HINDI alam ni Ruffa Gutierrez na magkakaroon siya bigla ng issue sa kasagsagan ng promo ng “Maid in Malacanang.”

Nabanggit pa nga sa kanya ni Direk Darryl Yap na may issue kay Ella Cruz at biniro pa siya ng director na baka bigla rin siya magkaroon ng issue.

True enough, idinadawit ang pangalan ni Ruffa sa hindi umano nito pagbabayad ng sweldo ng dalawang katulong, na humingi ng saklolo sa dating Comelec Commissioner na si Rowena Guanzon.

Pero sinabi ni Ruffa na wala raw siyang pagkukulang sa dalawang katulong na gusto nang umalis sa kanyang poder habang siya ay wala at nasa shooting.

Palitan tuloy sila ng tweets ng dating Comelec commissioner who took the cudgels for the housemaids. Pero Ruffa maintains hindi niya inagrabyado ang mga katulong. Wala siyang utang sa mga ito.

***

PUMIRMA na si Wiillie Revillame ng kontrata sa Advanced Media Broadcasting Systems (AMBS).
Pero ayon sa AMBS President na si Maribeth Tolentino, wala pang malinaw na title o posisyon si Willie sa bagong TV network.

Pero umaasa si Willie na ang nabuo niyang partnership with Mr. Villar ay magiging fruitful in the long run.

Thankful siya sa tiwalang ibinigay sa kanya para maging parte sa pagsisimula ng bagong network na magiging bagong tahanan ng “Wowowin.”

Sinabi rin ni Willie na bukas ang AMBS sa pagtanggap ng mga bagong empleyado lalo, kabilang ang mga dating employees ng ABS-CBN.

Kailangan lang daw na mag-apply ang mga ito, lalo ang production at technical staff na kakailanganin nila sa pagbubukas ng network.

Basta ang objective niya ngayon ay makabalik sa ere ang “Wowowin” para maipagtuloy niya ang pagbibigay ng saya sa mga manonood. Gusto rin niya na mapasaya ang Pinoy overseas kaya balak niya dalhin ang “Wowowin” sa Middle East, Hong Kong at iba pang lugar na maraming OFWS.

Gusto sana ni Willie na before the end of the year ay mailunsad na nila ang AMBS 2 para maituloy na nila ang Wowowin at isa pang game show.

Sinabi niya na inalok nga siya ni dating Pangulong Duterte at Sen. Bong Go na tumakbo sa Senado pero mas pinili ang kanyang showbiz career at Wowowin dahil dito siya masaya.

“Wala akong alam sa paggawa ng batas. Hindi ko alam kung ano ang gagawin ko roon. Di dahil popular kang artista ay tatakbo ka na. Mas gusto ko na makapagbigay kasiyahan sa paraan na alam ko,” wika pa niya.

***

SABI ni Darryl Yap, ang kontrobersiyal na director ng upcoming movie na “Maid in Malacanang”, gumagawa raw siya ng pelikula para sa mga hindi naniniwala sa kanya.

Pero naniniwala raw siya na ‘yung mga taong nagsasabi na hindi panoorin ang pelikula niya ay pinapanood pa rin naman ang mga movies niya.

Masayang-masaya raw siya sa atensiyon at panahon na ibinibigay sa kanya ng mga tao (he is probably also referring to his bashers).

“Ang tagumpay ng pelikula ay hindi lamang sa papuri kundi sa masustansiyang at kapaki-kapinabang na puna na maaring galing sa mga kakampi o mga kalaban ngunit ang mahalaga, kakampi man o kalaban ang importante nanood. Doon pa lang masaya na ako doon,” pahayag ni Direk Darryl.

Nang tanungin kung magkakaroon ng sequel ang “Maid in Malacanang”, sinabi niya na trilogy raw ito.

Depende rin kung ano ang sasabihin ni Sen. Imee Marcos dahil ang mga conversations daw nila ng senadora ang pinagsimulan ng kwento ng movie.

Naniniwala rin siya na posibleng magkatotoo ang sinasabi niyang trilogy dahil grabe ang suporta ng Viva sa project, pati na rin ang suporta ng mga nagsasabing panonoorin nila ang movie.

Sabi niya ang tagumpay daw ng isang pelikula ay dapat sinusukat sa dami ng mga taong nanonood kasi ang paggawa ng pelikula ay isang negosyo.

Siyempre naman gugustuhin ng isang film producer na kumita ang pelikulang ginastusan niya.

Showing na “Maid in Malacanang” in cinemas nationwide on August 3 and worldwide via streaming.

(RICKY CALDERON)

SINUSUBAYBAYAN ngayon ng mga netizens ang nangyayari sa tila scandal sa pagitan nina Maggie Wilson at Victor Consunji na ngayo’y estranged couple na.

Kung si Victor ay kilala bilang business mogul bilang young CEO of Victor Consunji Development Corporation, hindi rin pwedeng isnabin ang mga pansariling achievements ni Maggie kahit sa business world, hindi lang sa lifestyle at fashion.

Marami na ang lumabas at nasulat sa recent scandal ng paghihiwalay nila. At sa lahat ng ito, kahit alam ni Maggie ang influence, wealth at power ng ama ng anak, ipinapakita niya na hindi niya ito uurungan at palaban siya.

Nag-post si Maggie sa kanyang Instagram story na, “Just finished a 3 hour meeting with my lawayers. I am ready to fight.”

Kasunod nito, sinabi rin niya na tatlong araw na mula nang putulan ng maintenance ng DMCI ang unit na tinitirhan niya sa Bambang, Taguig at hindi pa rin nire-restore ang kuryente. Pero, sinabi rin niya ang dahilan kung bakit sa kabila ng marami ang nag-o-offer sa kapatid niya na si Beth Wilson, limang taong pinsan at mga kasambahay ng pansamantalang matutuluyan, hindi umaalis at hindi iniiwan ng mga ito ang bahay niya.

Ayon kay Maggie, “Power has not yet been restored after several attempts. Thank you to the people who helped arrange for a generator. You know who you are.

“And to my neighbours who so kindly offered to share their electricity to my sister, 5 year old cousin and staff.

“It has been over 48 hours since our power was cut. If you’re wondering why my family and staff will not move out of the property dispite them restricting my rights and electricity this is still conjugal property.

“On principle, I/we my sister and I refuse to be bashed around like a lot of other women in the Philippines.”

At saka may pahabol siya na, “My strong, bad ass sister is refusing to stay in a hotel, get another property, and has turned down offers from our friends to stay at their places.”

So, sa huli, aabangan na lang talaga kung sino ang mananalo sa laban na ito. Sana ang anak pa rin nila na si Connor.

***

MARAMI ang naaliw at natawa dahil sa itinuweet ni Alora Sasam na short video.

Obviously sa shoot ito ni Kathryn Bernardo na base sa mga nabasa naming comments ay endorsement shoot daw.

Na-video ni Alora si Kathryn nang mag-hi siya rito, pero hindi siya namukhaan ni Kathryn at nag-hello naman sa kanya, pero ‘yung tipo ng hello na pang- “general” o hindi niya kilala ang binati.

Eh, alam ng lahat kung gaano ka-close bilang magkaibigan sina Kathryn at Alora. In fact, si Alora pa ang kasama ni Kathryn nang magbakasyon sa Thailand bago sumunod ang boyfriend na si Daniel Padilla.

Ang tweet ni Alora, “Congrats @bernardokath. Sana kapag sumikat ka na makilala mo pa rin ako. Sa sobrang pormal ng hello mo nagdalawang-isip ako kung ikaw din ba si Kathryn.”

Nakabawi naman agad si Kathryn nang ma-realize nito na si Alora pala ang nag-hi sa kanya at saka natatawang binalikan ang kaibigan at sinabing, “Ay, si Alora pala ‘to!”

Sey ng mga comment, “Nakaulit na ako ng katatawa.”

“Bakit ‘di ka nakilala ni Kath? Hahaha.”

“This vid just proves that Kath is really mabait even off-cam.”

***

EMOSYONAL ang naging panayam ni Ogie Diaz sa mahusay na actress na su Gina Pareño sa kanyang You tube channel.

Inamin niya na talagang na-rehab siya dahil sa pagda-drugs. Pero talagang simula raw no’n, up to this day, hindi na siya gumawa o umulit pa. Yun daw ang pinaka-lowest part ng buhay niya.

“Buti nga nakulong ako. Kung hindi, hindi siguro ko nagbago, nalulong ako. At saka talagang wala, I’ve learned my lesson.”

Aminado naman siya na nagyo-yosi na lang siya, pero natatawang sabi niya, “hayaan niyo na, akin na lang ‘yon.”

Pero umiiyak ito na sabi nga niya, nami-miss na raw niyang umarte.

“Gustong-gusto ko pang umarte. Sana mabigyan ako ng role. Sana makasama ko kayong lahat. Ito, gusto ko ‘to, naiilawan ako ulit.”

Dahil din daw sa pandemic, talagang nawalan siya ng pagkakataon lalo na umarte. Pero pagbibigay diin niya, “Gustong-gusto ko pang umarte. Gustong-gusto ko pang nakakakita ng camera. At saka, ‘yang papanoorin ako ng tao.”

Umiiyak din na sabi niya, “Kaya nga nagti-Tiktok ako, nakakaraos ako sa arte. Salamat, tinangkilik nila ‘ko sa Tiktok.

At in fairness, may less than 2 million followers na nga siya sa Tiktok ha.

(ROSE GARCIA)

KAALIW at marami talaga ang natuwa sa IG post si Charlene Gonzalez-Muhlach na kung saan muling pinamalas ang galing niya sa pagsasayaw at hindi pa rin kumukupas paglipas ng maraming taon.

Caption ng iconic dancing queen, “Have not danced in years. It was such a pleasure to do an impromptu dance & reunite with my dance partner from Eezy dancing & Keep on dancing, Albert Dimarucut.”

Pagpapatuloy pa ng mommy nina Andres at Atasha, “So much fun memories I miss dancing, my VIP family & Maribeth Bichara. Who taught me everything I know about dancing.

“First time as well for my kids to see me dance live. It was such a special Day…”

Dagdag pa niya, “Just sharing my happiness with you all. Keep on Dancing everyone. Much love always.”

Comment naman ang guwapo pa ring asawa ni Charlene na si Aga Muhlach, “Yaaaaz!!!!!! you challenging me my love??? Hahahaha.”

Na sinagot naman niya ng, “@agamuhlach317 yes B. Let’s dance, he he.”

Alam naman natin noong kabataan ng busy pa ring aktor, na ang husay din nitong sumayaw. Kaya mukhang kaabang-abang ang magiging showdown nilang mag-asawa sa pagsasayaw.

Samantala, pinusuan at aliw na aliw nga ang mga celebrity friends niya at mga followers, na halos isa-isang niyang nireplayan. Napa-throwback talaga ang karamihan at inalala ang mga episodes ng “Eezy Dancing” at “Keep On Dancing”, na kung saan tumatak talaga sa viewers ang husay pagsasayaw ni Charlene.

Hindi naman nakalimutang i-promote ni Charlene ang movie series ni Aga, ang “Suntok sa Buwan” na nag-premiere na kagabi sa TV5, na kung saan kasama sina Elijah Canlas, Albie Casino at Maris Racal.

Mukhang promising naman ang naturang serye na produced ng Project 8 Projects at Cignal Entertainment, na literal na ‘suntok sa buwan’ ang pagbangga sa mga news program ng GMA-7 at Kapamilya Channel.

(ROHN ROMULO)