 2

Posted on: July 18th, 2022 by @peoplesbalita No Comments

TULOY na tuloy at wala nang urungan ang operasyon ng Advanced Media Broadcasting Systems o AMBS Channel 2 na pag-aari ng pamilya ni Manny Villar.

Ang AMBS 2 ang newest free TV network sa bansa na ang frequency ay dating pag-aari ng ABS-CBN.

At isa nga sa aaabangan ang pagbabalik ng well-loved game show and public service program ni Willie Revillame, ang “Wowowin”.

Sa pagpirma ni Kuya Wil ng kontrata sa AMBS 2 ay magiging miyembro rin siya ng executive committe na bubuo ng mga bagong programa na kung saan katuwang niya ang presidente ng TV network na si Beth Tolentino.

Ayon pa sa naging pahayag ni Willie, kung walang magiging aberya, baka sa darating na Oktubre na mapapanood ang mga programa para sa AMBS at manunguna ang “Wowowin: Tutok To Win” na siguradong marami na namang mahihirap ang matutulungan.

Halu-halo naman ang naging komento ng mga netizens:

“Ay grabe ang sipag sipag ni kuya wil, ok na rin yan madami naman natutulungan.”

“Ang pangit ng logo ng ambs. Ang yayaman nila hindi makakuha ng magaling na graphic artist.”

“Andami daming magagaling na art director sa mga ad agencies pa lang e. Haha sana pinirata na nila mapera naman sila.”

“Yan din problema sa pinas ang yaman naman ng producer pero kuntento sa ok nang design tignan niyo sa GMA and ABS.”

“Nasaan ang design? Wala akong makitang design.. Parang tinype lang sa microsoft word eh.”

“Oh wow! Willie is really something else. I admire him. Imagine he was a strikes oil before and now a succesful people. Is he considered an executive to that network? Cause thats major! He is very perspiring.”

“Weird that they really have to use ABSCBN’s colors though. The network has no patent to the colors but knowing the frequency was used by them, the new network could have used other colors to have their own identity. Also, it reads Ambstos (AMBS2).”

“They’re mocking abs in some ways.”

“Dinagdag lang yung “M” sa ABS… But I ain’t gonna support them dahil nasa kanila yung ABS frequency pero di ako susuporta sa land grabber.”

“Walang kataste taste tong mga Villar kahit ang yayaman. Logo pa lang ang chaka na 😂😂😂👀

“Yung TV5 dati matagal na sa TV. ABC 5 yan, since bata ako then around 2011 or 2012 nagrebrand to TV5. May programs rin yun bago nagrebrand. Explosive. It showed promise kasi ok ang pr team nila at marketing team. Nag-exodus lipatan pa nga dahil dun. Pinirate ang big stars ng networks. Pero waley. Itong AMBS may vibe na parang waley. Tapos si Willy pa ang isa sa boss. Naku too emotional na mamaktol at power tripper.”

“Oh well i am not supporting them. I have to wait at least 30 years before they can make name for themselves. Ilang years na ba ang tv5 pero still waley.”

“wag mo nman idiscredit ang tv5 dhil during their early days, talagang umingay ang tv5 due to panguguha ng talent controversy and few awesome shows like midnight dj. Un nga lng, ningas kugon nga lng sila which sayang.”

“Ano to? Ambastos network? Napaka eighties ng logo at chakaness just like the owners.”

“Hope the network can sustain programming,production,etc. & most of all strong sales and marketing team gives you the benefit of the doubt thank you.”

“Hindi sila nakaisip ng magandang pangalan? at magandang logo? Sounds like hindi pangmatagalan eh. ambs…baka maging amps yan short from amp*ta.”

“Ano ba ito. Parang 80s nung panahon ng IBC 13 ganyan mga logo.”

“Ipinilit lang tlaga ang network na to pra mpabagdak ang abs.. goodluck nlang!”

(ROHN ROMULO)