Ang Diyaryong Pinagkakatiwalaan
IBINUNYAG ni Russian tennis player Daria Kasatkina na ito ay gay.
Ayon sa world ranked number 12 na siya ay mayroong nakarelasyon na isang babae na si figure skater Natalia Zabilako.
Lumabas ang espekulasyon matapos na makita ang larawan ng dalawa sa social media.
Dagdag pa nito naging mahirap sa kaniya ang paglabas sa tunay na kasarian niya lalo na at mahigpit ang batas sa Russia laban sa kanila.
LUNGSOD NG MALOLOS- Nananawagan si Gobernador Daniel R. Fernando sa mga Bulakenyo na magpabakuna ng karagdagan laban sa COVID-19 kasabay ng pagharap ng lalawigan sa tumataas na bilang ng mga positibong kaso.
“Bagaman hindi pa gaanong kalala ang pagtaas ng kaso ng COVID dito sa ating lalawigan kumpara sa mga karatig nating lugar, nananawagan po ako sa ating mga kalalawigan na huwag nang hintayin ang paglala ng sitwasyon ng COVID bago tayo umaksyon. Bukas po ang ating mga vaccination sites upang makapagpa-booster tayo, at bigyan ang ating mga sarili ng karagdagang proteksyon laban sa COVID-19,” anang gobernador.
Sa ulat ni Provincial Health Officer II Dr. Hjordis Marushka B. Celis kahapon sa ginanap na online na Lingguhang Pagtataas ng Watawat, sinabi niya na nakapagbakuna na ang Pamahalaang Panlalawigan ng kabuuang 5,756,301 bakuna kontra COVID at 647,334 lamang dito ang booster shots.
Binanggit din niya na 2,490,490 o 82.63% ng eligible na populasyon ang kumpleto na ang bakuna laban sa COVID-19.
Samantala, ibinahagi rin ni Celis na kasalukuyang ipinatutupad ng Bulacan Medical Center ang Appointment System upang maiwasan ang pagdagsa ng pasyente sa Out-Patient Department at mailayo sila sa posibilidad ng pagkalat ng virus.
Maaaring tumawag ang mga Bulakenyo sa BMC Hotline sa (044) 482-4207 o magpa-rehistro sa OPD Online Appointment sa www.facebook.com/BMCOPDKonsulta upang makapag-iskedyul ng pagbisita sa ospital mula Lunes hanggang Sabado.
Dagdag pa ni Celis, tatanggapin ang mga emergency na kaso sa ospital, 24 oras sa isang araw.
Nakapagtala ng 660 bilang ng aktibong kaso sa Bulacan noong Hulyo 18 habang sa kabuuan, nagkaroon ang lalawigan ng 110,617 beripikadong kaso ng COVID-19, 108,225 na paggaling, at 1,732 na pagkamatay. (BISHOP JESUS “JEMBA” M. BASCO)
AABOT umano sa 1.9 billion ang halaga ng Social Amelioration Program (SAP) subsidy ang bigong maipamahagi ng Department of Social Welfare and Development (DSWD) para sa mga benepisaryo ng naturang ayuda base sa latest report mula sa Commission on Audit (COA).
Sa 2021 annual audit report ng COA sa DSWD, nakasaad na ang iginawad na Cash Advances (CAs) sa Special Disbursing Officers (SDOs)/Accountable Officers (AOs) ng DSWD Field Office sa National Capital Region at Region 6 o Western Visayas para sa implementasyon ng SAP na nagkakahalaga ng P1,908,536,000 ang hindi umano naipamahagi sa mga benepisaryo na napagkaitan ng kinakailangang financial assistance sa kasagsagan ng pandemya.
Lumalabas sa records ng COA na nasa kabuuang P1.753 billion cash assistance o ayuda ang bigong maipamahagi ng DSWD field office sa NCR habang nasa P155.094 million cash aid naman sa field office Region 6.
Ang cash subsidy sa ilalim ng SAP – Emergency Subsidy Program (ESP) ay inilaan para sa Bayanihan to Heal as One Act or “Bayanihan 1″ kung kaya’t ang hindi naipamahaging halaga ay ibinalik sa Bureau of Treasury (BTr) nang magpaso ang batas noon pang 2020.
Ayon sa COA, ang halaga ng cash advances na ni-refund ng Special Disbursing Officers at Accountable Officers mula sa field office sa NCR ay mas mataas pa kumpara sa naibigay na cash aid sa SAP beneficiaries.
Sa report ng COA, nakasaad na ang refunds ay nag-ugat sa mahina raw na pagpaplano at monitoring sa parte ng mga nag-iimplementa ng naturang programa dahil nasa 15% hanggang 30% lamang ang payment turnout kumpara sa refunds mula sa kabuuang iginawad na cash advances.
Naobserbahan din na ang schedules ng payouts ay hindi natukoy bago balangkasin ang cash advances para sa SAP.
Maliban sa pagsasagawa ng deduplication process ng DSWD sa SAP beneficiaries, ang iba pang dahilan na nakita batay sa NCR field office sa kabiguang maipamahagi ang SAP aid ay ang isyu sa pakikipag-coordinate sa LGUs lalo na pagdating sa pagsisimula ng pagrolyo ng payout ng SAP beneficiaries dahil sa restriksyon bunsod ng COVID-19 pandemic.
Paliwanag pa ng FO NCR na mayroon ding sariling programa ang LGUs na urgent gaya ng SAP.
Samantala, nagpaliwanag din ang DSWD field office sa Western Visayas sa mababang distribution rate.
Ito ay dahil umano sa kawalan ng accurate na listahan ng mga benepisaryo bunsod ng kawalan ng kapasidad ng DSWD na mag-install ng karampatang monitoring at control mechanism sa pagbibigay ng SAP aid sa pamamagitan ng service provider.
Nagresulta ito sa incoherence ng undistributed grant na hindi naipamahagi ng mga program implementers.
Kung kaya’t malaking halaga ang hindi nagamit sa pondo ng gobyerno ang ni-refund na lamang matapos ang 2 hanggang 6 na buwan na nagamit pa sana bilang ayuda sa mga mahihirap sa gitna ng pandemiya.
Kaugnay nito, inirekomenda ng COA sa DSWD na atasan ng ahensiya ang kanilang regional directors at program implementers na planuhing maigi ang paggawad ng cash advances sa mga Special Disbursing Officers at Accountable Officers para ganap na matugunan ang mga pangangailangan sa naturang programa.
Samantala, nasa kabuuang P2.552 billion sa cash advances na ipinamahagi ng DSWD sa mga SDOs at AOs kaugnay ng pamamahagi sa SAP ang nananatuiling uinliquidated.
Inirekomenda ng COA sa DSWD na i-demand ang lahat ng SDOs at AOs na magsumite ng kaukulang liquidation documents at agarang i-refund ang lahat ng unexpected balance kaugnay ng SAP implementation. (Daris Jose)
PAPALO na raw sa mahigit P310 million ang nailabas ng Land Transportation Franchising and Regulatory Board (LTFRB) na pondo bilang bayad sa bus operators ng EDSA Carousel matapos ma-delay ng dalawang linggo.
Tiniyak naman ni LTFRB chairperson Atty. Cheloy Garafil na sapat ang kanilang pondo para sa sahod ng mga bus operators sa ilalim ng free ridership program ng pamahalaan.
Iginiit naman ni Garafil na ipa-fast track at tutugunan nila ang payment issues kaugnay ng EDSA Bus Carousel hanggang sa katapusan ng buwan ng Hulyo.
Una rito, inanunsiyo ni President Ferdinand “Bongbong” Marcos Jr. na palawigin pa ang libreng sakay sa EDSA Bus Carousel hanggang December ngayong taon.
Sa ilalim ng service contracting program, ang mga public utility vehicle (PUV) operators at drivers na makikilahok sa free ridership program ng pamahalaan ay makakatanggap ng one-time payout at weekly payments base sa kilometerong nabiyahe ng mga ito kada linggo mayroon o wala silang pasahero.
RINGING beyond the $100M-mark global box-office, Universal Pictures’ The Black Phone has successfully brought in the horror genre fans once again to the cinemas and continues to do so, making it one of the “biggest non-sequel horror” films to-date.
The Black Phone is now showing in Philippine cinemas, starring a subtle powerhouse of veteran and young talents led by Ethan Hawke along with Mason Thames and Madeleine McGraw who continue to earn praises and raves for their work in the film.
The Black Phone is based on the short story by Joe Hill (son of legendary horror author Stephen King) where Ethan Hawke takes on the role of The Grabber, a child abductor and serial killer. Both the short story and the film follow 13-year-old Finney (Thames), abducted by The Grabber in a small town in northern Denver. Locked in the killer’s soundproof basement, Finney discovers that he can hear the killer’s previous victims through a disconnected black rotary phone on the wall.
In most films about child abduction or serial killers, the victim needs to be rescued by an intrepid, driven detective or other adult. In The Black Phone, the well-meaning adults are essentially useless and the kids – Finney himself, the voices of the dead boys on the phone, and especially Finney’s younger sister, Gwen (McGraw) – are the only people who can possibly save Finney from certain torture and death.
Beyond the blood-chilling terror, it’s a film about the strength of children, their ability to believe in unseen forces, and the power of family and love to endure even the darkest, most unthinkable events.
Set in the ‘ 70s, for Gen Xers, this was a time without anti-bullying initiatives, where, for boys in particular, learning to defend yourself against mean kids was considered a normal rite of passage.
“My earliest memory up until high school was the violence of the neighborhood that I lived in,” director Derrickson says. “The primary feeling that I remember having as a child was fear. I was the youngest kid on the street full of bullies.”
Hawke was, in fact, hesitant at first since The Grabber is a failed magician who is shrouded in darkness.
“Some part of The Grabber’s soul has been so eroded that he can justify doing things that most of us can’t even think about,” Hawke says. “It’s hard to play that level of malevolency because it’s impossible to justify.”
The script, and in particular the relationship between Finney and his sister Gwen, changed his mind. “I thought it was special because, yes, it’s a scary movie, but it has a heart of gold,” concludes Hawke.
The Black Phone is rated R-13 by the local censors board (MTRCB), only 13 years old and above are allowed inside the cinema.
(ROHN ROMULO)
HABANG papalapit ang 7th anniversary sa ere ng FPJ’s Ang Probinsyano, lagi pa rin kami nakababasa ng mga comments sa social media na sana raw ay tapusin na ng ABS-CBN ang action-serye ni Coco Martin.
Sabi ng mga netizens, nakakasawa na raw ang takbo ng kwento. Feeling nila ay niloloko na lang daw ang mga tao kasi hindi na raw makakatotohan ang takbo nito.
From FPJ’s Ang Probinsyano ay parang tumalon daw ang kwento nito sa Ang Panday dahil sa paglabas ni Coco sa isang episode na may hawak na espada.
Pinuna rin nila ang eksenang nabaril si Aurora (Sharon Cuneta) at akala din namin ay namatay na siya. Pero buhay pa pala at sabi ng netizens, nakuha pang makipagtalik kahit may sugat sa tama ng baril.
Pero sabi ng isang cast member na aming nakausap tuloy pa rin ang taping nila ng show at malabo pang matapos ang FPJAP, not in the immediate future.
Sabi naman ng defenders ng show, kung naiinis kayo sa takbo ng kwento ng FPJAP, pwede naman silang hindi manood.
***
NAKASALI si Direk Ivan Payawal kay Ash Malanum sa pagsusulat ng script ng PaThirsty.
Mas kilala kasi ni Ash ang mga characters ng Gameboys kung saan nagmula ang karakters nina Mayora (Adrianna So) at Achilles (Kych Minemoto).
Kaya may input din si Direk Ivan sa mga karakter, pati sa casting.
For the role of Ali, ang anak ng resort owner, choice nilang lahat si Alex Diaz, who proved he is not just a pretty face but he can act.
Natuwa rin si Direk Ivan na nag-blend ang casting nila ng anim na characters.
“Minsan akala mo okay sila magkakasama pero pagdating sa set, wala palang chemistry. I must say na perfect ang casting naming sa movie,” sabi ni direk Ivan.
Very generous daw ang cast at nagtutulungan to make every scene work.
Mahirap daw ang shoot nila ng PaThirsty pero parang connected silang lahat, the stars and the production kaya nag-enjoy sila working sa pelikula.
The movie also stars Chad Kinis, Bob Jbeile and Kate Alejandrino.
(RICKY CALDERON)
HINDI nagdamot ng kanyang oras ang Asia’s Multimedia Star na si Alden Richards para magsilbing inspirasyon sa mga bagong Sparkle artists.
Kahit napaka-busy ng schedule ni Alden na tinatapos na ang bagong primetime series, ang “Start-Up” at naghahanda rin sa pag-alis niya for the U.S. concert tour of “ForwARd” ay naglaan pa rin ito ng oras para magbigay ng konting talks at makapag-motivate at inspire ng mga bago niyang kapatid sa Sparkle.
Paraan na rin ito ni Alden ng pagpe-pay it forward sa pagsi-share ng mga naging karanasan niya mula simula ng kanyang journey sa showbiz. Incidentally, may ilang mga Aldubnation fans pa rin pala na hanggang ngayon, ipinagdiriwang pa rin ang anniversary ng AlDub.
Road to 8 years na raw base sa mga tweet ng mga Aldubnation at may naghahanda pa rin sa big event daw sa October 22 and 24, huh! Anyway, malaking bahagi naman talaga ng tagumpay nina Alden at maging ni Maine Mendoza ang AlDub part ng career nila at kung ano sila ngayon.
Sigurado, sa ginawang pagharap at pagsi-share ni Alden ng mga personal niyang karanasan sa mga new Sparkle talents, halos lahat ng mga ito ay mas inspired at motivated.
***
INAMIN ni Coleen Garcia na nai-insecure rin daw siya. Sinabi niya ito sa naging interview sa kanya ni Karen Davila sa You tube channel nito.
Tinanong ni Karen si Coleen na kung ano ang hindi pa alam ng mga fan niya sa kanya. Nagulat si Karen na nai-insecure pa rin ang asawa ni Billy Crawford to think nga naman na isa yata siya may pinakamagandang mukha sa showbiz.
“Of course, I’m really vulnerable in real life. There are those days na hindi mo maiiwasan na I compare myself to other people also.”
May days daw talaga na nakakaramdam siya ng insecurity.
“Yeah and I think, it doesn’t matter on how you look or how you have. If you’re insecure, you’re insecure. It doesn’t matter how you look.”
Naniniwala rin daw si Coleen na may factor ang childhood ng isang tao. Kung insecure raw ito growing-up, nako-condition talaga.
Sa Diyos lang daw talaga siya kumakapit bilang panlaban niya kapag may mga ganitong moment siya.
Sey ni Coleen, “God talaga… at the end of the day, you know who you are. You know, God created you to be significant, you’re loved, you’re valued. It’s for everyone.”
Mukhang mas maraming makakakilala kay Coleen at gayundin kay Billy sa vlog na ito ni Karen. Kung paano sila bilang pamilya at the same time, gaano rin kasimple lang kumpara sa image na nabuo sa kanila ng publiko.
****
HINDI raw napigilan ng actress na si Dimples Romana ang maiyak, gayundin ang kanyang mister na si Boyet Ahmee.
Si Dimples ay nasa Goldcoast, Australia habang si Boyet ay naiwan sa Pilipinas at kasama ang dalawang boys nila, si Alonzo at ang newborn na si Elio.
Sinurpresa ni Dimples ang panganay nilang anak na si Callie Ahmee na nag-aaral ng aviation sa Australia. At nitong Martes nga lang, milestone para kay Callie at sa kanilang lahat ang kauna-unahan nitong pagpapalipad ng eroplano.
Na-witness ito ni Dimples at habang nagpapalipad si Callie, naka-chat namin siya. Sabi nga niya, “She’s up in the air as we spek. Nag-iiyakan kami ni Boyet hahaha.”
Sa IG stories naman ni Dimples, tinawag niyang “stage momma” ang sarili at proud na proud sa anak (sino nga bang magulang ang hindi mapa-proud?).”
Na-video ni Dimples ang unang paglipad ng anak at sey niya, “First flight. Living and slaying life as you should @callieahmee.”
(ROSE GARCIA)
ISANG lalaki na wanted sa kasong rape ang nalambat ng pulisya sa isinagawang manhunt operation makalipas ang halos pitong taon sa Valenzuela City.
Pinuri ni Northern Police District (NPD) Director PBGEN Ulysses Cruz si Valenzuela police chief Col. Salvador Destura Jr, sa matagumpay na pagkakaaresto sa suspek na kinilalang si Edmund Jacinto, 25, residente ng Barangay Maysan at listed bilang isa sa mga most wanted person sa lungsod.
Ayon kay Col. Destura, nakatanggap ang mga operatiba ng Station Intelligence Section (SIS) ng Valenzuela police na naispatan ang presensya ng suspek sa kanilang lugar.
Kaagad bumuo ng team ang SIS sa pamumuno ni P/Major Marissa Arellano saka nagsagawa ng manhunt operation na nagresulta sa pagkakaaresto sa suspek sa kanyang bahay.
Ani Major Arellano, isang 16-anyos na dalagita ang nagsampa ng kasong rape kontra sa suspek noong December 2016.
Si Jacinto ay inaresto sa bisa ng warrant of arrest na inisyu noong March 31, 2017 ni Presiding Judge Evangeline Francisco ng Valenzuela City Regional Trial Court Branch 270 para sa kasong rape at walang inirekomenda ang korte na piyansa para sa kanyang pansamantalang kalayaan. (Richard Mesa)